السبب-شعر-محمد الشهاوي..إلقاء صفاء أبوصبيحة

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم

هستيريا - زين ووداد

"مُر يا خال ع بيت الحبايب.. والنبي تمر"- هستيريا

إهداء للموت السهل

أنا 
مش بتاع التجربة
والشكوى لليل الطويل
والصمت
وماليش نصيب فـ الأغنيات
والرقص على طرف الرصيف ابتهالاً للمسافات والسفر
لكن
وانتي بعيد
أنا والقصيدة اتنين يتامى اتقابلوا فـ الغربة
مسح العَجَل دمع الطريق وغُناه
والموت بعيد لسَّاه
لسَّاه ولسَّاكي
وانا جيبي حاضن بالوجع
منديلك الباكي
بيعيَّط المنديل في جيبي ويشتكي
آخر نفَس منِّك
زي ما تكون ابتسامتك وقتها
كت قاصدة تدفن دمعها فـ جيب الجاكت
أنا؟
أنا كويس
أو أكاد
أو بحاول اكون
مُهتم بالتسعيرة
وبالجمعيَّة والنشرة وتوفير الإيجار
علشان ما اباتش جعان
أو ابات نزيل أو ضيف
وانتي 
لسه زي ما انتي
تبعدي تغيبي
وتزوريني فـ طيف
يووووه
هو انتي جيتي ولا انا اللي سكرت
فاصل طويل
عشرين سيجارة بتحرق التفاصيل
والشتا
لسه الشتا 
بيعالج الأحداث
وبينحني بالرعشة على كتفي
يتشدّ شالك تمتلكني الخضَّة والضلمة
و فـ حين ما كنتي بتحتمي
بعينيَّا من زيف الحقيقة
سبتيني واقف زي أعمى 
قلبه خاف م البرد فاستنَّى القميص
هيهات
يا حبيبتي
الخوف هنا أقرب لي من غضب الشوارع
ودعوة امّي
وانكسار البحر 
تحت رجلين زائريه
أهل التراب والمترو والأسفلت
والخوف
-هنا-
مش سهلْ
حتى انتظار الموت هنا
ماعادش الحلْ

٢٠١٦

تم التسجيل والمعالجة باستديو Dosky / ٢٩ مارس ٢٠٢٠

علبة دخان

تمــــــلكتموا عقلي وطرفي ومسمــعي
وروحي وأحشائي وكلي بأجمعــــــي
وتيــهتموني في بديع جمــــــــــــالكم
ولم أدرِ في بحر الهوى أين موضعي
وأوصـــــــيتموني لا أبوح بسركـــــم
فبـــــــــــــاح بما أُخفيِ تفيض أدمعي
ولمّا فنى صبري وقلّ تجلــــــــــــــدي
وفارقني نومي وحُرّمت مضــــــــجعي
أتيت لقاضــــــــــي الحب قُلتُ أحبتي
جفوني وقالــــوا أنت في الحب مُـدّعي
وعندي شهود للصـــــــــــبابة والأسا
يزكــــــــــــون دعواي إذا جئت أدعي
سهادي ووجدي وإكتئآبي ولــــــوعتي
وشــوقي وسقمي واصفراري وأدمعي
ومن عجـــبٍ أني أحنُ اليـــــــــــــــــهم
وأســأل شوقاً عنـــــــــــــهم وهم معي
وتبكيهم عيني وهم في ســــــــــوادها 
ويشكو النوى قلبي وهم بين أضـــلعي
فإن طلبوني في حقـــــــــــــوق هواهم
فإني فقـــــــــــــــــير لا عليّ ولا معي
وإن سجنوني في ســــــــجون جفاهم
دخلت عليــــــــــــهم بالشفيع المُشفعِ


تملكتوا عقلى وطرفى ومدمعى - ابو مدين الغوث


هل تسمعي عن هذي شاعر؟

أو شاعر إذا هذى؟

شايفك في غنوة حرقتها..

وانا جندي في وسط الحرب..

في صورة لبنت حبيتها..

وانا قلبي بشاير قلب..

شايفك مابين المغفرة والذنب..

وبين الصاحب الميت..

وبين الحي..

شايفك كـ مي..

صورة بتفرد نفسها مَية..

شايفك عليا..

ساحت عنيكي على القميص..

وساحت شفّتك ع الكُم..

ماشي وبين السرد والتلخيص..

بايع حكايتك للخلايق شعر..

"
مي الوتر..

عازف سلالم شوق..

مي الشجر..

رش المطر على فوق..

مي اللي كانت وردها يلمع..

ولو تأذن للنهار يطلع..

لو مي كانت هنا دلوقت..

كانت تغني بصمتها ع التل..

ماكنش قول الشعر خانه الوقت..

وماكتش أسراب الحمام هتضل..

قولوا لمي ان النهار ولع..

طال الجدار والتل والمصنع..

قولو لمي ان الرصاص أبله..

ماشي يرش الدم ع الأزمة..

قولوا لمي إن الطريق سكران..

"

سرعان ما كان الوقت خاين..

واتفكّت القضبان عن القُطُرات..

سرعان ما كان اللي رايح جاي..

والجاي مش رايح..

سرعان ما مل القمر م الضي..

والهوا سرق الروايح..

سرعان ما سال الدمع في لمح البصر..

أو تقدري تقولي..

في ملح السؤال

لمين هغني الجرح والفكرة؟

ولمين هبيع الكدب عن بكره؟

واللي اتولد ذكرى..

