باسم الحاضر والمستقبل 
ست الدار بت أحمد قالت : 
ليك يا الزين ود حامد شوقنا 
أما بعد ، 
المبعوتة المنك .. وصلت 
ورُح فكيت الطلب الفوقنا 
باقي الدين يا الزين خلصتو 
قدر الفاضل .. مصروف راشد والتومات 
والجايات من جاي .. لا جاي 
زي ما قت لك قبال ده 
شهر إتنين حا نطهر راشد 
شهر إتنين المدرسة تأجز 
الله يبعد العارضي تجينا 
وراشد حالف ما يطهر 
إلا أبوهو وعمتو تحضر 
وإلا يجيبو الغنايين 
شان الشوق بت سرنا ترقص 
قلنا نجيب المداحين 
طنطن .. أنا جاي من الحج 
وعارف راشد لما يطنطن 
كل الدنيا الفيي تطنطن 
غايتو بشر .. بس ربو يهون 
ما كلمتك بالتومات 
أول البارح جني يرطنن 
قالن نحنا الخواجات 
بسم الله .. مرق حصلت 
لقيت لك جعفر زارد البيت بالخواجات 
يبقى حداشر وخواجية 
ناس البلد الكسرو عليهن 
صدو يقلبو في إيديهن 
عدمانين من إسم حكيم 
ولا خبيراً للمشروع 
علماء آثار .. فضلت في آثار 
ما خموها الجونا قبلكن .. شن خلولنا بلا حجار 
الله يصرف الخواجات 
بينات جعفر والمحجوب .. والمحجوب والخواجات 
طقت حجي .. العمدة طفاها 
باقي الناس الجات للفرجي .. 
قنبو قيلو شبعو لحوم .. والخواجة يصور ساكت 
ستة خرفن وتيس ما كفن 
ستة خرفن في فد يوم 
المعدوم أشكال وألوان 
أي خدار في اليوم داك في 
كملن رف كمين دكان 
أول كفو الخواجات 
بعدو العمدة وصمد الساقية 
ناس المجلس والمشروع 
بعدو الطلبة وباقي الناس 
حتى الشفع والحروم 
ستة خرفن وتيس إنصفن 
ستة خرفن في فد يوم 
جات من صالح بت كلتوم 
تسكت تخبز طول اليوم 
لمن حرقت الدولاب 
قنبت المسكينة تدعي 
الله يصرف الخواجات 
غاية الليلة السقا يشولق 
واطات الله دي ست رشاها 
ما في غنوتاً ما غناها 
ما في مدحتاً ما سواها 
حمارو صبح لحق أمات طه 
سب الدين والأمريكان 
جنس بدع 
زولك ده يحير 
عند الجد كان أده ينقنق 
عند الفارغة يشيل ويبعزق 
إذكرت كلامك ليا .. 
إنو في ناس لاعبين بالدين 
وناس لاعبابا الأمريكان 
الله يصرف الأمريكان 
الله يصرف الصرفيكان 
ما خلوني نشدتك منك 
كيفن حالك والخرتوم 
كيف المصنع والعمال 
حالم لسع نفس الحال ؟ 
وما رقوك سووك باشكاتب ؟ 
يورينا الله زيادة الراتب 
كيف الناس والحالة عموم ؟ 
والعزابة الكحيانين 
سيد البيت عل ما زكاكم 
لسع تقعو تقومو براكم ؟ 
قلبي معاكم 
ربي يخدر عود ضرعاتكم 
بالي معاك يا الزين ود حامد 
بالي هناك والشوق الشوق 
خلى شدير الجوف محروق 
راجي مطيرة الزين ود حامد 
نحنا نصاحاً زي واطاتنا 
نحنا نصاح إلا القراص والتجار والحاصل البحصل كل صباح 
شتلاتك قبضن 
الحملان كبرن بلحيل 
العضمين الروكة إنزرعن 
اوعك تشفق من تالانا 
ولا نبقالك مشغولية 
زيك واحد مستورين وما ناسين المسئولية 
هي يا الزين زغرد 
بت ام زين جابت لها بت 
ستة أولاد حتان البت 
المحجوب ينشد من خبرك 
شافعو محسب من يومين 
التومات طيبات ونصاح 
إلا غباش بلحيل آ الزين 
راشد كرر .. شهر اتنين كان ما جيت أنا ما بطهر 
الله يبعد العارضي تعال 
كان فد دور يدوك يا تعال 
كان بالخصم إن شاء الله تعال 
وما تتوصى .. وداعة الله 
أوعى البشغل والعربات والحيكومة السمها فاير 

