Seif Leo - Matedaresh | سيف ليو - متداريش

Awney Adel - نداهه

اغنيه جديده  ..اتمنى لو عجبتكو تشاركوها اصحابكو
ودا ليك الفيديو كليب بتاعها

https://www.youtube.com/watch?v=ldZZRQ3Sqps

احمد الشبكشي | اضحك | Ahmed elshobokshy ad7ak

*
مش هاتكلم عنه الا ان كل كلمة طالعة من قلب مش من فم ..
lyriCs : Amr Saiko ( الحوت )
Rapper : (Amr)(Saiko)
Beat : Free Beats
S:E : El AswaNy
St : el Z8aBa 

lyriCs :
---------
*
واقول نسيتها - ابص الاقى فـ حضنى سلسلتها
الاقى كل حاجة بنكرها - وجعى فـ بُعدها يثبتها
وياريتها - ع الاقل تكون بعاشقها حاسة
اتمنى تفضل فاكرة انى مابقدرش انسى
يا نجمة مونسانى - روحتى فين ارجعى
يا بنت قلبى التانى - سيبتى ليه حضن منبعى
هايجيلك نوم من غيرى ! ده احنا الاتنين خايبين
قوليلهم انك راجعة - وان انا وانتِ مش خايفين
______
بعدتى - يعنى صدقوا وانتى خلاص هاتمشى
يعنى بُكرا لما يقولو مين مش هاتقولى بنتى !
بتوحشينى - يالى انتِ بتقولى كرهتينى
لو كنتى مـ الغايبين فـ كل حلم ليه بتجينى ؟
فارقتى واقعى - بس لـ حلمى ماتفارقيش
كداب لو قولت نسيت - مجنون لو قولت هاعيش
____
اقفل عليك الدايرة - اخرج منهم وارجعلك
لو شيلت نفسك من وسطهم هتلاقينى بسمعلك
بطل تمسك وتسلم - بطل تكتم واتكلم
صوت ضحكها العالى مش هايحسسها بقلب اتألم
لو كنت مريض اتعالج - انشف وخليك بارد 
امسك ايديها الباردة بايد  تحسسها انك مارد
ماشوفتش غيرها ليه - علشان واقفة فى الزاوية
بعد الأوجاع بدون مدواة - اوعى اسمعك تقول كات ناوية
وبعدنا - يومين ماتت - التالت ولا فـ بالها
هانساها - هانت - كل كلامى هايزعلها
حقك عليا يا أنا - ملعون ابو ضلع انتنى
كل بنت فترة و مدة ومافيش مدة تزيد عن سنة
وجع فوق وجع - فين يكون وجعى الاخير
ده انا يوم ما قولت الحق لقيته بيزعل كتير
بما ان سكوتى منبعى - لو كنتى عامية اسمعى
لو وسط ضلمة بدون نهارنا انتِ نجمة المعى
البُعد حُكم القوى - مريضك اصبح سَوِى
يوم ما تموتى فوق تُربتك هاكتب شايل منك اوى
حُبك مش مُعدى - اعدامك مش مُميت
لو كنتى فـ يوم رجعتى كنتى هتلاقينى نسيت 
سيبتك لـ غيرى - شبه وصية لحد وِرث
كنت اتمنى نفضل حبة بس يا شابة وقتك خلص
مش بزعل غير ع الغالى انا بس زعلت عشانى
اتمنى فـ عمرى الجاى ماقعش فواحدة زيك تانى
الثانية فـ بُعدك فترة - الدمعة فـ بعدك مطرة
كدابة لما قولتى انك ف بُعدى تعيشى عذرا
انا ياما شبعت سهر - انا ياما قلبى اتقهر
عايزك يوم فرحكو بس تبقى زى القمر
____
يا ناس يالى انتو كنتو - اتمنى بكرة اشوفكو احسن
اتمنى اشوف ضحكتكو كل لحظة فيها هاحزن
امشوا وربنا يسعدكو - ربنا حبنى فـ بعدتوا
الحوت مغفل لسه فاكر الموجة بلعت بنته
لو كان فهم غيابها - وان ايديها فارقت زعانفه
كان رغم قوة قلبه برضو مات رُغماً عن انفه
كان نفسى نوعد لو بعدنا ماتقطعيش الجُرعة 
مش هاقولك افضلى فاكرة - بس بلاش اتنسى بسرعة
_______
كله سابنى - كل واحد له الف سابقة
حتى الى لسه مكانهم دول فاضلين جنبى شفقة
_______
خليك جوا زنزانتك - لو مش مالى خانتك
محدش فاهم قد ايه مهمة مكانتك
انا غلبان , بيدوّر عليكى فى الناس
كل القلوب سايعاه بس قلبه اصغر مقاس
يا نبض قلبى - لو وحشتك اوعى تخبى
حبى غيرى براحتك بس اوعى تحبى قدى
علشان متخسريهوش - او ماتبعدوش
وبعد البُعد اوعاكى تقولى ناس مابيحسوش
وماتحكيلوش على حاجة بينا ولا عن انى بعانى
انتى الى اخترتى يظهر بيكى مجنون ليلى تانى
هاكتب عنك واحكيلهم - والله لافضل اغنيلهم
انا راجع جوا الدايرة - انا ولا منك ولاانا منهم
بيعتينى ليه ! - هأ مش مهم اتمتعى
انا اكتر واحد عارف انك مستحيل ترجعى
#مستحيل_ترجعى
************

