نسم عليّنا الهوا 
وساعتها كنا ف ملقف 
قلَب النسيم تلطيش 
قالوا مسيرها تنضف
أنا قلت يا مين يعيش .
من مفرق الوادى
بتدب الدبابات
جات مرة بالأحضان
ومرة بالعكوسات
ومرة كان مكتوب
يا فتوة الروايات
مين مسكك نبوت؟
نسم ف لحظة النور
على عمر ضاع ف جحور
ف اللى فتح عمى
وضاع عليه الدور
و الفخ كان منصوب
و الفوله ف الطمع
مآمنش بالمجموع
فضاع اللى اتجمع
تقدر تقول لى انا فين ؟
باقاوم الإنتحار .
الميزة ف الطيران
القدرة على انكار .. شكل اتجاه الريح
مين فيكو لسه صريح
ومعاه خريطة الحق؟
نسم علينا نسيم
كتالوجه كان بيقول
اياكوا و التقسيم
ترتاحوا بالمعقول
فرق هتعمل شق
جمع يبان الفرق
نسم عليّنا الهوا
فنزلنا ف بعض زق .

عمر طاهر

Soundtrack : Mozart In Egypt:Mawal

Nassam 3alina Al Hawa | نسم علينا الهوا | عمر طاهر

لمشاهدة الفيديو
http://www.youtube.com/watch?v=ZIsm4WAQZQo

عملت نفسى لوح خشب
عملت نفسى مركبة
أنا فرصتك يالا الحقى
طب ليه مصرة تغرقى
و تكونى قاسية و متعبة
نفسى خلاص قرب يضيق
باغرق ومع انى الغريق
بامد ايدى أطلعك
بس الغرور بيمنعك
يا خوفى ما أقدرش أنفعك
سَبَق الفراق روح الفريق

عمر طاهر

Soundtrack : Mozart In Egypt:Double Quartet in E Flat

Roh Al Farea | روح الفريق | عمر طاهر

Alaa Fe Alaa | قلق في قلق | هاني شنودة

Za7ma Ya Donia | زحمة يا دنيا زحمة | هاني شنودة
عزف لايف على الاورج


Za7ma Ya Donia | زحمة يا دنيا زحمة | هاني شنودة

  تلت سنين والرابعه
اكيد الرايعه كبيسه
جنب الشغل عماره
ورا العماره منيسه
وانا قاعد مش مرتاح
انا باب ديته مفتاح
كان نفسي اكون سفاح
بس مجبتش مجموع
وانا كل ما بمشي بلاقي
يافطه الوقوف ممنوع


تحت البيت كوافير 
قصاده محل هدوم
صاحبه دايما ملخوم
قلبه صاله بلياردو
وغرس نخله قدامه 
النخل بيحضن ارضه
كل ما تطول ايامه


ازاي الخوف وصلني
لدرجه اني مخفش
ياللي فرقتوا الحب
انا قلبي بجد مخدش
ولا يمكن اكون شحات
اصل كرامتي بتوجعني
وانا كل ما اقول التوبه
ملقاش راجل يمنعني


الجامع فاضي ولكن
دايما حاسه مليان
فوقي ساكن دكتور
شكله علي طول عيان
وجراج الاوبرا اتهد
انا ليه خايف ع السد
وازاي بضحك من قلبي 
وانا واخدها بجد


انا كوبــري قصر النيل
وعشــــره عمــري اسود
انا كوكــب ماشــي لوحــده
ومـافـيـــش للوحــده حـدود
وهـــاسيب تليفوني يرن
انا اصــلا مش موجــود

عمر طاهر | الخريطة | Omer Taher | Al kharita

الفراشه

ياطول الليل على عربيه الستات
وحيده جدا ما بين صحابها ف مخزن

اعرف حاجات تخليني افرح ساعا ت
ونفس الحاجات ساعات تخليني احزن

مكرونه فرن داخله الفرن تتمايل 
يابنت الايه 
يا مجنونه 
يا مكرونه

ياللي هتبقي مذهله
بفعل النار

صح وغلط
حط الاجابه جوه القوس
اخترت صح طلع الغلط ف الاختيار

طلع القمر
طلعوله ناس ف البلكونات

غاب القمر !

قالوا مجاش بقالو كتير

هجم المطر
قاموا قوام لموا الحاجات

الشمس طلعت 

نزل لها الناس بالطوابير

عالحيطه صوره ليه ف البروز
عالسور يمامه رايقه بنيه.............حره 

وانا لوحدي ف سجن الازاز

من الجناحات اخترعوا كلمه "حريه"


على سلم الطياره نازله بتبتسم
مخضوضه لكن ف خضتها ثبات

نحيفه يمكن لكن انثى مأصله
مين اللي قال الانثى بالمقاسات ؟؟

مزيكا دايره
والسجاير بتتطفي
لحظه عاديه
بل كمان لحظه معاده
الحزن ماله مره واحده بيختفي
وسايبني اتعرف لوحدي عالسعاده؟


