Wow, love it.. great track.. Much Respect

under Zero

3eshna w shofna

Ard El Fetna 2013


طول عمر الاولترا بتتحارب من ساعة ما ابتدينا
حرامية شواذ عبدة شيطان القاب طلعت علينا
حمينا الفكرة ظهرت للنور وانتشرت بينا
دايما غايتنا تشجيع النادي فوق اسامينا
سافرنا فكل حتة ورا النادي بدون مقابل
اصلا متعتنا في تشجيعه وفيوم ماكون مسافر
تفتيش ذاتي اهانة وذل اول ما نروح الاستاد
وعشان النادي جينا على روحنا بقى عادي شئ معتاد
ده كل الناس تشهد علينا اغانينا هزت مدرج
طول عمر صوتنا عالي عمري ما روحت عشان اتفرج
داخلية غدرت بينا عشان هتافنا كان الحق
كنا الخوف الاكبر لما قولنا للظلم لأ
والمؤامرة اكتملت بتحالف العسكر بالكلاب
قاموا بخطتهم والضحية مات اغلى الشباب
انسب مكان لنجاح فكرتهم كانت بورسعيد
دايما عقولنا فاكرة ال74 شهيد
مهما تحاولوا تحاربونا احنا مبننتهيش
صوتنا لﻷمة عالي للحق دايما بنعيش
الكورة في دمي بس اﻷهم لينا الحرية
مبدأ عقليتي هو القضاء على القمعية
لو فاكر ان غدرك ممكن يوم يقضي علينا
تفوت شهور وسنين وحق اخواتنا جوة عنينا
حيجي الوقت وقريب حتشوف فيه معنى الذل
وحتبقى عينك مكسورة يدوس عليك الكل
A.C.A.B شعاري وعايش بيه ضد الحكومة
صوتنا مولود عشان ننصف بيه الناس المظلومة
شمروخ ينشر حرية نقضي بيه على الفساد
راجل فوقت الازمة متعود على الثبات
اقبض عليا لما استقبل لاعيبة بهتاف
لو شايف ان طريقتك ممكن تخلينا نخاف
واطلع على اعلامك شوه صورة القضية
قول علينا ارهاب مأجورين وبلطجية
اعمل مهما تعمل بكرة مسير الحق يبان
مش حنسيب حد في اخواتنا في السجن انه يهان
طول عمرك فارد عضلاتك عالناس المظلومين
اقل حاجة تتقال الف رحمة عالقوانين




الحريه للاولتراس - اولتراس ديفيلز -

Title: Shoubra (شبرا)
Artists: Under-Zero ft. Mazagangy and Mohab-Z
Produced by: JBeats Productions
Mixed and Mastered by: O.T.O Strange @House of Hestia (Oklahoma, United States)

Lyrics:

Verse 1: (K3)
سمعوا اللى ماشى فى السوق قالوا خلاص الراب لأ
فلما سمعت اتأكدت و قلت عندهم حق
فى ناس بتنشر جهل فى ناس بتسب الأهل
فخدت مبدأ انى افيد زى خلية النحل
بنحارب و الميديا رافضة تسيب الفكرة الهابطة
فنمشى بمدأ الاتحاد صعب تقطم رابطة
بيلموا الروبابيكيا قصدى الروباميديا
بيخدوا عينك بالفلوس فتدفع راسك فدية
فاتغدى بيهم قبل ما يتعشوا بيك
اخطف عقولهم بالمزيكا اللى ترضيك
سيبك من اللى بيعطلك و يلهيك
خلى الرسالة اللى بتعملها اللى تعليك
محدش هينتجلك دول بس بيجيبوا رجلك
اعمل بيتك دوم و تك و بدلة رأس هتسلك
دول بينا بيستخفوا بيموتوا فى اللى يسفوا
فنى من ابداعى فمفيش داعى انك تشفه

