مسحراتى على الموضة


" مجموعة "
يامسحراتى سحرنا ..... 
" المسحراتى " لا لأ لأ زعلان
يامسحراتى سحرنا 
لا لأ زعلان
بالطبلة تيجى تفكرنا 
بجمال رمضان 
الأصل إنت وورثينك 
جيل سلم جيل
كنا صغار وفاكرينك
يابو لحن جميل
وف عز نومنا تصحينا
لما تجينا تسحرنا
يا مسحراتى يا مسحراتى 
يامسحراتى سحرنا
كدة زى زماااااااااان
لا لا لأ زعلان
ماهو غصبٍ عننا نعمل إيه؟
دى ظروف الدنيا  وحال الكون
ولا كان فيه كهربا ولا تلفزيون
كنت انت الأصل فى شهر الصوم
عشان خاطرنا 
خليك فاكرنا
يا مسحراتى يا مسحراتى 
سحرنا كدة زى زمااااان
لا لا لأ زعلان
كان ليا زمان شنة ورنة .... كان ليا زمان
دلوقتى خلاص بقيت عيرة  " وياعيب الشوم "
وان غبت حتى مافيش سيرة ولا ليا لزوم 
وبقيت فى نظركم وكأنى ذكرى ف رمضان
وكأنى بضاعةومركونة على رف دكان
لا لا لأ زعلان
أنا كنت زمان بامشى لواحدى فى عز الليل
والف شوارع وحوارى والناس نايمين
والطبلة ف إيدى وبنادى على الصايمين
إصحى يا حمادة وياسيد وياعز الدين
إصحى يا أمير إنت وفارس صحوا التانيين
ييجوا الأطفال يمشوا ورايا ويغنوا كمان
لا لا لأ زعلان
..........

المسحراتى زعلان

" كجك العيد "
أشعار #علاءعيسى
الحان آداء #سامى_الدمسيسى
............................
حلو ياحلو كل الحبايب هالو           حل الكيس وادينا بقشيش لنروح مانجيش ياحلو 
ويا كحك العيد جاى فى المواعيد       والناس بتجهِّز وتكتَر
 من سمن وزيت وبتملى البيت        إيشى محشى ملبن وبسكر 
أما العرسان الله فى العون             بيعدى الشهر كأنه ف يوم 
فى الشقة بيفرش ويجهِّز               ونسيبه يقول له يا واد انجز
 ويقول له ياعمى أنا جاهز             لو عايز برضك أنا عايز
 شفنا الكوافير والذى منه               والقاعة اتحجزت من كله 
ومعادنا أكيد جاى بعد العيد           ونعلق زينة على العمارات 
زغرتوا يابنات 
                            " مطرب "
والخير بيهل على قدومه               ويابخته القادر على صومه 
والليل بيعافر ويقومه                   والصبح بيسعى على الأرزاق 
وهو كله بيرزق من كله                سبحانه الرازق كون كله 
واهى ناس بتجهز لموائد                ماهو أصل السعى من الارزاق 
ايشى واحد يعمل فى قطايف            سبحانه المولى آهو شايف 
رزاق وكريم هوة الواحد                والشهر كريم ماليان نفحات 

                          "مطرب 2"
فيه برضه شباب عايش يومه              ولا نابو غير عطشه وصومه 
فى نهاره كأنه مافيش رمضان            والضحكة بتعلى فى كل مكان 
وبنات لا بسين على مش لابسين            وشباب بيبص على الماشيين 
وبتملى الشارع بمعاكسات 
قشطه وقشطات شعبان اهو فات واهو جه رمضان شهر البركات
                                 
.......... 
قدمت فى ليالى رمضان بإقليم شرق الدلتا الثقافى
#الفرجة_الرمضانية
للمخرج السيد الدميرى
متابعة فنية وإشراف عام
نبيل سمير
رئيس الإقليم
د إيهاب الزهيرى

