إنتاج ووردنكلف 
Prod.WardenClyph
@wardenclyph

Artwork: Hisham Nasri
IG: https://www.instagram.com/nasrihashem/

Lyrics:
https://www.youtube.com/watch?v=iEWSGRrmefY


تابعوا الدرويش:

https://open.spotify.com/artist/58fcMNTlVOFMWitArXxFO5

https://www.instagram.com/aldarvvish/

الدرويش إيتكيه | إنتاج ووردنكلف | AlDarwish AteKay

ميكس وماستر: الدرويش.
آرتوورك: محمد سعودي.

الكلمات:
https://www.youtube.com/watch?v=unVKaw5eGZg

AlDarwish - MRKL | Prod.'9L'9 | الدرويش - مركل

First Arab rap NFT to ever drop, Ana, you can buy your unique hand signed piece out of 23 others via this link: 
https://www.niftysouq.com/aldarwish
16 pieces are still out there, 7 are already owned.

Youtube: https://www.youtube.com/watch?v=yBjQ9kWBg4s


Prod. AlDarwish

Graphics: Salim Design Lab   Instagram: @ebn7oari 
Camera. Ahmad Albaki

.Phiel records.


Lyrics:
لأنّه بيّاع الحكي نفّق
رح قلّك فكّر بس إذا بتهجم انا بصفّك
أنا نهر حطّ شحّك
وشّ تعا اتضحك
أنا علم قد ما تغيّرت ألوانه ما بيلفّك
أنا ضمّة بلفّك 
كفّ يعبي دفّي
أنا اللي كبّ جوعك عالجنازة كول الرزّ
أنا الحنك بيضلّ يقلّك كزّ
أنا الضو
شافك القنّاص خفّت
أنا الفصيحُ لمّا مدينتي خفّت
سقطت القصيدة عاش الميّت
أنا مزاجك 
جيّد
درويش مات السيد
أنا غبيشي حيّد وع كل طريق تلفّت
أنا دروب المدينة أنا رمل ما بيتزفّت
أنا بيت بتفاصيله متل الكراكيب ع رفّك
أنا اللي مو معزوم أنا اللي جوّا زفّك أنا الجو ما بيتلطّف
فخبّي لطفك
أنا الجذور بيحرّفوا أغصانا لا أُحرّف
أنا كرت صوت رفض يتعرّف قلّن ما منتشرّف
تفكيك سلوكك أنا
يعني فكّر كيف تتصرّف 
أنا المؤمن بناسي لمّا يدق الموت كاسي
رح دسلّه السمّ بكاسه ويدسّ الحبّ بكاسي
وتدور الراح
أنا اللي ضلّه واقف ع تعب
أنا اللي مات وارتاح
أنا قومة عن الكراسي للرقصة
بالقصّة قاتل الوحش وبالواقع أنا قاتل العرصة
بجادل الطرش بتجادل الخرسا عودوا للضباب بعرض البحر
أنا قعدة بالمرسى
أنا الحرّة المستورة بلا تيابا
أنا غرفة عتب والبيت عتابا
أنا كل الطعمات المُرّة ولا مرّة الموت طابَ
أنا بيتا بعدا تسكّر
أنا القفل ع ابوابا
أنا التوبة عن توبتك تحريك خصر زوربا أو دبكة على عروبتك
ضعف الحبكة بأكذوبتك
أنا بوم باب أنا دم تك 
أنا صورتك
أنا اللي صار فعلاً وأنا الغرق بأسطورتك
وأنا اللي بشبه كلشي
بس بشبه حالي أكتر 
أنا المقعد الأخير ومقطع الراب عالدفتر
والشعر كل الشعر 
أيقتلك البرد؟
أنا يقتلني نصف الدفئ
ونصف الموقف أكثر

سوف أبول عليه وأسكر
ثم تبولين عليه ونسكر
ثم يبولون عليه ونسكر
تعي نشخ نطفّي نار العالم
نبول ونسكر

تعي نشخ نطفّي هالحرايق
تعي نشخّ نغرّق المنايك
تعي نشخّ ونسقي هالحدايق
تعي نشخ عالرّايق
تعي نشخ نطفّي هالحرايق
تعي نشخّ نغرّق المنايك
تعي نشخّ ونسقي هالحدايق
تعي نشخ عالرّايق

Ana | أنا

عاج | IVRY

بلكون

رحلة

داويني

شفرة

نار البداية

مظاهرة وحفلة

تعي نروح

شكر خاص

الجواب

نشيد

Darwish - Ibn El Kabt
Prod. by El Rass
Mixed and mastered by El Rass
حم 2016

ابن الكبت:

"براسي ألف مطلع، وولا قصيدة
براسي جرة غاز جديدة.
فيروز عم تحكي عن ليل وأوضة منسية
وأنا عم جيب الأجرة بحس الغنية بليدة.
التكرار عم يقلي صار فيني أعمل عن حالي نسخة
وأنا عم قله أنه المطر حلو بس المي وسخة
قال حاج تستعير أحكي دغري
ف رحت على علاقة الحشيش، بالحارات المخنوقة، ومحروس الشغري.
الكسل مغري، فسألني عم تعترف؟ قلتله نعم
أنا اللي قتل الراعي واللي سبى الغنم
قصر حكمه الخدم، ذرّة شك بالوجود خلق يقين من العدم
أنا اللي راح بقارب موت أنا اللي بقي وانعدم
لو فيني خبي كل احبابي ببقجة مالها علم.
قلي التكرار: بس!
براسك في تلت بقرات وذاكرتك من خس
أنت طفل نام علقوا حرب تحت شباكه وما حس
حالم فالواقع بأحلامه اندس.
والعث عم ياكلك أيامك قماش
تمك بيصرخ ساقط وأفعالك بتقول عاش
عراسك خيمة نازح، إذا ما رح تنسى رح بتسامح؟
طب جربنا نحتكملك لما حجرك طاش
عراسك التناقض تاج، متل سفاح مشى عاللي راح صدقة
متل أهلي بيعرفوا الكذاب وبعد كل خطاب بيقولوا صدقَ.
قلتله: أنا ابن مدينة طلع مزار ع شبقها ورفضت تصلّيلي
أنا ابن النار اللي بطّلت تصليلي
ابن أكتر من ريحة بس نفس التتبيلة، أنا ابن الكبت....
فبحاكيها وبتوميلي.
ابن مآذن نايمة ع ثار قديم وفايقة ع ثورة ما بتعنيها
ابن شوارع ربي عطشنا فيها ومي الأرض ما بتسقيها
ابن شجرة عيلة فانشقيت عن فيّها
ابن حكايتي اللي بتخاف تعيد حالها وبدها تخلق سرد جديد
سميني مهووس بالخلق، عن التسمية بفيض
خلّصت كتابة المقطع، قلّي التكرار عيد.

