تلات سنين   ع مشهد المفتون. مجنون بعين النوبه وبضيك ماحبش حد يوم قدك ولازيك تلت سنين ويعجز بعدها قولي عن المكتوب يارب قلبي ال اتحني بيحبها وانت رب قلوب 

ايه العبقرية دي ... بجد روعة روعة روعة

الله الله الله يا حبيبة ❤️❤️❤️❤️❤️❤️❤️❤️ جميل جدا يا حبيبتي 😘❤️❤️❤️❤️❤️❤️❤️❤️❤️❤️❤️❤️❤️❤️

حلو ده .. بالتوفيق ان شاء الله 👏🏻♥️

ابعد من صوتي لما بقول عمه

قصيدة الميدان للشاعر عبدالرحمن الابنودي بموسيقى عمر خيرت

قصيدة الميدان - عبدالرحمن الابنودي

ضحكة المساجين .. عبدالرحمن الأبنودي

بقرة حاحا - الشيخ إمام / أحمد فؤاد نجم

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

عبد الرحمن الابنودي - احمد سماعين (سيرة إنسان) - الجزء الأول


ف الزمالك من سنين و ف حمى النيل القديم قصر من عصر اليمين ملك واحدة من الحريم صيتها أكبر م الأدان يسمعوه المسلمين و التتار و التركمان و الهنود و المنبوذين ست فاقت ع الرجال ف المقام و الاحترام صيت و شهرة و تل مال يعني في غاية التمام قصره يعني هي كلمة ليها كلمة ف الحكومة بس ربك لجل حكمة قام حرمها م الأمومة و الأمومة طبع ثابت جوه حوا من زمان تعمل ايه الست جابت فوكس رومي له ودان فوكس دا عقبال أملتك عنده دستة خدامين يعني مش موجود ف عيلتك شخص زيه يا اسماعين و اسماعين دا يبقى واحد م الجماعة التعباننين اللي داخو ف المعاهد و المدارس من سنين حب يعمل واد فكاكه و يمشي حبه ف الزمالك و القيامة و الفتاكة يرموا طبعا ع المهالك عم سمعه من قيامته حب يعمل فيها فلة بعد ما ألوظ بيجامته اشترى حتة مجله قول مش بيقراف حكاية من حكايات الغرام و اندماجه ف القرايه خلا مشيه مش تمام ع اليمين يحدف بعيد خطوتين و يروح شمال لمحه فوكس من الحديد قال دا صيد سهل و حلال هب نط ف كرشه دوغري جاب بيجامته لحد ديلها اسماعين بدال ما يجري قال يا رجلي رجلي مالها بص شاف الدم سايل من عاليها و من واطيها و ياللي جاي و ياللي رايح المجلة مش لاقيها حبه و تلمو الظنايا اللي هما البوابين و الحكايه و الروايه قال لهم دا كلب مين ؟ كلب مين ما كلب مينشي سمعة لبخ حبتين رد واحد قاله امشي اللي جابك عنده مين قال دا شارع يا مواشي والجميع بيمر منه اللي راكب واللي ماشي مستحيل يستغني عنه كلمة من دا و كلمة من دا ظاطو و اترسمت فضيحة قول نهايته و القصد من دا اسماعين أكل الطريحة راحو قسم الشرطة طبعا و النيابة كفيلة بيهم و اترموا ف الحجر جمعا لما ييجي الدور عليهم حبة والشاويش أمين قال سعيد النأشبندي قام غريم عم اسماعين قاله محسوبك يا فندي قام سي سمعة يروح معاااه الشاويش قال غور بدمك راح تعوصني وفوق قفاه كف طرقع داهية في أمك تفتكر سي سمعة يفضل أد ايه في القسم نااايم استضافه الحجز جمعة يا بلاش آدي العزايم شاف بلااااااوي ما تنحكيشي م الديابة المسجونين قال يا عالم يا شاويش يا نيابة يا مسؤلين خلصوه بعد المناهدة جثه من جحر الديابه هي يمكن ساعة واحدة كان ف مكتب النيابة قال له مالك يا اسماعين قال له زي البمب مالي قال له عضك فوكس فين قال له سيبني أروح لحالي انت شوف سي فوكس يمكن خد تسمم غصب عني الوكيل قال برضه ممكن و الأمين قعد يغني انت فين والكلب فين انت أده يا اسماعين طب دا كلب الست فين وانت تطلع ابن مين بشرى لصاحب الديول واللي له أربع رجول بشرى لسيادنا البهايم من جمايس أو عجول اللي صاحبه يا جماعة له أغاني ف الاذاعة راح يدوس فوق الغلابة و النيابة بالبتاعة انت تسوي في النيابة 800 من الغلابة هيص يا كلب الست هيص

