ياعم قسما بالله حرام انك ما تبقاش معروف!

Rapp

اللي انت شايفه 
نضَج زيادة عن اللزوم ف اتضر 
عَمي عينيه ع النور 
اللي ف اخر الممر 
كسر القواعد و الحدود و اتغر 
و رجع يدبدب جمب نفس الحيط
زي اللي جه يجدد حيطان الاوضه 
هد البيت

قادر يخبَّط و هو شايل الدرع 
قادر يوقع شجرة 
لكن 
يصعب عليه الفَرع
ديما يقيد العشرة 
دون النظر للنفع
او للضرر 
عمل كل اللي كان عنده 
و عمره م اتشكر 
بيتنطط بين الأمل و اليأس
زي الكورة الكڤر
او زي كورة البولينج
او زي كورة البينج

عملية لازم تتعمل عالواقف
ضد القدر
من غير متاخد بينج
و انت اللي عايش ليك سنين عالالم 
عشماوي اعدم في حياته مئات
و اخرتها جاي يلمس شعور الندم 




اندريتيد لغايه م افقع الضربة 
اوڤر ريتيد لغاية المواقف الصعبة
و احرف واحد لو اعتبرنا 
الصبر دا لعبة
و اول عسكري مجند 
اتعود 
علي الغربة 
و اخر عسكري ممكن يسلم جسمه للتربة 
مش عارف دي رغبه في الحياة و شعور مباح؟
ولا انا اصلا مرور و معايا منع سلاح

مش قابل اساسا .. بس متكيف
عايش جوا شخص جوا شخص مزيف 
معرفش ابدا ابقي انا نفسي
ولا حتي عارف البس لبس متقيف
ببدلة ميري و ببيادة حديد
خوذة و سديري و ذكريات عناقيد
مهندس مثقف وقت ما تعوزه 
و وقت تاني بيبقي قفل عنيد

زي القصايد متعه مش دايمه
زي الجواز
 بس في قايمه 
زي السلالم لو مفيش نايمه 
تطلعها لو رجلك صوابع ايد


زي السجون جوا الحديد 
في حديد 
و انت متحرر 
لكن حاجات تانيه بتحكم
و تتأمر 
و حاجات بتتغير 
و انت اللي ثابت 
قديس قديم ف قلايته
و لما قرر ينفتح
الدنيا تابت 
خلية طاقه شمسيه 
و الشمس غابت
 
يبقي ايه النَفع؟

و مين يقدر يرجعلك 
اللي ف سبيله اندفع ؟

لا نتيجه تشفعلك
ولا حتي سعيك شفع
كيس الأماني علي ضهرك 
من فتره جامده اتقطع
و معاكش حاجه تلم فيها 
و لا حتي في خدعه تقدر تأديها
ف تخف حبه من اثار الوجع

 
اوقات تعمل كل المتاح
و تخسر 
بس مش هترتاح
ف تزأر
بس شغفك راح
ف تسكر 
زي كلب و راح
تجرب
تبتدي الارباح
ف تكسب 
من نجاح ل نجاح
ف تسخر 
و القدر سفاح
ف تخسر 
بس مش هترتاح

الأمل مؤذي
 اكتر بكتير 
من فقدانه 
الأمل قادر فلحظه يطيرك
و فلحظه يخلع قلبك الطيب
من مكانه
الأمل مجنون و طايش 
و ياما لسعك من جنانه
بس بردو له وش طيب 
و انت واكل توت جنانه
و لسه بردو بتبتدع 
و بتطلب التفاح 
دور ف شجرة مهما يحلالك 
و بردو مش هترتاح



الغلط لحظه و الندم اعمار
ف بتحسس سلاحي
الانهيار رغبه و إعادة الإعمار
مشروع سياحي
مش هترجع اي دار 
زي ما كانت 
من اي النواحي
و انا من سنين برقص بين محطات الفشل
وبين نقطتين نجاحي
و بقطع المشوار 
بقلبي نايم و بعقلي صاحي


