R.F.F

Tawasul - The Beirut Sessions Track 2: Rebel Rhymes feat. Deeb and Al Sayyed Darwish

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

بو كلثوم : 
لا تنتقد إذا ما بتقبل النقد .. أختك عأخت وزارة النفط 
لا تنتقد إذا ما بتقبل النقد .. أختك عأخت وزارة النفط 

كلانا يملك الحقيقه لا أحد يملك الحق 
و خصوصي إذا ابن العم النازل بالمدينه دك 
عملوا للقصّه تدليع و راحوا اغتصبوها ببيتا 
أول ال fuck فاء أو فاء for vendetta
أو فاء آخر قاصر أو في ياء بآخر أرض ك " أرضي أرضك أرضهن "
و الرأي بالنص .. عم نبيع وطن بمفرق ننطر مرابح لحد ما صار رجل الدين يناجي المواطن 
الأخ مؤمن بالمكتوب بس راكد مالو آخد نفس
عقلي مربّط قلبي حر و لو كان عضم صدري قفص 
إذا سوريا و فلسطين قضيه وين المحكمه ؟ 
إذا القاضي مدحكل فوين المسطبه ؟ 
القصّه مانها قضيّه البلد يتيمة بيّها الصبيّه بالنص 
و الشعب بين سكينه و ريّا 
أمّي اليتيمه .. أمي ثكلى 
إذا عاد تسميها قضيه لح خربط شكلك !

وتر : 
لا تنتفض اذا بتقبل النقد 
اختك عأخت يللي سلمك شعب 
انا زعوري بحب استشهد بكلامي بكل شارع شواهد 
دورت عالموت بشعبي بس ما عد صفي شواغر 
لا تنبعص اذا شفت بالثورة في نصب ، بطلع مظاهرة ضد اللحية قبل القصف 
صار في صفقة ، سفقه , صفعه بعث نصره صفوا جنب بعض ليصفوا حكي النشرة ، بعد كزا ثورة بضل حيوان بيحكم شعب ، يللي ضل اليوم بلاقي بكرة ازا ضل في حدا بعد ما ناكو ام الحالة 
بيجي المثقف رافع راسو عم يدافع عن رستم غزالة 
الخلق رزاله بالارض بيخلق عداله 
من طيزي في نور ، و لك لا تنتقد اذا بتقبل دستور 
كل مواطن صالح عم نهمشو 
و الولد طلع مو حمش بيكره السلاح ف منحملو سلاح من حمشو 
مو كل مين ملك مصاري ملك بلد عنا مبلا 
و لتطلع المظلوم نشف خبزة عالصوبيا و كلها 
انا عفكرة بدحش حالي بكل تنظيم متل الصين 
بس خفي صعب تلاقيني متل المازوت و البنزين 
ترارارارارا

ثنائي لتلته - نفط نفط - إنتاج ثنائي لتلته

بو كلثوم في " إي فور " - إنتاج البرودوسر - Bu Kolthoum " A4 " - prod.by : Elproducer

صنم ورا صنم

الشوق للحي .. لا يعدي
النحيب بعد القتل لا يجدي
أثقلت مناكبي أحمالنا تكفينا 
بعد الموت ، حنون جلق سيواسينا
الرب ليس حضره الحضره هي الوسيله
يا حنون ، نحن منك و أنت فينا
يا مكور الأرض قسموها
أخلق لنا كوكبا نغادر الحدود
ضاقت بنا الدنيا صارت سجننا
فافسح لنا في برزخك طهرنا من حقدنا
سئمت من قوميتي فالحي أولى النذر
لعنكم الله وحدتكم عين الكذب
أصلي للرب بقلبي المحروق 
لهيب شوقي أحرق المحسوس
هلل يا ابن دمشق لا تحزن
حياة البرزخ عند الحنون باتت أقرب
إيماني بالحنان يواسيني
في وحدتي في غربتي أنت تكفيني
هربت من محنتي إلى مسيري
أسموني لاجئ هنا يا سيدي
لجوئنا ليس لهم بل إليك
اتكالنا ليس عليهم بل عليك
مخلّقي يا مصدر الطاقة الأعظم خذني بحضرتك عن جسدي الأجرب

حضره ٢ " حنون " - إنتاج بو كلثوم

الراس و مونما - عشق // بوست-خلافة ريمكس

Written by Edd Abbas & She3rab
Produced by Edd Abbas , Mixed n Mastered by She3rab