منين يجيب الأصل؟

وكون الضرب في الميت..

تملي بينتهي بالنصر..

تملي بيشعل المستاء حنين..

نازل أكسر في عضام المقبورين..

وادفن بقايا الصمت في صورتك..

ودوري في الهوا دورتك..

لن ينفعك أثر الفراشة..

إذا زار الحنين الفرش..

لن تجبرك روح البشاشة..

إذا أصبح صمودك هش..

حتما هتسقط وحدتك..

وتحاصرك الصحرا..

حتما هتتأكد نبوءتي..

وأشوفك..

ذكرى..

منتحرة
.


البيدج:
https://www.facebook.com/pages/%D8%A3%D8%AD%D9%85%D8%AF-%D9%85%D8%B5%D8%B7%D9%81%D9%89-%D8%B9%D8%A8%D8%AF-%D8%A7%D9%84%D8%AD%D9%8A/229573007119339

متلازمة مي - أحمد عبد الحي

نايمة في حضن الحجر وغريبة كيف ساعني

#حبيبة_الزين


قصيدة : الحجر - حبيبة الزين

قصيدة مجذوب في حي السيدة - حبيبة الزين

ستفتش عنها يا ولدى فى كل مكان"

صدقنى هتموت م التعب 
واللمعه فى عيونك هتدبل
الناس بتفرح بالوصول لو بعد جهد 
والرحله ممكن تبقى احيانا لطيفة 
طب وانت فى مكانك كده من اربع سنين 
لا بلغت نشوة لانتصار زى اللى وصلوا
ولا رحلتك ضافت لعمرك تجربه
واقف على الاعراف فى حيرة ومندهش
نفسك تجرب ..تنطلق ..تلعب ..... تحب !
لكن قلبك زى اطلال القمر لو شمسه غابت
مطفى ..وموحش ..وابتسامتك ميته
مين اللى يكسب لو حاربت ؟
الدنيا ولا انت ؟ 
نَفَسك يجارى السكه والحمل التقيل ؟
تقدر تنام ؟
ياخى دا انت حتى فشلت فى اجابة السؤال
الجملة واضحة
(ستفتش عنها يا ولدى ..فى كل مكان)
طب هى ايه ؟؟ 
وازاى هفتش عن حاجات معرفش كونها ؟
وازاى هقابل الدنيا عريان الامل عاوز احارب
وانا وانت الناس كلها عارفين بأنى وللأسف دايما زبونها
عارف !
دايماً بشوفك واخد القرعة الغلط 
كل ماتشاتك على ارض المنافس 
وكأن علشان تمشى خطوه فى تصفيات الدنيا محتاج كام جريمة
دلوقتى هقدر اسألك
 تقدر تقول تعريف مناسب للهزيمة ؟
 سواء حاربت بخبث او حتى بشرف.
 اعتقد ان الطريقه الوقتى ملهاش اى قيمة 
 زى اللى صارع الموج عشان ينقذ حبيبته 
 وطلع من الميه التقاها بتحضن الشخص الغريب وتقوله اسفه . 
 زى لما الشعر يغرز وبغباء سيف الشعور الحي فى 
قلوب الفلاسفة 
زى ما تكون انطلقت باقصى سرعه فى سكه صعبه 
تقوم ..تقع .. تضرب ..تزق ..تدوس على دماغك كعوب المشكلات ...تكسب أخيراً
تكتشف انك بتجرى دا كله فى سباق مش سباقك 
وانك خسرت 
وانك بقالك ييجى ستاشر سنه بتدعم قضيه اقل من حجم انتمائك
وان المعانى اللى انت بتدرسها للاطفال غلط 
وحبيبتك اتعشت بقلبك 
وان اللى عامله عشانها ميكفيش تدوق طعم اشتياقك
صدقنى هتموت م التعب 
ولسانك المربوط بأستك صمت مش هيقول قصيدتك
وخطاوى عمرك مهما كانت واثقه متداريش غبائك
 
"وسترجع يوماً يا ولدي ..مهزوماً مكسور الوجدان
وستعرف بعد رحيل العمر .. بأنك كنت تطارد خيط دخان"

اهى دى الهزيمة الحق يا ابنى 
ونزار مبيهزرش خد بالك 
وان كنت عاوز الحسبه كامله مكمله
فانت الصراحه فى عمر عداد الهزايم متساويش اصلا ثوانى 
فبلاش تمثل ان خساراتك فريده 
فكر بعمق ازاى هتتقبل حياتك كل يوم خسارات جديدة
ومتفتكرش انك كده عايش فى بؤس وحزن خام
لسه الليالى الكحل جايه بالانتقام
فاصبر بقا وبطل قلق
او اقولك الافضل كتير عن كل دا !
اقفل نزار واجمد كده وحاول تنام 

محمود عبد الناصر
١٣_١٢_٢٠٢٠

دستور الهزايم | محمود عبد الناصر | ٢٠٢٠

خدها من قلبي| شعر مدحت منير|إلقاء صفاء أبوصبيحة

شاعرة مصرية لها ديوان "سيرة الجميز" حاصل على جائزة الأبنودي وجائزة ساويرس أحمد فؤاد نجم. 

قصيدة : الحجر - حبيبة الزين

habeba elzin

Recent comments

Ahmed abd el rahman

Ahmed abd el rahman

Related tracks