عليكي الصلاة و السلام يا سيدة العالمين  .. يا أطهر من في الارض

يا مريم يا عذراء ... عليكي سلام الله و صلاته

الله عليك يا نجم 🌟 😀😀

الشيخ نصر الدين طوبار - المرنم ماهر فايز - الشيخ سيد النقشبندي - والقداس الحبشي للقس اسطفانوس رزق ..
© Created Mix by #Rawy_Aziz .
https://www.facebook.com/RawyAziz.2

rawy aziz

Mixed By Rawy Aziz | دقائق في الملكوت

يا مريم العذراء
كلمات الشيخ محمد الهلباوي

يا مريم العذراء - علي الهلباوي

ما تشيلش هَمّ وقول يا رب انتَ المُعين
وارمي حُمُولَك ع القَوي
وامسِكْ دا حَبْل الله مَتين

ما تقولش هَمّي كبير يا رب
لأ قول دا رَبّي كبير يا هَمّ

****************************
طرقت باب الرجا والناس قد رقدوا
وَبِتُّ أشكوا إلى مولاي مـا أجـدُ

وقُلتُ يا أمَلـي فـي كـلِّ نائبـة
ومَن عليه لكشف الضُّـرِّ أعتمـد

أشكو إليك أمـوراً أنـت تعلمهـا
ما لي على حملها صبرٌ ولا جلـدُ

وقد مدَدْتُ يـدِي بالـذُّلِّ مبتهـلاً
أليك يا خير من مُـدَّتْ أليـه يـدُ

فـلا ترُدَّنهـا يـا ربِّ خائـبـةً
فبَحْرُ جودِكَ يروي كل منْ يَـرِد
**********************************

فوَّض أمورَك للكريم.. تُفرَج هموم الناس يا عَمّ
الحال.. مُحال على طول يدوم
والفرحة.. أحلى فْ طَعمَها..
لو دُقتَها..
بعد الهموم
ماتشيلش هم كلمات الشاعر / مصطفي الجزار

ماتشيلش هم & طرقت باب الرجا - علي الهلباوي

علي الهلباوي - صلي يا ربي عالزين

سيد درويش - ما قولتلكش ان الكترة

جوابات حراجى القط 2_ الابنودى

كلب الست - غناء : نبيل لحود 

Basata Band - Kalb El Set كلب الست - فرقة بساطة

احنا ولاد الكلب الشعب - عبد الرحمن الأبنودى

من كل جهات المدن الخارسه.. ألوف شبان
زاحفين يسألوا عن موت الفجر
استنوا الفجر .. ورا الفجر
ان القتل يكف .. ان القبضه تخف
ولذلك خرجوا يطالبوا بالقبض على القبضه و تقديم الكف
 
الدم.
الدم قلب الميدان و عدله كأنه
دم نحاس مصهور
انا عندي فكرة عن المدن يكرهها النور
والبات اللي بات مش مسرور
عندي فكرة عن العار
وميلاد النار..
و السجن في قلبي مش على رسم السور
 
قلتله لأ يا بيه.. أنا اسف
بلدي بربيع و صباح
لسه في قلبي هديل الينابيع..
لسه في صوتي صهيل المصباح
لسه العالم حي
رايح .. جاي
بيفرق بين الدكنه.. وبين الضي
بلدي مهما بتتضيع .. مش هتضيع
ما ضايع الا ميدان وسيع.. يساع خيول الجميع
يقدم المقدام .. ويفرفر الفارس
ويترك الشجاعه للشجيع
 
ولا بعرف أبكي اصحابي غير في الليل..
انا اللي واخد عالقمر و مكلمه أطنان من الشهور
وعلى النظر من خلف كوة السور
واللي قتلني ما ظهرله دليل
 
وفي ليلة التشييع كان القمر غايب.. ما جاش
و النجم كان حافل.. لا بطل الرقصه ولا الارتعاش
لما بلغني الخبر اتزحم الباب
واتخاطفوني الأحباب..
ده يغسل .. ده يكفن.. و ده يعجن كف تراب
 
وانا كنت موصي لا يحملني الا كتوف اخوان
أكلوا على خوان
وما بينهمش خيانه ولا خوان
والا نعشي ما حينفدش من الباب
 
ما أجمل نومه على كتوف أصحابك
تنظر صادقك من كذابك
تبحث عن صاحب أنبل وش .. في الزمن الغش
و الرؤيه قصادي أتسعت
 