Verse 2: (Mazagangy)
من قلب شبرا البلد مصنع الرجال
الكلمة تطلع هنا و بعدين برا تتقال
حد عنده اعتراض على صوتك يا خال
عايز يمين امين عايز شمال شغال
ابو وش مكشوف ايوة انا بجح
طبيعى ولا بسكر ولا بصطبح
اوه لا لا شكلك ديلر ياه
مزاجنجى اه بس ماليش فى الكيمي كيمي كا
اصل الدماغ من المزيكا مش بتكتفى
هتفضل فيا و عمرها ما فى يوم هتختفى
اكتم هتشتم هنشتم
معادلة مزاج تقسم البيت عالساوند سيستيم
ما كله بيروح جيم و بيقول منطقتى
ايه الحلاوة دى ايه الطعامة دى
العب بعيد ولا اقولك خد لون دى
ماشى و سايب عليها بصمتى

Verse 3: (Mohab-Z)
بنخترعها مزيكا بالمجان مش بنبيعها
بنقول حاجات بتحصل مش قصص بنصتنعها
عمرنا ما قلنا اى كلام مالوش اساس من الصحة
جرب اسمع دقق ركز فى الحروف راجعها
لسان الشارع انسان بيعبر بالمكتوب
اوقات صراحته تجرح و تعور زى الطوب
و عالمكشوف هتشوف لونى واضح مش ممسوح
عشان بوضح معنى حقيقى واثق تعبى مش هيروح
فبالنسبالى الراب مش فن عادى لأ خيالى
عرضت بيه مشاكل عن امثالك و امثالى
بنرتب الكلام على الالحان ده شغل عالى
و بنختلف عن غيرنا فى اسلوبنا المثالى
بلاغيكوا انا فنى بيتقدر من غيركوا او بيكوا
بنقدم رسالة مش ميديا بتعميكوا
فلو مش عجباكوا اعتبروها مش ليكوا
هقفل ودانى و هعمل ناسيكوا

Verse 4: (Flipeno)
اهلا بيكوا فى الحرب الكامله الكلمات فيها من تحت الأرض
من جوه جوانب الميديا الفاشلة اسمى فلبينو ممنوع مالعرض
وانا اللى اخترتك تلعب كده ببساطة تخسر 
أكيد حذرتك مع أندر زيرو متفكرش 
فاعتبروا صوتنا فى التراك ده مجرد وسيلة مساعدة 
خلت كل أطراف الميديا تلتفت للفن بتاعنا
فأنا من بين مليون أسلوب اخترت أسلوب فى لمجتمع مطلوب 
خدت أن الراب له أصول فاتبنى فى السما للهيب هوب دور 
أسرع أسرع نفسك يقطع شبح البيت من جواك يطلع 
فأنا من أندر زيرو بتجمع أساليب عملت للراب مصنع
فاجمع فشلك ويا الجهل يطلع فنك نفس الشكل
نبرة صوته بتأدى لموته فبيفقد تأثيره على العقل
داحنا فى زمن اللى بيقلع يركب موجه للمنتج موضته بتكسب 
فاكر أنكل  كلماته راح تغلب على مبتدئ فلمبدء يهرب
فأنا لو أقدم اللى غيرى فيه أفضل غير فكرك و أعكس
سيره بمزيكه بناثر فلفوق نفضل نحفر بصمة أندر زيرو

Verse 5: (Adry)
ادري نموذج صلب عقله اتخطي جهلكم 
بعمل مزيكا نضيفة لنفسي مش لكم
لو الاسفاف ده مبدأ ثابت عندكم 
ففنكم لا يعني غير امثالكم 
فاتجمعنا كلنا ضهرنا ف ضهر بعضنا 
من غير اي اسئلة احنا ابتدينا من هنا 
شبرا الحرة ومش جايين من برة  وبنقدملكوا فن راقي
خارج نطاقي تأمل افاقي والباقي اتي 
كلامي دا ليكوا لأن مجالي اهم
فأولي اقدم الواقع لو كان مليان بالهم 
فسبني احافظ عالهيب هوب لاحسن يتنسي 
فواجه الواقع منه بلاش تجري 
تحت الارض مزيكا بتحكي 
عن واقع فوق الارض مش للبيع 
اندر زيرو مزيكا بتحمي 
ثقافة مجتمع عن طريق ادري

