ana & Shady .. FayrouZ

- يسرا الهواري و لايك جيلي  -كنت ناويه احبك

بلاش عتاب Balash 3etab

Fadl Shaker Ant 3omry

Jalousie

Buy on bandcamp

قلبي و مفتاحو

تتفكر ..اول مرة ليلة ضلامها حالك... 
و صوت الريح من بعيد ..
و النجوم في السما تفارق .. 
و الضو الي خلانا حابسين ..
تتفكر لقمرة الي في بهاها تسحر ..
بعيدة ما توصلهاش ايدين ..
في لحظة الشتا في سخانة الصيف حضر ..
والزمان القديم تعاشر و تعاود بعد ما غبر. .
وقت جبدنا القديم و حكينا و سلمنا و بكينا علي بعد و رحل ..
تتفكر وقت الروح مع خليلها تلاقات .. 
كيفاش نسينا الوقت و غطسنا في حكايات .. 
تتفكر ..
حبينا لو الشتا جمعنا.. 
لو لقينا الحكاية عنوان و معنى .. 
حبينا لو يرجع بينا الوقت اعوام ..
يمكن وقتها لقينا كلام ..
يمكن راو جمعتنا هدرة وحدة و النوم قربنا و و شفنا نفس المنام .. 
الهدرة مش قديمة .. ايامات ..
حسبنا و ما صدقناش الي تعدى علينا و فات ..
تقلي انت شكون و منين جيت ؟
وانت شاورت قبل ما تدخل تحرك الجامد و تزيد ..
انت الي شكون 
علاش ملي عرفتك طار عليا النوم .. 
علاش..
اول مرة ما نعرفش ..
ما نجمش نبدى و كان نلقى ما نكملش ..
ما تسلمش.. 
من قلبي نطلبها و اول مرة ما نقدرش .. 
نحكيلك عل سكن و حلف ما يفارقش ..
الحكاية في غفلة في ظلام الليل تحكات ..
ليلة مزيانة تحفرت في الروح و لو يحبها الوقت تنسات ..
اول مرة ما نعرفش ..
نكتب ..
تصدق .. 
و الا نقلك اخطانا م الكلام الموزون .. 
اخطانا من وجايع الدنيا و المحون و خلينا بين النجوم سارحين.. 
و لو ضعنا في تراكن الحكاية يخفضنا و يرحعنا الليل ..
خلينا زاهين على ريحة ورد الجيران شايخين ..
الحكاية ناقصنا عود و نسمة و هانا تحت الياسمين.. 
بطبيعتها بايتين .. 
اخطانا من دنيتهم و ايجا القربي اخزر في عينيا و اوعدني ..
تعرف 
اول مرة ..
ننسى حكاياتي المرة و نعاود ..
اول مرة يشدني اضلام الي عيا يغر فيا و يراود .. 
اول مرة يجبدني الطريق المعاود ..
و عادي في صوتك لقيت حكاية جديدة ..
خلاتني نشهد ..
بكلامك و حروفك و قلبك
تعرف الي في خيالي كتبتك كلام ..
و مع كل حرف لحنتلك غناية .. 
تعرف الي صعيب السلام..
وقت القلب متعلق بحكاية ..
شوف تصير شوف لا شوف يطاوعنا الزهر و يبليتا الهوى ..
.. تعرف الي انت تصويرة ما فارقتتيش..
و ملي وعيت..
و على الدنيا حريت ..
لقيتك في قلبي اما وينك شبيك لتوة ما طوعتنيش .. 
ما نعرفش علاش كي لقيتك رخيت ..
انا الي تخمامي غير ..
نظلم روحي عادي و يغيضني لغير .. 
ليوم لقيتك بلي يصير الي يصير تبقى غير .
تبقى خيال بيه نعيش..
و حتى كان تعدي العمر نستناه و لو ما يجيش..
تمنيت لو عرفتك قبل عمر ..
تمنيت لو ونستك في كل محطة سفر ..
شهيت لو الحكاية صارت من قبل أما عادي ما تاخوش عليا ..
الي صار ما توقعتوش والشي قوى عليا .
و يبقى الي لمنا حكاية حلوة .. 
اما خسارة ..
و برا كان ما بيناتنا برور و بحور ..
و برا كان فرقتنا مرة هوايل الدنيا و المحون..
و برا كان ما تعداوش علينا نفس البلايص ..
و ما عشناش نفس الاوقات و العصور ..
تبقى بفيانتك بذوقك بالدلول ..
بالرزانة بالحكمة بالفعل المشكور ..
تبقى غيرهم ..
تبقى سيدهم ..
تبقى الثنيا و اخرها وصول .. 
و برا كان ع العين غايب ..
و برا كان الوقت دوني يعايب ..
و برا كان نكرة فيك و قنعتك الي انت خايب .. 
تبقى الكل في الكل .. 
لا يهمني الي ينفع و لا يعنيني الي يضر ..
ما تهمني كان عينيك الي قلبي لشوفتهم يتسر..
و كان ضاعو و تخباو من الوحش الروح تتسل..
و تولي العيشة ذل ..
تي برا كان واتاة و حكينا مرة .. 
و برا كان بالصدفة تقابلنا مرة ..
و برا كان جمعتنا في الحديث نفس الحكاية و نفس الحلمة ..
برا كان جمعتنا روايات و فرقتنا هداري ..
اي عادي.. تبقى الغالي ..
تبقى حكاية .. 
كعبة ما تتعاودش و يشهد عليا العالي .. 
برا كان ما نعرفكش ..
و برا كان من كلمتين عشت معاك و انا مزلت ما شفتكش ..
و برا كان صورتلك تصويرة في مخي غالطة و ما تمثلكش ..
اعرف الي قلبي فايق ما يغلطش ..
و اعرف الي انت غيرهم الكل..
اما اسكت بيناتنا ماتشلقش

مزيج بين تعرف / انت غيرهم [réponse]

Ya - Lyth - Yaalm - Faya - Yonan - Ya - Laytahou - Yaalam - Official - Video - Faia.

صوت ملائكي - منال من سوريا في ذا فويس الفرنسي

Utn1 Sare7ha - صارحها

Bella Ciao Piano  بيلا تشاو على الطريقة الشرقية بيانو

قلبي و مفتاحو

Ali A. Bosso

Related tracks