الفراشة | عمر طاهر | Omer Taher | Al Farasha

First try on mix

بياعين الكلام كتروا
وخلو الفعل مش باين
في ناس.. في الغش بيذاكرو
عاهدهم ما تلاقيش صاين
ياناس للحق انتصروا
عملنا كتير تعال عاين

بنعمل من الفسيخ شربات
وكفة حلمنا طابة
بنكتب في التاريخ صفحات
مدن.. وعيال هتتربى

مفيش في الحاجات دي كسوف .. جميل بنردة ليه لأ 
ده حق بلدنا مش معروف .. شمرنا ايدينا للزقة
ده لحم كتافنا كان من النيل .. وأهو زيي زي اجدادي
ولو حتى طريقنا طويل .. اديني بأمن أولادي

بنعمل من الفسيخ شربات
وكفة حلمنا طابة
بنكتب في التاريخ صفحات
مدن.. وعيال هتتربى

برة حدودها اطلع شوف .. تلاقي الاعداء اشتبكوا
دي حارسة حدودها من غير خوف .. ولادها عليها اتحمقوا
كبيرة الحتة يابلدي .. وكله بعدك الآخر
قريب تدي غريب تدي ..  ناديني هتلاقيني حاضر

بنعمل من الفسيخ شربات | عبد الباسط حمودة

تبدأ طريق وتقول كفاية
خلاص تعبت ودي النهاية
اسمح لي اقولك ان انت تقدر
كل الحكاية محتاج بداية

الحدود هي السما
و بداية فيها فرصة أجمل
افكارنا فيها ملهما
علشان تلاقي طريق تكمل

الصحة تاج .. 
و العلم نور
قالوها اهالينا زمان
شغل محتاج
عجلة تدور
أهلا وسهلاً هنا المكان

الحدود هي السما
و بداية فيها فرصة أجمل
افكارنا فيها ملهما
علشان تلاقي طريق تكمل

فن وأدب علم في كتب
ورياضة تبني جيل لبكرة
اخلاق ودين لكل الكتب 
شارك معانا في كل فكرة

الحدود هي السما | مصطفى شوقي

ناس حلوة 
جواها افكار 
مين قال لأ

دي اول خطوة
في المشوار
محتاجة زقه

بتلف مصر
حياة كريمة
وفي كل مصر 
حاجة عظيمة
بتساعدك تبدأ
اول خطوة
م انت مصري 
وليك قيمة

يابن بلدي صبرت كتير
ومستني بكرة 
 جاين لك مشروعنا كبير
وفيه الف فكرة

بتلف مصر
حياة كريمة
وفي كل مصر 
حاجة عظيمة
بتساعدك تبدأ
اول خطوة
م انت مصري 
وليك قيمة

خط الصعيد دلتا وقنال
بلدنا كبيرة على بحرين 
عايزينك مرتاح البال 
وهنجيلك لو حتى فين

بتلف مصر حياة كريمة | محمد عدوية

تأليف : عمر طاهر 
اخراج : رامي محسن

عمر طاهر | الحب موجود| Omar Taher | al hob mawgood

قاعد زهقان من فيس بوكك
ريح منه تعشبشاي
بتدور على حاجة تفكك
طب فكك وتعشبشاي
لو مضغوط مخنوق قلقان
يبقى تغير ده والآن 
اسمع مني ومهما هيحصل
روق ساعة تعشبشاي

مش سالكة معاك التفاصيل
خليك كوول و تعشبشاي
متدبس مع حد فصيل
افصل منه تعشبشاي
بكرة يحلها ميت حلال
كلمة ظريفة وبتتقال
اسمع مني ومهما هيحصل
روق ساعة تعشبشاي

لو بنتك تعبانة في كلاسها
دي لازمها تيجي تشربي شاي 
واخوها بيضربها في راسها
دول تعبوكي تعشبشاي
هي نصيحة يا بنت الناس
فورا بعد مسائل الmath
اسمعي مني ومهما هيحصل
روقي ساعة تعشبشاي

فكك من مين جوزها سايبها
مش شغلك فتعشبشاي
ومين هتموت ويشوفها صاحبها
طب أقولك وتعشبشاي
فاكس من جو الإشاعات
واللوك لوك والسناب شات
اسمعي مني ومهما هيحصل
روقي ساعة تعشبشاي

عاملين شاينا بخلطة عجيبة
خلطة غريبة تعشبشاي
علطول هتحبوا التركيبة
وهتستنوا تعشبشاي
نضحك ونقضيها هزار
ونصحي املنا باصرار
اسمع مني ومهما هيحصل
روق ساعة تعشبشاي

Ta3shbshai - Ghada Adel - غادة عادل

Youssra El Hawary , Concert in Alginina theater Friday  November 2 

يسرا الهواري |  لسة قادرة| Youssra El Hawary | lessa Adra

يسرا الهواري |   نشاز| Youssra El Hawary | Nashaz

يسرا الهواري |  ريحة الفراق| Youssra El Hawary | Re7t al foraa

يسرا الهواري | قطرة الندى | Youssra El Hawary | katret ak nada

يسرا الهواري |   يا اوتوبيس| Youssra El Hawary | Ya otobees

يسرا الهواري |  كانت ايام| Youssra El Hawary | Kanet Ayam

يسرا الهواري | جيسيكا| Youssra El Hawary | Jisica

يسرا الهواري | العودة| Youssra El Hawary | Al 3awda

يسرا الهواري | المهم | Youssra al hawary | Al mohem

يسرا الهواري | دبدوب| Youssra El Hawary | Dabdoub

يسرا الهواري - لايك جيلي |كنت ناوية أحبك| Youssra El Hawary - Like jelly | kont nawia ahbak