Shoubra (شبرا) - UnderZero ft . Mohab Z & Mazagangy - Prod By J-Beats

www.facebook.com/underzeromusic
prod by : j.beats


ADRE UnderZero - 2014 - مصر تحت الارض

Ana Kasr 3afreet ft KV انا كسر

UnderZero- El 7elwa Blady- الحلوة بلادي

Lyrics
انا حبيب اونلاين فيسبوك كامفروج و سكايب
كل يوم بحب 11 وكله بفضل الميجابايتس
عادى فشخ لما تمشى Belive me i will not cry
غيرك فى الطابور موجود اختار وانا بشرب بيب
بحبك فشخ يا بيبي من اول كونفيرسيزشن
YEA THATS TRUE AND WE HAVE TOP MAKE A REALTION
اشطة يا قلبى اهو نتسلى اصل انا كمان مبسوطة
ترجع تقول انها ضحية طب ما انتى كمان *****
اشطة نعيش الوهم حطى اسمى و قلبى و سهم
قولى ده اللى طلعت بيه من الدنيا ومعاه بنسا الهم
ايوا تحفة الحب ده معرفتكيش انا كده
لسه عارفها من يومين وسلمتنى نفسها
بوظتى جيل بحاله ركب الناس بقيت مهزوزة
حيوانتهم المنوية فى الصرف الصحى موجودة
ترجعى تلوموا الزمن تلعنى الحب بأشكالة
مش هتشوفى اى حب طول ما امثاللك فى الصور
----------------------------------------
على فكرة انا برة النت بطة بلدى عادى يعنى
عمرى فى يوم ما عاكست بت ولا مكان بيهم يجمعنى
زى ما تقول انطوائى دايما احب اكون لوحدى
بس لو شمال تعاكسنى ممكن اخلف منها وقتى !
اولادى على النت كان ليهم اسماء كتير
منهم مازن ادم يحي والبنات مرام و هدير
وده مش كتير بالنسبة للشمال اللى عرفتهم
هما كمان ليهم اولاد اكتر من ثوار التحرير
القصد من اللى بقوله مترسميش دور المظلومة
يعنى بلاش تصورى جسمك وتقوليلى امسح الصورة
زى ما بتعملى هتلاقى المعاملة بالمثل
اغلب البنات دلوقتى نفس الصورة طبل الأصل
يعنى مفروض كله يواجه نفسه بالحقيقة المرة
ماحنا جيل السبكى والتباع معقوله نمسك سبحة؟
كفاية لحد كدة انا من النهاردة اوفلاين
هستنى حب بجد كرهت الحب الاونلاين 

