Hamon ng Panahon

Inihahapag ng panahon
Sa atin ang panibagong hamon
Naghihintay lamang ng tugon
Kabataan, tara na’t magrebolusyon!

Mga pag-asa ng bayan,
Tayo na sa lansangan!
Bitbitin ang paninindigan
At ang lakas ng sambayanan

Dalhin sa lansangan ang galit
Hindi na sasapat ang pagtangis

Kabataan at mamamayan
Basagin ang katahimikan
Pasismo ay ating labanan
Tungkulin natin ay tanganan
Ukitin ang tagumpay sa kasaysayan
Ukitin mo ang tagumpay sa kasaysayan

Hindi tayo pagagapi
Sa dahas, di magpapatakot
Lakas nati’y masang api
Diktadurya’y di malilimot.

Tapusin ang pambubusabos
Wakasan ang pamamaslang
Rehimeng sa ati’y gumagapos
Taumbayan ang magtatapos

ISKOLAR NG BAYAN, NGAYON AY LUMALABAN!
ANG TAO, ANG BAYAN, NGAYON AY LUMALABAN!
ITIGIL ANG PAMAMASLANG, KATARUNGAN IPAGLABAN!
PASISMO BIGUIN, DUTERTE PATALSIKIN!

Download: bit.ly/WalkoutFeb23

Hamon ng Panahon

Sa sama-samang pagtindig at paglaban, 
#KayaNatin Iskolar ng bayan!

STAND UP straight sa April 27!

Ilang beses nang narinig
Na hindi makakaya
Kasi raw tayo’y bata pa

“Itikum ang mga bibig
kayo ay mag-aral na muna”
Yan ang sabi nila

PRE-CHORUS
Pero ngayon
di na kayang manahimik
Kaya ngayon
sama-sama tayo’y titindig

CHORUS
Ito ang panahon ng pagkakaisa
Basta’t magsama-sama ang ating pwersa.
Makakaya!

Kaya natin, (kaya natin)
Na baguhin (na baguhin)
Ang sistemang marami nang kinitil!
Panahon na ng ating paningingil
Tagumpay ay aabutin
Pagka’t KAYA NATIN!

Lumalakas pa ang tinig
Kasama na ng kabataan
Ang buong sambayanan

Naririnig sa buong daigdig
Ang dagundong ng ating laban
Lumilikha ng kasaysayan


PRE-CHORUS
Kaya ngayon
Tumitibay ang pagkakapit-bisig
Kaya ngayon
sama-sama tayo’y titindig

CHORUS
Ito ang panahon ng pagkakaisa
Basta’t magsama-sama babagsak
Ang diktadurya!
Kaya natin, (kaya natin)
Na baguhin (na baguhin)
Ang sistemang marami nang kinitil!
Panahon na ng ating paningingil
Pagka’t kaya natin!

Kaya natin, (kaya natin)
Na baguhin (na baguhin)
Pasismo ay ating bibiguin
Diktador ay ating pananagutin
Pagka’t kaya natin!

Kaya natin, (kaya natin)
Na baguhin (na baguhin)

Kabataan atin nang pandayin
Kinabukasan natin na maningning
Pagka’t kaya natin!


Credits: 
Vocals by Hanz Santos
Arrangement by Hanz Santos, JP Alfonso, Slidey, Daine Daling, Rjay Concepcion
Instrumentation by Slidey and Daine Daling 
Mixing by Rjay Concepcion

Kaya Natin

LUPA SA ARMAS

Sumibol sa lupa 
ang tulad 'nyang magsasaka 
lupa ang bumuhay sa kanya 
at siya rin ang bumubuhay sa lupa 

Kanyang ipinunla 
pag-asang nagpataba
sa lupa na balang araw 
ay aanihin ng tulad 'nyang dukha 

Ngunit biglang dumating 
salot ng dilim 
naghasik ng lagim 
mga mata'y nangingitim 

Kanilang sinabuyan 
ng lason ang palayan 
pinatay ang pananim 
pa'no pa bubungkalin 

May dala-dalang baril mga patalim 
bayaran ng uring taksil 
at handang handa nang kumitil 
ng lupa, ng palay, ng yaman, ng buhay 

Kaya't nagsama-sama ang mga magsasaka 
at sila ay lumaban! 
di na maidadaan sa santong dasalan 
ang kanilang labanan sa gapos sila ay kakalas
mag-iiwan ng bakas humanda na sa bigwas 
ipapamalas ang tunay nilang lakas 

(instrumental break)

Magsasaka'y nagbabalik 
galit na galit gahama'y sisingilin 
mga hacienda ay bubuwagin! 

Kikilos sama-sama ang mga mamamayan 
at sila ay lalaban! 
handa na sa labanang 
susunguin tungong kalayaan! 

Kapag ginamitan ng dahas 
walang ibang landas 
ibubuhos ang lakas 
‘di manghihinang tatangan ng armas 

Sumibol sa lupa 
ang tinanim na pag-asa 
aanihin ng pag-aalsa hanggang 
ang lupa ay mapasakanila

MILITAR SA KANAYUNAN, PALAYASIN
PASISMO BIGUIN, DUTERTE PATALSIKIN!
ANG TAO, ANG BAYAN, NGAYON AY LUMALABAN!
ITIGIL ANG PAMAMASLANG, KATARUNGAN IPAGLABAN!

Download: https://tinyurl.com/LupaSaArmas

Credits:
Vocals by Floricar Meirylle Manalo
Arrangement by Hanz Santos and John Paul Alfonso
Lyrics by John Paul Alfonso
Instrumentation by Hanz Santos
Mixing by Hanz Santos

Alay Sining

Popular tracks