أم أولادك ست الدار بت أحمد جابر 

ست الدار بت أحمد كيفك 
جاني جوابك مفتوح شارع 
جاني جوابك وانا بتذكر في ناس راشد والتومات 
في الشتلات والحالة عموم 
ناس حلتنا التحت .. الفوق 
الليهم الله وعيشة السوق 
جاني جوابك وانا بتصور 
في المشروع وعمايل جعفر 
ولما بكيت .. يا ست الدار 
أيوة بكيت .. يا ست الدار 
لما قريت علماء آثار 
علماء إيه يا بت الناس 
سواح إيه .. ما عندك راس 
ست الدار تتوهدبي ليه 
ديلا جماعة السي آي إيه 
تعرفي إيه السي آي إيه ؟؟ 
امريكان في كل مكان 
ديل مالين الدنيا ملي 
ديل قالين الخلق قلي 
باسم الدين والأمريكان أي عوج مبدي ومختوم 
صوتنا هناك وهنا مكتوم 
ومافي فرق في الوقت الراهن بين واشنطن والخرطوم 
أنا مأزوم .. مأزوم .. مأزوم 
يا خرطوم وينك وينك 
يا خرطوم شن شبّ وقلبك وسلبك 
حلبك ؟ زنجك ؟ بجتك ؟ نوبتك ؟ عربك ؟ 
أنا مأزوم .. مأزوم .. مأزوم 
يا خرطوم أزمني الصلبك فوق الطلحة الأمريكية 
يا خرطوم .. أوه خرطوم .. أوه واشنطوم 
طن .. لفتك فجراً يقطع رحطك 
ست الدار سامعاني يا اخيتي ومرتي وامي وأم الكل 
أنا بندهلك من شارع الله .. فوقي هجير والتحتي بقل 
سبي معايا الشردو راجلك .. والحرمونا شوية الضل 
سبي الحالة العالة علينا .. حتى احكيلك بالتفصيل 
حاصل الحاصل يا بت أحمد 
جاني وفد في المصنع زاير .. وكان الوفد ده أمريكاني 
لفّ وفات اليوم التاني 
جانا مدير المصنع فاير 
وشو حمار العمدة العاير 
نف المصنع فيهو خساير 
وقالوا يخفضوا مئتين عامل 
مئتي عامل في فد مرة 
مائتين عامل .. مائتين عامل 
يبقوا هوامل .. يبقوا هوامل ؟؟ 
ما يهموش .. الهم المصنع 
تفّ قراروا وفات في حالو 
مسئولين ونقابيين مافي العارض واللا اترجى 
العمال من سمعوا احتجوا ... سيرو موكب صامد وصامت 
إتضامنا معاهم سرنا .. 
أب عرام دور عربيتو .. العربية الامريكية 
زنقح خلا الموكب ثابت 
احتجينا مع الإحتجو 
إتكلمنا كلام موضوعي 
قلنا المصنع حق الدولة .. والعمال أصحاب الحق 
هي اللي تقرر والتتولى 
هي البتحدد سير المصنع 
إيد العامل هي العاد تنتج 
ما المكنات الأمريكية 
زيت العامل ياهو البطلع .. مو المكنات الأمريكية 
ودرن الأيدي العمالية 
أنضف من لسنات الفجرة 
ودين الدقن الشيطانية 
ومن كرفتة البنك الدولي .. وكل وجوه الراسمالية 
وأشرف من .............. 
داك الحين المصنع هاج 
جات عربات اللات بوليس .. فضوا العالم بالكرباج 
والبمبان الأمريكاني 
شرقت شمس اليوم التاني 
كنا حداشر ونوباوية 
متهمنا بالتخريب والتحريض والشيوعية 
البوليس صاقع شيوعية 
وفاكر نفسو بنبذ فينا 
هي آ بوليس أمك مسكينة 
البوليس عمدني شيوعي 
التحقيق طلعني مدان 
التحقيق طبعاً تحقيقهم أو تحقيق الأمريكان 
اسبوعين عشناهم جوه 
اسبوعين زادننا قوة 
ست الدار ما تشفقي خالص 
ست الدار أنا ياني الزين 
ست الدار سامعاني كويس ؟ 
كل الهم ما يغشى الغم بيتنا وراشد والتومات 
وكل الناس الحالهم شاهد 
ست الدار الشوق الواحد 
لي حلتنا وليكم ليكم 
وللإشراق في عينيكم 
وكل الناس الزولهم صامد 
شوق وسلام . 
الزين ود حامد 
ردي سريع .. باليد .. باليد 
في دورين موعود بي شغلة 
لمت لمت .. كان ما لمت أنا جاييكم وما ندمان 