Basata Band - Kalb El Set - فرقة بساطة - كلب الست

يا صديق يسقط الجسد اللي بيزاحم طريقي

واللي بيغرس خطايا في الخطايا

تسقط الحرية من غير قصد في عالمنا البليد

تسقط العزة وأقنعة الكرامة

الاحتراف ياكل الهواية

والشرف شيء مش مفيد

تسقط الحرية في السكة ونتخلق بأخلاق العبيد

وف معاصم كل ايد ينبت القيد الحديد

لا طموح لأي فكر  والوتر ما يعودش بكر

لا يعود للعتمة ذكر

والضمير يتباع في أسواق النخاسة بالوقية

والمواقف بالدراهم والنجاسة بالروبية

اللي طاهر يحى خاين

يصبح الجمهور زباين.. حاجة بدعة

تسكت الأصوات لكن الأمة سامعة

والقضية الإنسانية تبقى سلعة

وسط ده كله إذا ما هل صوتي هتكرهوني

إحنا عصافير الزمن ده
اللي حافظة كل فرع وكل وردة
واللي بتزقزق قلوبها
ف لحظة واحدة للوطن
قتلونا باللي حاصل
متعونا بالسلاسل
الأمان والضحكة مش هايعودوا واصل
بعد ما الشققا خانونا
الوطن كان حلمنا وكنا بابه
الوطن ده اللي حلمنا بضحكته
وهو اهدانا بعذابه
اللي ما ورثنا الا الدمع في قراية كتابه
الوطن عبقري العالم في تنويع البلادة
واللي بيعذبنا فحضوره وغيابه
ساعة نتمرغ في صدره
وساعة نلعن أبو اللي جابه
الوطن الكلمة دي
العذاب اللي بنوره بنهتدي
العذاب ما نقولش أخ
ده وطن ده ولا فخ 
النبات الغض يتغزل في مناشير الجرادة

