sar5t watn

يا شايلينكو على الاكتاف
بننعى دمكم بهتاف
و ندعيلكو

غموس الناس و عيشها الحاف 
و درس العربى فى الارياف 
بيدعيلكو

و كل جنيه زياده ف جيب
موظف هيئة الانتاج

و ابنى اللى ف علم الغيب 
و امى اللى هتلقى علاج

و ارض المعتقل لما
هتفضى .. اكيد هتدعيلكو 

و كل ظلومه ما اتظلمتش 
و كلمة حق ما اتكتمتش

و كل قلم نقص ف القسم
و كل علامه مش ف الجسم

بتدعى لكل وش و اسم
من اللى عندكم .. منا

يجوز هيكونوا من جيلنا 
يجوز هيكونوا أولادنا
يجوز هيكونوا م الاتنين

لكن ندرن عليا و دين
لا تيجى عيالنا تشبهكو

تبوس على رجل اصغر شاب 
و ترفع رايته زى ما حب

و تحفظ صم اساميكو
و من آخر نفر فيكو
لأولكو
هتدعيلكو

بندعيلكم - محمد محسن

The 3rd new release from Ramy Essam in 2016. In 2016 Ramy releases a new recording every month with a video. Stay tuned! 
Please share with your friends!

sar5t watn

al raa2y