الكلمات : 
-----------------------------------

صفحة سكوت فضلمة من جواية بتنادي
حركة  تابوت قلبي بتكسر حاجز ضلوعي
بين الحياة والموت روح بتهرب خارجة منى 
 احتياج سيناريو و مخرج جديد  لفلم حياتي
عايش بلا معنى انفصام حاد مابين اتنين
مش لاقى نفسي .. وحيد وسط الملاين
شغلى مش ليا عمري مش ملكي ملك ناس تانيين
حاضر زي الماضي شارع واحد مابين حارتين
ميت من جواية عايش عشان مضطر اعيش
جربت افتح باب الامل .. الامل قالي متلقيش
فتحت عنيا فالضلمة عشان خاطر متعميش
شوفت نفسى واخدة جنب بانديها مابتسمعنيش
محتاج لشمعة تنور لية  طريق الاحلام
محتاج لدافع يخليني اقدر ابص لقدام
محتاج حياة بديلة ترسم ليا بالالوان
تغير لجزر الحقايق تغير لشجرة الاوهام
سراب عنيا مغطي عليا  واحدي حاسس بيا
شايف قدامي متر لقيت ايد مدتلها اديا
مسكت فيا جامد جرتني لنور ضعيف جوايا
سبتني سمعت صوت بيقولي دا حلمك قولتلو كفاية
حلمي فتحة مفتاح فباب اوضة ضلمة كحل
افكاري سايلة فكاس ليها لمعة الجهل
املي ورا بابي بيجري بسرعة الفهد
ساعة عمر واقفة فلحظة ..رجلي جت ف الوحل
ثابت مكاني حطان بتتحرك ملهاش سبب
دخت وقعت فلحظة اتمسكت   ...   عقلي هرب
فقت شفت ف وسط الضلمة انسان غريب وللا العجب
شافني قالي متخفش انا الابتسامة والضحك اللي اتسلب
سمعت اصوات كتير من وراية نفس طبقة صوتي
ناس كتير شبهي ... كأن دا صوت سكوتي
عايزة تتمرد على قفل الباب تشوف نور املي
صوتها بيتكرر ويكبر طعمو حلو على ودني 
ثورة فكرة الصمت احتجت  واقفة  تهتف فدماغى
مراية الحقيقة قدامي قمت اشوف فيها شكلي
لقيتني واقف وسط الزحمة بدون  قلبي ولاعقلي
تفكيري مشلول محتاج لعملية زرع ثقة خيالي
وبعد ثواني من لحظتها افكار كاسي اتجمعت
وقفت قدام باب الامل بصت للقفل وكسرت
فتحت الباب من شدت النور عنيا اتقفلت
حاولت اشوف اصواتي والضلمة اللي اختفت
من خضتي لقيت نفسي بجري ناحية النور
لكن بعد الباب اتفجأت ان فية  سور 
مش مسموحلي اعدي وللا مسموح اقف غير ف الطابور
سعتها فهمت الخدعة اني على الواقع مجبور

-----------------------------------------
Ben el 7ayah wl mot
Written by : A_Vandetta
Music : Free beat
Vocals : A_Vandetta
Master and mix by : A_Vandetta


