أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

موال الدنيا لو كشرت_محمد طه

أنا مظلوم -الأصلي-فن شعبى تراث صعيدى

جميع أغاني مسلسل حدائق الشيطان - علي الحجار

الريس أبو رسلان, واحد من اهم رؤساء الموسيقي والموال الشعبي, وفن الكف في الصعيد.

سيبوا الهوى ابورسلان

مربعات ابن عروس .. صوت صعيدي مجهول

اغنية مظلوم الاصلية و التى غناها الفنان محمد محي .و هى من التراث الشعبي الصعيدى القديم لمطرب من الصعيد اسمة الريس حفني . من المعروف حب محى للفلكلور عموما حيث غنى ايضا لية الحبيب وهى من الفلكلور المصرى القديم . ايضا ستخدم موسيقى و اسلوب الفلكلور فى بعض الاغانى الاخري

موال الدنيا لو كشرت_محمد طه

Amani A. Khalil

Related tracks