يسرا الهواري - لايك جيلي |اليوستفندي| Youssra El Hawary - Like jelly | El youstafandy

بالمظبوط | يسرا الهواري | Youssra El Hawary | Belmazbout

يسرا الهواري | بينك وبين نفسك| Youssra El Hawary | Beenak w been nafsak

يسرا الهواري| مناظر| Youssra El Hawary |Manazer

يسرا الهواري | المدينة | Youssra El Hawary | Elmadina

قصيدة من قصائد عمر طاهر 

3 AM | Omer Taher |عمر طاهر |3صباحاً

متهيألي اننا هنسيب بعض قريب جدا
علشان كده
رجعت أوضتي النهارده بدري علشان ارتبها..
من ساعة مابدأت علاقتنا
والأوضه غرقانه في الفوضى
حبات الشاي الغرز نشفت في الكوبايه
واخر شفطة نسكافيه اتحجرت في كوبايه تانيه
وبعدين اتشققت زي ارض عطشانه
كتب في كل حته
ماخلصتش منهم ولا واحد
والطفايه لقيتها فين؟
خمني..لقيتها في ايدي...
دش خفيف شال الملح اللي اتحجر حوالين ابتسامتي
ورحت فارد نفسي في سريري
وسبت المزيكا تلف في سقف الأوضه
وأنا حاطط التليفون جنب راس المخده..
مستني مكالمة
تزرعي فيها ألغام مابينا
ألغام تسمح لكل واحد فينا
انه يبعد بثقه
ومن غير أي خوف من عذاب الضمير
ارجوكي.. اتصلي دلوقتي
انا الليلادي باحلم بنوم عميق

الغام | عمر طاهر | Omer Taher | Al Ghaam

منوعات من اشعار عمر طاهر

عمر طاهر | بطولة مطلقة | Omer Tahe | betola motlaka

في الدور الأول أصحابي

وجيراني قاعدين في التاني

وأبويا وأمي في الرابع

وأنا ساكن في الدور العاشق

أنا ساكن في الماضي الغامق

أنا سافل بحب الدنيا

هربان من حكم بتأبيدة

في الدور الأول سألوني

عن اسمي وعن سر جنوني

عن شجرة تحت الشباك

عن جردل علي سور البير

ع الخطة الخمسية الجاية

عن بنت بتلمع في عينيا

عن وردة وشادية وفيروز

عن لحظة باتحول فيها

من ميكانيكي إلي أراجوز

عن قهوة سكر مضبوط

عن شلة رايحين الحفلة

وماحدش راجع مبسوط

عن جرحي اللي مابفتحوش

عن صاحب رمّة ومغشوش

نزلني ف ماطلعتوش

عن نمرة تليفون البيت

في الدور التاني سألوني

عن واحدة بتجيلي الشقة

عن أزمة حنية مفاجئة

ف شباك صالة المفتوح

عن ضحكة ما بتقولش كتير

وقميص اتعلق مجروح

وسلام متوتر مكسوف

وقالوا لي إحنا عارفينك

قلت لهم طب ما أنا معروف

في الدور الرابع ربّوني 

بالخمسة علي وشي ادوني

في الشقة لوحدي وسابوني

وقالوا لي ما تفتحش الباب

في الدور الرابع بعتوني

أتعلم وأرجع بشهادة

ما رجعتش بس اتعلمت

اتعلمت لأني آمنت

وبادفع تمن اللي اتعلمته

وغيابهم عني اتحملته

وغيابي عنهم بقي عادة

أمي قالت لي بطّل قهوة

وقهوة أبويا دايماً سادة

وأنا راجع للدور التاني

في الدور التاني يا جيراني

أنا بكرة ماشي ومش راجع

يا معادي ليلك بقي ساقع

بقي أسقع من الوحدة ونارها

أنا صاحي في ليلها ونهارها

فكرني حلوها بمرارها

وباصرخ بس ماحدش سامع

وأنا راجع للدور الأول

في الدور الأول أرشيفي

رجالة مقاسمها رغيفي

مقاسمها تنويحة خريفة

مقاسمها ورقة بعشرين

عدوية ووردة وجاهين

في الدور الأول أصحابي

وأقربهم ليا الخاينين

وأنا ساكن في الدور العاشق

أنا ساكن في الماضي الغامق

أنا سافل بيحب الدنيا

هربان من حكم بتأبيدة

وباواجه ربنا بإيماني

وباواجه نفسي بقصيدة.


عمر طاهر | عمارة3 و| Omar Taher | Emara 3W

تخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.”


― عمر طاهر


Haitham Abu Akrab

Popular tracks