نرقص كده فوق الوجع نكسر عيون المستحيل ونكون سوا 

تشربني وقت شروقها شاي 💔🎵🌚

كمانجا... نرقص كده فوق الوجع.. نكسر عيون المستحيل.بشويش في دمي بتبقي ماشيه فةكل اخر ليل طويل؟؟.. ساحرة شريرة الحلوة المُرة

samozin

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

الاغنية دى جامدة جدا واى حاجة لساموزين بتبقى حلوة اوى بس الاغنية دى احلى اغنية ليه

جديد ساموزين ماتحبنيش 2014

محمد ابراهيم - تيشيرت احمر، ذكرى شهداء بورسعيد


    أيام بتشبه بعضها ..
    بنت بعيون مليانه خوف
    زى الكمنجا فـ حزنها
    تشبه أوى برد الشتا ولونه الحزين
    ورده سوده فـ جيب جاكيته
    
ساكنه فيّا حته حته
    وعايشه فيا من سنين !
Download it Mp3
From

MediaFire
http://www.mediafire.com/download/ovzcpr4bjaukb1x/Kashkool.Band.Warda.Soda.mp3

4Shared
https://www.4shared.com/mp3/THyhX-5Qba/KashkoolBandWardaSoda.html 

كشكول باند ،، ورده سودة // Kashkool Band - Warda Soda

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا

Empty Streets Tonight

انضموا لصفحة مادو عل فيسبوك 
fb.com/mado4music

موسيقي تصويرية ولحن محمد عبدالعال مادو 
شعر عمرو حسن 

‪#‎Freindzone‬
خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

موسيقي تصويرية وغنا محمد عبدالعال مادو شعر عمرو حسن

محمد منير - كان فاضل بس يادوب

غناء 
أمير يوسف 
منه حسن
آيه حسن

كلمات 
نور حسن
الحان 
أمير يوسف
توزيع موسيقى
أحمد سامي
https://www.facebook.com/ahmedsamy.officialpage

كمان 
محمد عبده
ناى 
هاشم لطفي

هندسة صوت - مكس وماستر :
لاتينو
https://www.facebook.com/Latino.Studio.Page

تم التسجيل بـ ستديو شركة :
SeVeN Pictures
https://www.facebook.com/sevenpictures.eg

شكر خاص
SeVeN Pictures
ماز

مونتاج :
كريم احمد 
https://www.facebook.com/Karimahmedpage
انتاج :
احلم
https://www.facebook.com/e7lam.e7lam

لينك الاغنيه على اليوتيوب
https://www.youtube.com/watch?v=_lOXEvRX_38

رمضان كريم :)
رمضان 2017 -1437


آسف على الإزعاج | أمير يوسف ومنه حسن وآيه حسن

البوم ( شخبطة عالحيط ) 2012 كوكتيل غنائى رائع

03 - Khaled Ezz - Ghazl.ELBanat - غزل البنات - خالد عز

علشان يشبهلك

 جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

كلمات : خالد عبد القادر
 الحان: يحى نديم
غناء: فرقة عمدان النور

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Seeret El Aragoz - سيرة الاراجوز

أغنية الحب المستحيل - امينة خليل بصوت نسمة محجوب - فيلم الكنز

يا غنوة مبتكملش يا دمع يا محبوس .. ليه كل ما أحلم حلم بقى يتقلب لكابوس ؟؟!!!
بسأل ساعات نفسى لو جيت ع بالى .. هى الحقيقة صحيح مكانتش باينالى ؟؟!!!!
ولا ساعات بنخاف نعرفها تجرحنا !!! ولا صدق نجانا ولا كدب ريحنا !!!
هنعيش بنتألم من الدنيا طول ماحنا بنبيع قلوبنا رخيص .. وبنشترى بغالى 
يا غنوة مبتكملش !!!!

يا غنوة مبتكملش - غناء / محمد محسن ... كلمات / مصطفى إبراهيم

كن حيث الغناء ،، فالاشرار لايغنون وكذلك لايعرفون العزف والموسيقى


كشكول باند ،، ورده سودة // Kashkool Band - Warda Soda

Ali Shebl

Recent comments

Soha Youssef

Abdelhamed

7aniin mohmed

Hamada Helmy

Related tracks