انسان قديم جدا 
لكن نضيف 
زي قهوه في وسط البلد
مركبه تكييف 
زي الفصول كلها 
لو كانوا الخريف



زي ضربة سهم في زمن الرصاص
او طوبة جامدة بتترمي
 علي ناحية القناص 
في حاجات كتير مجهود بلا قيمة 
مجهود و مهدر .. يتبذل و خلاص
اخر نفس موجود 
في امبوبه الغطاس
ولا هيحيه ولا هينجد 
هيحافظ علي حظوظه 
بصبر و بأخلاص
يا يقابل وجه كريم 
يا بدلة الانقاذ

الرغبة ف الحياة بتقل
حتي ان كنت شايفها تأدية واجب 
في عيون كتير تقدر تعلي عالحاجب 
الدنيا ناظر مدرسة مغرور 
و انا زي عادتي عامل الواجب
مبخافش لو شافني ف اي طابور 
لكن مراوغ هادي و مشاغب 
دلوقتي لسه بردو نفس الشخص
لكن مشتت و بخيال شاحب

في سيرك بلا اسوار 
زي المهرج مهما لف و دار 
ف نهاية الفقرة بينتهي دوره
و يعود اخيرا بس عنده دوار 
و ينام و يصحي و يبتدي تاني 
و يعيده تاني .. بدون امل في فرار

بندول و ماشي في عيشته يترنح
بيروح و ييجي يتوه و يتمرجح 
يسعي في حبله فوق يمين و شمال 
ويرجع لنقطة صفره يتطوح

و اخرها ..

البساط اتسحب من تحت رجلي 
بقع و اقوم و اقع و اقوم و اجري
و شكل القضية هتستمر صراع 
من وقتنا و لحد يوم اجلي

ف كتبت بما لا يترك مجال انسي
و حزنت حزن اللي سفينته
غرقت علي المرسي 
و تعبت اشاور ليها 
و اشوفها مش حاسه
و تعبت احافظ عالأمل 
و دي الكارثه

المزيكا
https://soundcloud.com/7a-mid/dhafer-youssef-khira-indicium-divinumelegy-for-my-mother?in=sam-smiley-5/sets/dhafer-youssef&si=83716138e7da442ea67d09b7e93fa131&utm_source=clipboard&utm_medium=text&utm_campaign=social_sharing

https://soundcloud.com/7a-mid/dhafer-youssef-khira-indicium-divinumelegy-for-my-mother?in=sam-smiley-5/sets/dhafer-youssef&si=06aa005483ff43a1868c2f4920ca9b70&utm_source=clipboard&utm_medium=text&utm_campaign=social_sharing


facebook : https://www.facebook.com/beshoy.gerges.9822/
instagram : https://www.instagram.com/beshoy_gergs/

مُبهَم

El-7ozn 3ada

معنى الحب

zyad karam - السجن للجدعان Prod by: Ahmed Kamel

اسمعو بقلبكو :) ودا اكونت الفيس للي حابب يتابعني 
https://www.facebook.com/zead.karam
Prod by: medo

اسيبكم مع الكلمات :)
#zyadkaram:v1
ياوجع زاد عن حد والقوة يدوب ع القد
والولد مبقاش ولد بقا كهل عجوز وبيلعن اليوم اللي فية اتولد 
ف السن لسة شباب ف الهم عدا سن العجز
اختار العزلة حياتة حط قانون لنفسة اليأس 
ملعون ابوها دي دنيا سابت الكل وجت عليك 
خليك لنفسك صاحب مش هيشيلك غير رجليك
جيل بيسلم جيل وجيلنا شال الهم بدري 
الدنيا زي سباق شيل حملك واجري
والوجع يفضل زايد طب هيخلص امتا يعني 
 الحمل زاد عليا وفلان وفلان دا بعني
مش مصدق اقرب واحد ليك باعك طيب
زعلان لية مش انتا اللي خليتة قريب 
حبيبك باعك مع اقرب صاحب ليك 
هو ايوا خانك بس بردو اتخان بعديك
بتحاول تمسح دمعك خايف لتظهر ضعفك
الراجل مبيعيطش لية هو معندوش احساس 
فاكرين الدمع ضعف ملعون ابوها دية ناس 
#OmarShaban :c

