ولما تلاقينا.  عبد الرحمن محمد

كل الدكاترة قالوا خير
ماعندهاش ولا اي حاجة
ولا حتى محتاجة لدوا
ما احنا عارفين شهر مارس والهوا
والسن برضه ما تنسهوش
شوية برد ما يستاهلوش
اول مرة اشوف حبيبتي بتتوجع وبتتلوي
وانا عارف امي ما تشتكيش غير من القوي
عجزتي يا اما وشاخ جريدك
ده انتي لسة ماسحة الشقة ب ايدك عجزتي فجأة
ده احنا كل جمعة نبوس ايديكي عشان نوضب شقتك وتقولي لأه
عجزتي فجأة ... ومالك ابيضيتي ليه .. ياك حاطة بودرة
مش كنتي زيي سمرا
الدكاترة بيحكوا حاجة ... الدكاترة مش بيحكوا حاجة بينا
وانا قلبي متوغوش وحاسس ان فيها ان
لأول مرة احس ... وتفكيري بيعمل صوت
ما صدقتش ولا اتخيلت وانا واقف في ساعتها انه الموت
رسمت الضحكة بزيادة
دخلت عليها عارفاني انا الكداب كالعادة
ومين يقفشني غير امي اللي عارفاني وخبزاني
وخالعة بيدها سناني
فعرفت بس من عيني انها شهادة
وشهدت يجي ميت مرة
ساعتها كل احساسي اللي كان محبوس طلع برا
وهاجت ذكريات عبّت عنيا دموع
واحساس الطريق اللي مالوهش رجوع
حاولت اخدعها واستهبل
بقالك عمر بتمثل وهي معيشاك في الدور
وصدقت انها بتتخم
يا راجل خلي عندك دم
دي حافظة عنيك وتقاطيعك
وتهتهتك والاعيبك مش هاين عليك الويل
عاوزها منين تجيبلك حيل
عشان ما يبانش ف عنيها العذاب والهم
ياراجل خلي عندك دم
كانت بصالي في عنيها السنين بتفوت
وجوايا كلام من كتره عدى سكوت
كان نفسي اقول اسف اقول ندمان اقول خجلان
واقولك اني والله بحبك حب مش معقول
معرفتش ساعتها الحلق كان مقفول
لكن القلب كان مفروط على قلبك وكان بيقول
بحق حروف أيات الله اللي حافظها على يدك
ومن ايام ما كنت باعد على يدك وعلى عدك
وفرحة خدي يا امايا وانا نايم على خدك
وقسما باللي قام حَدّي وقام حدِّك
ما حبيت في الوجود قدك
جاي دلوقتي تتنغود بتستعجل في وقت الموت وتتلهوج
ما بنحسش بقيمة الثانية غير بعدين
وتسرقنا الحياة ما نفوقش غير والموت مبكي العين
يا شاقة القلب ومسافرة خدتني الغربة من حضنك سنين كافرة
نسيت نفسي ... انا اسف
قالولي الغربة بتعلم دروس وحياة وان الغربة يا امايا دي طوق ونجاة
اتاريها حزام ناسف ... انا اسف
معادنا يا اما في الآخرة

هشام الجخ عن الأم

يا مالكا" قدري..... وقدرك لا يدركه سواك
ان جئت بابك عاجزا انا لست املك الا ذاك
يا خالقى حبى لذاتك..... ليس يعلم سواك
وإذا احتجبت جلالة"...... فبعين حبى اراك
فارحم من الأشواق قلبا كم يحن الى لقاك

Ali Gomaa II

Popular tracks