عمر طاهر   انت فنان حقيقي

موسيقى من فيلم المصير https://soundcloud.com/qaffass/08-aferwees

اللي بيسال علي الموسيقي في الخلفية دي الموسيقي اللي رقصت عليها باليه نيللي كريم في فيلم اسكندرية نيويورك يمكن نحدش يعرفها عشان محدش بيفهم حاجة في افلام يوسف شاهين

متهيألي اننا هنسيب بعض قريب جدا
علشان كده
رجعت أوضتي النهارده بدري علشان ارتبها..
من ساعة مابدأت علاقتنا
والأوضه غرقانه في الفوضى
حبات الشاي الغرز نشفت في الكوبايه
واخر شفطة نسكافيه اتحجرت في كوبايه تانيه
وبعدين اتشققت زي ارض عطشانه
كتب في كل حته
ماخلصتش منهم ولا واحد
والطفايه لقيتها فين؟
خمني..لقيتها في ايدي...
دش خفيف شال الملح اللي اتحجر حوالين ابتسامتي
ورحت فارد نفسي في سريري
وسبت المزيكا تلف في سقف الأوضه
وأنا حاطط التليفون جنب راس المخده..
مستني مكالمة
تزرعي فيها ألغام مابينا
ألغام تسمح لكل واحد فينا
انه يبعد بثقه
ومن غير أي خوف من عذاب الضمير
ارجوكي.. اتصلي دلوقتي
انا الليلادي باحلم بنوم عميق

Comments

Eman saaid

Vema Kotb

Ana Emy De

Hossam Eldin Megahed

Maha Elbadawy

Khalid Masry

Jacqueline ♪

Mrwa Magdy

Ahmed Abdalatif

Salwa Soo