كله سابنى - عمرو سايكو - kolo sabny - Amr Saiko

sweet carolina (kilolit)

بلاش تغني ..
حط هاند فري و علي الصوت و ركز ف كل تفصيله و كل نبره !
mix&master : awney adel
sample music : awney adel
video prod : ammar hosny

شوفه الفيديو ع اليوتيوب <3
https://www.youtube.com/watch?v=4Dt0rm6pHOk

-------------------------
عمار .. مضطره اسيبك كل شئ انتهي 
تعبت م المشاكل بردو تعبت م البهدله 
انا و انتا مش لبعض من زمان و بنكدب نفسنا 
و عادي بكره تحب غيري و تبقي تمام مش كده ؟ 

خطيبي كويس ما انت عارفه و امي حابه اهله
ناجح و طيب بيحبني و حلمه ابقي جمبه 
انا اسفه لكن امي رفضت اتعلق بفاشل 
حاول تعيش لبكره و بعد اذنك انسي امبارح 

انا عارفه انك محتاجني لكن حضني مش هيساعك
زعلك كتر بقيت كئيب كرهوك فين صحابك ؟
ارجوك سامحني و افتكرلي اي ذكري حلوه 
ياريت متنسانيش بلاش تغني عشان ربنا 

مش عارف ليه حسيت بأني اول مره اتساب 
و لا عارف جبت برود الكون ف لحظه بس ازاي
دمعت ف سري كتبتلك تمام قولتيلي مالك 
انا كويس لوحدي سيبني و امشي الحق معادك :)

اه متخافيش سرك ف بير لو سألو قولي خاني 
قوليلهم كان كئيب حب المزيكا اكتر مني 
و فضلت اغني .. و الناس تسمعني و تسقفلي 
اخر دقيقه ف المشهد بكيت حبوني ابكي 

و انا لحم و دم بردو حد عاش تايه ف ارضه 
ضيعت عمري لاجل ناس اوساخ وطلعو فلصو 
عادي .. مش عايز منك اي حاجه ف امشي 
انا مش كارهك و مش حابك و مش مهتم اصلا

عجازك باش مع الزمن بلاش تسنديني 
قولتلها انا تعبان قالتلي سيبني فيا الي مكفيني :) 
شجرة عشم طرحت زعل و قلة جبر خاطر
انت الوحيد عرفت تكسر قلبي فيهم شاطر 

مسيرك بكره تحضنيه و تشمي ف حضنه ريحتي 
بلاش تمثيل قوليلهم كل يوم بشوفه ف حلمي
عموما اتمنالك تبقي احسن ويا ناسك 
و ان كان علي الي بينا مات خلاص متخافش خالص
-------------------------
تصبحو ع خير ..

