ان كنت عدما فالعدم غير معدوم
العدم هو مقابل الوجود
كالظلام فى مواجهه النور
وكالقابل فى مواجهه الفاعل
والمراه فى مواجهه الشمس
 ارفع صوتى

انا الغضب اللى معرفتش احكم عليه
انا الجهل اللى بفتي وبتنطط بيه
انا الجيل متأمرك متفزلك متلعبك مربوط عنيه
انا اللى واقف واللى ماسك اللى قاعد
 واللى سايب
 انا المفكر الحيوان
 انا اللى كنت فى يوم فكل شىء كان
.انا حكومه رؤوس الاموال 
يابنى
انا المعوق انا اللى صوتى عالى
 انا اللى بطلب الديمقراطيه
 وحقى دايما اجيبه بدراعى
انا تزاوج السلطه والمال
انا الاستسهال بن عم الاستغفال
انا المشروع المزيف واهدار المال العام
انا العبد والأجير المالك الفقير 
انا الكلام الكبير للمعانى الواضحه
وانا اللى لما اترميت ضعفت
وافقت بالمصالحه
انا العالم الواحد انا العمار
انا ثروه البلد والبورصة طاوله القمار
طب انا العيل اللى شايل السلاح 
وانا الطلقه اللى بتحرم المباح
انا اكياس الدم الفاسده اللى بتعدى السليم 
ياعم انا الشهاده و التعليم
اللى مهما تعلى بيه ميأكلش عيش
انا النافوره اللى بتنقط انا السقف المخروم 
انا عنيهم على جيبك وانا جيبك المعدوم
انا العالم التالت خلاص اتعرى 
متسلط عليه أوسخ عيون

انا الدرج المفتوح العمله الصعبه والجنيه
انا ابن الابتذال الاعلامى والرقابه على الجنس والسماح بيه
انا التدين الشكلى وتكييف الشريعه لي
انا كره الغير لمجرد عدم العلم بيه

إفهم

انا السكر اللى مهما تزود فيه ميحليش
انا الحجر اللى مهما تبنى بيه ميكفيش
انا البحر اللى مهما تشرب منه ميرويش
انا هدوء الدوشه انا سكون الزحمه

انا ازدواج غير عقلانى 
انا كائن تافهه الشهوه اللي سيقانى
انا اول نقطه مطر واخر بق شاى
 انا جاهل نائب البرلمان قولى ازاي
انا نعل الجزمه اللى اتهرى من غباوه النظام
 انا الديك اللى باض وانا الطور اللى اتحلب
القانون اللى اتركن والدستور اللى اتكتب
 انا القاضى والمحامى المتهم والقتيل
انا الراجل اللى بشنب بالل نفسه على السرير 
يا رئيس الجمهوريه سلطتك منتهيه
انا كارتك اللى اتحرق وانا ريحتك اللى فاحت 
انا اللى كنت زيك فاسد لما كنت ساكت

انا الشحات العدمان الفقران الشمتان 
انا الزاهد الكادح العالم السارح
انا اللامبالاه ماده الدنيا والحياه
انا الاستبداد حب التملك والهوى
انا ماضيك المريض مستقبلك اللى اتهان
 انا المصطلح الجديد اللى اتعلمته عشان تبان
انا اللى قتلت عشان اعيش يوم ميتقالك مفيش
انا العامل اللى جاع انا الوقت اقوى سلاح
انا العبد اللي استحل واستغل بالتالي فل
انا الضمير انا العيون انا المقيد المغلول

انا الشعب انا حوارى النظام
انا الرأسماليه انا الشيوعى اللى جيوبه متدفيه
انا الاستقرار, يسقط الاستقرار انا الحوار والسلام
انا وهم الرأى الامثل انا منظومه الكبت والاعدام
انا الواو فى امن الدولهحرف الجيم فى التعتيم 
وانا الدال على النور بالرغم من جهلى بيه
انا العدم انا الفضاء