اعطيت حنيني للموت، والموت اعطاني ذاكرة
اعطيت بردي لابتسامة فاترة، اعطيت المدينة حاضرها
كانت مُحتلة وحررها صارت مُحتلة وحررها
أكيد سمعناها قبل، هالغنية مكررة.


الدرويش - إبن الكبت | إنتاج الراس

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

إيدي عم تتمشى عجسمها
لمستها حفظت كل تفصيل فيها
سميتها غرفة وسكنتها.
عمّرت شامي جنب الشامة وانتميت
رسمت حالي حنّة تحت صدرها كنّيت
خبّيت تلت ارباع عشقي بين رقبتها وكتفها
ضجيجي بيهدا لما الربيع يبدا بوسطها
إلهة سمرا، أرض بعزّ خصبها
يمكن يوقع الكون إذا بتهزّ خصرها.
في أمطار بكل شهقة وعندي عطش
أنا صحرا. عم أتوّحد بجسمها أتصوّف فيها واتصوف لها
عم غسّل جسمي بورقة بلكي بتحفظ ريحة عطرها
عم شمّها سميها أرض وخيطلها علم يلبقلها.
بتشبه الريح عتيّة، بتشبه تراب العديّة، بتشبه 
صوت صلوات قهوة بسَلَميّة. وضحكة المولى بطلّة
رقصة ميلوي وتجلّي
خربشات مراهق وموعد طفولي وقت الحلّة.

روقي خلّي صحرا السفر تنطر شوي
مخبّي غيمة تحت عروقي بوسيها لتخلق مي
قولي للسما انك شمس غرقان بالفي
قرب شروقك عالحي.... أنتِ الحي

عم تطوي تياب الصبح كأنّها أم
والسما ابنتها. قرّبت وبستها جرّبت كون معها وكنتها.
الأرض أنتِ، ريحة طريق البيت وحكاية ستّي
لما كل يوم كان يجي البحر مرة يزور ويترك سمكة
لما كان الزيتون بحيفا قد البرتقال بمكّة
لسّاك بكر اشلحي الشبكة
زتّي الشجر عن جسمك
رشّي مطر عإسمك
فستان عرسك لسّاته بأول حبكة.
بعيشك بالمكان شوي تين شوي زيت أخضر
بعمّر وبعمر جوات عيونك بيت زعتر
بحبّك وبغرق ليمون
بس وعد وبنطر متل الكمّون 
بسهر.
الليل ليّل، هموم الأرض على كتافي شيّل
الرب غزيّل، ضلت الحلوة تغني حتى ميّل
ستين ألف شامة وجبينك حلي
ملّيت يكونوا دياب قومي اشلحي تياب الطلي.

هي الأم الحنون
هي الصبورة هي العاشقة والعاهرة هي العفية
هي الحبيبة الصديقة هي الموسيقى
هي اللعوب المراهقة هي العتيقة
هي الجميلة والأصيلة هي المألوفة الغريبة الضاحكة الكئيبة هي الأرض 
هي الطريقة.

روقي

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

معك أول عميل لكائنات الفضاء
أكرر التكرار بيعلّم بس الببغاء
فنام.
القصّة أطول من لسان فلا تحكي
بس يالله تغني منيح لادبحلك إدغام.

هذا التراك مُقدّم برعاية أوسخ حمّام
أخونا جورة ناشط زورا وناشر عرض الحكام
هو وخمس اولاد بصورة ومرضه مو بيدوفيل
مفضوح تخيل أسطوح وعليه جاسوس وبإيده فيل!
شخلعني ب"مزيان" دلّعني ب"بوبو" وهزّ
قلي العلاقة بين الانتفاضة وشكل البزّ
بطل ثوري حقيقي ابن بلد خالع ثوبه
ما تشوفوا عيوبه ولو انها خرية بصحن رزّ.
قام يروح بس ضيّع من بعد سادس كاس
هدّوا خِيم اللاجئين انسى وعمّر راس
طالب بالعودة كل شخص بباص
وهنيك اشرحلهم عن جمال الحرب وكاماسوترا الرصاص.
غاص بالتمويل قلعلها عيونها لما مسك الميل
سكر سكر سكر سكر واستفرع عراس الجيل
لكل بثينة في مية جميل قرّب شيل قرّب شيل
ثورجية وسكس أبيل.

كيف البلد ما رح تتقسم؟ إذا كل خرا فينا مفكر حاله قائد حربي بمرسم.
تخرسن. صباطي لنخبويتك بلسم
علمونا انه طعم الحرية حلو بس طلع علقم.
ضحكوا عليك، ضحكوا علينا..
طلعنا عالضو ركبنا حوافر بدل رجلينا
والثورة صنم متل الأسد والدين
نحنا رقبة عم تنقطع وعم تتعصب للسكين!
تكبير بس غيّر اسم العلم بالمساحة
اعتقلتنا سجون أفكار ونحنا برّا الساحة
تعا نتفق تسقط دمشق ولا القرداحة؟ 
الشعب واحد أو بتفرق عاللاحة؟
الأرض لمن يعمل بها.... طب واللي اجتاحها؟
تعا نتفق كلما يضيق صدرك عم اختنق
ثورتنا اليوم نصبت مشانق وبكرا عليها مننشق
فتعا نتفق.


