"يارب"

صاحبت الذنب ميت مرة
ويمكن يوصلوا للألف
وحبيت الغلط مرة
وخدت طريق ومن غير لف
عرفت الدنيا وخداني
عرفت لناس وشوش تاني
عرفت الكل متغير 
مفيش ثابت في وسط الخلق..
عرفت إني غلط جداً.. 
وحاسس وحشة جوايا..
يجوز ليهم.. يجوز ليها
وقلبي خُف قَشَّاية.. بقى ناشف.
عشان جايز بعيد عنك
فأنا أضعف واحد في الخلق
ومحتاج قربي انا منك
عشان تعبان ومن غيرك
هينجدني يا رب الكون
قليل العلم والحيلة
وهرضى بأي شئ هيكون
يارب الخلق أنا عبدك 
ومحتاجلك ..
تسامحني 
عشان تعبان.. 
وأنا اتعلمت درس أوام
وغلطي مش هيتكرر.. ولا هبرر
ولا راح أقدم الأعذار
فانا طمعان أوي كرمك
ياريت متردنيش .. عنك

شعر وإلقاء : أبوعلاء اللي مش معري

Sound Recording: Hilda Mo'men
Sound editing: Reem Hassan
Design: Moaz Hegazy 

www.facebook.com/abou3la2
www.twitter.com/abou3la2
https://www.facebook.com/G3LonaSaydLanyan

يا رب .. ماتردنيش عنَّك

"مينا هشام"أهو ده اللي صار

اللهم صل وسلم وبارك على سيدنا محمد

ليلة مولد النبي من مسجد الحسين 1

اللهم صل وسلم وبارك على سيدنا محمد


ليلة مولد النبي من مسجد الحسين 2

أنا إتمردت

مابنزلشي عشان خاطرِك
ولكن ليا ناس ماتوا ..
ولا برمي عليكي اللوم
على كام يوم لكن فاتوا..

مابنزلشي ولا أهتفلِك
صحيح انا كنت يوم طفلك
ولما كبرت بعتيني ..ولا همك في يوم دمي
 
يا عشقانة في مين ذَلِّك
يا راميانا ومن دمك
أنا بَعْتِب فعاتبيني .. على راسي رضا أمي

فمش بنزل علشانك
وعارف تعبي بيإنِّك ..
فبكرة هقولها في ميدانك
أنا إتمردت ..لكن منك..

غناء وألحان: مينا هشام
كلمات: علاء عبدالله
توزيع: جون ستيف

ماتنسوش تشوفوا الفيديو: 
http://www.youtube.com/watch?v=bGR2LIN2Mos

الدم واحد .. واحد ..
كل سنة وإنتو لسه ثوار .. 

Mina Hesham:
https://www.facebook.com/profile.php?...

أشعار أبوعلاء اللي مش معري
www.facebook.com/Abou3la2

Mina Hesham - ِAna Etmaradt | مينا هشام - أنا إتمردت |

ونسيانك ونسياني
وصمتي ويَّا سكتاتك
هدوء أعصابي خلاني
أشوف القطر لو فاتك..
عشان شايفاني مستعجل
ما يمكن وقتي ده أوانك..
ولو قلتي خلاص راضية
هكون واقف لقدامك
وأحط الصدقة في الجامع
في بسمة طالعة لعنيكي
ونظرة هادية .. تتملى
صحيح القلب لو خلى
جبينك نور لحسادك
تكون البوسة لجبينك
رضا نفسك رضا نفسي
وعفِّة حبها الطاهر..

أنا حبيت وده الظاهر.. 

Recording and cover design: Hilda Mo'men 
MIU Studios 
Sound Edit: Reem Hassan

www.facebook.com/abou3la2

All Rights Reserved ⓒ

Abou3la2

Popular tracks