الحزن عداا حدودة نفسك تموت بالقدر 
سابك تعيش مقتول مش همو اية انكسر 
الدمع مالي الخد والقلب لسة ف خطر
ياحزن ارجوك كفاية هو احنا مش بشر 

#zyadkaram:v2
مستغربين من اية ايوا الوحدة بتونسني 
يجي الحزن معاة الوجع يشرف ويأنسني 
الغريب اني عشقت كل حاجة بتتعسني
القلب لسة بينبض مع اني حاسة مات 
لساك مستني تفرح مع ان القطر فات 
الدنيا جت عليا يا ابويا اديك لسة بتتعلم 
اوعاك تقول ال اة او اسمعك تتألم
اختار البعد يا ابني واوعاك تبان مجروح 
احفظ الحزن ف قلبك واياك لحد تبوح 
هتحكي يقولو معلش وبردو تنام مدبوح 
كلمات قطعت قلبي اوعاك تبعد وتسبني 
اخسر كل الناس بس اكسب نفسك يابني 
عقلك مش مصدق ان قلبك لسة ف خطر
ملقتش حاجة تعشقها فبقيت عاشق للمطر 
ابوك من زعلة مات امك قلبها عليك انفطر 
يا حزن ارجوك كفاية هو احنا مش بشر

#OmarShaban:c

الحزن عداا حدودة نفسك تموت بالقدر 
سابك تعيش مقتول مش همو اية انكسر 
الدمع مالي الخد والقلب لسة ف خطر
ياحزن ارجوك كفاية هو احنا مش بشر 





الحزن عاده 2 - Zyadkaram ft :Omar shaban

music: george boker  mix and master : tito elzaton 
Written by : zyad karam Vocals : zyad karam 
دا اكونت الفيس للي حابب يتابعني : https://www.facebook.com/zead.karam
ممزتنا عيوب تراك بيناقش حاجات كتير بتحصل حاليا ف مجتمعنا والقصة اللي ف التراك بتوضح دا لو عجبك التراك like w share <3 


مميزتنا عيوب . zyad karam

هُم هَم .. الخلاصة ;)