إذا ما شئت إقناعي أنا أحرقت أربعة ً أشرعتي و تجربتي و إرباكِ
 أنا أجهدتُ عيني في تطاولها أروم الشمس أعتِمها .. قصيدُ الحبِ أنظمها ويصلبها مُحياك ِ 
عليكِ الله ما أنصفتِ قتلاكِ قلبنا الكأس طافحة ً لجمنا الخيل جامحة َ طفحنا كأس عدواكِ ..
 فما أغواكِ أغواني ذئاب ُ الغابِ صادقة ٌ و شرُ الخلق ِ إخواني أنا بصائر ُ العرب ِ . .
 لأن العرب قد بادوا عيال ُ الله يطمعنا ، ، نكف ُ أيد مطعِمنا لا نفدي و لا نفدى ..
 لا أرض ولا زاد ُ أجاويد ُ و قد نكصوا .. لبيت الوبر قد عادوا فليت الشيخ حلاج ُ .. .
 وليت من يقطعنا .. على رقاب ِ الغولِ حجاج ُ مدينتي ،
 ، مدينة ُ الفضل ِ ، ، مدينتي خردة و جملتي طبلي أنا المجبور أن يقال الحق ,,
 أن أشرد الأصحاب من سُبلي دعي يا بلدتي القواد و اتصلي على الأمم التي اتحدت على أشلاء الأرض ِ و احتسبي 
وهبتكِ الأنياب قومي عضي و اغتصبي يشرحون تاريخاً على بساطِ الموت و القصب ِ 
و أنتِ حسبُك ِ حسبي يسير الركب ُ في عُصب ٍ و ليت العُصب للعُصب

ذهبتهمُ صوب الخنا بأرجلكم ، و لا زالت تحدثكم مآثركم ،
 نغص ُ بالقهوة و نبصق ُ النخوة ، قوات تحرير والخيل والصهوة ، 
اضحكتمُ قلبي عباد المال والشهوة

قاعد قدّام شاشتين ، عم براقب بالعين كارستين
 الأولى بالبرازيل مضحكي قد ما فات بالشباك غوال 
 التانية بفلسطين موءلمة بتأرجيك أدّاش كاس
 العالم ما إلو طعمه قدّام وفات أبناء بلاد،
 عم بتخوض معركي، يمكن ما عم بتشوف المعنى ليك، 
هيدي مش مقارني ، هي لصفوف المقاومة، هي تما ينسّوك وقت كنت 
(football)
 عم تحضر، بغزّة كان في ملحمي
 (next door) 
عم تحصل، و ملوكة العرب مكتّفين 
(panadol)
 عم تطحن، قدّامهن مش شايفين غير من أي
 (Mall)
 حتفطر،
 جدّ ، بالقلب في حصرة و مش لعبي،
 إنتوا إذ متدايقين بكون من شي حرقة بالمعدي،
 إنت وياه بس شاطرين بالعلف متل المعزي،
 العرب عم بموتوا إنتي كأنّك بالوضع مش معني،
 بتخايل ضميرك من لاقي بشي كبّينة،
 و إلّا كنت طردت من بلدك السفير الإسرائيلي،
 أقل شي تسجّل موقف مش ضروري تكون على الأرض،
 أجل فيك تأرجي صوتك بلا ما تكون تحت القصف،
 فيك تدعم بغنّية، فيك تدعم بصورة،
 فيك تدعم بالحقيقة إذ سمعت خبريّة مش مظبوطة،
 عم منمرق بظروف صعبة فسكوتك غير مبارك، 
نحنا بحاجة للتوعية و للدعم الغير مباشر،
 شو ظلموكي يا غزّة و أنجأ كم واحد حاسس،
 بالجنّي ربّنا أكبر قطعة أرض إلك حاجز

Sitting between two screens Witnessing two disasters The first is in Brazil from all the goals that hit the net The second is in Palestine, so painful that it shows How meaningless the World Cup is compared To the death of a people in a battle for their land Maybe you don’t see my meaning This isn’t juxtaposition This one’s for those who stand in the ranks of the resistance This one’s so you don’t forget when you’re watching football That there’s a massacre happening next door Arab rulers are standing idly by, crushing up painkillers Aren’t concerned with anything besides which mall you’re going to have iftar It’s so real It constricts the heart, it’s not a game As for the lot of you, the only discomfort you feel is heartburn The only thing you’re good for is grazing like goats Your fellow Arabs are dying and it’s as if the matter doesn’t concern you I’d imagine we’d find your conscience in a toilet bowl somewhere Otherwise, you would have expelled the Israeli ambassador from your country The least you can do is take a stand You don’t have to be there on the ground Indeed, you can raise your voice against it Even if you’re not under the bombardment You can lend your support with a song You can lend your support with a photo You can lend support with the truth when you’re told a false rumor We’re going through difficult times So your silence is not welcome We are in need of awareness and ancillary assistance They’ve been so cruel to you, Gaza And there’s barely anyone that feels for you The Lord has reserved the greatest plots of land for you in paradise.

الرد الصلب - بالإشتراك مع شعراب (Prod Edd Abbas)

صورة ل: علاء حسن - ريف حمص نيسان 2010.
www.sheikhphotos.com

-صار لازم نمشي
مافي سما بتساع السر اللي بعيوننا
فحدا عم يكتم.. حدا عم يفشي
وحدا ماسك النهار من شعره
عم يسعره
وحدا لاحق خيطان الشمس بده يقلها كلشي
عن آخر طريق البيت.. وعن آخر ريحة شمها
وآخر شقفة دهان شالها من الحيط
ضل كل ما يموت واحد منا ينقص خيط من عباية الليل
لصار عاري عالسكيت..
آخر رفيق..
عم يحلم بالضو.. لا تقله يفيق
كلما اتسعت الرؤيا
صار المدى يضيق
بحر الخوف كبير
والغريق بيجر غريق
آخر هالطريق آخره
وآخر كل عطش بلة ريق
آخر وصية
بكل حنين خيبة 
عم ياكل من ذاكرتي
فبخبي صورهم بالجيبة
وبتحرقني خاصرتي
يا وجعي يا آم الهيبة
سرحي الليل على شعرك
وطالعي البيت من الشيبة
أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة


-أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
اللي متلي ما اله بيت
اله رفقة واهل وذكريات
صور أخوات نزلت عالحيط
لتفادي عودة هلوسات
اختلاط الآن مع اللي فات
أنا الفرد الشتات
وين ما بلاقي حالي بكون الظرف الغير مؤات
إذا عم بتبيع نسيان هات
اذا للتلميع عنا لسانات
بس خلينا نروح عالغابة نكتشف حيوانات
اللي متلي خلق بمدينة محتلة
اغترب بمدينة محتلة
رجع عمدينة محتلة، لأ مش لغوية العلّة
المحتل والمحتل شلة وراسي السلة وحقي الغلة
بس ما رح مل قبل ما ملي
مساحتي مني
سكرت دينيي لما آدم أنبأ بآسماء
لما فهموا فرويد بدلوا الوحي بالإيحاء
داء مطرح داء آب مطرح آب
شيخ قبل ما شاب ما شاف غير أمر بالكتاب
اللي متلي ما اله جياب لتساع والوطن بشيكات
مافي خرج حط بالجرح توازن بين ميزانيات
أمن وفساد كل ما تنسرق مدارس وتننهب ثروات
تكتر جيبات تكبر هيبات
كان مستحيل يزوجوا بنتهم حطوا صورته لما مات
فعلاً بكوا كتير بجنازته بس من تحت الكمامات
شادي ما سقط، شادي زمط! البلد سقطت
اللي فوته طلعه كرت بإيده بلّعه دلعه خلص منه ولعه
متل ما سلحه شلحه لبسه قلعه بالكلسون
بيتمنعوا وهم راغبون عالتلفزيون بيتصنعوا ما يثير الجنون
ونحن صامتون، مش باقي وطنياً أنا باقي عفوياً
نحن لغوياً مش نحن دموياً.


أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة

أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.

سطور أصولي كتار
ملجأ منزل ودار
بيتي جمع همومي وضهري رصفته حجار
باكل خبزي وبترك الطريق بلا آثار.


الدرويش والراس - بيت بيوت // إنتاج مونما

Prod. by Munma.
لما امسك القلم واكتب عن الشام ايدي بترتجف
لما يقرب الوجع من العظام سهلة تنجرف
لما كنت طفل وكان حاكمنا غازي كنعان
علمني بيي فرق بين النظام والإنسان
لما الحريري مات السيارات المفيمات ذاتها
اللي عالتشفيط لبشار كانت تصرف بنزيناتها
صار 14 آذار محور حياتها وضلت تقبض مصرياتها
لو حكمهم السنيورة كانوا انفلجوا السوريّة
ولما قاموا عبشار قاموا كرمال الحرية
والعم سام آخر همه أحلامنا
كرمال عيون السود لدولارات آل سعود
بكره بيلبس عمامة واللي بعده بيعمل إمامنا
الثورة خلعت بواب الحرية
ورح يتسلل من هالباب يهود واخونجية تيخطولوا لبشار جلباب الضحية
وعباية مطرزة بخيوط من لون قضبان المزة
عضهرها مكتوب بالدم، أنا إله العلمانية
بالمختصر حكيم النظر معه مد بصر
بيشوف البعيد أحسن من القريب غريب
أسد بياكل جزر، مستعد يتفاوض مع صهيوني بس الشارع السوري شايفه مندس ومريب
كيلو الممانعة بالفين لأنه الحكي ببلاش
دعم المقاومة بلبنان تجارة بحقوق الناس معليش

فلسطين حق الشعب
والشعب حقه الكرامة الكرامة بيحميها الحاكم والحاكم بقصره نايم 
نايم عجثث الشعب والشعب بده فلسطين
فلسطين بدها الأحرار والأحرار اختاروا الثورة عالنظام
الاستقرار بالموت موت باستمرار ارفع الصوت
مش بحاجة للجزيرة الصورة واضحة من بيروت
يما مويل الهوى يما مويليا ضرب الخاجر ولا حكم الخسيس فيا
اسأل عروبتك من تناصر هي؟ مش عبد الناصر هو
اسأل كيف على كرسي الحكم هوى
كيف هني واليهود دفنوا الجولان سوا
جحيم كلام صار الإعلام
وصاروا الأراء قد المارة عجسر سليم سلام
ما بيعيش إلا الأحلام
ومجلس الأمن جايي زمن يدفع التمن
العقول الحالمة مدركة إنه العفن بالنظام العالمي
أميركا علقة بتعيش على المي الآسنة
من كل جسم حي بتلزق تتمص الدم للأمانات خائنة
ابتعد عنها يا ابن العم
رأس المال لكل ثورة سم مميت
الدعم الأميركاني الوحيد بتاخدوا من العنيد بوول ستريت
كون الطوفان وسمع صوتك للكون
كون نبض انقلاب على موسى وعفرعون
وجهين لعملة وحدة
هني الجرذ والطاعون
نحن الجذر والباقون
متل الزعتر والزيتون
أرضي وحدة من الجليل لقاسيون
وأمة الظلم واحدة  
ديكتاتور وابن صهيون