Ben El 7yah Wl Mot - بين الحياة والموت

الكلمات :
----------------------
افتح صفحة المجال 
امسح كل ام سي عيال
دور يابني ع الكبار 
افتح فيهم دا يبقى حلال ؟
زنجا زنجا دار دار
اراضيكو راح تبقى بار
فني صار ضرب نار 
عليكو جار دا احتلال
حال مجال بقى احتفال 
مش عاوز امشي مع الشلال
سيب المخدة مش جايبة عيال
مش شايفك غير صفر ع الشمال
بارات الفقر  بقت انذار
فلوهات كتير وواحد يختار
طريق الفشل بقى مسار
اي ام سي في الضلال
قعدت افكر فيه اختلال 
سنسور بلت ان مش شغال
بص بس من غير انفعال 
قارن الجودة تطلع سباك
كلامي بيطلع يوقف زلزال
بس اثبت انت على دا الحال
جهز نفسك على احتمال
تجري او تدي Revers back
قومت اكسر الاغلال
بخيت سمي  في بضان
كل ام سي طلع قال
انا ال top  وسط ذاك
المجال بحط فيك اغلال
زمبوباتان
جمع زمبوبه يا خال
من البرد للصوف حاك
جهز نفسك للاخطار
انا بعمل ليك اختبار
خلي بالك من الاعصار
اوعى تغرق سفينتك
اوتش حاسب الجرار
معلش يا يبني ع الدمار
اعذرني كل شيء صار
انا عارف اني دمرت فكرك
خلي بالك من الافكار 
اللي ممكن تطلع تعمل غارة
فتقضي عليك هي جبارة
وكدة نعرف معنى الاتاك
شلح طي** هلسع كرباج
دلع كرشك قبل المجاعات
انا القاضي انا المتهم
انا السفاح انا السفاك
Check that out
كلامي حصان بيجري في التراك
سرعة المسدس click clack 
طلقة موتت امسيس من غير حساب
لو فكرت تقلدني u better turn back
كلام مظبوط على قد البيت
سرعة السكوت ف زمن مميت
برميل كلام ادلق ف الاغنية
الناس بتشرب منو اصلو فريد
فرمل مكانك انت بتسمعنى 
فاكر نفسك  ممكن توصلي
فكر كويس يمكن تفهمني
حاول ف البيت تعرف تمسكنى 
تهزمني ممنوع مستحيل  تجبني
ارمي اللي عندك كلو وخلصني
لو الكلام السريع صعب بس قوللي
ارزعلك كلام مظبوط بالملي

مش هنزل بتقلي في المجال 
اتفرج يبني على دي  تكنيكات
حرف جنب الحرف واختلف المعنى 
قدامك الحقيقة وانت بتستعمى 
من تحت الارض بنحفر لفوق 
بنثبت فكرة تكسير الطوق 
بحرق بدخان بركاني الهايج
بحترم الجوكر بس مش هقول فوق
سيب بس ليا نفسك للاخر 
تلاقيك  واحدة واحدة بتتاخر 
بكسر ف عضمك فانت الخاسر
بشرب من دمك وباكل اي رابر 
ركز معايا يمكن تفهمني 
هزرعلك فكرة هرزعلك غرضي 
تدريب تدريج للفهم مستميت 
ميت بييت و بيت بس الكلام ضعيف 
بخرشم البيت ، بحرق تنين 
بزرع انياب ، بسبق بسنين
بفرض اسلوب ، بغرق قروش
بقلب المود ، بحفر براكين
بسمع تراكات ، بيعجبني نادرين
باكل صبار ، بحلي بخرتيت
بشرب النار ، بحرق بنزين
بغرز علمات ، ف بتقول انت مين

-----------------------------------------
El magal :
Written by : A_Vandetta
Music : Free beat
Vocals : A_Vandetta
Master and mix by : A_Vandetta


El magal-المجال

اكبر قهر للظروف بيجي نتيجة الضغوط
حياة بعد الموت ، هيفيد ب اية السكوت
املك سفينة نوح ، وسط بحر الهموم
عافر لاجل الوصول بإيمانك انك مش هتموت
سحابة الامل ، بتمطر بالعمل 
تسقى جدر الحياة ، متسقيش الكسل
ابني نجاحك حاول ، على ارض الفشل
ازرع حلمك تجني متقولش القطر هيفوت 
كونك ف الكون مش وحيد يجعلك مش مسجون
افتح قفص الحلم ، تقتل كل الهموم 
اسمح للفرحة بقلبك ، امسح كل اللي  تعبك 
اسمع كلام املك ، تمحي عتمة الظنون 
شوف كل نور ، اجري وسط الصور
بين اسنان الفرحة ، قول انت حر 
جمع الضحكة و فرقها ، على الصقفة و سمعها
قول بكل نفس فيك لسى الامل موجود
----------------------------------------------
مهما كان الامل عالي مهما كان السهل واطي
مهما كان الصح حاجز بينك وبين الاعادي
اثبت على المبداء اثبت على الحق
اثبت وجودك  ولون لونهم  الرمادي
----------------------------------------------
ف فكل مرة بتبقى ماشي فيها لوحدك 
بتبقى حاسس ان الدنيا كلها قصادك
كل مبدا مستباح ، كل ضعف حقو راح
كل سلم للنجاح لازم يتاخد باكتساح  
جرب تساعد الضعيف ، جرب تتبرع ولو برغيف
جرب ترسم بسمة امل تظهر نتيجة ع الجبين 
بالبسمة نحل المشاكل ، بالضحكة نهون الامور
بالفرحة نضوي كهف الحزن و تتمزق كل الهموم 
فكر كدة مش مستاهلة منك دة 
يعم ابتسم  ارمي النكد دة وقول نكتة 
اوعى تبكي ع المخدة اوعى تنسى المحبة 
اوعد نفسك تفرحها اوعاك تنسى تتحدى
كل الهموم ، كل حزن ف الكون
كل شيء بيمزق الفرحة و يخلق صخرة خمول 
احلم  حقق الحلم  متيأسش ابدا 
متخلقش اعزار ، وعلى نفسك  تهون 
----------------------------------------------
مهما كان الامل عالي مهما كان السهل واطي
مهما كان الصح حاجز بينك وبين الاعادي
اثبت على المبداء اثبت على الحق
اثبت وجودك  ولون لونهم  الرمادي
------------------------------------------------
Hope
Written by : A_Vandetta
Music : Free beat
Vocals : A_Vandetta
Master and mix by : A_Vandetta