Sub-Zero | حب اونلاين

Free Beat
Length : 3:34
Devils Music
Lyrics : 
Sub-Zero : من ساعة ما اتولدت وابتسامتى ع شفايفى 
واخد الدنيا كوميديا بحته والمقالب كانت هوايتى 
لو مواعد مليون واحد عمرى ما ابص فى ساعتى
واعمل عبيط وازيط لما حد بيشتغلنى
انا مش مجنون ولا حاجة انتوا بس محبكينها
مبحبش اكون متضايق احب بس اطرى للدنيا
منا لو هشيل فوق ضهرى هموت من الأكتئاب
الدنيا لذيذه فشخ بس انتوا اللى مش فاهمينها
مبحبش انفسن مبشيلش جوا منى 
اللى فى قلبى ع لسانى ولو هيزعل اللى منى 
انا ابسط من البساطه انا السهل الممتنع
انا اللى بحسه صاحبى بديله العين و الننى
فاهمنى ولا مش فاهمنى مبتفرقش معايا 
اصل الدماغى طبيعى مش بدبوس ولا كوبايه
طب بعمل ايه فى حياتى ولا بعمل اى حاجة
انا بس عايز لما اشوفك الاقى الابتسامه
كوراس : انا مش عميق اطلاقاً انا عاشق للسطحية
 مليش رساله فى فنى مش عاوزك تسمع ليا
قول اللى تقوله عنى وعمرى فيوم ما هزعل
مبيشغلنيش كلام الناس ولا بيأثر فيا
Nuclear : 
I might be loser with no job but i gotta smile
I might spend like 50 pounds on a caffe just to spend some time 
I have some faith that i dont wanna die 
I like myself i like ma style 
I might like some crazy ride 
Have some fun in your life and dont waste it 
Whats the purpose Of life if you dont taste it 
Chill out 
Have some fun about
Always laugh outloud
Dont be like man iam creepy i wanna die cut ma viens out 
Man up bitch 
Hold ur shit togetha dont black out 
Da least thing could make me smile
A cup a tea and a smoke should do the trick
Even if iam sick ,dying
I dont give a shit
Have an ambition that someday i'll be rich
Iam a completly sick bastard
I wanna play black flags and scream spaniard
X-Ray
سطحى لدرجة ممكن اكون متدروش بالتفاهه
احب الضحك زى عنيا وبكره الكئابه
احب اعيشها براحتى زى ماتطلب بديها
ولو الضحكة بنت حلوة انا ممكن امشى معاها
افخد و اهوى و اكبر دماغى 
واقعد ساعات مع بنت وحشه اظبط فيها والاغى 
مزاجى كله بيمشى بمزاجى 
اوقات بكوم مؤدب بس لسانى طول دراعى 
بينى وبين الأكل اجمل قصة حب فى التاريخ
بجرب اى صنف ولو ملوخية بالبطيخ
بفطر فراخ الصبح بليل اتعشى كوارع 
واملى فى الحياة اتجوز دكتورة طبيخ 
الدماغ مابعذبهاش طلبت بديها مابحرمهاش
السكلانس عالى طبيعى بعيد عن اى وييد او هاش
اصل الدنيا زى الصورة تضحكلها تدوق جلاش
انتخ للدنيا وكبر كشكشها ومتعرضهاش

Sub-Zero . Nuclear . X-Ray | عاشق السطحية

الجوكر- السلمة الأخيرة | El Joker -  El Selema El Akhira

كلمات :- احمد عامر                        Lyrics by :- Ahmed Amer
غناء :- أحمد عامر                           Singig by :- Ahmed Amer
توزيع :- إسلام شيتوس                   Produced by :- Islam Chetos
تسجيل :- studio el tatar              Record in :- El-tatar Studio
تصميم غلاف :- غادة محمد              Design Cover :- Ghada Mohamed 

كلمات الاغنية :- 
دب ع الارض دب .. حب ما تفعل حتي تفعل ما تحب الكلام ده كله كدب 
دب ع الارض دب .. حب ما تفعل حتي تفعل ما تحب الكلام ده كله كدب 

مساء الخير ازيكم وحشتوني .. الكلمه المعتادة في كل برنامج تلفزيوني 
مزيع ,, خريج دفعة ابو جدي 
بينصح في الشباب لازم ينتج و يدي 
و بيحكي .. عن كام قصة كفاح .. شوفت نيوتن جالة الفكرة ازاي لما وقع عليه التفاح !! 
زهقت .. قمت قالب المحطة 
فرحت ,, لما شوفت قروض للعطله 
نزلت .. ع البنك مجهز شنطة 
رجعت !! سواق علي توكتوك يسطااا 
سلطة .. وكله فيها بياكل 
بالواسطة .. تتظبط المسائل 
لو صلب .. يصبح سائل 
مش فارقة .. عالم ولا جاهل 
في بلدنا .. ابن الوز عوام 
ابن الوزير يطلع وزير و ابن الخدام يكون خدام
سيد درويش كان عندة حق لما قال شد الحزام 
و انا بقولك مهما تقدف مش طالعة المركب قدام 

