- مشكلة كل اللي بيحبوا الايام دي 
الحب صابه اللي صاب الدنيا و الناس والاخلاق 
ما بقاش ابدا زي الحب بتاع زمان

انا بتكلم عن الحب المثالي ♥
بعذريته ورومانسيته ,
بلمسة الطُهر اللي فيه ,
بروح الشاعرية اللي جواه
زمـان كنا نحب زي ما نقرا الشعر
 أو نسمع مزيكا 
أو نتفرج على لوحات ناجى وصبرى ومحمود سعيد
♥ ، كانت لمسة من الإيد ,
 مجرد لمسة تغيبنا عن الوجدان
♥ ونظرة من العين تسهرنا للفجر 
♥وكانت رعشة الكلمة الحلوة على الشفايف تبكينا 

تصوري إن احنا كنا بنخاف من القرب أكتر ما بنخاف من البعد .. 
 وفي البعد طبعا نرجع نحن للقرب تاني♥
 كانت الأشياء البسيطة جدا فى الحياة ليها قيمة كبيرة جدا ...
وشوشة الريح فى الشجر♥ نور القمر فى المكان ال حواليه ♥
كل حاجه كان بيبقه ليها معنى طعم ومتعه ♥
أغانى أم كلثوم كنا نقعد نسمعها بالساعات ومنتكلمش خالص 
وفى نفس الوقت بنقول كل حاجه ♥

عشان كده الحب كان بيفضل♥
 وبيعيش كمان مهما فصلت بين المحبين بلاد♥
♥ وفرقت بينهم جبال 
..
 و اول لقاء بعد سنين بيبقى ديما ليه فرحة اول مرة اعترفنا فيها
 
-	ليه احنا كمان مانعيش الحب ده
-	لانكم شيلتوا الفواصل , كسرتوا الاسوار واختصرتوا المسافات ,
 واتحول الحب لاتفاق سريع مباشر
 كل حاجة فيه سهلة مقابلة  تلامس  و الاندماج 
مبقاش فيه حاجة غالية ولا عزيزة ابدا
 مبقاش يستحق حتى المحاولة
  بقى زي ساندوتش تاكلوه وانتوا ماشيين في السكة 
وتهضموه قبل ما توصلوا
♥ لما الحب بيبقى صعب بيفضل و بيعيش

♥ 

مسلسل ابو العلا البشرى
اسامة انور عكاشة - عمار الشريعى - محمود مرسي


♥ الحب المثالي ♥

الخواجة عبد القادر و كمال - المقام

سافر

تعرف اني شوفتك زمان يا خواجة؟
- !!زمان فين زينب؟ 
فى الحلم شوفتك كتير 
و اول مرة كانت ياجى من اربع سنين قبل ما تاجى عندنا البلد
- انا كان اربع سنين كان فى لندن كان عاوز يموت 
انا الى كنت هموت ليلتها كُنت زعلانة اوى 
"سَلطَنة كانت اول مرة تقولى فيها "يا بايرة 
و امى كانت ماتت ملهاش رجوع
ضاقت بيا الدنيا اوى ، ونمت باكية
و شوفت نفسى على البحر عاوزة ارمى روحى من حتة عالية
و جيت انط مسكت رجلى ، 
"قولتلى "هتعملى ايه زينب 
قولتلك عاوزة اموت نفسى يا خواجة
"قولتلى " انتى مش لازم يموت زينب انتى لازم يعيش
قولتلك سبنى ارمى روحى فى البحر يا خواجة
"قولتلى "البحر يرمى روحه فيكى يا زينب
شوفت المية .. مية البحر طالعة لى فوق 
و محوطانى و انا و انت فى وسطيها
صحيت لقيت الفجر ع يدن ، اتوضيت و صليت و قريت قرآن 
و نمت رايقة فَصحيت ضاحكة فضلت طول اليوم ضاحكة
- انا شُفتك قبل كده بس مع شيخ عبد القادر ،
- زينب انتى يقرا قرآن ؟
انا حافظة القرآن كله
- انا نفسى يحفظ كله قرآن 
اقولك على سر عمرى ما قولته لى حد؟!
- سر ! اه قولى قولى زينب
بس متضحكشى عليا و تقول عنى عبيطة
- لا لا انا مش يقول عبيطة لا لا زينب
اول م اللنضة تطفى م الهوا فى الاوضة
و ابقى زعلانة من سَلطَنة و مش عاوزة اطلع اقولها هاتى كبريت
ابقى خايفة م الضلمة موت ، اقرا قرآن ، و الدنيا تنور تنور اوى
- انتى كان يقرا ايه زينب؟
بسم الله الرحمن الرحيم
الله نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ) 
الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ 
زَيْتُونَةٍ لَا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ ۚ 
نُورٌ عَلَىٰ نُورٍ ۗ يَهْدِي اللَّهُ لِنُورِهِ مَنْ يَشَاءُ ۚ وَيَضْرِبُ اللَّهُ الْأَمْثَالَ لِلنَّاسِ 
وَاللَّهُ بِكُلِّ شَيْءٍ عَلِيمٌ ) صدق الله العظيم
بس و الدنيا تنور تنور اوى
- انت جميل زينب، انا يهبك .. انا يهبك زينب
‫