انا اهم واصغر فصل فى الروايه انا بدايه النهايه
انا الشباك اللى اتقفل انا نكته بايخه بيضحك عليها بملل
انا قانون الطوارىء وثوانى حظر التجوال
 انا واقع عالم انفتاح الانحلال
انا السياسه الشرعيه انا تقى الدين احمد بن تيميه انا الفراغ وتعدد الهويه
انا .. كلب من كلاب الحزب الحاكم المغلوب
افهم
انا مش فرن العيش انا الدقيق المضروب 
انا ساعه التسليه انا الالهاء
انا القبر اللى بيتحرق لما يعلن اكتفاء
 انا العالم الجديد انا الدهب الارخص من الحديد
انا اللى بيقولك الفقير فقير بضعفه 
وانا اللى مفهمك إن القوي يستحيل تستغنه عنه
انا ابتسامتك ابتسامه خوف بدون صوت 
انا احساسك بالامان لحظه قبل الموت

انا السر انا العاده انا مش فنجان القهوه الساده
انا السكر اللى مهما تزود فيه ميحليش
 انا الحجر اللى مهما تبنى بيه ميكفيش
انا الثوب اللى مهما تشدي وتنزلى فيه ميغطيش
انا صفحات العاصى فى كتابه اللى مخبيه
انا ابن الشيطان اللى مقويه
انا الحبر اللى خلص وانا الريق اللى نشف
انا الصبر اللى زال وانا البدن اللى ضعف
انا اضواء شوارع القاهره
 جذابه ساهره ساحره كاذبه
افهم
أصل انا الليل اللى مفنجل
 مش عيون الناس اللى بتنام زى ضميرك
انا مش موجود بس وجودى ليه مكان انا العدم ..
انا الفضاء
انا العزل والاحتواء
انا مش فكره حلوه انا الكابوس
انا الابتلاء
بكره بكدب بظلم بعبد باخد بعدم بندم واسجد
انا الموت
(فجأه لا ارى فجأه تتلاشى الصفوف امامى وينسرب الصوت مبتعدا ورويدا رويدا)
ولكن فى اعماق التراب كان يسمع ويرى
 وهذه المره لم ينزلق الى قبر الغرور الذى انزلق اليه 
لم يخرج بتفسير مألوف بانه حبيب الله المختار 
انما اعترف بينه وبين نفسه بجهله بجهلي
من هذه الدنيا لا ادرى شيئا 
روايات العاصي علي طالباب
 ........................
عرض حمله كاذبون و تدشين حملة سارقين عيشنا
شارع محمد محمود
23/7/2012

Mohamad Mahmoud St.

الكمال - المنظومه في محمد محمود

علي طالباب في أوبن مايك في رووم أرت سبييس.
مع زيرو .
@mohmad-rashad-zero-85373651
11 / 5 / 2017.
تسجيل : 
Che Ibrahem .

Che Ibrahem

أكتر - علي طالباب مع زيرو في رووم

من أول عرض للمنظومه 
علي خشبه مسرح الجنينه
21/6/2012
تسجيل وسام لطفي .

نصارع الظلام - المنظومه علي مسرح الجنينه 2012

الحب ديني - المنظومه علي مسرح الجنينه 2012

حكايه كان - المنظومه علي مسرح الجنينه 2012

المذنبون - المنظومه علي مسرح الجنينه 2012

الكمال - المنظومه علي مسرح الجنينه 2012

الصوت من فيديو سيجاره قبل النوم:
FB/Mohamed.Talibab1/videos/10158511674930604/
حتت من أكتر, هيبستر كلاسيكي وحجات تانية.

تسجيل إرتجالي (سيجاره قبل النوم) لعلي طالباب

الحقيقه ملك للوجود - المنظومه علي مسرح الجنينه 2012

العفن - المنظومه علي مسرح الجنينه 2012

ق يعني قاوم - المنظومه علي مسرح الجنينه 2012

عرض حمله كاذبون و تدشين حملة سارقين عيشنا
شارع محمد محمود
23/7/2012
تسجيل وسام لطفي .

ق يعني قاوم - المنظومه في محمد محمود

نصارع الظلام - المنظومه في محمد محمود

الحقيقه ملك للوجود - المنظومه في محمد محمود

بيت الرصيف
28/2/2013
تسجيل وسام لطفي .

إستعيذ مالشيطان - المنظومه في الرصيف

الحب ديني - المنظومه في الرصيف

عن مضاجعه الواقع - المنظومه في الرصيف

وهكذا كان صوت الحلم كما سمعناه أو رأيناه..
حوائط صد - انتاج ديجيت وأصوات سارا وعلي طالباب

حوائط صد - ملفات

انتاج ديجيت.