شو الوضع؟ | إنتاج الناظر

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

لا يروّض الدّهر ثورتنا.
تسبقنا خُطانا إلى الأمام.
قرب كلّ مأتمٍ طفلةٌ تأبى تصديقهم
تقولُ: قد أصبح جثّةً، وسيعبُدون غيره، لما يبكون؟
لا يروّض الدّهر ثورتنا.
نرقص على أطراف الخلل.
نداعب أقدامنا التّعبةَ ونقطعها إذا خانتنا في ساحةٍ أو سرير.
هنا ترقض كلّ الغواني كي تخدعك
يا أيها الموت المحدّق فينا... ما أتفهك.
تقولُ الطفلة: على رصيف تُحاصرهُ البيوتُ
وَجَدَتْ رصاصةٌ طائشةٌ طريقها إلى رأس حكيمٍ لكنّه لم يمت.
أترى؟
تحت كلّ عبدٍ عبد
فوقَ كلّ عبدٍ ملك.
أترى؟
هنا يدفننا جنوننا، تهتف جموع الأحياء اسمنا: عاش الموتى!
أترى؟
كلّ ما جرى في هذي الساحة قد جرى.
سيغادرون الصياح إلى أيامهم المقيتة، يجلسون القرفصاء في بيوتٍ ليست لهم
يتقاسمون الهواء الرّطب، ويعلّمون بعضهم كيف يلبس الذلّ ثياب الرضى,
مذ احتلّنا الخوف، وهرب جميع الأبطال من رواياتنا الشعبيّة
أتيت توقظِ المجزرة.
يا أيّها الموتُ المحدّق فينا... كول خرا.
قرب السّور الموشّى بأسمائنا التي لن تُذكر
قرب الثدي الذي لم يشبعنا
نصبنا خيامنا، عوّلنا على الجفاف، وانتظرنا أن تمر المجاعة لنلقي عليها التحية.
لو كان الشيء -أيّ شيءٍ- رجلاً
لحنّى أكقّه بمضاجعنا، ولاحقنا إلى أن ينتصر.
سرّ -تقول الطفلة-
قاتلهم. قاتلني إذا أغواك اكتمال الحقيقةِ تحت زندي
يموتُ الحقّ على أبواب المُطلق. قاتلني حين أريدُ لصوتك ما لا تريد وإن جنحوا للسلم، فاقلق.
أدرتُ ظهري لمدينةٍ لا تحفظ السرّ
مشيتُ نحو طواحينٍٍ تشبهني
راودت إجاباتي عن نفسها أن لا شفاء في سؤال.
لكنّي أدين بدين الشكّ، فلا بقاء لروحي... بل كلّ احتمال.

أترى؟

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
All lyrics written and performed by Al Darwish 
Graphic design by Sedki Al imam

إليكِ ينتهي المساء، تنّورَ موتٍ
فلْتَخبز النساء صدرها صلاة كي يحييكِ مؤذّن العِشاء
خاشعاً، أسمي ثغرك سماء.
أتوقُ إليكِ صوفيّاً طريقكُ لي طريقة
أُخاتل الكذب كي أسمّيك حقيقة
عيوني رماد وعيونك رمد
أرمي الشمس في بحرك كي يشرق الجسد.
دعي سمرة الأرض للأرضِ، حلّقي؛ هُناك حيُ يبدو الله غائماً
سنلتقي.. لا تقلقي
للموتِ لحنٌ محزنٌ سينتهي
اخلعي مِئْزر الصمت أنا خلعتُ مِئْزري.
طرقتُ باب الهوى ردّ الهوى بابي
في القلب حقلٌ مُقْفِرٌ عيناكِ قمحٌ صابِ
إليكِ ينتهي المساء دوماً حول الخاصرة
إليك تنزح المآذن رقصاً نحو الناصرة.
إليكِ.. عشقٌ لصوت الروح حين تسكنين
 أنتِ صمتًُ الحمام فينا
أنتِ طُهر المرسلينَ
يا دمشقُ خلّصينا.

انتِ غيمةٌ حُبلى بطفلِ النور
حرّيةٌ أنتِ وأنتِ السور
جميلةٌ كبو حيرد.. تمرّدي
أعلني الهوى شريعةً ومزّقي الدستور
مزّقيني واجمعيني كي أثور.
لا تخافي هذا الصخب سوف ينتهي
كثيرةٌ هي الأوطانُ إليكِ أنتمي
قولي للذين يحرقوكِ إنكم تمحون ظلمتي
قد ضاقت الدنيا فكوني شُرفتي.
دمشق أنت زيتون إدلب
دموع حيفا
أنتِ رمان الجليل
على صليبها تسألك حمص لمن تركتيني يا إيلي
قومي من الركامِ حطّمي جِباه الموتِ
غنّي شعبكِ أسطورةً وكوني صوتي لأغنّي
حاصريني بالأنوثةِ اسقطي الحصار عنّي
أشعلي روحي زيتاً يحرق أسوار جرحك
علّقيني بجدراك زمّليني تحت جُنْحِك
قبل أن يأتي الحصار نحونا أحبّك كما لم أفعل
أهمس بقبلةٍ لثغرك الأكْمَل
قد ملّ منهم وجهكِ الجميل ميلي
يا دمشق أنتِ أمي صلّ العصر وادعيلي.