الرأس ومونما - أمة الظلم

Prod. by Watar
عن طرابلس وحمص وحمص وطرابلس

 نزار قباني-عزف منفرد على الطبلة

الراس:

نفسي محبوس
خد الشك دم، بس العقل بده يبوس
حرب الحق حلم بس الوجع ملموس
عالصدر كابوس، أشلاء بلا أسماء على وجهي عم بتدوس
لطرابلس تراب حمص عمل تلقيح
عبير دمع زهور عم بيزور مع الريح
منيح بس دور الجريح مش مريح
رح صير شيخ أعمى عم بيرتل للضريح
انجرحت فالتفيت بشريط أنباء عاجل
اشتقت فاهتديت عا خط حمام زاجل
المحبة مش مراجل وانا بحار نوحي
عرّوك فكرمالك اضطريت اشلح روحي
وارميها عكتافك، الربيع بعده مطول بعدن مزرقّين شفافك
بدنا للعدية رية، طرابلس وحمص دورة دموية
شيلوا صنم ساحة النور اكتبوا "الله رب الحرية
خلص صار صوت القصف ايقاع ماشي
عزف عوتر عنف تلحين فاشي
ركضت باجريي ريح، حولي صوت مش مريح
رصاص مثل صراخ ديك مخصي عم يصيح
لا أنا ثوري لخلفي مش لسلفي
ورح خيطلك توب صوفي مش حريري بشرفي
عن شرفتك رح غني وحمص تلسعني
رح فكك حيط فكري بكرا فجرك بيجمعني

السيّد درويش:

طفّيت رموشي، غفيت، شلحت العباية والطربوشة
زعيم عشيرة طايفة، عم بيبيع بضاعة مغشوشة
الراس قال الناس عايفة ربّا، عشية خايفة عم تتخبى
فتحت عيوني
الناس مجنونة 
مقسوم التراب بالنص
لعبة تجار واللص صارت
سيناريو حمص بدن ينعاد بطرابلس... فشر
الشعب واعي هي يوتوبيا
ولسخرية القدر علقوا بشارع اسمه سوريا
جوا المدينة استعصاء بوجوه البشر
اعصر السما مافي مطر انتفاضة بلا حجر
بلشنا وأد المدن وجاية الدور على قطر
أكلنا الموت حتى ترجعي توقفي يا حمص.. قومي
شدي الحيل.. طريق طرابلس قرب
شدي الشمال رح بتشوفي الجنوب سرب
ضبي وجع الأمة تحت صدرك جوا طرابلس
رح ضلني رافض كون معك للموت لأني معك للحياة
اخلصي من عهر الطغاة اتجبري
الشمس كتير قريبة لا تتجمدي
بكرا بتمشي على جفون الناس أنتِ وعم تتخصوري
ارقصي اليوم عرسك جايين نزفك
ل12 ألف شهيد سوري بلكي عا حمص بتزوري
ولما بتشوفي وش حمص بلا معالم
رح تتعلمي تثوري عالسلاح قبل الحاكم

الرأس والسيّد درويش - ميناء حمص

Music by Munma
Vocal recording and mixing by the Munaqresh (Stronghold)



عمو وين بتروح الناس لما تموت؟
هلق عن جد أمي وبيي بالجنة؟
سألته وما جاوبني حاطط راسه بين ايديه وعم يغني
غنية بتبكي قلبي عم يتفكّك
عمو فارس كان بيته حد بيتنا
ويا ريتنا ما سكنا حده
يوم ما رجع البابا عالبيت أزرق خدّه
عمو بكي دمّ عالمخدة ما عاد هبده يهاجر
خاله بفرنسا عنده محل فلافل
يومها اشترالي فستان وقلّي خلص منّي فالل
مين أحلى قل لي: الجنة ولا فرنسا؟
لأنه البابا مات مقهور وأنا ما عم اقدر انسى
والماما كانت تقول: إذا إجى الصاروخ
الملائكة بترده
عمو كام شقفة من جتة إمي قدرته تعده؟

ليش براسي عجقة، وعجقة عالشحن؟
نار بقلوب نص الضيعة، النص التاني صاروا فحم
وين آخذنا الطريق الطويل بدي انزل بقا خلص
ما فيي اسمع عويل، اوف اوففف
شعري بايدي كمشات عميهرّ أفعى فزع على بطني عم تلتفّ
بدّي إرجع على الصفّ، بس مين بيدافع عنّي إذا الناظر ضربني كفّ؟
كلّن ماتوا، دي موت
عمو ليش وقف الشحن؟ من وين هيدا الصوت؟
وصلنا قال لوين؟ على مركز لاجئين
فجأة مسكني واحد، حسيت بحلقي سكين
سألني عن عمري،قلي إنت بنت مين؟
لما عرف أهلي ماتوا قال في خيمة لليتيم
جمعونا بنفس المطرح مع 30 صبي وبنت
ما خفت اختنقت صرت فكّر بدي إهرب
دورت بس ما لقيت حيط فيه براسي إضرب
حانفجر حاسة عمري من دينيّي عم ينسكب
عمشوف أحرف موت علوجوه عمتكتب