كحك العيد

            دعاء " الهى "
إلهى الخالق الواحد          كريم فى علاه 
إذا مالدنيا يوم ضاقت       نقول الله 
تعالوا نسبَّح المولى        ومين غير الاله أولى 
داهو ربنا واحنا           ولا قوة لينا ولا حولة  
            ماتتغرش يا عبد الله 
يا دنيا غرورة كدَّابة         نسايسك وانتى قلاَّبة 
وشاغلانة بكلام فاضى       ماحدش منِّنا راضى 
بقينا كلنا فْ وادى             فى عيشة تشبه الغابة 
 بنضحك بس من برَّة         ومن جوَّة الآهات مرًّة 
بنعمل إننا أحباب              بنتدارى ورى الأبواب
 وأخوة بس كالأغراب         تكلم روحنا مضطرة  
                  تعالوا نسبح المولى
أشعار #علاءعيسى
الحان وآداء #سامى_الدمسيسى
م

دعاء الهى

" التنورة "
أشعار#علاءعيسى
الحان وآداء #سامى_الدمسيسى
..............
 لو كل البيبان متقفِّلة                باب الكريم مفتوح
 إرفع إيديك للسما                    وروح بسرك بوح 
تلقى علاج للجسد                   تلقى علاج للروح 
واتمنَّى راحة البال                 واتمنى رزق حلال 
هاتبقى عال العال                 من غير بكى ولا نوح  
 يا موحدين بالله                    يا موحدين بالله                   
يا موحدين بالله                    يا مصليين ع المصطفى
 الأرض أرض الله                والجنة للى اصطفى 
يا صايمين رمضان              يا قايمين ليله
 بالذكر والقرآن                  يامحلى ترتيله 
وصى الرسول ع الجار         فاتوصوا يا اهل الله
 لو حتى جارك جار           خليك لطيف وياه 
أمك وابوك عمرهم             كان كله علشانك
 لو كنت هاتبرهم               يترد فى عيالك 
            الله الله الله الله يا حبيب الله
.........
من فقرات برنامج #فرجة_رمضانية بمحافظات إقليم شرق الدلتا الثقافى
للمخرج #السيد_الدميرى
إشراف عام ومتابعة فنية #نبيل_سمير
رئيس إقليم شرق الدلتا الثقافى
د#إيهاب_الزهيرى


ياموحدين بالله "تنوره"


آه يابنت الــ قلب ؟
...............
علشان سارقانى الدنيا
وواخدانى بعيد
فى همومها
بتسهينى
يابنت الإيه؟!
وعمالة تكبرى فى ملامحك
عاملالى مفاجأة يا بت القلب
وانا فاكرك لسة البنت النونو
اللى بتلعب وبتتنطط
حواليا
واتقطع فى الكتب بتاعتى
وامك مستنية تشوف
على وشى
رد الفعل بتاعى
فاكر يومها قالت لى
آه
لو كانت ايدى اتمدت على ورقة
واتقطعت منى
غصب عنى
كنت ساعتها هاسمع منك
كلام مانزلشى فى أى قاموس
تضحك وتقول لى
صحيح
ماهى بنتك
واضحك ليها واغيظها
واقول :
انتى حيا الله مراتى
ومافيش بينا قرابة
روحى لابوكى
قطعى فى حاجاته براحتك
هوة كمان هايسيبك
واضحك
واقول
كلمة بابا الحلوة
أول حد يقولها بجد
يبقى الواحد عاش بصحيح
وبجد
واللى يقولها
حقه يقطع
روحى كمان
مش بس كتاب
وكبرت يا دودى
وبقيتى تلاعبى اخواتك
شفتى يا بت الدنيا ازاى بتدور
أنا شايفك دلوقتى وجدك شايلك
كان عندك م الايام أسبوع
راح جدك
وانا قاعد
مش واخد بالى انه صحيح فاتنا
فاكر لسه معانا
ولسة عمال
بيدلع فيكو
واتخانق وياه
: واقول له
شد يابويا شوية عليهم
كان يفضل يشتم فيا
وانتى تبصى عليا
وتطَّلعى فى لسانك ليا
وتقولى
لو عنت تزعق ليا
هاقول له
يضحك وياخدكو فى حضنه
ويقولك
يالميضة
براحتك
طول ما نا عايش
هافضل أدلع فيكوا
عارفة يابت يادودى
الواد السيد
انا عارف بيدايقك
لكن والله
السيد
عيل مجدع
بيعاند فيكى
صحيح
لكن عارفة لما تغيبى
يفضل يدوش فيا
ويسأل كل شوية عليكى
يمكن علشان فاكرنفسه
الحيلة
فابيدلَّع؟
جايز .
وعموما .
سيبك منه
بكرة هايكبر وهايعقل
انا عارف انك أطيب قلب ف قلب اخواتك
والبت المقروضة
النوشة
بتاخد حقك
وبتستهوك
وبتضحك على قلبى وتفضل تحضن فيا
وبتفرش وشى
كل شوية ببوسة
لكن انتى البكرية يابت
أول فرحة
وأول قلب يقول لى يابابا
عارفة يا دودى
امك كانت دايما تيجى تقول لى
نفسى أقرالك
أى قصيدة لدينا
دواوينك مكتوبة لمصر
اكتب عن أحلامك فينا
كنت أقول
باكتب ليها
وعشانها
باكتب أحلامى اللى انا باحلم
تبقى
وهاتبقى
أيامكوا
الأحلى
عارفة يابت يادودي
باكتب ليه وبحارب فى الأيام؟
والله عشانك
نفسى أشوفك عايشة بجد
واخدة حقوقك
زي بقيت الناس
فى العالم
اللى بنقرى عليه
ونشوفه
عالم حر بجد
الناس
فاكرانى
باكتب
علشانى
وباهاتى
الظالم
والظلم
بالنسبة لى
الأيام الجاية
مش أيامى
شفنا كتير
وآسينا كتير
مش عايز حاجة شافتها عيونى
تلمحها
عيونكم
ولا يوم عشناه
تعيشوه
ونهاية يابنتى
مش عايز انغص على قلبك
فى اليوم ده
عيشى يابنتى
وربك أعلم بالأحوال
هايدبرها
بعلمه
‫#‏علاءعيسى‬
من ديوان
‫#‏وليا_فيها_مآرب_أخرى‬