طريقك طريقة

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
All lyrics written and performed by Al Darwish 
Graphic design by Sedki Al imam

ديك الجن

@sootgilgamesh
@mehrak-4
@el-rass-the-head
تسجيل وضبط الصوت: الراس
حم ٢٠١٧
جميع الحقوق منسية.
الكلمات:

ما سمحت لعقلي يطير مشان ما أوقع من علِ
جذري بالأرض وإلي فيها ناسي وريحة هلي
بينقصني الصبر، بالحب بمتلي
وما صلبوه وما قتلوه ولكن شُبِّه لي.
أنا اللي غيّر التاريخ بعقله ليناسب حكايته
ضرب أخماس بأسداس ولقى العطل بمرايته
فكّر انه طلع عن النص... رتّل آيته
التقى بخامس ممثل عن نفسه قدّامه بقصة بايتة
هل تحبين الرمادي؟ فهمت سؤاله، بطّلت محايدة.
قلها هلّق مفترق طرق، قالتله حل عن رب الشعرية الزايدة
قلها السرطان بالمعدة، قالتله منستأصل الزايدة
هو أنا اللي طلعت ولّا أنتِ اللي فايتة؟
أيروس وسايكي.
يحيى السنباطي وليسقط هايدن.
مافي جواب للسؤال المطروح ببالي فبدوّر عالأصل.. إبرة باسطبل.
دقّينا الأبواب نسأل عن أم العقل قال ما عاد تعيش عنا
بس أم القلق هون من تلت ساعات فتحت حديث عالبلكون... هلّق بتخلص
اقعد استنى....
ومرّ يوم تاني.. ومرّ يوم تاني
ضجيج برّا جيبتي.. صمت بجزداني
ومرّ يوم تاني... ومرّ يوم تاني
ضجيج برّا جيبتي.. صمت بجزداني.

الصوت:
فش إشي خالد، إذا مفكر تضل ثابت
أنت بعالم متحرك سارد جغرافية عالم شارد
مرّات بتفيق بتلاقي حالك بطل وهمي خارق
واقف عنواصي حلمك بتقاتل كرمال إشي رايح
لهيك بالأخير أنت الوحيد اللي خسران
قررت أكون مكنة متمردة بجهاز تحكم خربان
مرّات بتغرّك البطولة بتحاول تكون واحد من الشجعان
مرّات بتضل عالهامش عشانّك جوعان
كوابيس بقلب المنام، كوابيس مش أحلام
أفلام هندية بأوهام بتغريك تضل غرقان
جوا عالم مثالي أو بالأخرى عالم خيالي
وقح بعيد عن واقع كمخ سوريالي لطخ جربان
الدنيا برّا بالمرّة مش أحسن بكتير
أنت بدنيا بتهتك عرضك كل يوم كرمال تضلّ فقير
بس حرام إذا ما بتصير، غباء إذا ما بتسير
الثبات مش حل كون مذبذب ممكن تطير.

-ومرّ يوم تاني، ومر يوم تاني
ضجيج برّا جيبتي... صمت بجزادني

محراك:
ليه هالقد شاطرين بالحكي كتير بتنقّوا
شو مكيّفين ببلع الخرا؟ منتّفه
بلا مؤاخذة ما المجتمع مركب على خود وأعطي
محسّبين كل أبيض خلاصنا 
بيجي بيصوّر وبيسرق وبيمشي
لا مش عاللون قصدي
منيك من هون مفقي
إن لاقى قلب بيضل ينقلب 
الإيغو بالون مطفي..
زيح غاد
صباح بالحمرا عحيط يا حيط..
مش رح تحضر المستقبل، خلّيك بالبيت
يا طبل المسخ مسخ بمزعك كل لصق نسخ
بيرزق الله عالبذر صبر وعكل ولد حمل الوزر.
جلّيد ذات، ما؟
بتفتّوا مصاري الله على كسر الجليد.. ما؟

يوم تاني | الدرويش والصوت ومحراك | إنتاج الراس

إنتاج: الخلّ الوفي
@khillemall
ضبط صوتي: الراس
@el-rass-the-head
الصورة وتصميم الكتابة: مهنّد بابلّي
حم2018.

وطني، رغم كل الرزايا"
يُسلّ على الموتِ كلّ صباحٍ
ويُغمد في الحزن كلّ مساءٍ.
وينهضُ ثانيةً والصباحاتُ بينَ يديهِ بطاقاتُ عُرسٍ
وتبقى الثريّا معلّقة فوقهُ، أسوةً بالثّريّات فوقَ ضريحك.
يا ربُّ نوّر بتلك الثُريّات وجهي."
مظفر النواب - في الوقوف بين السموات ورأس الإمام الحسين.


بيحكوا بضرورة التعب على أساس في شي بيجي بالسهل
انسى مين طلّع الجحش عالمادنة ليكه لحاله نزل
الجحش لحاله بينتقل "ملتي دايمنشنال" مميز لو كان عنا بينقتل
بيحب يناقش سجل.
اشطب الكلمة الماضية حسيت حالي مثقف وأنا عم بحكيها 
كأني هلق إذا شفتك رح قلك طوبى بدال ما قلك حيّك
براسي في مجرمة صغيرة سميها طانط ريّا
بتقلّي ولاد الحارة أحسنلك خرّستها وبدلت ولاد الحارة بخيا.
طالما في نصيب منضل نرمي لنصيب بلكي بتصير ومنتلاقى
قال البلد مشتاقة بعتلّها ورود ولو بتحس كانت خريت عالباقة
بزرعلك بستان ورود بس البساتين بإيدين الباعة
ونحنا أهل الجود بالمال والولاد وبالبيوت بس مو بالطاعة.
بعطيكِ روحي تنقشي أسمائنا عليها عدّي المسافة احرقيها
بعطيكِ هالكم متر ذكريات اللي بقيوا براسي من قدسيّا شقّة شِقّة نفس
اللي بقيت براسي من قدسيّا بقلها الكل راحوا لو الصحرا مفتاح خدي جمالي احديها
لحالي بمشيها
بس قولي للحياة كلما تصعب رح تنّح أكتر
عم تسمعيني؟؟
قوليلها ما مننام 
لأنه الموت فتّح دكّانة بالأحلام
وصار يغنيني 
ما رديت..
قوليلها اني كبيت مفتاح بيتي لاتذكر انه ما حدا بيبتزني بالبيت
قوليلها بخربها اذا بتعفيني 
قوليلها ملّيت
قوليلها صامدون من تبع جيلنا لاطين للطوفان اللي لاطيلينا
قوليلها كبينا ورانا كل التعب كل هد حيلنا حملناها لما مد ليلنا
ومشينا
قوليلها رح تتذكرنا لما يسألونا ونقول نسينا
قولي للحياة أسامينا.