 تعبت فاتوا 2 ختيارية على الخيمة
واحد ضحك سنه دهب ريحة كبريت من تمه
في بنظراته جبل لهب طلع شيكات من كمّه
التاني شكله شيخ وكرشه مترين منفوخ
عميتذلل للأول لسانه مترين ممدود
أشّرله عليي صار صدري مسدود
لما طلعه لبرا في صبي أكبر منّي قام عن كرسته وجرا

قلي قعدي، ما بدي قال اصطفلي قمت قعدت
حط عينه بنص عيني، كأنه قال عليك شفقت
بتعرفي شو بدن؟ قمت هزيتله الراس
قال حيطلعك من هون، بس كرامتك رح تنداس
رح يتزوجك ويذلك، كل ما اشتكيتي يقلك
أنا اللي خلصتك،
يتزوجني؟ هيدا الوحش؟ لك أنا عمري 15
بدي أهرب رح احفر بالتراب نفق بحش
بتعلمني؟ بتعلّم
بتساعدني؟ بساعدك بالليل لما تعتّم
لما انتحرت الشمس زحفنا بلا ضو عمنشوف باللمس
بعدنا عن الخيم قمنا نحن التنين نركض
نضحك نغني فكرنا الوجع عم يبعد
ما عرفنا إنّا اجتزنا الحدود
ما شمّينا بالجو ريحة جوع وبارود
طلع رشق رصاص شفته هوى قدامي
طلع الطلق التاني فتح براسي جرح عمتطير أحلامي
صارت بايخة الأسامي الحياة ووحلها
عمو فارس طمنّي...أكيد الجنة أحلى؟

عم دور بالغرفة متل المجنونة
حريق، صوت  صريخ
ولاد مربطني متل جدولة
الخوف ورا الباب
الدرج بحر غميق
الحيط ملون بوجوهن
أجسامن مزينة الطريق
عم اغرق لون السما عم يغمق
بين اللجوء والبيت عم اعلق
يا موت يا بهجر
نازلة عالدرج رح افجر
لو كل زوايا بيتي بيغمروني وبغمر
عكل قذ يفة اعبر
خمسين حاجز
تلاتين رصاصة وموال
أنوثتي عم تكرهني
كل ما اسمع أنه الحرب للرجال
أساور على إيدي
عم تقطع وريدي
مكبلة بخيطان عم اغزل
سماء جديدة.. حرفيا
كون حرة اكسر الجرة
قبل ما تطبا
بدي امسح الصحرا بخصبي
مو رتل حكي بعبك
دقوا عالسيارة فيقونا
عرضوا كتافن بس ديقونا
كل وحدة بخيمة..
في برا خوف
وأنا روحي معلقة ببتي.. وتحته غيمة..
شعري لسا منشور
على أغاني الميمة..
في برا حكي عن العرض..
عن حكم تاء التأنيث ما بين السنة والفرض
عن الحريم وانا حرة مو حرمة
انا امرأة مو أمة
لازم تتدفى بعيوني مو تفرض عليي العمى!
العمى!
كيف مفكرني ارضى؟
بملي عيوني رمل
وما لحظة بحضنه أفضى
لابس قبة ومخنوق..
وعم يحكي عن اللجوء
ألف فكرة جوا راسي
ألف جني عم بيسوق
دخت اشتقت لتختي
لحكاياتي أنا وأختي
لعيون ستي العتيقة
لكاس العرق والمتة
قاطعني
قلي روقي
صرخت لك قوم اتركني
مسكلي ايدي نترتا بزقت افلتني
أنا حرف مربوط بدي شاعر ليعربني
اذا ابن ابوك اضربني!

عمننقل صوت انثى اندفن الحق بسرها
عمنربط العقل والكرامة بحبل سرة

لأنه لوجع أكبر من الورقة برقص
لأنه السجع ما بيكفينا لما الأنوثة تنقص

عمحرر ت مربوطة عغرد للانوثة 
من السلمية للغوطة لجباه ما بتوطى

لأنه رحم لأرض رحب لا تتخبي ببيت المونة
أنتِ لأنثى وأنت الشعب حقول الناصرة واليمونة

عم اهديك جنوني وكرسلك املي
عم قدسك مقياس للبلاغة جوا جملي
ثورة انتفاضة كرامة
شجرة شمس حمص رقصة خرس
عدف شامي
الشرف مش دم حمامة
شرف الثورة اضعفها
يكون مرفوع الهامة

الرأس و السيد درويش و مونما - ثورت

Edd Abbas in "3al Taree2 (on the street)"
Production & Kuts by Dj Goadman

3al taree2 (Prod DJ Goadman)