( بعد الحاصل والإتحصل ست الدار بت أحمد تكتب ) : 
زيني الزين .. أب حالاً زين 
جاني جوابك .. يا المبروك 
وسابني أشوف الدنيا كويس 
وأعرف غلط الصاح مظبوط 
سابني أميز .. وأقدر أفرز .. أرجع أميز 
فرحانابك يا أحزان 
فرح النار بي لوح الزان 
مبسوطابك يا المبسوط 
ما هزاني مصيرك 
قدر ما هزوني الميتين عامل 
ميتين عامل في فد مرة 
ميتين اسرة تروح وين 
في الأيام النجسة المرة 
ميتين عامل؟؟ 
والله مهازل 
والله عمايل 
يا أوغاد .. وينا نقابة السجم الشوم 
وين عمال السكة رماد 
وين الطلبة ووين الوين 
بعتو شفيعكم يا عمال 
بعتو وجيعكم للراسمال 
وشن راجين يا تعسا الحال 
هاكم دي .. 
والله مهازل 
ميتين عامل ؟ 
والله عمايل 
عامل ساكن في آخر الدنيا 
وصل المصنع بآخر بنية 
ينتج كيف؟ شغال بي فونيا؟ 
عامل ينتج عشرين حتة 
تلحقو منها قيمة إتنين 
ستة بغطوا المنصرفات 
سبعة.. تمانية .. تسعة بغطوا 
أدها تسعة المنصرفات 
كل الفايض .. بدخل وين؟ 
قولوا البفضل بمشي لي مين؟ 
وبرضو خساير؟ 
والله مهازل 
يا مضغوط .. خفض ميزك حبة تين 
تنك القعدة تلاتة خطوط 
خفف مرتك توب مضغوط 
من التمسحبو كبابي الصين 
خفض عمرك يا ابن الفانية 
وبي نظارتك واجه ثانية 
ثانية عيون الشغالين 
ثانية وبس 
والله مهازل 
ميتين عامل ؟ 
ميتين بيت ؟ 
ميتين اسرة بلا راس خيط؟ 
ميتين اسرة ملوها جراح 
ميتين اسرة حا تولد صاح 
وليكم يوم يا أولاد الهرمة 
ليه يا الزين بتوصي عليّ 
وانا بت احمد ست الدار 
ام اولادك وهم صغار .. ام اولادك وهم كبار 
وياك الزين ود حامد داك 
كان متوظف .. ياكا الزين 
كان متوقف .. ياكا الزين 
ليش يا الدخري توصي عليا 
اسبوعين قضيتن جوه 
يبقى غصب .. زادنك قوة 
ليش يا الزين بتوصي عليا 
ليش يا الدخري توصي عليا 
وعارف ام راشد والتومات .. مرتاً دغري وغلباوية 
آه يا الزين .. لو كنت معاكم .. كنت بقيت النوباوية 
ما تهتم يا الزين بالحاصل 
واصل سعيك .. واصل واصل 
واصل سيرك 
كان ما كنت الزين ود حامد كان حا يكونك واحد غيرك 
في فضاء فالك يا إنسان 
نسمة تقولك في الإمكان 
أبدع واحسن من ما كان 
ياتو مطرتاً سوت شو .. فرقو غيما الأمريكان 
ياتو رصاص ما عقبو خلاص 
ياتو سجن يا الزين ود حامد 
ياتو محن تمحى الإحساس 
لما يكون في الساس والرأس 
ياتو وطن يا الزين ود حامد 
ياتو زمن دام للأنجاس 
طه ترابلتو راحو الديش 
غزّا بكانا اتنين رطانة 
صاقع كلو من اسماعين 
هو الفسر لهن الشغلانة 
ويا اسماعين 
ما كان الديش شقّ مسيمعك بالجبخانة 
لو المجلس قبل اوراقك .. أو في الثانوي لقيت لك خانة 
لكن قدرك يا إنسان .. بلداً هاص هيصة جبانة 
طالو الناس التريانين .. ضلو الله الما ضلانا 
أخّدو نورة الحاج بالدق 
باكر دور ما خشّ عليها 
خاتي اللوم قطع التمرات الفوق راس بيتو 
الخلفاء شكوهو وما لقو حق 
المحجوب إتلقى اخبارك وقال جاييك في أول بص 
البرسيم طهرنا البارح 
نعجة راشد صبحت والدة 
الحيضان سقناهن لوبي 
التومات طيبات ونصاح 
راشد طيب 
وانا طيبين 
كل الناس يا الزين طيبين 
ينشدو منك في الأفراح 
وفي الأتراح .. الزين الزين 
ما تشغل بالك 
بس يا الزين كان درت مشورتي 
اصلو كتالك ياهو كتالك 
تجي مندلي 
الواطة تراها 
وبي جاي جاي .. بندبر حالك 
ما الحيكومة الضاقت دمك 
عينا محل قبلت قبالك 
شورتك عندك 
عندك شورتك 
والببقالك .. الببقالك 
التمرات بعناها آ الزين 
خفنا السوس ونزالة السوق 
مبعوتالك عشرة جنيه 
والأشواق من هنا لا عندك 
ست الدار أحمد جابر 
تلغرافات : 
تلغرفين في وقت واحد : 
نوري . السوق .. ست الدار بت أحمد جابر 
المحجوب في قطر اليوم 
عفش الزين 
النوباوية 
الخرطوم .. الخرطوم بحري .. كشك الشعلة .. الزين ود حامد 
راشد راقد والواطة جعفر طالق فيها بهايمو 
ست الدار بت احمد جابر 
نوري السوق المحجوب ود أحمد جابر 
كتب الزين .. كل الاوراق .. راشد كيف 
النوباوية 
الخرطوم .. الخرطوم بحري .. كشك الشعلة 
النوباوية 
أنا في السكة وست الدار 
راشد ود الزين ود حامد