الدرويش | أسامينا

prd.Mvzonik @mvzonik
Mixing and mastering: @el-rass-the-head
حم2018

الكلمات:
ضوّي غير مبهر، فلجأت للكتابة
بالنهاية كلنا محتاجين قبول، حوّلي المدينة ع غابة.
بصيبك بالكآبة إذا بعيّن.. صدّقي
بس بهرب من الحزب كلما يحاول استقطابي.
قصدي قول حزن بس الباء طبشت بالنون 
وكان فيي أقصد الجنون بدل المشفى
تركت التنين قعدت بالبيت قررت على وضعي أغفى
والنوم صديق غير متوقّع، لما يروح ما عاد يجي ولما يصير يجي بدّك تدفّشه ليطلع.
المخدّة كراج، وغرفتي مدينة
عالشام يا حلو؟ عالشام يا حزينة؟
أنا بغرق بشبر حنين وهيّ بتغرق بقنينة والتنين ما فيهن مي
وأنا المي ما بترويني.
حلوة متل كلمات من لغات عم تنقرص لسا منتداولها
"حْدَيْ مْدَيْ" أو "أزعر" مثلاً
فكل ما تجي تتغزّل فيها رح يفشل غزلك
حلوة متل العفوية، بس لبسك خجلك.
لا تسكت! صوت راسك مسموع
غطّي عليه احكي بأي موضوع قول أنّك بتحب المبالغة أو بتكره هَبّلك.
قلها أنه الأشياء لما تثبت بتفقد جمالها
قلها أنه حتّى لو فيها تخبّيك، البطل ما بيساع لا بكندرتها ولا بطرف شالها
وع سيرة البطل، قلها أنه شخصية وهمية جوّاتك بتطلع كل ما يجي عبالها، وبتزعل إذا بتتركها لحالها.

ولو كان بيناتنا حاجز، أي صاروا ميّة
ولو كان بيناتنا حروف كنا صغنا أبجديّة
ومنقطع لو مسافة، ومنرجع لما تخافي
لو كنتِ حقيقة كنت رح حبّك، بس أنتِ خرافة.

الدرويش | تفاصيل

prod. El Rass X Chyno
@el-rass-the-head @chynovation
Mixing and mastering: El Rass
Art work: ابن حواري
@7oari
حم2018.

الكلمات

تشبيه المايكروفون بالسلاح تحرير أو تشبيح؟
متل الفرق بين تكرار اسم الله والتسبيح
لأنها بتفرق! قاعدة بالزاوية على ربّك عم تستشرق
وأنت عالستيج مشقرق
غمزتك ما تفاعلت معها اندقرت!
هي بيروت مدينة ألف تناقض بكل لحظة فوت بترب*
هون السالب مع السالب ما بيجيب كهربا بس بيكهرب
والموجب بالقانون غير واجب
والعين صارت كاميرا عليت عن الحاجب
سي سي تي في الأخ الأكبر ضبضب
فببعبص للعدسة، بس ما بسلمها حالي
بدهم يكبّونا برا نحنا، بس بيجيبوا سلمى حايك
فإذا القلم سلاح بستلّ محاية، بطقّ وجهك 
Save as
عالطاير، حتى ما أنسى كيف انضربنا ع باب الأمن العام وقت الحساب ما رح ساير.
 لما الذاكرة خيوط مستقيمة ما بتتقاطع، أنا تراكم، وراكم
بين الصوت وصداكم
أنتوا العينتين والتالتة، وأنا العين التي تراكم
بلا لعب بالنش لاينات ما حدا فيكم ملاكم.

هاد صالح هاد عاطل
توزيع شهادات باطل
عرض العضلات إنسى
أنا عرض مفاصل
أنا الحضور الغاضب
إنسى السادة الأفاضل
أنا مو فكر فكر، أنا فكر فاصل.
استمرار للفاصل.

درويش عالداير لأنه المربّع الأمثل لا زوايا له
ع كتافي ملاكين كل ما تضيق خلاقهم بكبلّهم فيرس يلتهوا
فتحوّلوا لنقّاد
قلتلهم #راب_ياعرصات
مافي كلام من تمّي بيسقط سهو.
تقسيم مستويات واحتراف وأنا بغرفتي بتعلّم كيف كون بغو
السليقة يُمّا ع لساني وع لسانهم السيرة ما بتنضب.. لغو.
امبراطويات من طين سرّهم مقري، بعطيهم وجه لأنه اذا بدير
بيمتطوا صهو ضهري.
ما علق من نصّك غير اسمي
شفّاف مرّ عبري. 
رابر شكّ بلع إبرة، ورابر fuck 
وقع دغري
وراب مفك لفرط نشاطك ورابر فك مشدود مغري.
جاييك مع سرب سمك نهري، الفكرة سلك للسما دغري,
ارجعوا افتحوا كتب نحو تعلّموا تشكّلوا
فرّقتوا لشبعتوا طيب تعوا تعلّموا تشكّلوا
ماشي بفكّ ازرار بعرّي وأنتوا بعدي بكّلوا
إذا لسّا كبّ لسانك صوب ناسي كلمة رح تشتقله!