بصيت.. وحاسد نفسي بين خلاني
تعالوا شوفوا الدنيا من مكاني
حاشتني اغراض الحياة عن النظر
بالرغم من نبل الألم و الانتظار
اتعلمنا حاجات .. اقلها الحذر
و نمنا سنوات مدهشه.. نحلب ليالي حلمنا المنتظر
 
و امتلأت الاسواق بالمواكب
تبيع صديد الوهم و المراكب
وفارشه بالوطن على الرصيف..
بالفكر و الجياع و العناكب .. ومذلة الرغيف
 
يا عم الظابط انت كذاب.. واللي بعتك كذاب
مش بالذل هشوفكم غير.. أو استرجى منكم خير
انتوا كلاب الحاكم.. واحنا الطير
انتوا التوقيف .. واحنا السير
انتوا لصوص القوت.. واحنا بنبي بيوت
احنا الصوت ساعة ما تحبوا الدنيا سكوت
احنا شعبين شعبين شعبين
شوف الأول فين .. والتاني فين
وادي الخط ما بين الاتنين بيفوت
 
انتوا بعتوا الارض بفاسها.. بناسها
في ميدان الدنيا فكيتوا لباسها..
بانت وش وصدر.. بطن و ضهر
ماتت والريحه سبقت طلعت انفاسها
 
واحنا ولاد الكلب الشعب..
 
احنا بتوع الأجمل و طريق الصعب
و الضرب ببوز الجزمة و بسن الكعب
والموت في الحرب
 
لكن انتوا خلقكم سيد الملك
جاهزين للملك
إيدكم نعمت من طول ما بتفتل و بتفتل ليالينا الحلك
انتوا الترك.. واحنا الهلك سواق حكمته صاحب الملك
أنا المسجون المطحون اللي تاريخي مركون
وانت قلاوون و ابن طولون و نابليون
 
الزنزانه دي مبنيه قبل الكون
قبل الظلم ما يكسب جولات اليوم
 
يا عم الظابط احبسني
رأينا خلف خلاف
سففني الحنظل و اتعسني
رأينا خلف خلاف
احبسن أو اطلقني و ادهسني
رأينا خلف خلاف
 
و اذا كنت لوحدي دلوقت..
بكرة مع الوقت هتزور الزنزانه دي أجيال..
واكيد فيه جيل اوصافه غير نفس الأوصاف..
ان شاف يوعى وان وعي ما يخافش..
انتوا الخونه حتى لو خانني ظني..
خد مفاتيح سجنك وياك و أتركلي وطني..
 
وطني .. غير وطنك
ومشي..
وقلت لنفسي.. ما خدمك إلا من سجنك


إحنا ولاد الكلب الشعب - عبد الرحمن الأبنودي للعسكر. -

http://www.youtube.com/watch?v=u4L18YpCGYk


يا عيون مصر الحزينة
ارمي حزنك كله فينا
كفني بصبرك شهيدك وامسحي دمع المدينة

يا عيون مصر الحزينة
احضني محمد وعيسى واقتلي الفتنة الخبيثة
جوه جامع او كنيسة ربنا شاهد علينا

يا عيون مصر الحزينة
قولي للناس الغبية مصر وحدة وايد عفية
م الصعيد لاسكندرية كلنا في نفس السفينة

يا عيون مصر الحزينة
اللي خانك واللي خنا مش حسين ولا هو حنا
اللي خان مش من الوصن ده عمره ما يكون حد فينا

يا عيون مصر الحزينة
اصرخي بحرقة وصيحي اللي مات ابني وجريحي
تفرق ايه مسلم مسيحي دم احمد دم مينا

يا عيون مصر الحزينة
الصليب فارد اديه .. والهلال محني عليه
حضن واحد ماتلاقيه .. غير في مصر العايشة فينا

يا عيون مصر الحزينة - علي الهلباوي

كلب الست - بساطه

جميع ابتهالات و اغاني الفنان علي الهلباوي 

 Official YouTube : www.youtube.com/AliElhelbawy

هو المطرب ومنشد ومبتهل، من مواليد محافظة القليوبية، وهو عضو بمجلس إدارة نقابة الإنشاد الدينى. وهو ابن المنشد دينى محمد الهلباوي

يا مريم العذراء - علي الهلباوي

Ali Elhelbawy

Recent comments

Azmy Adel

kareem ibnilnil كريم أحمد

kareem ibnilnil كريم أحمد

Sara Ali

Related tracks