اصطباحتك معرصه ياوستاذ عبكويم

إذاعية المحابية،راضيو كفر الشيخ الحابيبية.

لا ذَنبَ لِلعُشّاقِ إِن غَلَبَ الهَوى 	كِتمانَهُم فَنما الغَرامُ فَباحوا 
سَمَحوا بِأَنفُسِهم وَما بَخِلوا بِها 	لَمّا دَروا أَنّ السَّماح رَباحُ
أَبداً تَحنُّ إِلَيكُمُ الأَرواحُ 	وَوِصالُكُم رَيحانُها وَالراحُ 
وَقُلوبُ أَهلِ وِدادكم تَشتاقُكُم 	وَإِلى بهاء جمالكم تَرتاحُ
وَرحمةً للعاشِقينَ تحملوا 	ستر المَحبّةِ وَالهَوى فَضّاحُ
بِالسرِّ إِن باحوا تُباحُ دِماؤُهم 	وَكَذا دِماءُ العاشِقينَ تُباحُ 
   

المولوية المصرية - ابدا تحن اليكم الارواح - عامر التونى

Improvisations - From the Egyptian film Rags & Tatters 2013. 
By: Rabie Zein
من شريط صوت فيلم فرش وغطا
ارتجالات صوفية وشعبية

"حبي لمولاي"
أداء ربيع زين
أشعار بن منصور الحلاج

"أنا ابتليت بالغرام"
أداء باسم وديع
** حذفت في نسخة المونتج النهائية من الفيلم **

"يافِكر شيّبتني"
أداء عم اسماعيل


هذه المقطتفات تم استخدامها في الفيلم أو في بروفات الإعداد.. 
 منقحة من المؤثرات الصوتية التي وضعت لاحقا في المكساج
ليتسنى سماعها منفصلة

تسجيل واعداد: أحمد مصطفى صالح


Hobbi Lemawlay- From Rags & Tatters -  صوت فرش وغطا - حبي لمولاي أسقمني

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

أحمد فؤاد نجم - نوّارة

الأبنودى - خايف أموت

كفر الشيخ الحبيبة - علي فين؟

عبكويم Alarm

الطريق للعالمية يبدأ من المحلية.

إذاعة كفر الشيخ الحبيبة - الحلقة الأولي

مصادفة عجيبة عجيبة تحدث لأول مرة في تاريخ الراديو المصري و العربي و الشمال أفريقي.
في حلقة عن العلاقات المستحيلة.

إذاعة كفر الشيخ الحبيبة - الحلقة الرابعة

سلسلة العلاقات المستحيلة تأخذ منحني غريباً للغاية.

إذاعة كفر الشيخ الحبيبة - الحلقة السادسة (حلقة خاصة)

سلسلة حلقات خاصة جداً يستضيف فيها أستاذ محمد نجم من نجوم كفر الشيخ في كل حلقة بمناسبة عيد الأضحي الموبارك.

حلقة العيد - الأولي

الحياة - مصطفى ابراهيم

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر

التراك ده مش بس في حب عم حسن حسني... لكن كمان في حب أسامة فوزي 
الجميل
ألف رحمة ونور على روحهم

في حب أجمل أدوار حسن حسني.. حواديت الأسطى محمد من فيلم عفاريت الأسفلت

المبدع مصطفي ابراهيم

صوت قفلتك....
لأخر سوسته ف الشنطه.....
صوت طبطبة ايدك....
بالراحه ع الباك باك....
فرافيت تذاكر سفر....
قطّعّتها اونطه....
سندة عنيك وايديك....
ف الباص على الشباك....
فيه حاجات كتير عايزاك.....
تفضل كده مسافر.....
ف طريق ملوش اخر ….
اكمنها حتموت....
ف الرحله من غيرك....
فيه حاجات كتير عايشاك....
خايفاك تبطلها ….
وحاجات كتير عايزاك....
لكن معطلها...
ان إنتا مش عايز....
جايز...
حاجات منها....
حتعيش وتستناك ….
جايز حاجات تانيه...
ف الزحمه راح تنساك....
زي اللي راحوا زمان....
حتبطل الدخان ؟...
ولاعتك السخان ….
وسجايرك البوسطن...
حيموتوا من غيرك …
حتبطل الاحزان ؟...
كشكولك المليان...
بـقصايدك الجايه....
حيعيش لمين غيرك ؟...
جسمك حجزله مكان...
بالعافيه جوه الكادر...
ميت ايد على كتافك....
ميت بصه على وشك....
كل الحاجات حواليك...
ف الكادر سانده عليك....
لو جيت وشلْت اديك....
الصورة تتفركش ….
ضلك على الحيطه ….
كان خافي عنها النور ….
وطلّعها بتنغمش....
كفك على السفره....
من غيره كان إزاي...
مفرشها يتكرمش ؟....
بصمة صباع إيدك...
لسّاها ع الشبابيك...
ميت ألف تفصيله...
ملهاش وجود غير بيك....
وإنتا عليك تختار...
حتبدّي مين على مين ؟....
وتبدّي إيه على إيه ؟....
الجاي والجايين ؟
وللا اللي خدت عليه ؟
أصل الحياه للعلم....
مفهاش حاجات ببلاش....
وأصلا عشان تتعاش....
كادر الحياه المشحون...
فرح والم وشجون....
لازم يكون ...بيلف....
لازم يكون…. بيدور....
يتقل عليك ويخف....
ويعشّمك بالنور....
ف نهاية المشوار.....
ونا قلبي لف و دار.....
ميت ألف ليل ونهار....
نفسه ف فرحه كادوه.....
وحلاوه من غير نار....
وامّا الزمن تعبه...
قصقص شريط الفيلم....
وخَد كادر كان عاجبه....
وقرر يعيش ف الحلم.....
و الحلم كان كامل...
جدا تمام خالص...
ولجل الكمال لله....
كل الحاجات جواه....
لاكن في شيء ناقص....
فاضي بشكل غريب....
إيه اللي سبته هناك؟...
ف تلاقي ف الكراكيب....
صورة القمر وياك …
متشاله ف الكشكول...
باصه ف عنيك علطول...
وكأنها بتقول ....
بالذمه مش واحشاك ؟

مصطفي ابراهيم .مفيهاش حاجات ببلاش +موسيقي

واحد يا موحد الواحد
اتنين يا جد الحسين
تلاته يا سوء الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
اعرفكم جميعاً ان السجن سور ..
اعرفكم جميعا ان الفكر نور
اعرفكم جميعا ان السجن شايخ
واعرفكم جميعا ان بابه خايخ
واعرفكم جميعا ان الثورة فكرة
واعرفكم جميعا انه هايبقى ذكرى
وابشركم جميعاً .. ان الوعدة بكرة
والنور عندنا وعندكوا .. يا حبايب :)

أحمد فؤاد نجم - العنبرة

"Music was the home for your pain."
-The Script.

عبكويم Alarm

Ali Quandil

Recent comments

YOUSSEF

Youssef Zahran

Sasa Saeed

happymora

Related tracks