الدرويش.
حم2018

بظات

الدرويش | بَظَاتْ

Prod. Joker|جوكر
@mr-dogma

Mixing&Mastering. ElRass | الراس
@el-rass-the-head

حم2018

Lyrics
أنا قليل أدب فبحطّه بالصورة
بجاوبك عن وحدتي بجملة، الكلّ سافر، ما بزورك
صباح الرسائل اللي مو مكتوبة، ومشاعري المبتورة
صباح الروايح اللي ما شميتها فوقعت عطورها
صباحك ع سورك، ع طول الحبكة بقصة الجذور
صارت الحكاية أطول من جذورك
صباح السوري وين ما راح صباح الخطورة
صباحك بيحلّي القهوة
يا ريتك تكتري شوي بس شوي
ويقلّوا الدكورة
صباح كلّ الكائنات اللي بتفرض حضورها
صباحك بيشبه المُساكنة، غير مرحّب فيه ببلادنا المقهورة
بتشتّي حليب؟ إي منعمل جبنة بالجورة
في منّا اللي شهدوا اللي النا بالشوارع ومنّا اللي شهدوا زورا 
بس هي غنّية للصبح فإنسى ودوّرها
تعا أشليلك، اسمعني وانسى ودوّرها

X2 لا سين ولا جيم أنا ضاد حبّ
لابسين أنا شالحن
لا سين ولا مشهد فاضحن
لا يقارشوني ولا بمالحن
صباح اللي زعل لحاله
ما بيرضى لحاله، بصالحه
حاطط راسي براس الدنيا
معقول إتنازل وناطحه؟

بس هيّ غنية للصبح فإنسى تعا اشليلك
اسمعني وكبّ بالبحر جميلك
بفتحلك دكّان براسي لما ينادوا بترحيلك
صباح اللي بتدعيلك طيّز للباقي سرداتن عاطلة فشيلك

لالالا صباح الخير صباحك خير صباحك غير إذا بتطيّز
طيّز سرداتن عاطلة ف شيلك
 لالالا صباح الخير صباحِك خير صباح الخير صباحكن خير
وصباح اللي بتدعيلك
صباح الخير يا قمرة
صباحك ضحكة يا خالي
راسي مطفّي بدوّره لحالي
صباحي شوق للي بالي
يا عَشّي قلبي جوعان هتلي تصليحة فتّة من ريحة الغالي
يا عَشّي قلبي خالي. X2

العشّي: في سورية نطلق على الشيف المسؤول عن تحضير الفتّة والفول في المقاهي العامّة اسم "العشّي" أي الشخص المسؤول عن العشاء. :)

الدرويش2018.

Sabah El Kheir

صباح الخير | Sabah el Kheir

Prod by Al Darwish إنتاج: الدرويش
Photo: Nader Bahsoun صورة: نادر بحصون

#مسوخ
#حم


بدو المدينة غزوا الشوارع عالرّينغ في خيم، فلا تسألني عشيرتي وين مضربا.
هالرقبة اشطبا متل بايرو "النجمة" بتضوّي لما يقطعوا الكهربا، ما بيشيلها غير اللي ركّبا.
أنا بنتمي للمناح اللي بيحافظوا على ضبط أعصابن وقت زعرانك بتنزل لتجرّبا،
قلوب أنضف من حسابي بالبنك، وعقول بتنهض بالبلد لهيك كان بدك تغرّبا.
بلعتونا بسورية بس أخواتي بكل البلاد عم يقوموا لتصير كل البلاد أوطان.. عم تفهم؟
أعمى القلب تابع أعمى، والتابع شبّيح، والشبّيح خاروف لو طار.. عم تفهم؟
فلا تستصعبوا طريق الحقّ لأنّه ما عاد تزبط، ع طريق الحقّ صرنا كتار....
كتار عم تفهم؟

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بحمص بالشارع
بالقاهرة بماسبيرو بالشارع

وأنا بيتي هنيك\ تحت\ هنيك بالشارع
تحت مجلس العرصات بالشارع
جوا التُكتُك ببغداد بالشارع
بالسودان بالشام بحمص، بالشارع.

قلّي مين أقوى، الطايفة ولّا الجوع؟
طرق طايفة أو طريق مقطوع؟
نشوة السكرة ولّا الصوت المسموع؟
ضرب كفوف..
سنان ثابتة والرّئيس مخلوع.
هي لساحة التحرير وشهدا العراق وحسين العطّار، للي ثبتوا بالساحات.
هي ثورة على الذات، ع العرصات، هي مو ثورة لا ثورات. 
هي للي ماتوا قبل لنقلّن تعبن ما مات.
وهي صفحة جديدة وهي كل ما يقولوا الرقص مانه ثورة رقصة جديدة هي
ثورة عالبارانويا، ثورة عالأنكزاييتي، نفس لناسي اللي انردتلّها الرّوح شوي.
وهي رقصة جديدة صفحة جديدة هي كل ما يقولوا الرقص مانه ثورة رقصة جديدة هي.. 
لو ما بدقّ عالطناجر.
أنا طنجرة الحيّ.

هنيك\ تحت\ بالشارع
تحت مجلس العرصات بالشارع
جوا التُكتُك ببغداد بالشارع 
بحمص بالشارع
بالقاهرة بماسبيرو بالشارع
بيتي تحت.

بالشارع | In The Street

Prod. Al Darwish
Mixing and Mastering. El Rass
Art work and design. Sedki Alimam

10 - عالي واطي بمشاركة الرّاس | Aali Wati ft. El Rass

9 - ملاهي | Malahi

6 - راكض | Raked

5 - جرعة زائدة | OD

Prod. Al Darwish 
إنتاج الدرويش.
2020

الكلمات:

موسم حصاد نازل آخد حصتي 
أقطف راسك لما تفكر فيك تدسني 
يبدو سكوتي تبرر ضعف وكل يوم في عرص جديد بيحكي باسمي 
عم يفتح حرب طيب ليكني نازل من حصني.
رح شوط الطابة ع روسن شخ على أخت اللعبة
قال انا والراس طيزين بلباس اي المشهد طيزين بجعبة
مان بالله مان اي ثقافة؟ انا مو معقد انت تافه وأنا الرّاب الشعبي 
دسك خرا ما فزّعني بس يعني للفانز
بيحطوا كيلو أوتو تيون وصوتن نشاز
بس عالحقيقي
إنسى المشهد الموسيقي هاد مشهد إعدام
قلبت السين لغرفة غاز
فعفواً مين انتوا؟ عن أي شارع عم تحكوا؟ 
كيف أسياد الراب السوري وكل كم يوم بتعتزلوا؟
هي نقابة تعوا انتسبوا 
نسمّيها الرّاعي الكذّاب إجى الذئب وبيّن كذبه
لك قد ما تكبر بيضك قلبي بيبقى أكبر منن
وانا اقوى لاني اذكى منن
فخود ذخيرة حيّة منّي وخود الفشك منن
خود مني موسيقى وخود المشهد منن
خود مني حقيقة وخود الحسد منن
بحط روحي بألوماتي خدا وخود الجسد منن
نهر سمك سمك خود الحسك منن 
هادا مو دس تراك هادا بوكس برأ خلع سنّن
ولاد وصرعة خرا ع سنن
هالقرعة بتلمع قد كل شغلن 
هروا كيف القمل بيعلق بصلعة
وكيف الناس مفكرة الرّاب يعني إنك تحكي بسرعة
شغلك كلّه نزول خدلك طلعة
من عشر سنين ما تطورت همم طب يمكن
روح شفلك صنعة 
طب هيا نلعب
دسني انعرف سموني ام سي سلّم هيا نصعد
أنا متل الصفا والمروة وهي أطول أطول فترة حج صرله عشر سنين بيني وبيني عم يسعى
قال فاتحين مدارس أنا فاتح فسحة
هنن عم بينيكوا إختا وانا طالب نصحها
فلووك برد أخوي أح جليد عم تزحط 
مو مهم بأي سيارة بعد الكف بتضيع عأول مفرق
شو بحبك لما تغلط شو نفع الحجم اذا كبيرك بالون 
ومحسوبك مشرط..
صرلك زمان عم تستنى ردي لك إيري بصبرك   
صرلك زمان قاعد ع حدودي طب هي عم عبّرك
فهاد مو دس بل تأديب هي رافعك فلقة
جرّب وسّخ معي بشخّ عليك بغرقك 
رجال ومخه سمّيك وانا بفتح راسك لزدلك مرقة
بيحكوا عالحلق بنهي المسلسل هي آخر حلقة
شيلن من قدّامي 
الكاميكازي انتحاري ف بيموت بصلعة هاني
واذا ما حبيت تموت براسي فيك تموت براسه 
اسمك اصلاً قاعد تحتي خود الصلعة التانية 

هالمخ نضيف خدلك تايد 
مافي مستحيل بحاكي هالك بيطلع مستر هايد 
عالرايق ببلع اتخن ام سي بمعالق شاي 
لقمة قبل ما تشينو يصرخ تايم.
فالمرة جاية نزلك دسك ع السي في 
قلامكن لسّا ضعيفة
انسوا البيف هي جيفة
اللحم ميّت عالسيخ لما تشكّوا بتصنيفي؟
أنا الشارع وأنتوا قطط نزلت تتقاتل عرصيفي
فبطعمي وبفرد ايدي.. مين النا نو زبّي أنا القواعد الجديدة
لو عالدس جيتك يالله مراجلكن كلها هريبة
رح زورك يوماً ما ونشوف مين بيناتنا البيبي يا بيبي 
وهي للي بيحبوك
تعالالي عالأرينا بدي ضيف راس الباشا طازة للملوك
وهي نعزناك مبروك مشكلتك ما عم تتعلم. وانا كبروا تلاميذي 
واذا تفوا بيغرقوك.. 
عيد التراك قصدي الدرس أول حصة كونغ فو.. 
أوحش وحش فيكن بالنسبة للمسخ كيوت
معي أبياتي انتوا فلتّوا جيت لضبّكن بالبيوت
أصل الراب شعر مو هالخرا اللي بتحكوه
أصل الراب ثقافة.. 
فلما تقول مثقف هي مسبة؟ او مديح.. ولا يعني قصدك شو؟
إذا ح تردوا.. يا ردّوا منيح.. يا انفخوه..  
أنتوا مو raw لأ نيّ.. وهي حفلة باربيكيو
نص السين السوري ما بعده ع كفي لما بضوج
يعني لا باشا ولا مودي ولا بو
كب اسمي بكبك عن السطوح
حمصي مع بسطة وجاي يفتح بالساحة سوق
بتلطشني بلطش ولو شغلك عجبني أوعى تفكر صرنا كرو
كلنا بشر بس ما عنا نفس الروح.. بينانتا جهد وتعب وهادا الفرق اللي بتنسوه
أنتوا الروس بروس بعض وأنا ال راسي بين الغيوم.

هالمخ نضيف خدلك تايد
مافي مستحيل بحاكي هالك بيطلع مستر هايد
عالرّايق ببلع أتخن إم سي بمعالق شاي
لقمة قبل ما تشينو يصرّخ تايم
هالمخ نضيف خدلك تايد
مافي مستحيل بحاكي هالك بيطلع مستر هايد
عالرّايق ببلع أتخن إم سي بمعالق شاي
لقمة.

JitKom | جيتكم Diss Track

إيقاع | السيد درويش و وتر

سكة عرجة، مضرج بدم ال"آخر" لأنها لذة "أخرى"
غزة أختها: نفس اللقيط واقف عالزيق، حرس حدودي خزّيق على الروسي عزّيف
"طاخ" باخ" كله نفسه  وكله أرشيف
الواحد محير خمسين ملة وتعريف
مختلف معك عالفحوى فما رح ناقش بالتحريف
ما فتوى الإيلاج من الأذن بقصد التنظيف؟
تجديف!؟ أكيد هي التهمة بتلبقي، خلي براسك
يتيم صعب يعمل سلم أهلي
شلت سطلي عالنبعة وكنا سبعة
أنا وحمص وقانا وداريا وصبرا وشاتيلا وشبعا!
عم تاكلك الضبعة لأنك تاجرت بالرجعة
طز لما تغرق القارب وتشوف الثورة بدعة
مناضل خدعة، خدله خزعة، ورم خبيث متله متل خدام ورفعت
إزحط.....

