‎⁨مراية التاريخ🍂للشاعر عزيز عسكر بصوت محمد الأميري⁩

الوحدة : سلوك يلازمك من تفتهم حجم الخسارات
من تفقد احساس الطعم بآخر بدايات
لأنك فاقده بأولى النهايات

الوحدة : حذر من موقف يّذكرك
هروبك من تفاصيل الوداعات الاخيرة
شرود عيونك من عيون ما مستوعب تكسرك

الوحدة : وطن، تستوطنه من تطيح.

الوحدة : دليلك، بالضبابيات
خلاصك من صدى الواقع
ورق لافكارك الماتنعرف يا لون

الوحدة : امتلاكك للچنت تنطيه
سِما بلا رغبة للتأثيث
حقيقة كل حرف ينكسر من ينگال
آخر شمّة الك من قبل لا تنشال

الوحدة : مُحيطك، ما عداك انتَ

برّه المشهد تغيّر
بعد ماتنتمي لأي شي
غرفتك أأمن من الچان يتأمن

غرفتك فارغة من الصوت
ويمكن .. فارغة .. من الموت

يمتى آخر وكت فات الضوه ومات اعله صورتها؟
يمتى آخر فجر فات؟
يمتى آخر هروب من الحچي ويّه الجمادات؟

برّه .. الجو حبيب لكل شخص مخدوع
برّه .. الجو حقير لكل شخص مثلك

برّه المشهد تكرر

مساحة من الأنا والناس
كمية صداع من الحچي المألوف
شوارع ماتدلّيك اعله روحتها
وهوا بظهرك.

الوحدة : غرفتك، ما عداك انتَ.

هنا جوّه .. المدينة الممكن تحبها
هنا جوّه .. المدينة الممكن تحبّك

خلّي الباب .. لا تِثبِت
محد شاغله غيابك

لا تِثبَت
هدوءك زاعج الغرفة
هدوء بنص زخم الافكار شيفيدك؟

لا تِثبَت ولا ترفض
رخي عظامك لأي زاوية تريدك.

إشاراتك، لغة، إلمن؟ للحيطان؟
لِمّ آخر أصابيعك
توتر سطحي للماضي انكسر بيدك

هنا جوّه .. مزاد لكلشي ماينباع.

الوحدة : الفجوة التنفتح بالروح
الفجوة : مقاس لوجه فارگته

وجه ما ينسأل عنه
وجه ما ينلگي منه
وجه ماضل مطار وشارع ومقهى
وجه حتى الجرايد ما حچت عنه
وجه حتى برحيله ما أكو منه
ملامح شاردة من العين

الوحدة : نزيفك، ما عداك انتَ.

الظلمة ضوه لليحچن جروحه
والحيرة سچچ للخوف للما يندل بروحه
والوحدة مدينة انعافت من الناس

ظلمة ونزفك يضوّي
لا تستخدم عيونك
نزفك بردة للشبّاچ
يا شباچ ما ضل شارع يفهمك

گوم تأكد من الباب
گوم تحاضن ويه الباب
ظلّك نِزَف جوّه الباب
وأحقر سالفة من يوجعك ظلّك

الوحدة : حضنها ما عداك انتَ.

الوحدة | Based on true scars

‎⁨عروة | Babel | هناء⁩

بالله وبيك | زيد الهاجري

رب العين | زيد الهاجري

يا گبل روحي وبعدها | زيد الهاجري

يحرگنا النسيم الما يهب منك - زيد الهاجري

عفت كلشي وجبت كلشي علي ماجد

زيد الهاجري - ضوه عيونك

باجر عشك ذياب كزار بصوت محمد الاميري شاهد الوصف.mp3

Aya Kareem

ماگتلي تموت - محمد تقي

يحرگنا النسيم الما يهب منك - زيد الهاجري

Zaid Alhajry

Recent comments

بَس بَنان

Related tracks