
تايه 

يا ربّ وَاحِدْ ياربى
ياربّ رَحْمنْ رَحِيم
يارب تَايِهْ فَهَبْلِى
مِنّك ياربّ اليَقِينْ
و ارزقنى يارب فرحة
تهِزّ قلبى الحزين

يارب دَمْعِى آَسِرْنِى
يارب ضَعْفِى كاسِرْنِى
مقطوعة كُلّ السّبُلْ
وانت وحدك مُعِينْ
يارب جَمّعْ شَتَاتِى
صِلْنِى بِحَبْلٍ مَتِينْ

يارب مَالِى حَبِيبْ
ولا نَصِيرْ غير جَنَابَكْ
ولَمّا دَاقِتْ ف وشّى
طَرَقْتْ ياربّ بَابَكْ
باغفل وباعصى لَكِنّى
هروح ياربى لمِينْ —
Copyrighted to Aly Zeina.



تَــايِـه - على زينة



رغم سنى
لسه ببكى كل حاجه ضايعه منى
بترعب من ضج تكسير الإزاز
لسه بهرب من همومى فـ حضن امى
لسه مش بعرف أولّع فرن غاز

رغم سنى ..
لسه وقت اللعب برسم شكل ساعه
لسه بتمايل وأغنى ويّا أنغام الإذاعه
واما ياخدوا حاجه منى غصب عنى
بترمى ع الارض أدبدب وبشناعه

رغم سنى ..
لسه طفله جوه منى !!
Copyrighted ©️ to Aly Zeina & Haidi Elshafie 

A.Zeina ✪