Music by Munma
A penguin on a philosophical journey of discovering one's self

مزاجي متارجح بطريق مسرع/كل مرة باجي لارجع من الباب اللي فتت منه بيطلع/اصلا مش موجود/ ماتريكس دوووود/ذاكرة سمكية رسم عصفحة مائية نقطة فلشت علمي صار اليوم سنة ضوئية/
نسينا معنى اللغة صارت الحمد لله تقية/نستله (Nestle) استثمرت بالمي صارت المي صهيونية بس نقية/ منك 60 بالمية/ بعد بتقول صفي النية؟
إذن من الذي خانك؟/السوس هر ضراسك ولا الكز عسنانك؟/حكي الناس عليك ولا الوسخ علسانك؟/راسك اللي مال ولا سلطة راسمالك عليك/شيك بيك/ تفضل حبيبي شيل من الكعب سخنين/ نبش بالماضي عن شو صار من سنين/بتتذكر الحدث ولا بتذكر الذكرى/اذا استرجعتها اليوم وقدرت حولت الفكرة/ كيف رح اذكرها بكرة؟/ بالحدود بين الداخل والخارج غموض كتير انتحاري ناوي يشوف فيديو التفجير/ زير بكل بير وميت بير بالراس/كلمة صادها من نهر بيرة بكاس ابو النواس/
صورة نوبة كنا ننتظر عبورها صارت الواو قبل الباء نبوة أصلها اسطورة/ ازدواجية العقل جوابها للحزورة/ التوازن فرط بعدما ربينا غلط 20 سنفور عسنفورة؟/ذكور مغرورة/ البطريق مترنح بس وفي بالحب/عقله وقلبه واحد فما بيعرف يطب/الطب تبعكن مجرد جمع لسم حيتين/دواكن دكاكن سرقة ببطون حيتان/ ولكنني بطريق وسابقى هنا صامدا بس حدور       عحي ثاني

لا تقلي حمار وحشي لا تقلي بندا/ بطريق عندي جوانح بس ما بنط عن البرندا/ جوانحي كالزعانف تغوص ببحر المعاني/ ما بعاني بالجليد رغم برودة المحيط/ واحد بالتفرع مش خليط/ مؤمن بالتواضع مش عبيط/ بهاجم بمنقاري مش لبيط/ برقص حول الوسيط/ بدون تفريط بالدقة/ برقة بواصل التزبيط/ لالتقاط ترددات صراط/ مستقيم بس متحرك بالايقاع ارتباط/ تذبذب مش اعتباط/ تردد بالتسديد بس بالآخر شاط
أغزركم تفكرا أكثركم تشكيكا/ بطريق اثنين بواحد سميني اوكا واورتيجا/ سألت الاله عن سبب تأرجحي/ قال لي: عمق الايمان أن يضيء الشك فيك ليريك/ أن الأنوار في السؤال لا الجواب/اختبار للعقاب تيكون الحق خالص مش طمع بالثواب بحث عن الصواب/ مجتمع متعالي كله بده يكون عقاب
أنا إجريي على الأرض يا خي وبس بدي طير بسبح بانعكاسات السما عالمي/ حيّ على الكائن الحيّ

  




الرأس و مونما - البطريق

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

Scratching DJ Stickfiggr

عم دوس دوريات أمنية كأني مقاوم داخل
مواطن الموطن خارج مواقع حمص وداعل
متابع عالطريق متل آثار الدبابة زارع
أرضي شهداء كنجوم درب التبانة طالع
من قمع الناس من ريحة حشيشة وكاس
من أصوات البواط عبواب كفرنبل لعقال
أشراف درعا الأبطال شامخ، صوت القاشوش راسخ
الثورة صلاة ناسك، ماسك بإيدي مقطع ناسف
لأقطع بقلمي الإيد اللي امتدت عشعبي
صوت الموت صار مألوف كلحن شعبي
الحفلات بباب توما الأكفان عبواب دوما
من الحي الكان مليان بقيان أوضة
بس بسلمية بيستشهد شب إسماعيلي
بتشييع شهيد سني بمقبرة للجعفرية
بتحرق حقول الشعب رح أحرق حقول نفطك
علق راسك مقطوع وأكتب على جبينك نحنا!

عم علق أنا عم علق عم علق
نظامي صار قديم ولازم غيره

الشعب مختار حيره، الغضب مافيك تسيسه
من ورق شغب ثوار لبلد مسروق خيتا فلسطين
على اسمك تاجروا فينا، خبينا البلد جوا ضلوعنا
ولادها هاجروا فينا.
أكلنا الكف كفينا كفننا قلوبنا برحمة الرب ربينا
عيوننا سدينا صدقنا الصوت سبينا
شفنا الخيم قريبة بين حجيرة وسبينة
عنفس الأرض صرت محتار بين رية وسكينة
وسكابا للشعب، واسكار مع هالرصاص
دق كاس القناص ودق عبواب الحراس واخراس
الشعب ثار حتى صار الشعب محكمة
خليك شايل سلاح رح أطعنك بالمقلمة
أمسح دموعي بمحرمة سوداء، شق الحبس بالنص
سكر بالبلد بشوية بحص وغص
التراب عتّم عالعيون، أكفان وناس
شواهد عالم عالتم.. ريحة دم وزيتون.. شمّ