بلاش تغني | don't sing

Ahmed Kamel - West Eltare'2 - احمد كامل وسط الطريق

all rights reserved For Amr Nasser Saiko Teamwork 
Don't Try to post this track from any fake account 
النهاية الى هتشوفها هنا ليها مفاجأة فى الكليب ,
استنى الكليب خلال الشهر ده عشان تعرف نهاية القصة

 For #Amr_Saiko
Rapper & lyrics : Amr Saiko
S:E : El Aswany
Vidoe M : Ahmed Bedier - lot of thanks 
lyrics : 
بقرأ الجواب بخطك فـَ بسمعه بصوتك
كل الحروف حتى المسافات بقراها وبتخيل سكوتك
بقول ادى الايام ؛ يا ريتك عندى
بشم ريحتك طالعة من هدومى احسك واقفة جنبى
انا لو بتعالج م الى انا فيه فانا بتعالج عشانك
من بعد موتك مافيش مخلوق ياخد مكانك
مش هنسى يوم ما جتلى الكارثة 
كلمة ابويا شد حيلك يابنى
من بعدك السرطان غلبنى
مبقيتش قادر ع العلاج هتعالج ليه
بعدك مافيش فى الدنيا شىء يتخاف عليه
انا كنت حاسس كنت خايف لما تعبتى انا مت مكانى 
كدبوا عليا لما قالولى بكرا تخفى ونضحك تانى
سهرى جنبك ، مسكة ايدى ، بتعبلك وبتتعبيلى 
تغمضلك عين فا اموت م الخوف واقولك "اوعى تغيبى"
تتوجعى نقطة بتوجعلك الف محيط 
متخيلتش انك تسألى الملايكة من بعيد لبعيد
مهمنيش حاجة غيرك ده انا ابيعلك حياتى
سرطان وكيماوى وكنت سعيد علشان معاكى
مر الكيماوى من ايديكى كان عسل كنتى امل 
كان نفسى تعيشى حتى لو كنت انا هكون التمن
كانت واعدانى نكمل طول حياتنا بس القدر خانها
وعدت تلبسلى الفستان لقيتها بتلبسلى فى كفنها
يا ريتنى هناك ، يا ريتنى معاك
الوقت بعدك مات انا كل حلمى دلوقتى القاك
لا ، مش هتخلص كدا دى مش النهاية
ارجعلى ، طب خد من عمرى وعيش معايا
ماليش بعدك حبيب ارجعلى خلاص مش قادر
"يا ريت تقول امتى هنتقابل"
ازاى روحك تروح وانتِ باصة فى عينى 
بقى كان ساعتها ملك الموت واقف بينك وبينى
كل الكلام بيتوه الا الكلام مضمونك وارد جداً انسى اسمى لكن مستحيل نسيان عيونك
مش قولنا ان احنا هنتعالج سوا وهنحيا ؟!
لما ضحكتى ساعتها كانت اخر ضحكة !!
ماليش سند بعدك ولا ليا حضن يضم 
يتيم الروح انا وانتى كنتى ليا اجمل ام
انا بصيت فى عينك كنت سامع صوتك
لما متتى انتى انا كنت اكتر واحد كدب موتك
صوت نفسك فى قلبى وضحكتك سامعها 
حتى العيون كانت نجوم وسط الهموم بتلمع 
كل نفس عشت بيع دخل ليا خرج منك
لو متى اموت كانى طفل وانى ابنك
وعد هنتقابل انا مش قابل انك يوم تتاخدى منى
بلاش تسيبنى حبيبى كلمنى وطمننى
حسسنى ان ده كله كابوس اوعدنى بكرا نفوق
انت كنت واعدنى ان انت مش هتموت
مش هتموت وتسيبنى مش هتموت وتفوتنى 
يا رب يا ترجعه لحضنى يا اما يا رب خدنى
طب يعنى ازاى انا اروح وانساك هل كنت سراب
وشك الى حفظت ملامحه خلاص هيبقى تراب
خلاص هتمشى ايدك مش هلمسها لما اخاف 
مش ههمس فى ودنك مش هقولك حضنك اعتكاف 
انا بناديك ، وعد منى هفضل ليك 
لو عشت الف سنة فوق عمرى هفضل مستنيك 
مش هنساك ، لانك عايش جوا منى مش بتموت 
اقوى من سرطان بيهرب وبيقتل فى سكوت