Hope - امل

الكلمات
*-------------------------------*
اسمحولي اقول قصة لازم تعرف القضية 
كل شاب فينا عادي جدا ممكن يبقى الضحية 
قطر العمر فات و مسلسل الحياة بيسف
كل صح بتمشي فيه في الواقع بيبقى العكس
نزل الطفل من بطن امو باكي على الحياة
ها ولد وللا بنت ، اصل الدكتور من صوتو اشتكى 
طب يللا اقطعو اخر امل لية في الرجوع 
عبال مكمل السجارة يكون العمر ابتدا 
كبر الولد بقى عندو يجي كام سنة
تف على عمو قولو الشتيمة اللي اتعلمتها
سمع ضحكم فا اعتبر انو صح كدة
اترسخت جواه معاني غلط بالغلط
تعدي السنين ف يكبر الواد و يخلص مدرسة
بعد سنتين التعب بيدعي ربو بكلية كويسة
مستني نتيجة التنسيق 
فرح و فرح اهلو الواد جاتلو هندسة 
بيقول ف نفسو اخيرا هحقق حلمي اللي بتمناه
لازم اجتهد و اتعب دلوقتي عشان اعيش مرتاح
تعب خمس سنين بيحاول فيهم في كفاح
يوم ما خلص كان الحلم وصل منتهاه
الواد كبر عاوز يتجوز بنت تكمل عليه حياتو 
عاوز يكون بيت و اسرة بيدور على سعادتو !
جرب نصيبو ف حب عمرو 
اترفض لاجل شوية ورق ف اتحجم مصيرو
وكل مرة يحاول فيها يزرع بذرة تموت النبتة 
يحصد خيبة امل  ضياع مستقبل و مبادؤو الثابتة
مش لاقي شغل بشهادتو طب و اية العمل
البنت هتضيع منو و الوضع اصبح لا يحتمل
بيقول
لازم اعافر ف وسط صخرة الظروف
لازم اعيش حتى لو هعيش مهموم
عندي اهل اصرف عليهم عندي اخت اجوزها
ربك وحدو اللي بيرزق ف ع الشهادة هدوسها
ف يوم جالو الاسطى جمال  يعرض علية 
قالو ماتيجي تشتغل معايا تباع اسبوعين
وافق بعد ما بص على شهادتو بصة اخيرة
نزلت دمعتو اما افتكر تعب خمس سنين
اقعدي يا مدام اقعدي يا انسة اقعد يا بية
طب الاجرة كام ! الاجرة للفرد جنية
مين نازل مين اتنازل مين موافق على الفقر
حصد لفكر القهر وهروبو من القبر اتجمع فية
يعني اية بلد متكونش واقفة ضهر لضهرها
يعني اية خمسين في المية يمسك لجامها
تفتكر ف يوم تطلع حاجة ، موت يا حمار
اصل انت مش عايش عشان تعيش ف ارضها
لازمتها اية قوللي  لما  الهرم ما اتقلب 
عايشينها تحت الارض و حقنا اتسلب
ناس مولودة بالدهب و ناس امرها اتغلب
التباع محتاج  يعيش مش رئيس منتخب
*------------------------------*
El-taba3
Written by : A_Vandetta
Music : Free beat
Vocals : A_Vandetta
Master and mix by : A_Vandetta




