وبنور البصيرة ستري ما لا يراة المبصرون

الشوف مش نظر ،الشوف الحقيقي وجهة نظر

ساعات أشوف كل شئ بوضوح العطش والجوع الحر والسقعة العدل والظلمـ القسوة والرحمة وأشوف الشمس لما يلسعنى شعاعها وأعرف انها غابت لما غروبها يرمى الكأبة فى صدرى وساعات عقلى يلهمنى اشوف صاحبى من عدوي .. لكن جوّايا عارف حقيقتى مطبش بإيدايا واعد الخطاوى برجليا واتجنن بتجنن لما احس بيكوا بتتحركوا حواليا من غير ما حاجة تحوشكوا واسمع سكاتكوا اعرف انكوا قادرين تتكلموا بعنيكوا بتجنن من يقينكوا .. وأقول ايش عرفنى انكوا ما بتكذبوش عليا أو تكون الحقيقة فاتتكوا  ؟؟ أقولكِ على سر وماتضحكيش مني ؟ أنا بخاف من الضلمة .. بحس ان الضلمة حد عملها بالعند فيا ، بببان حديد مصدية ومتربسنها فى وشي، بحس ان انتوا مطفيين النور عليا ببقى عايز اصرخ ولعوا النور قيدوا شمعة .. كنت و أنا صغير يتهيألى انهم جابوا شمع سايح وطفوه فى عينيا .و كل ما بكبر بحس بتقل الشمع اكتر دماغى مش طايقها !.... لأ انا فقدت عنيا لكن مش هفقد دماغى ، دماغى هى اللى بشوف بيها دماغى هى اللى فضلالى

لأ لأ .. أنا فقدت عنيا لكن مش هفقد دماغي .. دماغي هي اللي بشوف بيها .. دماغي هي اللي فاضلالي

Comments

a

a

user855382910

mero maram

nour adel elwakeel

tarek87

FOX

Nada Yasser