أخر ضحكة الجزء الثانى | Amr Saiko | يُتبع

‎2_انتى_ملاك_||_ELMakhawy_||__2_لمسة_اديكي_بتحسسنى_الدنيا_جنة.mp3

اتفرج على الكليب من هنا
https://www.youtube.com/watch?v=o8anYW8XHig

الكلمات : 
----- intro ----
مع انك كنت ديماً مصدر قوتي 
واني في بعدك كنت اخاصم ضحكتي
كان بنا وعد  وبنا اكتر من اتفاق
ليه يازمن تنهي حكايتنا بالفراق
---------- choras ------------ 
بنتجادل في مين بادي ومين مجني ومين جاني 
بنتباهي برفض الصلح ومين فينا ساب التاني
وجوانا شمس الحنين بتتداري في غيمة كبر
بفكرة رفض صفحة جديدة بحجة إن خِلص الحبر

---- verse --------
استني , فاضل شوية قبل ماتنام
مافضلش هنا الا انت كابر يلا وقول تمام
اعمل نفسك مش موجوع اعمل نفسك مش ندمان
هتعيش اكيد بدونهم بس كا مبني بدون عمدان

 تكون كوم جبال فى البال  ذهنك شال وشال وشال
 عقلك يفضل  شغال وشغال على نفس المِنوال
مكانتش دي حبكتك البطل ساب قصتك
نسيتها وانت في بالها , اشتقتلها لما نستك

تايه , مستني الاقي اي صدفة
 كانت بازل  بتكملني بوجودها
الدموع بتودي لاي سكة وكل سكة تودي ليها
 هي نهاية كل حزن وكل حزن بيبدأ بيها

 لو انتوا بعدتوا في يوم كفياكم لوم
بنستهان بالشئ علشان وجوده معانا بقي مضمون
بقى كلو احد فينا في حتة ايه الي حصل مكانش دة حالنا
وصلنا خلاص الهاوية وكل حاجة فينا ناقصالنا
--------------- choras +2 ----------
بنتجادل في مين بادي ومين مجني ومين جاني 
بنتباهي برفض الصلح ومين فينا ساب التاني
وجوانا شمس الحنين بتتداري في غيمة كبر
بفكرة رفض صفحة جديدة بحجة إن خِلص الحبر

----------- verse ----------------
انا مليش سوايه .. انا صاحبي ودفاية 
ملعونة لحظة قسمت بينا كانت القشاية 
كان صعب اني اتخيل ان غيابك يوجع كدة
ازاي سمحنا لنقطة تافهة تبقى خط نهاية 

كل حاجة كنا فيها سوا مش قادر اعملها 
صورك على موبايلي بمسحها وبرجع انزلها 
كانت المطرة بتنزل وكنتي ماسكة ايدي 
ابتسمتي وبصيتيلي ومش هاسيبك قولتيلي

ديماً في حاجة نقصاني وجودك بيكملني 
انا لسة عايش بس بعدك كل يوم يقتلني 
انا شكلي بعت وسبت لغوا اعمال السنة فاغبت 
فاسلمت وقولت انا مش هاصلح حتى لو حاولت 

مش فارقة مين يصالح مين ولا مين كان اناني 
كل الي فارق اكون معاكي متكونيش بعيدة 
زي مالبازل اتفرق ممكن يتجمع تاني 
مش عيب ان احنا نتصالح ونبدأ صفحة جديدة 


------------ bridge ----------------
وليه بفتكرك لما بحاول انساك
وازاي انا اخفي لهفتي وانا وياك
واداري دموعي بالبسمة وارضي بالقسمة 
 كفايا حنين ياقلبي لناس مهيش ريداك

تابعونا على :
فيسبوك : https://www.facebook.com/dangerschool...
ساوند كلاود : https://soundcloud.com/dangerschoolband
إنستجرام : https://instagram.com/dangerschoolban...