lyric : Saiko
Rapper : Saiko 
S:E : E Aswany
Beats : Free Beat

صوتك منبوح - باين ان عنيك دى حابسة دموع
رعشة كلامك قالت كل شىء مــ القول ممنوع
او حاجة انتَ مخبيها - او عشان متعوّد تكتم
بس مهما تقول كويس قلبك عارف انك بتكدب 
هُمَ .. وقت وعدى او شوية غمة
انزاحت وارتاحنا واهى غارت من قلوبنا
ياما قالو هانفضل جنبك - ياما قالو احنا غيرهم
ياما قالو وعادو كتير بس الكلام ده كان اخرهم
انساهم - عدى الوقت زى ما كان بيعدى معاهم
هُمَ كملو فـ طريقهم وقت ما كنت بتستناهم
فا عاش - بجد يالى بيعتو العشرة بلاش
استنيت يشد حنين - بس حنين ذات نفسه مجاش
فا ده سابنى وده عابنى و ده عمره فيوم ماتعبنى
خسارتهم مكسب فـ احسن انهم مش جنبى
محدش هايعتبها غير حبايبها - فاهم يا مراكبى ؟
دى كلمة عنيا قالتها لما ضيوفى مشيت من عندى
________
دول مش شكلك يا طيبتى - دول دخلو حياتنا ضيوف
حتى يوم وفاتى هاتشوفى هايبقى اقربهم معزوم
فا زووم - على الناس الى مشيت بدرى
فا بعوم فـ بحر هموم فـ يوم كانت كلها بسببى
ماتبكيش على ناس تمام ؟ كان تمامها كلام
امبارح كانو معانا دلوقتى مش قد المقام
ع الثبات - من زمان قلبى شال ومعبى
فا تيجى نصفى #لأ - انا فى الوحدة محدش قدى
فانا مش ميت لاكنى - بقول الموت ده حقى
فا رعشة ايد و صدمة فا بتنهد فا ببكى
حافظ على الى معاك - ماتبيعش حد شارى
قول فـ داهية للى رماك ماهو مايطولش ماصلك غالى
و بالتالى كان صعب عليه فـ يوم يطولك
سؤال بيكسر لما تتسأل ليه واقف بطولك !
خليك جنب الى جنبك - سيب الى يسيب يسيب
امسك فـ ايد ماسكاك - ماتخليش لـ وجعك ايد
_____
مابموتش بفقد بنت - عادى هاسيبها لو هاتسيبنى
عرفت كتير وقليل بس مافيش ولا واحدة صانتنى
وصاحبت واتصاحبت - باسم المصلحة قبل الفن
وعرفت اكتر من بنت تحت مُسمى كادر الفانز
واتقالى كم أبدعت - واتقالى انتَ عشقى
بس عمرى ما استمتعت ما انا مش لاقى حد يشاركنى
الوحدة - صعبة بس بينى وبينها عشرة
البُعد تعب بس الى بيتعشم يشرب
الناس دى مشيت - بس جوه منى عايشة
الناس دى عارفة ان بُعدها عنى اكبر كارثة
بس حالفة برضو تبعد وقت ما احتاجلها
شايفة ان البُعد حل - او فراقنا احسنلها
صراحة - قربى منها تعب - تعبى ليها راحة
كل سانتى غياب بيوجع مافيش هنا غياب بالراحة
_____
ملعون ابوها سيريتها - لما بتيجى فى التراكات
ملعون عقل افتكرها وناسى انها ناسياه
فاكراه ؟ فـ كل وقت ولا ساعة تقسيم التورتة
فاكرها فـ كل لحظة وهى بتفتكر لو شافت صورتك
هو خوفه قل - هى خلاص مش لاقية حل -
هو من كتر الى عمله زمان خلاص دلوقتى مل
نفس القصة نفس المشهد - كل حدث من تانى يتكرر
نفس الكلمة- نفس الرعشة نفس المنظر
ايده بتترعش - كلمة امشى طالعة بعافية , تعب
وان بُعدها مش بيخوف وانه اتعود وخلاص قرف
بعترف - قلبى اضعف من اى ارتباط
مابقتش امسك فـ حد - لو هايغيب براحته .. خلاص
ولا قلبى محتاج حد - ولا فيه حد موجود جنبه
صدقو الى قالو زمان , اكرام الحب دفنه
تستاهل - يالى سبت ليهم السايب فى السايب
تستاهل يالى سلمتهم قلبك كدا بالساهل
ياريتك - كنت قاسى - او كانو طيبين
كان الاحسن شد المراسى قبل ما ييجوا مدام ماشيين
_____

aswany studio elz8aba

Amr Saiko  - هُم هَم S:E : el Aswany - New version - Edition

الحوت ;) ..
مغنى راب من 2011 تقريباً
العُمر : رقم مايهمش
تقدر تتابعنى شخصياً على المواقع الى تحت دى 
- #A_S

Amr Saiko - هُم هَم S:E : el Aswany - New version - Edition

Amr Saiko ( الحوت )

Recent comments

Tolly AhMed

Mohamed Ahmed 1757

salma ehab

omar selmy

Related tracks