وهكذا كان صوت الخلق كما رأيناه او كما سمعناه.
وهنا كانت البداية.
خلقتني فرد.
الصورة لجنين.

إصدارات ملفات

أطياف الضوء (خمبايا) - ملفات

ملفّات. انتاج Diijt
كلمات التسجيل ده بتحكي عن الثوابت بدون تدخل مني تماما.
بتحكي ان في حجات بتحصل او بتكون زي ما هيا او رأيك فيها مش بياثر في وجودها ممكن يأثر في استيعابك ليها بس دي حاجة شخصية جدا. التسجيل بكل بساطة بيحكي ان حكمك على الحجات شخصي جدا. تعميمه هو السبب في اللغبطة اللي دايرين فيها غالبا. زي مثلا قيم الصح والخطأ.
الطاولة ليها أربع رجول. الكاس لو شايل مية مستحيل يكون مكسور.
الدهب لازم يفضل حجر. غبار الفضا زينة للمردوم. 
الطبيعة في توازن سجان البني ادم. بقدر ما يُلتهم تُقدم الولائم.
الأول لازم يبقاله اخر والراعي بدون رعية مستحيل يبقى حاكم.
مبحبش أشرح انا اقصد ايه في التسجيلات. بس كنت عايز اقول الكلمتين دول.
ساعدونا في النشر.
الصوره للبقره.

جلد البقر - ملفات

العفن - المنظومه في الجراج

ق يعني قاوم - المنظومه في الجراج

الحب ديني - المنظومه في الجراج

كلمات :
من السماء ستسقط النجوم السابحه من مداراتها الليله
لأننا غاضبون
وسيطرق بابنا نبي الليله لن نعيره إنتباها
لأننا غاضبون
وستطرح كل ال## امامنا الليله , نبصق
لأننا غاضبون
سنرفض العمل الطعام الملبس ورعايه ## الليله
لأننا غاضبون
وسنرسم بطوننا الفارغه ووجوهنا البرئيه علي كراريسهم ال## الليله
لأننا غاضبون
ونتمرد كيفما تنادي ابواق احدث صيحات المؤسسات التجاريه الليله
لأننا غاضبون

ولاننا غاضبون سنبتسم في وجوههم العكره
بلا مبالاه وبكل مغالاه
سنعوي فوق بلبلتهم المتعثره الليله
لاننا غاضبون
الإنتاج الموسيقي لعبد الله المنياوي.

وحوش بدون اسامي

القط الاسود

ضيق

الكلمات :
وإنت غير جدير بالذكر لانك أدني
وأنت مهم بس بالفلوس الي بتحصدها
مهم لكونك مجند بالاجبار جوا الكتيبه أو في فرع من بنوكها
آه يا مسكين مهتم بس بالتغيير لو كان تغيير لموضه جديده هتركبها
شريك فمنتج او عبيد للمنتج بيخصيك بيه
و لإيه ؟ 
لبيت جميل يكون صعب عليك إيجاره
لليوم الإسود وشركه التامين إلي مش هتدفعلك أضراره
لقيمه فالصو عروسه فالصو مطبخ بلاستيك مش هتختاره
منشور تحريضي يا حبيبي
إجري وإستخبي فالدولاب لو بتكش يا حبيبي
مديرك الي بيزن عالواتساب يا حبيبي
صرف سبع اضعاف مرتبك علي الجبن يا حبيبي
 شيك الطقم لكن اليونيفورم الي انت لابسه شكلك مش راكب فيه
ليه ممشي الدنيا ايزي وفري
او زي ما كتاب تنظيم العمل قال
"جوا الشركه نكون عيله"
بس ليه باعوك لما راس المال سال
الإنتاج الموسيقي لبشار سليمان .