الصورة من صفحة، عدسة شاب تافه
http://www.facebook.com/lensYoungsillysyr

دم وزيتون - السيد درويش. إيقاع: المنقرش

حضرة حرّة/ بن علي طلع برّة/ إذا كانت ليلى مرته بتكون النهضة ضرّة/تونس إمامي والجبة نار لا إسلامي لا يسار كافيار/فلاغة لقاء بين سيدي ريس البحار والاخ سيمون بوليفار/مش ياسمين صبّار/ ومش فرنسا اللي بتختار/أحلامي/الحمامة طلعت وطواط ظلامي بحجة حماية الثورة شكل سلك إجرامي/روبن مساعده بس بالسرّ في قصة حب ممنوعة/كل التطرفات من كبت مصنوعة/من عقل غير راشد رغم اللحية البيضة/مش مهم إذا كان عريض وللأسود حبيب صيد/ فهمت اللعبة؟ عم ناور عالتشابه/ مثلاً كيف دجاجاته هني ذاتن صاروا كلابه؟/ وصلت يا خفيّف؟/ حلوين حفلات المرسى بس بدنا يدعونا الشباب نعمل حفلة بالردّيف/

حضرة للشابي عملنا حضرة
أنا وارث شعر تونس والقلم حبره حبرها
حضرة للبوزيد عملنا حضرة
أنا جذر الأرض الحيّ صمودي من صبرها
حضرة للكافي عملنا حضرة
أنا سفح الجبل العالي من تاريخي خود العبرة
حضرة للعاشور عملنا حضرة
أنا منبع للإسلام أنا المؤمن بالفطرة
حضرة لجوغورتا عملنا حضرة
أنا اللي عروبتي بوسع مزيجي صدرها
حضرة لبشيرة عملنا حضرة
التونسية الحرّة دار الوطن عخصرها
حضرة لبلعيد عملنا حضرة
الثورة مستمرة والسلطة بعدها بقصرها

نداء تونس أتقل من كتاف موميا/عدوهم مشترك ثورات تونس وسوريا/ نظام أمني قديم وعصابة جديدة سرقت الأصوات باسم الدين/رفع صور بشار بغذي السلفيين/ حنين البعثيين مش بديل عن الإخوان/نوستالجيا الليي كان خيار المحبطين/ خلافة مين يابا؟ تحالف كوكا كولا مع عصابة علي بابا/ من كتر النفاق الملائكة أسست نقابة وبكرا رح تعلن رسمياً إضرابها/ اعتصام بالزيتونة وملاك بيحرق حاله لهلدرجة جننتونا/قد ما بدكن كفرونا/ إذا كان شكري بجهنم فنحن اللاحقون/الشهيد مش قديس بالعيد/ بس القاتل شيطان أكيد/فتوى التكفير والعقل ورا التدبير مش بس الفرد والايد/بتحاسب القواد مش العبيد/ وحشي قتل حمزة بأمر هند بنت عتبة/ عمذكرك بتاريخك شكلك نسيت مين عقبة/ الهوية رحم مش عقدة بالمعدة/العروبة آفاق فوق الأعراق تاخذ بعدها/ أبو لهب بالأساس جار الكعبة/ أبا جهل عطيني كعبة/الراس ردّ اللعبة/مجاهد بلا جعبة/سمّي تدخل سافر شعوذات كافر صوفي عابد مقابر/ بس ما تشبهني بظافر/والعود/ في البدء كانت تونس وإلى تونس نعود

	


الرأس و مونما - حضرة حرّة

إيقاع | السيد درويش و وتر

سكة عرجة، مضرج بدم ال"آخر" لأنها لذة "أخرى"
غزة أختها: نفس اللقيط واقف عالزيق، حرس حدودي خزّيق على الروسي عزّيف
"طاخ" باخ" كله نفسه  وكله أرشيف
الواحد محير خمسين ملة وتعريف
مختلف معك عالفحوى فما رح ناقش بالتحريف
ما فتوى الإيلاج من الأذن بقصد التنظيف؟
تجديف!؟ أكيد هي التهمة بتلبقي، خلي براسك
يتيم صعب يعمل سلم أهلي
شلت سطلي عالنبعة وكنا سبعة
أنا وحمص وقانا وداريا وصبرا وشاتيلا وشبعا!
عم تاكلك الضبعة لأنك تاجرت بالرجعة
طز لما تغرق القارب وتشوف الثورة بدعة
مناضل خدعة، خدله خزعة، ورم خبيث متله متل خدام ورفعت
إزحط.....

منشق ومدروز سابقاً
كما لوحظ شقه مرات عديدة وتدريزه مرات أخرى عديدة
وشنق نفسه خمس مرات في غرفته بخمس أفكار سديدة

حديدة رديئة الصنع، تاريخك ملزق بالصمغ
قوات الردع استعمار باسم النخوة
ايديك عالرشاش رخوة
عزيزي المستمع طبقنا اليومي عدو مشوي
هو نكرة أي لا تطلب تعريفه، شعار المرحلة وظيفي
لا تعتبره مبدأ وبالشأن السوري تغرق لأنها مو نصيحة
قبل ما تمدهن شمهن ريحة إيديك كتير قبيحة.