ست الدار

عزه في هواك ... عزه نحن الجبال
و للبخوض صفاك ... عزه نحن النبال
عزه مابنوم الليل محــــال
و بحسب النجوم فوق الرحال
خلقة الزاد كمل و أنا حاليحال
متين أعود أشوف ظبياتنا الكحال
عزه ما سليت وطن الجمــال
ولاإبتغيت بديل غير الكمــال

و قلبي لي سواك ما شفتوا مال
خذيني باليمين وأنا راقد شمال
عزه ما نسيت جنــة بلال
و ملعب الشباب تحت الظلال
و نحنكالزهور فوق التلال
نتشابي للنجوم و أنا ضافر الهلال
عزه جسمي صار زيالخلال
و حظي في الركاب صابوا الكلال
و قلبي لسه ما عرف الملال
أظنه ودقبيل و كريم الخلال
عزه ما إشتهيت نوم الحجال
و لا السوار بكى في يمينا جال
و عزه في الفريق لي ضيق مجال
قبيلة بت قبيل ملأ الكون رجال

عزهشفتي كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزه في الفؤاد سحرك حلال
و نار هواك شفىو تيهك دلال
و دمعي في هواك حلو كالزلال
تزيدى كل يوم عظمه إزداد جلال

عزه في حذا الخرطوم قبال
و عزه من جنان شمبات حبال
و عزه لي ربوعأم در جبال
و عزه في الفؤاد دوا يشفي الوبال

عازة في هواك- خليل فرح - كورال كلية الموسيقى والدراما

في الفؤاد ترعاه العناية ــ بادي ــ

AlFargouni   عاجبني الكريم   احمد الفرجوني و الامين وعاصم البنا

من قلب الجزيرة ‎

قصيدة : "إنى رأيت اليوم " - (الحسين)

الزمان..
أيام ما كان لسه فى ناس ممكن تموت..
مش لاجل لقمة و لأجل قوت 
يعنى الزمان كان من زمان 
المكان..
جوه العراق..
صحرا على مد البصر ..
رمله بدون نقطة مطر 
و الكوفة على رمية حجر من كربلاء 