دب ع الارض دب .. حب ما تفعل حتي تفعل ما تحب الكلام ده كله كدب 
دب ع الارض دب .. حب ما تفعل حتي تفعل ما تحب الكلام ده كله كدب 

بنقول و نعيد في كلام ملوش لازمة 
عمرك شفت مسؤل بيحل الازمة ؟ 
كله شايل دماغة و حاطط فردة جزمة 
واخدين حبوب هلوسة 
5 سنين تعليم خريج هندسة 
اتخرجت و بردو بهيم بعد 12 في المدرسة 
فتحة و كسرة
شده و ضمة 
ماذا كا يفعل ابي فوق الشجرة ؟
متعلمتش حاجة 
كات يعني قطة ,, تشيكين يعني دجاجة 
لو ناوي تعيش في مصر سيب اعصابك في التلاجة 

ودب ع الارض دب .. حب ما تفعل حتي تفعل ما تحب الكلام ده كله كدب 
دب ع الارض دب .. حب ما تفعل حتي تفعل ما تحب الكلام ده كله كدب

كله كدب _ Kolo Kedb

مبلش ريقنا غير لبن مسكوب دموعنا عكرته
انا الطفل كان في عينه بريق ، بس الحياة طفته
ربع قرن اتخطف مني ، والمقابل غنا
بتوه في علامة استفهام "لماذا نحن هنا؟"

وحد الله ولا بعمل شيخ ، ولا بمسك سبحة
شيطاني ينام شبعان ، ويجوع أول ما نصحى
بجيبها كل ما أسيبها والبر يكون قدامي
بحاول أعوم في خط ، بس موج الرغبة عالي

مش متكسر أنا متفتت ، يعني مفيش قطع تتلزق
قولتلك الأوفة بتاعتي اللي يشيلها معايا بيتمزق
كدبوا علينا واحنا عيال .. انا لسه فاكر أول مره
حلفت كدب ، واستنيت ، ومتسخطتش للنهاردة

بشكر اللي إداني ضهره أما الدراما إبتدت
واللي كان عـ الباب ، ورجع لما الحفلة إتملت
جايز أنسى مين طبول النجاح ، ومين سكاكين الفشل
بس انتي منساكيش علشان مسكت فيكي بعشم

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

جت تشوف متحفي ، فأصبحت تمثال
معظم اللي عملته .. عملته عشان اللي بيتقال
معرفش غير الكره ، عشان مبشوفش غير أعداء
لو بتحبيني سيبيني أموت في حلبة السباق

احتاجنا في ليلنا لناس كانوا محتاجيننا
فضلنا عليهم ناس رخاص .. لحد ما زهقوا مننا
وجعنا إتدارى في إبتسامة قالت لناس تغور
الأيام وريتنا شيطان في الضلمه ، كان ملاك في النور

نفسي أقولك بكره أحلى ، لكن بكره زفت
انت محاط بكم من الصعوبات مجتش جنبه صفر
اللي انت فاكره قاع .. ده قمة قاعك اللي جاي
هتسقط مرة أخرى ، وللأسف هتفضل حي

بدأ يحصل بيني وبيني مشاكل مبتتحلش
مش قادرين نكمل سوا ، ومش عارفين نفركش
عايزين نكون نضاف ، وكتير عايزين نبان نضاف
بحيي كل شخص مدرك أحنا أد إيه ضعاف

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

El-Joker 2 april l الجوكر - ٢ ابريل

كلمات: محمد عصام 
https://www.facebook.com/profile.php?id=100006638370108
غناء: هشام شاذلى
https://www.facebook.com/he.shazly

يا مولاى

Artist : Ali
Music Producer : Ahmed Ehab
Sound Eng. : Ahmed Ehab
Mix & Master at : Live Studio

24k - ٢٤ قيراط

17 الوعد

ادعم المنحني#

under zero سابقآ

UnderZero- El 7elwa Blady- الحلوة بلادي

lilo💫

Recent comments

Youssef Mahmoud 22

Muhammad Eldiamy

user392494144

Kareem Mahmoud Abdelaty

Related tracks