بنت القلب

بابا العزيز " طارق الساسى"

ياحليوة_ياواد كلمات علاء عيسى الحان الموسيقار منير الوسيمى#
" مسرحية "برلمان الستات "  لتأليف أريستوفانيس تمصير د. هشام السلامونى 
فرقة فلاحين المنصورة للمخرج السيد الدميرى 2017

يا حليوة يا واد

#واخداه_على_فين_يا_منعكشة 
كلمات #علاءعيسى
الحان/ الموسيقار #منير_الوسيمى
المسرحية الإستعراضية
#برلمان_الستات لنجوم فرقة فلاحين المنصورة 2017
للمخرج #السيد_الدميرى

واخداه على فين يا منعكشة

#يانا_يا_وسطى
كلمات #علاءعيسى
الحان الموسيقار #منير_الوسيمى
من المسرحية الإستعراضية
#برلمان_الستات
لنجوم فرقة فلاحين المنصورة 
تأليف أريستوفانيس
تمصير د. هشام السلامونى2017
للمخرج #السيد_الدميرى

يانا يا وسطي

استهعراض 
كلمات #علاءعيسى
الحان الموسيقار #منير_الوسيمى
من المسرحية الإستعراضية
#برلمان_الستات
لنجوم فرقة فلاحين المنصورة 
تأليف أريستوفانيس
تمصير د. هشام السلامونى2017
للمخرج #السيد_الدميرى

وااااااء

إستعراض
#الحلاق 
كلمات #علاءعيسى
الحان الموسيقار #منير_الوسيمى
من المسرحية الإستعراضية
#برلمان_الستات
لنجوم فرقة فلاحين المنصورة 
تأليف أريستوفانيس
تمصير د. هشام السلامونى2017
للمخرج #السيد_الدميرى

الحلاق

إستعراض بائع الكلاسين#

كلمات #علاءعيسى
الحان الموسيقار #منير_الوسيمى
من المسرحية الإستعراضية
#برلمان_الستات
لنجوم فرقة فلاحين المنصورة 
تأليف أريستوفانيس
تمصير د. هشام السلامونى2017
للمخرج #السيد_الدميرى

الشاعر علاء عيسى

Popular tracks