ARES - NAS(PEOPLE) | ناس - اريس


باعوا سابو ولا انت اللى بعت !!
ضاع الامل منك يا قلبى ولا انت اللى ضعت !!
هما هناك ..ولا هما هنا 
فى وسط الزحمه يا قلبى بقينا لوحدنا 

ياللى بتوزع الهموم قلبى معدش قادر 
كترت همومنا بس برضو الضحك لسه ساتر
بنعرف نضحك و ندارى و احنا فى وسط الزحمه 
بنشيل هموم الناس و احنا مين يشيل اللامنا !!

يا حلم استنى على فين سايبنى ة مسافر !!
استنى شد فيا يمكن تانى اقدر اعافر 
يا حلمى امشى .. ابعد .. لابعد مكان هاجر 
انا كرهتك زى اللى سابنى وانا لسه مش قادر 

احزن عليكم انتوا !! .. ولا على عمر عدى !!
اجيب اللوم عليكم ..ولا على دنيا غادره !!
قريب و باع .. صاحب و غاب .. حبيب اهو و ساب 
قفلوا بيبانهم يا قلبى و عمرك ما قفلت باب ...

-
بيقولوا و يعيدوا عليك كلام كتير 
شايفينك فاشل عاطل حكموا عليك من غير تفكير 
خلوك شايف نفسك متأخر وضعك خطير 
عندك 20 سنه و همك كهل كبير !!

و فـ وسط كلامهم بتوه .. كرهك ليهم بيزيد 
فتحاول تبعد عنهم و تقرر تبقى وحيد 
نفسك بزمانك ترجع تعملك شئ مفيد 
يمكن فى كلامهم عنك تلقى نفسك حد جديد 

و بتقعد مع نفسك و تقول لازم تتغير 
و بترمى الحمل لبكره ناسى ان العمر قصير 
و يفوت بكره ورا بكره فجأه مبقتش صغير 
تكبر حبه ورا حبه ... طب انا امتى شكلى اتغير !!!!

فالهم يزيد عليك حاسس انك مهموم 
نفسك ترضيم و امتى يجى اليوم 
ليله ورا نهار بيعدوا .. مش عارف طعم النوم 
طب ليه راضى تعيش ترضيهم ....... معدوم !!



Alber™ | ألبير