وحوش بدون أسامي

القط الأسود

يونيفورم٢

الكلمات :
متوسخين يا هو
بس نعرف نتكلم من فوق أبراج
 عين تشوف وإيد بتلعب جوا جماجم الأغراب
 أطفال تشخبط عالكراريس ردود أفغال باضطراب
 فعالم الكل شئ ممكن كل شئ سراب
شفطه من الشاي ونفس من المعسل يثبتوني علي الكرسي عشان اكمل وامثل
وإزاي هآمن بيك وانا شايف السلوك الي بتغذيك
ما أسهل أني اكسل واعاملك بالقوالب الي انت قررت انها تغنيك
مافيش مفر مالتمييز زي ما عشرين وكوبري جديد مستحيل يحلو مشكله التكديس
 متلوثين بالمكون الي بيكون كوننا كاإنسانيين
بحب العري والدم أكتر من تلقين فيزيا الكم
بحب الكولا مع الرمّ اكتر من اصنام فساعه ضهر حواليها بنتلم
بحب الذل والسلطه والذم فأكلي لحوم أغتنام الفرصه
بحب إننا بننسي ونعمل مالألم نكته نقدر ننسي بيها الهم 
ومش هعتذر عن تقل الدم
ما فالأخر محتاج صوت زيي عشان تترفع عن الغم
الدنيا سوده هنا
ولبسك النضيف وريحتك الحلوه مش متطمنه
بتكلم معاك عشان حيطان الأوضه مابتردش
يمكن هزه دماغك انك فاهمني تحميني حتي لو بتهز عشان تروّش
الوعاء فاضي وانا فوق الكون بمارس كما ستره مع طبقه الأوزون
واركب حصان بيطير من فوق رقاب النجوم
وامسك سيف واحارب تنانين من غيوم
ومش بموت
"قولت جمله غلط بس عادي يعني المفروض اقول عشرين طريق وكوبري جديد بس عادي"
وحوش بدون اسامي
الإنتاج الموسيقي للقط الأسود .

متوسخين

الكلمات :
بنمشي وسط خط النار بريش دهب فوق روسنا
وناب فيل فوق كتافنا يحمينا مش شرورنا
نازلين ناكل عيش يابا ملعون الي يدوسنا
فاسحبني لو تحب يا سجّان علي الجِلوتين
مش هتمدو إيدكو علي فلوسنا
بنمشي وسط خط النار براس مرفوعه وابتسامه إنتصار
لا صديق في الغار ولا سلام علي رهبان في المسلك
طالاما الأرض واسعه كل الغرف نقدر نقضي فيها منسك
وأحاديثكم المهمه المعتاده خصينا بيها عيوننا
أداتكم للعباده
ما جسد واحد أبيض وإسود قدر يعبر اكتر من ألوانكم البهتانه
والصباع ليك يا حبيب يا شناق
كفننا مهما يضيق أكيد هيكون أحن من الي إتداق
فنحن قوم جلوس القرفصاء
باسطي الأيدي بجوينت ورا التاني عالرصيف بالضحكه الصفرا
تدمير ذاتي للأشلاء تقديسا فالأشياء
فاسحبني لو مشتاق لرمز الاحتفال
مش هتمدو ايدكم علي فلوسنا

لكن لما يكون معادنا
هتخليني هتخليني هتخليني
أكون إنسان تاني
هتخليني هتخليني هتخليني
بنمشي وسط خط النار بريش دهب فوق روسنا
وناب فيل فوق كتافنا يحمينا مش شرورنا
بس ممكن أحس بالخوف
أو احس بالمواقف علي قد ما بشوف
أو احط فلوس فالصندوق لما يتطلب مني اشارك
او أميل مع المايلين وابارك
قدام وورا علي أصوات ترتيل شيوخ المغارب
ممكن احس بالتواضع امسك سلاح  واحارب
أقتل او أتقتل مالدوله لسه قايمه
خليها مره تحاسب
ممكن احس بالأغاني تاني
او صديق يتحبس بين الحيطان والمباني
ممكن نرجع تاني
هتخليني هتخليني هتخليني
ممكن اغلط تاني
هتخليني هتخليني هتخليني
اشوفك مره تاني
هتخليني هتخليني هتخليني
لما يكون معادنا
هتخليني هتخليني هتخليني
اكون انسان تاني
هتخليني هتخليني هتخليني
ممكن ارجع تاني افكك الانسان الالي
حتي لو هتاخد مني لساني
بدون مفاجات وارجع انام عادي
اكل وشرب وسخافات و ## راضي
جيبلي جني مالفانوس وهطلب الفيراري
بعدها هفكر فمجاعه الطفل الصومالي
متوسخين جدا
هتخليني هتخليني هتخليني
الإنتاج الموسيقي لبشار سليمان.

مش هتمدو ايدكم علي فلوسنا

"الفكره إننا كتبنا و سجلنا , ف هنفضل عايشين"
- علي طالباب

@talibab2 / @talibab3 / @talibab4 / @talibab5 / @talibab6

Talibab Archive

Popular tracks