السيين يبدأ..
صوت نفس ..
مزيكا توحى بالقلق 
دقات قلب بينتفض 
منظر لحبات العرق ..على جبهة من الشمس استوت
الكاميرا تعمل زووم أوت 
السيين بدأ..
أصوات حوافر ع الطريق..
الصوت بيعلى ويقترب 
فى نقطة ع الشوف من بعيد 
الزووم يزيد ..
يظهر بتاع خمسين فرس..
من لبسهم واضح بأن دول حرس..
من جيش "يزيد"
يغمس حصانه فينطلق زى الهوا 
تلمح عينيهم م العفارة جريته 
تلمع عينيهم..كله يجرى ناحيته 
مشهد مطاردة بدون أمل ..
خلفيته.. صوت طبل افريقى اشتغل
و مفيش دقيقة ..بعدها كان سهم لحقه و إتقتل ..
ف يسيب حصانه و يتهبد..
يمسك السهم بإيديه..
و يشوف شريط الفيلم كله قصاد عينيه 

الشاشة تبهت لون ضباب
علشان تجيبه بيفتكر 
والذكريات دايماً بتصحى..
لما نيجى نحتضر 

كنا قصاد قصر الخليفة ..باالآلاف 
من كل شارع ف المدينة ..حتلاقينا
شئ مهول و مهما أحكى أو أقول ..
اللى سمع طبعاً مش زى اللى ..شاف
كان هوه جوّا بيرتعش و زى منه حاشيته
طوفانّا عمّال يقترب .. والكل جاى ف سكته 
و الكاميرا جايه ع الرؤوس مع صوت ..هتاف
الصورة تعمل فيد أوت..
كل الملامح تختفى..
الصورة ترجع..الإضاءة نور قمر 
و المشاعل اللى باقية نورها قرّب ينطفى
و اللى فاضلين م الآلاف يتعدوا يمكن ع الإيدين 
معرفش لسة الغلطة فين ..
بس الحسين لازم خبرنا يوصله قبل ما يفوت الأوان 
خوفنا خلّانا عبيد مالناش أمان 
إحنا مش قد اللى عاوز يعمله
و صوتنا النهاردة جمب صوته 
وموتنا موته ..
و بكرة قدام الخليفة إحنا اللى ممكن نقتله ..
صمت تام ..بعده يبدأ صوت يبان 
صوت لعزف حزاينى جداً ع الكمان ..
سيين المظاهرة خلاص خِلِص ..
و سيين العقاب واضح إنه فى أوله ..
الكاميرا فجأة تلتفت ..
جايبة شكل القصر كله من بعيد ..
زووم ع الفراندة اللى طلّة ع الجنينة 
من وسط ظباط حاشيته يظهر "يزيد"
زى اللى دبت روحه جواه من جديد..
يكشف سنانه و يبتسم ..
و بسيفه يشاور علينا 
من غير ما ينطق كلمة واحدة ..
فى ظرف لحظة إفترقنا 
كل واحد ودّع الباقيين بنظره 
و هو بيلف بحصانه .. وانطلق
كل واحد فى إتجاه 
كل واحد منا يجرى .. وألف كلب صيد وراه 
معرفش مين فينا اتصلب 
مين انضرب ..
مين فينا بالمدنة احتمى .. مين اللى من فوقها اترمى
أو حتى مين قتله العطش بعد اما تاه ..
كل الشوارع مصيدة وكل البيوت ..
الكوفة نايمة حتى من قبل العِشا..
حَطَّت صُباعها ف ودنها ..
وسابتنا بره الباب نموت ..
الليل يفوت..
و الحظ يلعب لعبته و يسيبنى أعيش .

الكاميرا قدام الحصان 
الحركة ماشة بالبطئ ..
الكاميرا تعلى لفوق اوى ..الصحرا تملا الكادر كله
و الشمس ف نهاية الطريق..
ع الضُهر حسيت بالتعب ..
بطّلت جرى..الشمس حامية وصدرى من كتر العطش 
عمّال يضيق ..
ريقى بحاول أبلعه مش لاقى ريق..
حسيت ساعتها إن النهاية بتقترب
ف نزلت من فوق الحصان ..
طبطبت على كتفه وسندت ..
و بنظرة بصيت للسما زى الغريق