كريم رفعت :
فيسبوك : https://www.facebook.com/Karimrf3t
إنستجرام : https://www.instagram.com/kariimrefaat/
ساوند كلاود : https://soundcloud.com/karimrf3t

محمد ايبو :
فيسبوك : https://www.facebook.com/mhmdebo
إنستجرام : https://instagram.com/mhmd_eboo/

شيرين عبدون 
فيسبوك : https://www.facebook.com/Sheriinabdoon/

‎كريم رفعت ومحمد ايبو وشيرين عبدون - بازل | Danger School - Puzzle

الكلمات :

#عمار_حسني

ازيك ؟ انا مش شبهك مع اني زيك
دمي مالح زي بحر بلدي لو بغرق هموت بتريق
عسل و ضحكي يحلي مرارة اي قعدة 
مع ان انا غامق و مطفي بس بشوف سعادتي فضحك سعادتك

جدع و عيلتي صحابي و كل ما املك هما
انسان بسيط بمعني الكلمه و قلبي ابيض و نفسي سالكه جدا
مبحبش الغلط و بفهم فالاصول شواف
ابن ناس ساعات لكن مش بنسي اصلي ان انا غلبان

ع قد حالي عايشها عشان مش حمل حمل العز
مع اني انا ابن ناس بس انا فهمان ان الفلوس بتهد
مش ناقص حاجه عيني بيملاها القليل و برضي 
حظي شايل مني حبه بالتالي كنت بحب مرضي

الناس كانت كارهاني بدون اسباب مقنعه
مع ان انا مأذتش حد اذوني , هنام زعلان مش كده :) ؟
منايا افرح امي و اشوف اخواتي تمام 
شيخ و بغني بتوه فـ غلطي و برجع اتوب انا عايش بين حالات 

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

#توهه

ازيك ؟ انا حد بتكرهه و بيحبك
حد ياما دافع عنك وقت ما السكاكين نهشت فـ ضهرك
انا حد وحش ميشرفش بيستعروا مني
شوفت اذي مـ الناس كتير فـ بعد اذنك سيبني لوحدي

راميني فـ ضلك ! .. انا اخر حد فاضلك
كل الوحش كان لـ توهه و كل الحلو كان بـ اسمك انت !
انا شخص مضلم .. مش هنفع كويس 
ليه رميتوا طوبتي بدري و سيبتو الشارع ليه وسخني سيبني

محدش صاحبي و خالصه الشغله معايا بظبطه 
قبل ما ترسي هندقلها هلقي عزوه لو سموني فركه
ماتت اصولك انت بطولك اصحي انت بتتغفل
كله خيش و خنتاريش مفيش جدعان خالص دلوقتي

اخواتي يسدو عين الشمس لو هنروح فـ داهيه
و لو خصمنا حاربنا شرق و غرب الاتناشر دي باقيه
مبحبش الراب مش بترازي نجم انا علم جيهتي
لو محدش يعرف اسمي كفايه رعبهم من سيرتي

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

#عازف

ﺍﺯﻳﻚ .. ﺍﻧﺎ ﺍﻛﺘﺮ ﺣﺪ ﻓﻴﻬﻢ ﺷﺒﻬﻚازيك .. انا اكتر حد فيهم شبهك
كنت جمبك لما كنت لوحدك وانا لميت الناس و شهرتك
هشيت دخانك وقت ما اتوسخت بـ توهتك
خدت حقك من كل الي اذاك وزيادة و رجعو تحت رجلك

من بعد ما كنت لاشئ عرفت اني فين ما هروح انا هلمع
كل الي اتريق عليا من زمن دلوقتي مناهم ان احنا نتصور
محدش سلكلي و مع ان انا لوحدي اتكارت بدماغي
كل الي غنو حزين فالبلد نسخ مني مش اكتر مين فيكو عازف

اظن كفايه كده و فضو السيرة و خلصت
نجم جيلي و بكره تشوفوا و الايام اكيد هتثبت
محدش ينكر .. انا ضهري شال فناره
انا بطولي و انتي بكتره عازف مستقوي بـ اوتاره

عملت قيمه لـ ناس قيمتها تراب فـ هوا
اظن انضف ايام حياتكم كانت ايامنا ايام ما كنا سوا
مش فارقه عمار ولا عازف ولا توهه
كنت عظيم فـ كل حالاتي انا نور مع ان كل حياتي سودة