عشت وأنا عبي دمي بالطشط
لأني وقت حقي بصير هردبشت
قد ما رح تحكي لغات بالحمصي بتضلك "بوشت"
كثافة إنتاج سوء توزيع صلعة ومشط.. دفة
عم حس بخفة! بخفي حنين رجعت عم عبي الوجع بالقفة
عم قفي نثر أجسادهن من بيتي لاطراف الحفة
من التيتة ليما الضفة..... صعب لما تعرف أنه الحكي ما بيكفي!

كفي أحياناً بترجف بس ما بتصافح.. وصارت
في كراسي طارت هالحبل عالجرار مرابط
كلشي بحسابه العدس بترابه زابط
انسى كلامي في صبية فوق عم بتغني ساقط
ضابط وجهك بوجهين فبغشك مرتين
مرة ب"بوطي" ومرة ب"بوتين"
بيكفي تسألني الثورة لمين، رح أضرب حالي برجلي إذا ابني بينسى فلسطين.
أنا بنسف طور سنين، منسف صحيح بس محرّف.
خرّف لبس توب النعجة فكر حاله اتصوّف
اتمسك بحبل الله لما الكل عوّف
عرجعة الإيمان طلع صرح واتخوّف.
أجوف، طبل. ناس ومي وسطل.. شطفة صغيرة للإسطبل
براسي انهي السلطة بشي تحديد للنسل، تجويد سورة النمل
تحطيم قصور أبي جهل. شعوب بلشت تصحى
تفريق النص عن النصل، وهابي سلفي أوبعثي بيشوّه الصورة الأصل
لقد تم اكتشاف العطل... قبطان راكب، عطيار راكد على حصان، بيعشق كرّة..
بتعشق بغل!

تداعي حر | السيّد درويش

يها الشعب العتيق استقبل كلامي
أنا إله الكون فاركع تحت أقدامي
واعتلي منصة الشهيد، عفواً منصة الشهود
أنت مدان بجرم خرق الحدود
أنت تفكر يجب أن تنفذ فقط
أنت يا شعب جرثومة حكمي عليك سقط
فانتظر خطابي القادم، قادم
سأقول فيه الشعب شعبٌ والحزب حاكم
وأنا القائد لكل الكون أنا العظيم فاعبدوني


استنى شكلي رح غيّر شرشف التخت لالبس كفني
قد ما قالوا سلفي شكلي طولت دقني بلكي
منشوف استقالة كالقوتلي لتعم الوحدة
عشي شكلي أو كالشيشكلي
ليصير انقلاب بشوية بلد بقيت بطرف قنينة نقطة مدينة عابواب شفة
فاسحاب شتلة من طرف شعر الصبايا
وازراع بالأرض مرايا بلكي بتعكس شكل حقي. هي صلاتي استعصاء للمولى بلا سور
أنا الحق صوفي فاصلبوني رح ضلني دور
أنا الشعب باقِ أنا الأرض أسمائي
أنا المجند الحر أعلن انشقاقي
سمعان أصواتي، أصغولها الشعوب بدها تغني
الشعب يريد إصلاح عطل فني
الشعوب تثور فلاحق السطور عبساطة المعاني كإرحل خلق دستورنا
اسماع رفضي لكلشي بأول خطابك
الشعب ما بيموت خبر ابنك يعلن حدادك
يعلن خروج روحك، لك يلعن نفوذ روحك
الشعب قدر فاستقبل سقوط لوحك

ردّ الشعب| السيّد درويش، إيقاع: المنقرش


لتلتة، السيد درويش.
Prod. by: Watar.
(الشعب يريد إعادة إنتاج الديربي)
- إنتاش بذور الوعي صعبة 
مصرّ كون خط ثالث لينضج وعي شعبي
السكة وحدة سميها السكة المكرّمة
أصوات الحق مغبرة فيك تسمينا محرمة
الكحل عالأرض عنا المحل عالعين
الخوف خلطة عالطلب كأم كلثوم و"سلف دين"
خليك صاحي رئيس دولة قهوة مستقلة
قلي مين الناس رح قلك حشيش وملة
خليني حل وعالغسيل كون ناصع
عم اكل خرا كل حياتي لهيك عم كون ناصح
مجنون فلتان على بلد عبيان زوايا
ناس مكدسة بباصات أعمال بلا نوايا.
- هالمرة أنا التاجر رح اشتري الأرض وارجع بيعك
بعقد استملاك يخلع نيعك..
اخلع رجلي ليخك على قناعك فيها، كون على أتم القناعة فيها
وفيكَ، شق أي وثيقة بتمتّ للعدوّ بصلة وثيقة
الأرض رشيقة قد ما شفتها عندها ناس جرب تكون صديقها
ساير الركب لا تركب، ضهري ما انحنى لتركب، كم جثة بدها
لتركب البلد ففرقوها!! صراحة..
فكري كان محصور، ففرّ فوقك!
الدم بينقض الوضوء بس الكذب لأ
الموسيقى بلا دروشة طبيخ بلا كزبرة
البارود وصل لحلقك مو؟ إذا فكيت سناني والعفن طلع باللثة شو؟
أنا ما بعيشها للحياة بس بسمع العيشة
طالما سمعت هالتراك فيك تسمعني اي شي..

R.F.F

ALaa Sukkar