همتي همي جنوني

الليلادي ولا بكرة الصبح
تصطادني الرصاصة
البدن يرجع لأصله تراب وماء
الرصاصة لأني فاشل في المداهنة
لأني كاذب في النفاق
دون ما أسأل ليه بموت من دون جميع الأصدقاء
أنطرح وافرد دراعي
دون ماافهم الهدف والواعي أو الدواعى
ربما لأني قصدت لكن فشلت
أبيع لساني قطعه قطعه
ربما لأني رومانتيكي وعواطفي لسة خرعة
الديابة العبقرية أصدقائي
وفنهم ساعات بنوره يطفي فني
اللي واثقين من غناهم
وأنا يخجلني الغني ساعة ما غني
كلهم قلبوا قلوبهم
غيروا وشوشهم وقولهم
ضحكوا علي جهلي وسابوني
هكذا قال المغني
وكأنه مد أيده إستل صوتي
وقاله عني
وسرقها من ضلوعي
ودسها فصدقه الجنوني
لما أعداء النزاهة يبندقوني
أوعوا تنسوا شهقتي
وتمشوا بدوني
أوعوا بالصمت المدوي ترعبوني
تتركوا اللي هيزرعوا الموت في ترابكم
من ترابكم ينزعوني
وإغفروا خيبتي القوية
إغفرولي تفاهة الموته
عشان خيبة القضية
لــموا خلقاتي عليا… لـملموني
وانتو بتقولوا عليا
المغني إبن الغبيه
اللي فاشل في المداهنه
واللي خايب في النفاق
مات مايعرفش شهيد
شعب الكويت واللا العراقلـ ما بفخر بالديار
أو بغني للصغار
ليه بحس فصوتي رنة لاتجار
ليه بحس بصوتي.. مش صوتي.. كأنه مستعار
قد ما يحافظ المغني علي صوتّ
قد ما يفحت تراب قبره
ويسعي نحو موته
وتنعدم فيه قدرته علي الحوار
إنما عالم نعيشه
والبطل فينا اللي يعرف
مطرحه في قلب جيشه
هكذا قال المغني
قد ما ننورها هي مضلمه
قد ما نعلمها مش متعلمه
كل ليله بايته مظلومه وهي الظالمه
قد ما نحجمها تفلت ملاطار
يا صديقي.. الوطن ما خبزش عيشه
والتاريخ لو مش كلام
نرفض أبوه …..نرفض نعيشه
……السلاح من صنع بره
…..والكلام من صنع بره
……والهوا البارد في بيتي ..صنع بره
لا نسجت الهدمه علي نول الخشب
ولا إيدي بتبني بيتي
….جلابيتي …عمامتي…حواديت الصغار
الحلاوه حلوه مره ….شغل بره
أيه يهم إن عشت في عالي القصور
أو قضيتها أغمس الكسره في زيت
أيه يهم إن مت من أجل البشر
ولا سبت الديب يصرخ و اتغابيت
أو نسيتها أو اتناسيت
أيه يهم إن دورت أغني للعراق
أو أغني للكويت
…..الشهاده مجانيه
والبطوله نفحات إستعراضيه
والمعاناه حجة العاجز وعجز الانكسار
بافترض ليه إني شخص عام
ما بمثلشي شخصي
وانا عارف إن أمري كله شخصي
هكذا قال المغني
اللي كان معجب بفني
وكأنه أخدها مني
ودسها فصدقه الجنوني
غني لـما قاللي غني
غني ويايا بدوني
لـما يعجن دمي شبرين من تراب أرض الوطن
لـما أحضن وانا قصدي أتحضن
لـما يرحل صوتي خارج الزمن
لا اشتريكوا..ولاتبيعوني
ولا جرنال الصباح يخرق عيوني
في قلوبكم إدفنوني
وإذكروني…..إذكروني

عبدالرحمن الأبنودي - وطن ده ولا فخ

‫قصيدة احزانى العادية عبد الرحمن الابنودى كاملة‬

الخال عبدالرحمن - يامنة .

"برومو ديوان "سيرة الجميز" لـ "حبيبة الزين

هندسة صوتية: أحمد سعيد بكير

"برومو ديوان سيرة الجميز لـ "حبيبة الزين


    النهارده لامبو مات..
    قتله ليل اسبانيا في الليل ع الرصيف
    قلبه كان لابس خفيف
    قتلته الآه..
    قتلته في الحانة شنبات الشاويش..
    قتلته الناس اللي غرقانة بهمومها في النبيت..
    قتلته الدوسيهات في دواليب الحكومة..
    قتله الطفل اللي مش لاقي الفطار
    طلعت الناس النهارده للكنيسة
    لقوه جنب الجدار..
    قطته جنب الجيتار..
    قاعدة مش شايفة النهار..
    في انتظار الليل.. واسبانيا.. وشنابات الشاويش
    لامبو مات.
    لامبو؟؟ يا عيني.. وتبكي الطفلتين
    يمسحوا دموعهم في ايد الامهات
    في المناديل الجديدة
    آخر الرحلة تموت يا لامبو على طرف الرصيف
    وانت لو جالك فقير..
    كنت تشوي قلبك الطيب تحطوله في رغيف؟!
    قطته توطي
    عشان دمعتها ما تعملش ع الاسفلت صوت..
    لامبو مات

    #الخال

الخواجة لامبو مات | الأبنودي " الخال "

شاعرة مصرية لها ديوان "سيرة الجميز" حاصل على جائزة الأبنودي وجائزة ساويرس أحمد فؤاد نجم. 

"برومو ديوان سيرة الجميز لـ "حبيبة الزين

habeba elzin

Recent comments

reham shams🌻

Mohammed Azab

Alaa Goda

الراوي الفصيح

Related tracks