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

Ammar Hosny " عمار حسني " - Cases | حالات Ft : عازف , توهه

Intro : 
اللي هو انا مستني ارفع سماعه التليفون والاقيها بترد مهو لو هي مردتش مين غيرها يعني هلاقيه
.
اللي هو مكناش مع بعض بس عارف انها موجودة موجوع اه بس عارف انها زيي موجوعة 
.
مش عارف برن  مبتردش ليه سايباني دا كلو طيب هو انا قليل عندها يعني للي بتعملو دا
.
قول كلام غير دا يعم ماتت ايه امال مين اللي شايفها بتضحكلي زي الملاك دي
قول حاجة غيرها يعم متوجعش قلبي يعني دي تموت ودول يفضلو عايشين 
استحاله يعني ربنا يكون حاببلي الوحش وخدها مني
يارب انا محتاجها متاخدهاش مني 
محتاجها حتي لو هي مش محتاجاني 
.....................................................................
-الو روحتي فين وليه طيب مبترديش
- قلبي موجوع وغلاوتي عندك متمشيش
-محتاجك قلبي بيرفرف بوجود جنابك 
- بتكدبي لما قولتي انك مريضة وابتسامتي علاجك
.
- طيب فاكرة كلمة انا ببقا طايرة وانا معاك 
- ياللي الشعر اتكتب مخصوص بس علشانك
- دا عدل انا قولت مش هسيب وهي سابت
-لو اتذكرنا كان يتقال دا اللي فوق كتفو شالك
.
Chorse 1
-هو دا حالنا كان لازم حد فينا يموت 
- متفرقناش بس انتي ليه مشيتي 
-بتزيدي جمال لما يكتر السكوت 
-دورت كتير ومصدقت انك جيتي
-
Verse 2
-يارب نفسي ترجع بس لو ساعه واحدة
-اقولها متزعليش واعرفها اني محتاجها
- كنت بتمني اموت قبل ما فاشوفها فكفنها 
ـ طول عمري بتمني معادي يكون قبل ميعادها 
.
كانت كل الدنيا بتضحك فوشي لاجلها 
كانت السما والارض والنور بس اسمها
ويجي الليل اجيب صورنا واعيط وافتكرها
هي راحت ومفيش مليون هتيجي غيرها
.
هي كانت ملازماني لما كنت وحيد
كانت الصاحبة الاخت الام والحبيبة
قلبي مش مستحمل خدش فيه جديد 
انا حرفيا حطيت قلبي بين ايديها
.
 حتي وهي ميتة بتيجي كمان وتزورني
كل ما افكر الانتحار تيجي كمان تقولي 
متبقاش عبيط مش هتموت متشوهش نفسك 
عشان مموتش وراك ااخترت اني اموت قبلك
.chorse 
-هو دا حالنا كان لازم حد فينا يموت 
- متفرقناش بس انتي ليه مشيتي 
-بتزيدي جمال لما يكتر السكوت 
-دورت كتير ومصدقت انك جيتي
X2
.
ُ ماتت مرة انا مت فغيابها الف مرة
كانت معايا امبارح متبقاش غير صورها 
انا عارف انها مش راجعه بس من ربي بتمني
هموت نفسي بس اشوفها لو لثانية 
Outro. 
.
ولو دارت الدنيا النسيان مش نعمه
نعم انسي ايه دي انسانه مش لعبة 
وبمووت واعاني وف اوضتي حابس نفسي
مهما حكيتلكو مش هوصف وجع قلبي

ليه مبتردش | Leh Mabtrod4

اغنية متزعليش - احمد كامل  اغنية متزعليش - احمد كامل  اغنية متزعليش - احمد كامل  اغنية متزعليش - احمد كامل

‎2_انتى_ملاك_||_ELMakhawy_||__2_لمسة_اديكي_بتحسسنى_الدنيا_جنة.mp3

Ali ALaa

Recent comments

علي الرفاعي

Menna Maher

عاشقه مرسلين

HETLR MASR♥️🇾🇪

Related tracks