Name: يا هلي تودعوني - حمزة الصغير / تراث by almahdi mosque
Duration: 9 min 54 s
Description: http://www.youtube.com/watch?v=crhwBFq9iV0

انا أم الـبـنين ودهري ذبني.. حگي لو صحت يحسين يبني
فگد الأربــعـة يـهـون.. وحـسـيـن الـسـبـانـي

إتـعـبـت وسـهـرت الـلـيـالي وعلگت شمعة وجودي
حـتـى  ربـيـت الـبـنـيـن الأربـعـة البيهم سعودي
نـعـاهـده وگصـدي بـربـاهـم أوفـي الزهرة عهودي
بـدمـهـم  تـرانـي تـبرعت.... للزهرة وبعهدي صدگت
وظـنـيـت بـحـسـيـن اسـلمت...وبحياة حسين زودي
فگد  الأربـعـة مـا هـدم بـيـتي...لو بحسين ملزومة ثنيتي
وشـلـون أصـبـر شـلـون...وحـسـيـن الـسـباني

صـدگ سـاهـرت الـلـيـالـي ومـردت روحي برباهم
وصـدگ  صـاروا بـالـفـراسـة سـباع ما واحد لواهم
وصـدگ خـيـّـم عـالـحـرايـب بيد ابو فاضل لواهم
وذخـرت  بـالـدنـيـا ذخرت .. عيناج صاحوا لو صحت
ضـحـيـتـهـم  وتـأمـلـت.... أشتري حسين بدماهم
فگد الأربعة نشـّـف دموعي.. وعلى حسين متكسرة ضلوعي
وصـدر حـسـيـن مـسـحـون.. وحـسـيـن السباني

شـلـون صـفـوة مـجـد مـن المرتضى الباري إصطفاهم
ونـزّه مـن الـدنـس حـجـري وكـفل من حيدر ولاهم
وطـهـّـر  الـبـاري حـلـيـبي وامزجت روحي بغذاهم
وغـرسـت بـيـهـم غـانـمـه.. وصاروا سباع الملحمة
ولـحـسـيـن  مـهـجـة فـاطمة ...گلبي ولساني هداهم
وعـن  الأربـعـة لا تـنشدوني.. وبيهم يا خلگ لا تفجعوني
فــازوا خـل يـفـوزون.. وحـسـيـن الـسـبـانـي

يـابـشـر مـن تـصـد عـيـنـي لـبـو السجاد وجماله
چانـك تـشـاهـد مـحـمـد يـزهـر بـلـون الرسالة
وانا  وصّـيـت الـتـوزم بـالـعـلـم يـكـفل عياله
والـكـفـل سـبع الگنطرة.... والضعن لارض الطف سرى
ومـا ادري بـحـسـيـن شـجـرى...وبـالتعهد بالكفالة
بـس  يـسـلـم حسين من المنايا...خلها تروح شباني ضحايا
وعـنـهـم  لا تـنـشـدون... وحـسـيـن الـسـباني

آه يـا غـربـة عـلـيـل حـسـيـن مـن رد لـلمدينة
وبـشـر بـن حـذلـم يـنـادي بـنـايـبات الطف عمينه
وسـمـع صـوت أم الـبـنـيـن تـصيح وين حسين وينه
يـا بـشـر وضـح لـي الـخـبر....وخبرني بحسين إشصدر
مـن  بـاهـى شـبـلـج عـالـنهر.. گطعوا يساره ويمينه
صـاحـت  فدوه  لحسين او وجوده .. لو عباس تتگطع زنوده
والچفـيـن لـتـكـون ..... وحـسـيـن الـسـبـاني

يـا بـشـر گلـلـي شـعـلـينه ديون وش شافت الكوفة
يـا بـشـر صـدنـي عـلـى متني ولعد حال الطفل شوفه
هـذا  بـن عـيـلـة بـنـيـن وعـالـنهر گطعوا چفوفه
لـو  چان ابـو الـيـمـه عـدل .. يـا دهـر يتم هالطفل
يـمـكـن عـزيـزي مـنچتـل....وگلبي جان عليه خوفة
ولـحـال الـطـفل ممرود حالي....مسهر وانا ساهرت الليالي
ومـا تـغـمـض لـي عـيـون... وحـسـيـن الـسباني

يـا بـشـر مـاتـنـام عـيـنـي وشـابـحة للطف تراها
تـفـتـش بـمـصـرع حـسـين ومصرع حسين الدهاها
وتـصـد  نـوبـة عـلـى الـشريعة تريد سهم اللي عماها
وهـذا الـطـفـل حـس بـهـله ... برض الطفوف إمجتلة
ودم الـحـسـيـن بـكـربـلا... فـاض وتـطـيب ثرايا
طـابـت كـربلا بدم الشهادة.. وانا حسين خلف لي السعادة
أصـبـر والـصـبـر عـون... وحـسـيـن الـسـباني

الشاعر المرحوم الشيخ كاظم منظور الكربلائي

*الصورة للرادود المرحوم حمزة الصغير مع الشاعر المرحوم الشيخ كاظم منظور الكربلائي.

انا أم البنين ودهري ذبني | حمزة الصغير

هاي أحلامي _ الملا محمد باقر الخاقاني - هيئة الحسن المجتبى - العراق - الديوانية-محرم الحرام ١٤٤٤ ه(M

مادري تروح - الملا محمد باقر الخاقاني

‎فليبك الباكون (حرامات)  الملا محمد باقر الخاقاني - هيئة الحسن المجتبى العراق- صفر ١٤٤٥ هـ - ٢٠٢٣ م⁩

عشرة عمر - صالح الدرازي -المدفونة سرا 10

نور من نور

باب النجاة

قد مات محمد

مشينا إصدار الحاج باسم الكربلائي - محرم 1439 - "باسم"

http://www.youtube.com/watch?v=crhwBFq9iV0

يا هلي تودعوني - حمزة الصغير / تراث

اقصدوني

العليلة تنوح

‎⁨يا طود الهم- باسم الكربلائي

مسجد الإمام المهدي (عج) - دولة الكويت
 
يقع بمنطقة الرقعي قطعة 12 على الدائري الخامس، تأسس في 16 ذي القعدة 1415 هـ الموافق 16 - 4 - 1995م

إمام المسجد: الشيخ عبدالله دشتي

 النشاطات التي يوفرها المسجد:
 
- دروس فقهية وقرآنية لإمام المسجد
 
-إقامة احتفالات ومراثي النبي الأكرم (ص) وأهل بيته (ع)
 
- دورة صيفية سنوية للشباب، بالإضافة إلى أنشطة أسبوعية للشباب

يا هلي تودعوني - حمزة الصغير / تراث

almahdi mosque

Related tracks