El - Taba3.التباع

الكلمات
*------------------------------*
مهما كانت الظرووف مهما كانت الضغوط 
مهما كانت الحياة صعبة وفيك بتشوط
مهما كانت الدنيا عليك قسيا و مبترحمش 
اقف ثابت صنم واجها انت اقوى متفكرش
احساس صعب اوي لما تبقى الدنيا عليك قسيا 
و كل ناس في زحمة الحياة مشغولة وليك نسيا 
محدش بيفكر غير في نفسو محدش بيبص ب عينك
على شكلك بس هيحكمو محدش يعرف حقيقتك
متفكرش في اللي فات تقدر تغير الواقع 
متحرمش نفسك من الحياة .. الحياة ضوء ساطع
متخليش نفسك اعمى تسيطر عليك الاوهام 
متحرمش نفسك في يوم انك تحقق الاحلام 
حط ف بالك النجاح هيبقة هو دا المفتاح
هتعيش حياتك مرتاح و دا نتيجة الكفاح 
الاصل في الحياة العبادة للرب والسجود
منها هتجيللك الاستفادة طول مانت لية بتعود
*------------------------------*
ارسم خط السير ، حسن نفسك و الغير
متقلش مش هقدر ، انت تهد المستحيل
اكتب نقطة قوة و امسح نقط الضعف
حرك مشاعرك واجعل طريقك مستقيم
*------------------------------*
حياتي دي حياة بتكرر .. مع ناس كتير
مش عارف دا الطبيعي وللا هو دا المصير
اني اعيش حياة ملهاش لزمة حياة انسان حقير 
بكل بساطة حياة انسان نايم بس ع السرير
سواء صحيت او نمت مش فرقة مع اي حد 
الدنيا بتعدي عليه باختبرتها وانا مش مستعد
على طول بهرب منها بلقى نفسي ديما ضايع 
نفسي في مرة اوجها بس اصلا مفيش دافع 
الحياة  عبارة عن كشكول بكتب فيه اعمالي
ببص فجأة على السطور لقيت المكان كلو خالي
في لحظة جتلي حقيقة واضحة غايبة عني من سنين
عرفت قمتي عرفت نفسي لقيت للدنيا طعم جميل 
انسان بسيط يهتم بيا اهتم بية
 غير حياتي على طول بفكر فية 
عشان كدة قررت اتغير قررت ابقى انسان
ولا عمري ف يوم هيأس ولا عمري استسلم للأوهام
*------------------------------*
ارسم خط السير ، حسن نفسك و الغير
متقلش مش هقدر ، انت تهد المستحيل
اكتب نقطة قوة و امسح نقط الضعف
حرك مشاعرك واجعل طريقك مستقيم
*------------------------------*
عايش مبسوط حسيت بطعم جديد للحياة
عرفت قيمت نفسي بقيت قريب جدا من الله 
اكتشفت لما قربت من ربنا بقيت سعيد 
خت وعد على نفسي مش هرجع تاني من جديد
اصل الواحد لما يدوق طعم الجنة بيتمسك بيها
وخصوصا انو حاسس الدنيا جهنم عايش فيها
لما يكون سبب تغيرك انسان عشان بس حبك
لازم تعرف قيمتوا دا هيحافظ عليك هيصونك
من سعتها وليا هدف بقيت مقبل عل حياة 
بقيت من الفرحة زي الطير بقيت طاير في السما
مش هستسلم للاحباط مش هستسلم للفشل
هسبت اني قد المسؤولية خلاص هنسى الكسل
اختم الاغنية بحكمة للصغير والكبير
لو شايف مشاكلك ملهاش حل عندك هموم كتير
روح احكيها لواحد غلبان هيضحك
سعهتا هتعرف فعلا حجم مشاكلك 
*------------------------------*
ارسم خط السير ، حسن نفسك و الغير
متقلش مش هقدر ، انت تهد المستحيل
اكتب نقطة قوة و امسح نقط الضعف
حرك مشاعرك واجعل طريقك مستقيم
*------------------------------*
El zrof
Written by : A_Vandetta
Music : Free beat
Vocals : A_Vandetta
Master and mix by : A_Vandetta


El Zrof - الظروف

name : ali abdlewahd
born in : 10/9/1993
i'm 21 years old 
have some thoughts to change the world 
and i will 


A_vandetta

Popular tracks