الخواجة عبد القادر و زينب

تجميع مشاهد الفيديو الاساسي ... للأستاذ محمد سعيد
برجاء الدعاء لوالدته رحمها الله 

الخواجة عبد القادر ... مُجمّع Exclusive ♥

من فيلم الإنسان يعيش مرة واحدة - علي الشريف - عم بكري 
انا خايف علشان مبسوط!!
.. الدنيا ياولدى ليها وشين ابيض واسود ، لما تبقى بيضه قدامك افتكر الاسود علشان تسلم ، ولما تبقى سوده افتكر الابيض علشان تقدر تعيش لبكره.


الإنسان يعيش مرة واحدة - على الشريف - الحالة - عم بكري

شعر : عبد الرحيم منصور
إلقاء : نور الشريف
فيلم : الزمّار
إخراج : عاطف الطيب

طويت بوادي ومزارع 
يا قطر عمري يا ضايع
وقف الزمن جوايا
أنده.. ويرجع ندايا
الأرض بيتي و غيطي
وسماها هي غطايا
أشكي لمين بلوتي 
قوليلي يا نجمتي
يا مونسة وحدتي 
يا صحبتي في مسايا

طويت بوادي ومزارع - من فيلم الزمّار - اشعار عبد الرحيم منصور - اداء نور الشريف

معاوية؟معاوية انت سامعني؟
إنت من بيت قرآن ،وحامله على كتافك وبتعلمه للخلق.صح؟
إيدك و رزقك و بيتك زي عتبة الجامع.صح؟
حاباك ربنا بالذرّية،البنت و الولد،محرمكش من حاجة.

 
أراد ربنا يبتليك ويبتلينا معاك،عاوز يكمل صبرنا،يهادينا على قد ما صبرنا
نخيّب فينا رجاه؟
هانوك في الحبس..آه،آه هانوك
مين من الأنبيا منهانش ؟ وربنا رزقه الصبر.
لا همّا هانوك بسريقة؟ولا بشهادة زور ؟ولا بخيانة عهد؟
دول حبسوك بشهادة الحق !
فيه كرم ولطف أكتر من كدة من ربك لمّا يعوز يبتلي بني آدم ؟
يا معاوية..يا طماع
طاب ما ربنا ابتلاك بيا وإنت صبرت عليا
كنت كل ما تبص ف وشي تقول وأما بنعمة ربك فحدّث.

حديث الصباح والمساء___يا معاوية يا طمّاع /عبلة كامل

مرحلة الأعزاء | من مسلسل الراية البيضا

مشهد من فيلم الغول - العدالة ليها رجلين اتنين

حى معاى الخطوات
حى مصر الفلاحين
تولد مصر الأسطوات

يا فجر الأيام الهادى
يا شرفى وحبى وجهادى
يا ولدى ياضى ولادى
يا واقف فى الخط الأول
لليوم اللى يتم الآيه
وحياة المجرى اللى اتحول
وحياة الحق اللى معايا
حى معاى الخطوات
حى مصر الفلاحين
تولد مصر الأسطوات

يا ورد مفتّح فى صوانى
يا زندى وعندى وصوانى
يا قلب الطين الأسوانى
حى معايا الخطوات‏..‏

يا قايم على راس فدانه
والقمح يضفر له عيدانه
والنسمه توشوش فى ودانه
حى معايا الخطوات‏..‏

يا نجفى ومديت أسلاكه
يا شعبى وحاكم أملاكه
يا ولادنا بكره ما احلاكو
حى معايا الخطوات‏..


حىّ معايا الخطوات - فؤاد حدّاد - سيّد مكّاوى

برهــــــــ ايوه انا ـــــــــــــــــــانى



سافر

AliSaber

Related tracks