الصورة تتثبت بتاع أربع ثوانى ..
الصورة فجأة تجرى بس بسرعة جداً..
مع صوت كأن حد بيسف الشريط ..
الصورة تثبت مرة تانى 
جثة فوق الرملة نايمة ..
سهم راشق نفسه فيها ..
زى شاهد من فوقيها
الكاميرا تبعد حبة حبة ..
والإضاءة تنطفى..أصوات نايات ملو السمع
و الكادر بيلّم الوجع .. وبعدين يقرر يختفى
صورة سودا للسما من غير نجوم..
مع صوت هوا عمّال يزووم فوق الرمال..
قدام بعيد ..أشباح جِمال..أصوات خفيفة للخيول
ينزل كبيرهم من على جناح الفَرَس .. و يلف كفه ع اللجام 
بعدين يقول ..
الليلادى نبات هنا ..دقّوا الخيام 
ساعتين وكان الكل نام ..
يصحى فى نص الليل لوحده من القلق ..
ابنه الصغير يسأله ..مالك؟
مفيش..
هو إحنا مش ع الحق برضه ؟
يبقى تفرق إيه نعيش..
تلمع عيونه بدمعتين ..
يحضن دراع "الحسين"
و الحضن دايماً يختصر نص الكلام 
يا رب مغلوب ف أنتَصِر 
الظلم عمره فى يوم ما دام ..
و تفوت ساعات الليل قوام 
الفجر يبدأ..يوم جديد 
و ينكتب ع الشاشة بالفونت العريض ..
يوم كربـــلاء
آخر ساعات قبل المصير
و الكاميرا تتسحّب ع السيين الأخير..قبل الختام
الكاميرا جايبة صقر طاير فوق بعيد ..عمّال يلف 
ويرسم دايرة مقفولة ..
كأنه حاسس ب اللى هينقتل تحته..
و إن الحسين على وش مدبحته..
و إن الرمال تحتيه بالدم راح تشبع ..
و إن الهوا حواليه حبة و حيبقى تراب ..
و حيبقى هوّه وصُحبته أغراب 
و إن المدد مش جاى مش هوّه ده عَلَمهُم
إللى قالولك تيجى ..رجعوا ف كلامهم 
يا حسين هتيجى تموت لمين ؟
إرجع..
كل إللى جاى عشانهم تِفدى وتناضل ..
راضيين يعيشوا عبيد ..
و المشهد الفاضل هتموت ف آخره وحيد ..

الشاشة تتفتَّح بالراحة ع المشهد ..
الصورة سودا و تاريخ بينكتب بأبيض ..
الزمان ..20 ديسيمبر 
شهر و نكمل سنة ع الثورة تقريباً
الوقت..قبل الفجر 
المكان.. أسفل إشارة عمر مكرم 
جمب الصينية تحديداً..
و يخش آخر كادر فى القصة على غفلة ..
فيد إن ..على الكريشيندو والقفلة .
أصوات هتاف ..
و بتقطعوا أصوات بعيدة لسراين الإسعاف ..
و ساعات قريبة لضرب نار ..
الكاميرا بتزووم ع الهدوم الكاكى ..
الكادر فجأة فيه بشر ظهروا ..
صفين عساكر جيش مترصصين بالعرض ..
و بلاط رصيف الحى مخلوع و متكسر ..
و الراوى يبدأ حكايته .. وصوته متأثر 

أمسِك"محمد مصطفى" ع الأرض ..
و أبكى و أنا بقلبه من كتفه على ضهره ..
و نشيله جرى فأشيله من باطه 
و صوابعى حاسة بقلبه بيدقدق ..
مع كل نبضة تخف نبضاته ..
كان قلبه مش بينقّط ..
قلبه بيدلدق..
قالوا الدكاترة بعدها ..
اللى اتقطع شريان مهم..
المهم .. لفّينا وِسطه بشال 
و عقبال ما جرينا للشارع ..
و لقينا عربية ..
و لحد مستشفى الهلال ..
و لحد ما استلموه طقم النبطشية..
كان هوّه متبرع بنص دمه للطريق ..
و عرفنا بعديها بيومين ..
إنه إتبرع بروحه للقضية ..
و إنه ساب لإصحابه ف هدومه وصية ..
الكاميرا جايبة شاب بيغرّق إيديه بالدم ..
و جايبه صاحبه معدى جمبه بيدمّع ..
بيقول كلام و يعيد كأنه بيسمّع ..
شيّع صحابك من معركة بِالليل..
و الصبح فرَّج دمهم للخلق
و لأتوبيسات الناس الرايحة للأشغال..
زعّق بصوت رايح.. و بحشرجة فى الحلق
و اسكت عشان مبقاش فاضل كلام يتقال 

الكاميرا ماشية بالبطئ جمب الصينية ..
الكاميرا ماشية بالبطئ فوق الطريق الأحمر 
يتودّع الواقفين فى الكادر و بتطلع ..
و أصحاب محمد لسة بيحاوطوا الأمل بالطوب..
زى ما يحاوطوا قَدَر الشهيد المحتمل ع الأرض..
أفتح وصيته وأقرا إيه مكتوب 
الكاميرا طايرة ع الميدان من فوق ..
و الصوت يرن لوحده فى سما المنظر ..

إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر 
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة 
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا.... 
و مهما اتقتل عايش.

مانيفستو - مصطفى إبراهيم

المانيفستو -  الحسين - مصطفى ابراهيم

يا الميدان

أيها المارون بين الكلمات العابرة - محمود درويش

تتر مقدمة مسلسل لن اعيش فى جلباب أبى

تتر نهاية مسلسل لن اعيش فى جلباب أبى

ياسرعبد الرحمن    حنان ماضى    تتر مسلسل البحار مندى

على الحجار - قالوا زمان تتر بدابة المال والبنون

ياسر عبد الرحمن - سـوق الـعـصـر - تتر المقدمة   Yasser Abdel Rahman - Souq Al Asr - Intro

على الحجار - وما تمنعوش الصادقين نهاية مسلسل البشرى

على الحجار - تتر المقدمه لمسلسل الليل واخره

على الحجار - تتر النهايه لمسلسل الليل واخره

ياسر عبد الرحمن - الـضـوء الـشـارد - تتر المقدمة   Yasser Abdel Rahman - Al Dawoo Al Shared - Intro

موسيقى الضوء الشارد كاملة 9 د   حـفـل ياسر عبد الرحمن

يا راحلين إلـى منـى بقيـادي
هيجتموا يوم الرحيـل فـؤادي

سرتم وسار دليلكم يا وحشتـي
الشوق أقلقني وصوت الحـادي


أحرمتموا جفني المنام ببعدكـم
يا ساكنين المنحنـى والـوادي


فإذا وصلتم سالمين فبلغوا
مني السلام للنبي الهادي


ويلوح لي ما بين زمزم والصفـا
عند المقام سمعت صوت منادي


ويقول لي يا نائما جِّـد السَرى
عرفات تجلو كل قلـب صـادي

من نال من عرفات نظرة ساعة
نال السرور ونال كـل مـرادي

يارب أنت وصلتهم وقطعتني
فبحقهـم يـا رب حِّل قيـادي


والله ما أحلى المبيت على منـى
في ليـل عيـد أبـرك الأعيـاد



ضحوا ضحاياهم وسال دماؤها
وأنا المتيم قد نحـرت فـؤادي


لبسوا ثياب البيض شارات الرضا
وأنا من أجلهم لبست سـوادي


يارب أنت وصلتهم وقطعتني
فبحقهـم يـا رب حِلَّ قيـادي



بالله يا زوار قبر محمد
من كان منكم روِّحا أو غادي


يبلغ إلى المختار ألف تحية
من عاشق متفتت الأكباد

قولوا له عبـد الرحيـم متيـم
ومفـارق الأحـبـاب والأولاد

يارب أنت وصلتهم وقطعتني
فبحقهـم يـا رب حِلَّ قيـادي

فإذا وصلتـم سالميـن فبلغـوا
مني السلام إلى النبي الهادي

صلى عليك الله يا علم الهـدى
ما سار ركب أو ترنـم حـادي

السماني احمد عالم ' يا راحلين الى منى '