منشق ومدروز سابقاً
كما لوحظ شقه مرات عديدة وتدريزه مرات أخرى عديدة
وشنق نفسه خمس مرات في غرفته بخمس أفكار سديدة

حديدة رديئة الصنع، تاريخك ملزق بالصمغ
قوات الردع استعمار باسم النخوة
ايديك عالرشاش رخوة
عزيزي المستمع طبقنا اليومي عدو مشوي
هو نكرة أي لا تطلب تعريفه، شعار المرحلة وظيفي
لا تعتبره مبدأ وبالشأن السوري تغرق لأنها مو نصيحة
قبل ما تمدهن شمهن ريحة إيديك كتير قبيحة.

عشت وأنا عبي دمي بالطشط
لأني وقت حقي بصير هردبشت
قد ما رح تحكي لغات بالحمصي بتضلك "بوشت"
كثافة إنتاج سوء توزيع صلعة ومشط.. دفة
عم حس بخفة! بخفي حنين رجعت عم عبي الوجع بالقفة
عم قفي نثر أجسادهن من بيتي لاطراف الحفة
من التيتة ليما الضفة..... صعب لما تعرف أنه الحكي ما بيكفي!

كفي أحياناً بترجف بس ما بتصافح.. وصارت
في كراسي طارت هالحبل عالجرار مرابط
كلشي بحسابه العدس بترابه زابط
انسى كلامي في صبية فوق عم بتغني ساقط
ضابط وجهك بوجهين فبغشك مرتين
مرة ب"بوطي" ومرة ب"بوتين"
بيكفي تسألني الثورة لمين، رح أضرب حالي برجلي إذا ابني بينسى فلسطين.
أنا بنسف طور سنين، منسف صحيح بس محرّف.
خرّف لبس توب النعجة فكر حاله اتصوّف
اتمسك بحبل الله لما الكل عوّف
عرجعة الإيمان طلع صرح واتخوّف.
أجوف، طبل. ناس ومي وسطل.. شطفة صغيرة للإسطبل
براسي انهي السلطة بشي تحديد للنسل، تجويد سورة النمل
تحطيم قصور أبي جهل. شعوب بلشت تصحى
تفريق النص عن النصل، وهابي سلفي أوبعثي بيشوّه الصورة الأصل
لقد تم اكتشاف العطل... قبطان راكب، عطيار راكد على حصان، بيعشق كرّة..
بتعشق بغل!

تداعي حر | السيّد درويش

Produced by: Al Darwish 
إنتاج الدرويش©
2021

الكلمات:

فلو طاقيّة الساحر  
بضبلك جواته أبطال المشهد
بطالع منه سافر  
بمشّيهم ع حافر
خايف من التراكات الجاية؟ 
طيب كنت لا تفوت إذا ما بتعرف كيف تغادر 
لا تفوت وتغامر 
خفيف راس جمهورك غاز النشادر
ولاد ساقوها رجال وعناتر 
بالرّاب غلبتكن
وبالشّارع حضرنا الشادر 
بس أنتوا حكي بلا فعل BLA bLA bLA 
بتحكوا عن غيركن انه ما بيمسكن لحن 
لأنه فعليّاً كلامن عن المعنى شاتل.
حضرات السادة الأفاضل 
جاي شخ عوجوهكن إذا لسّا بتجيبوا سيرتي بالعاطل 
الحكي للكل تعا وحاج تماطل.
لما قول وش لوش ما بقصد ع الخط بقصد تعا نباتل
ف يا محلا الباتل رابرز البوسيز قدّام هالاير العاطل 
سميني كارثة طبيعية وما حدا نافد
سميني بطيء بزمن السلاحف 
أنتوا باد تريب السين سميني وصوله بالسلامة 
كل عمرن ثورجيين كيف انتقلت العدالة؟
بس هاد موضوع تالت
آخرتها توقع لساناتن لو مهما طالت 
أنا شمس وطالع..

وأنا مالي ليل 
لا لا مالي ليل
وأنا مالي ليل 
شمس وطالع 

وأنا مالي ليل 
لا لا مالي ليل
وأنا مالي ليل 
شمس وطالع 

عندن أباندنمت إيشوز ما بيسمحولك تتخطاهن 
بيلاحقوا خطاك وبيتهموك إنك عم بتلاحق خطاهن
خرا الحياة عماهن 
الحقد وحبّ الظهور بيعمل جمهور بيزقفلن 
بس ولا بحياته رح يطحش معاهن...
أنت فاهم؟
المصيبة مو أنهم معروفين أكتر منّا المصيبة قديش صار في قبول بالسوق لهالكم من التفاهة
جاي لحالي ما بجيب عالتواليت جاهة
بضرب وبصيب لأنه العرصات كتار بس صدق لما بضرب.. على الله وعماها  
ف انساك منّي 
انا الشي اللي بتسمّوه هادف.. نحنا منسميه راب 
الشي اللي بتعملوه فراطة 
يعني من الآخر بتسلى بالدسّات 
وأكبر باتل أسهل من تراك أسهل من أسهل تراك
لأنه صعب تحاكي عيوبك بس سهل تحاكي عيوب الناس.. لا؟
عم راجع حالي كل يوم بتأمّل صلّح أخطاء 
فما بخاطب أشخاص بل أفكار وما بذكر اسمك إلا لأنه بيعبر عن الفكرة اللي وراه 
فبرفض الشهرة اللي بدّا تجي من وراه
وبرفض الشهرة للشهرة من الأساس
 الجبهة عالية والأفق خط تماس  
أنا شمس وطالع



وأنا مالي ليل 
لا لا مالي ليل
وأنا مالي ليل 
شمس وطالع 

وأنا مالي ليل 
لا لا مالي ليل
وأنا مالي ليل 
شمس وطالع

الدرويش | AlDarwish

Popular tracks