عليه افضل الصلاة والسلام

الهم صلي على سيدنا محمد وعلى آله وصحبه أجمعين

اللهم صل وسلم وبارك على سيدنا محمد وعلى آله وصحبه اجمعين 💖💙💙💙💙💙💙💙💙💙💙

اللهم صل وسلم وبارك على سيدنا محمد

عليه افضل الصلاه والسلام

منطقى لما يبقى يتيم و أمى ويبقى سيد العالمين

منطقى الحُسَّاد هتكتر و العدا و الكارهين

و اللى هيقولك ده شاعر

و اللى هيقولك دا ساحر

و اللى هيقولك دا كافر

واللى يكتب و اللى يرسم

و اللى يكدب و اللى يشتم

منطقى

 

هى غيره

زى غيرة الوليد بن المغيره

مش كان هيسلم؟!

بس حاجه فى نفسه حَكِّتْ

كبره خلَّى نفسه شَكِّتْ

أصل داء الكبر ده أكبر خطر

بس يعنى الجَنَّه تِعْمَرْ وحدها؟!

حَبَّه فى الجنه و نعيمها وحَبَّه فى سقر

منطقى

 

و منطقى لما يبقوا المسلمين حالهم كدا

تطلع ضوافر للعِدا

مادمت مش زارع بإيدك غلتك

و الجوع قرص على معدتك

فا ذَلِّتَك

مادمت متشتت و تايه فى الكلام

فين الودان اللى هتسمع شكوتك؟!

و منين يجيلك و ش تحمق ولَّا تغضب

ولَّا ترفع كلمتك؟!

 

هما مش قاصدين يهينوا المصطفى بحبة صور

هما عارفين إن سَيِّدنا النبى سيد البشر

هما قاصدينك و قاصدينِّى و قاصدين كل جيلنا

و طول ما بِنْكَسِّلْ و نتفرَّق و بندارى الحقايق

لسه ياما راح يجيلنا

أما سيدنا النبى ربه كافيه

يستهزقوا مِنِّينا إحنا

أما هو رَبُّه صاينه و مصطفيه

 

لو كانوا حضروه كانوا عرفوا يرسموه

كانوا هيسموه بعدله و بسماحته و بهدوءه

كانوا شافوا إن الصحابه بتلحق الميه اللى نازله من وضوه

لو كانوا لحقوه كانوا عرفوا يرسموه

 

إحنا ما رسمناش نبينا فى العيون

إحنا فهمناهم إن الدين بتاعنا لا فيه علوم ولا فيه عمل

ولا فيه أدب ولا فيه فنون

اتلهينا باحنا كنا و احنا كنا

و نمنا فى اللى راح يكون

 

بس احنا فقنا

بجد أسفينلك و راجعينلك

شعبك نشيط عامل و صافى و تقى

زيك يا سيدنا النبى يابو قلب طاهر نقى

أما اللى واكلاهم غيرتهم فا ده منطقى

هشام الجخ - منطقي

الأكونت الرسمي والتسجيلات الأصلية لقصائد وأشعار هويس الشعر العربي هشام الجخ 

Comments

ال تايجر ابو فهد ♥️🦁

Mohamed Elmahdy

Nada

Ahmed Salama

مصطفي صبحي الخولي

Mahmoud Khaled Eltahawy

Mahmoud Khaled Eltahawy

Omima Zidan

Mohamed Zizo

السعيد عبده