الشاعر أزهري محمد علي - ثرثرة المياه والعصافير

مساجينك محمد الامين - محجوب شريف

الشاعر هاشم صديق - قرنتية

جاﻳﻴﻚ ﻳﺎ ﺁﺧﺮ ﺍﻟﻤﻮﺍﻧﻲ .. ﻣﻦ ﻇﻠﻤﺔ ﺍﻟﺒﺤﺮ ﺍﻟﻤﺪﺩ ﻓﻲ ﺍﻟﻔﺮﺍﻍ ..ﺟﺎﻳﻴﻚ ﻣﻦ ﻏﺮﺑﺔ ﺍﻟﻤﺪﻥ ﺍﻟﻤﺴﻮﺭﺓ ﺑﺎﻟﻬﻮﺍﺟﺲ ﻭﺍﻟﻀﻴﺎﻉ ...
ﺟﺎﻳﻴﻚ ﻣﻌﺎﻱ .. ﻣﻠﺢ ﺍﻟﺘﺠﺎﺭﺏ .. ﺯﻱ ﻣﺤﺎﺭﺏ ﻣﻄﻌﻮﻥ ﻭﺧﺎﻳﺾ ﻓﻲ ﺍﻟﻐﺒﺎﺭ .. جاييك معاي حزن المغارب .. ونار سقوط ناسا" كتااار ..
ﻟﻜﻨﻲ ﺛﺎﺑﺖ ﻓﻲ ﺍﻟﻤﺪﻯ .. ﻭﺍﻗﻒ ﺃﻧﺎ ﻭﺩﺍﻳﺲ ﻋﻠﻰ ﺍلإﺑﺮ ﺍﻟﻤﺴﻤﻤﺔ ﺑﺎﻟﻜﻼااﻡ .. ﻋﻠﻤﻨﻲ ﻇﻠﻢ ﺍﻟﻨﺎﺱ ﺃﺷﻮﻑ .. ﻭﺃﺗﺤﺪﻯ ﻧﺎﺭ ﻛﻞ ﺍﻟﻤﺼﺎﻳﺐ ﻭﺍﻟﻈﻼﻡ

انا أم درمان - أبو عركي

أنا لست رعديداً يُكبل خطوه ثِقل الحديد
وهناك أسراب الضحايا الكادحون
العائدون مع الظلام من المصانع والحقول
ملؤوا الطريق
وعيونهم مجروحة الأغوار ذابلة البريق
يتهامسون
وسياط جلاد تسوق خطاهمو
ماتصنعون؟
يجلجل الصوت الرهيب
كأنه القدر اللعين
وتظل تفغر في الدجى المشؤوم أفواه السجون
ويغمغمون
نحن الشعب الكادحون
وهناك قافلة تولول في متاهات الزمان
عمياء فاقدة المصير وبلا دليل
تمشى الملايين الحفاة العراة الجائعون مشردون
في السفح في دنيا المزابل والخرائب ينبشون
والمترفون الهانئون يقهقهون ويضحكون
يمزقون الليل في الحانات في دنيا الفتون
والجاز ملتهب يؤج حياله نهد وجيد
وموائد خضراء تطفح بالنبيذ وبالورود
لهب من الشهوات يجتاز المعالم والسدود
هل يسمعون ؟ صخب الرعود؟
صخب الملايين الجياع يشق أسماع الوجود ؟
لا يسمعون !!!
في اللاشعور حياتهم فكأنهم صم الصخور
وغداً نعود
حتماً نعود
للقرية الغناء للكوخ الموشح بالورود
ونسير فوق جماجم الأسياد مرفوعي البنود
تزغرد الجارات
والأطفال ترقص والصغار
والنخل والصفصاف
والسيال زاهية الثمار
وسنابل القمح المنور في الحقول وفي الديار
لا لن نحيد عن الكفاح
ستعود أفريقيا لنا
وتعود أنغام الصباح

حسن خليفة العطبراوي - لن أحيد

قصة فائزة بالجائزة التقديرية لمسابقة الطيب صالح للقصة القصيرة للشباب 2015

تسرب روح "قصة قصيرة " - الصادق يوسف

الليل الهادي - شرحبيل احمد

لو تعرف الشوق
انت يا المريود
كنت مابتروح وتنسانى
شلت ليك الشوق ليل وتنهيدا
كانت الأحلام حالمة غريدة
ما بنسيبها حرام حرام نهجر الريدة
يا حبيبي تعال ليه بتنساني
قالو اهل الريد الريد ..
اصلها الريدة فى القلوب بدوب, طبعها الجاني

لو تعرف الشوق - شرحبيل احمد

يارائع - احمد المصطفى

محمد الحسن قيقم - اسياد السيف والقلم ثبتولنا العلم

أكتب وأقرأ وأمشي في الأسواق ، وأقص درب الكلمات ، أبحث عن الحقيقة في كل طور لها وكل عهد لي ، لا اتجاهات كلنا في نطاق مستدير لنستوي ، الحياة لغز كبير ومتاريس متمددة في الطريق وإلى آخره " انسان على طول المسافة بيبتسم "

Alsadig Yaseen

Popular tracks