جرب تضحك وقت عياطك 
جرب تشرب قهوة فى كاس 
حط مرايا بسرعة قصادك 
واسكت واسمع الانفاس 
وابدا اشرب كده فى القهوة 
واعمل فيها انك سكران 
واعمل فيها انك بتخرف 
وانك وحدك بتكون فرحان 
وان حياتك ماشية كويس
وقلبك منك لسه سليم 
وان الدنيا ذكرت اسمك
وعملت ليك اكبر تكريم 
وان الفوبيا راحت منك 
تنزل بحر تكون عويم 
وان حبيبتك رجعت تانى
وبقيت رتبة وليك تعظيم
بس القهوة خلاص كده خلصت 
ارجع تانى وعيش فى الواقع 
عيش انسان من غير تقييم
#علاءسعيد

جرب تضحك وقت عياطك

 فيه مسافة بتبقى راحة
وفيه مسافة بتبقى موت
حب مبني على الصراحة
وحب مبنى على السكوت
فيه خطوط سهلة وعريضة
وفيه خطوط ملهاش وجود
بنت عايزة ضل حيطة
وبنت عايشة بدون شروط 
فيه أسامي تفتكرها 
وعكسها بيكون مفيش 
ناس تروح مـ الحياة
واسمها يبدا يعيش 
فيه وشوش تشبة حكاية 
وفية وشوش تشبة وجع 
شخص يحلم بـــ النهاية
وشخص يحلم بــ الفزع
فيه قلوب ليها حارس
وفيه قلوب من غير امان 
قلب يعمل فيها فارس
وهو طبعه يكون جبان #علاءسعيد 

فيه مسافة بتبقى راحة وفيه مسافة بتبقى موت

مافيش شيء ثابت 
ومافيش شئ مضمون 
ما ياما ناس غابت !!
ما وقفش يعني الكون 

Alaa Saeed 2

Popular tracks