الشمس والبيت الاسمر - علي الشباني

|صاحب الضويري| اخاف احجي

فلسفة موفق و سعدي|حاير ممتحن شأرتكب يا راي؟!

ذياب كزار . يحاديني . بصوت محمد الاميري

صوتيات درر العراق

تسيورة حلم 2017 - للشاعر الراحل ذياب كزار ::: بصوت محمد الاميري

⁨كاظم اسماعيل الكاطع | الليلة اموت⁩

نمشي وي الدهر دخان
محد يعرف أشبینه
ضعنه ! ولا يصح نادر
يدلينه عله أسامينه
متوازین
نتوسل سمه البيبان
حته الغربه ضلت ما تلفينه ،،
ملينه !
يذاك الفوك ملينه
شوف التعب
شمسوي بملامحنه ،،
واحدنه مسية أرماد
بخزرة هوه يتكسر
ضاگت پاچبير الغيم
هظيمه يمشط العاگول يم مراية العنبر
ماضل للعذر شفه 
شمسوين حته تسد دكاكينك
گنالك أخذ صوغة خواطرنه
وبيع النه ولو حسبة ضحك ساعه
عطشانين ،،
أجينه من الشمس حفاي
ماندري ،،
الجرف مکتول
والمحبس بجيب الري
ولاندري
الصحاري اگبور
متروسه جثث للفي


لگينه الدنيه، ،
سوك حظوظ،،
والميت دفن گلبه
ورجع خطار ويه الحي
المن بعد نتمنه ،،
أشو صارت القسمه ألوان
ناس أنترس خدها أوداع
ناس مرافگه النعناع
ناس تهفي للتيجان
واحنه تگول جف أمراد
گضتنه مرادم الحيطان
شفنه أوجوه
مایسوالهن ضحکه ،،
ويوميه بحضنها يبات تاج الحور
تضل الياوكت معذور ،،
يراعي (( الصور))
أنطي الصور لسرافیل
خل ينفخ أنريد نموت ،،
حزنه ،،
شراع متسودن
يفتر زفه ويه النوك
واحنه أعله الذنب نیشان
المن لبستنة ثياب
کون أدم نزل عريان !
سحك ،،
تاريخنه الدفان
شما يلمع نحر عريس
یوگفله الضلام أرماح
شما نقنع هوانه يتوب
تنش رية التفاح

بعد مایلحگ الها أهلال
سامحنه

ي المعزب
هذوله احنه بمظيف عيونك مدنگین
ولا واحد حضه بحلمه ،،
آشنحط لمرورة المغرب
عدنه آگلوب ما تستاهل اللچمه ،،
دورلنه فجر نشمي
يرد حوبة ليالينه
ومر عله النوارس ذیچ
نشها بطرف نفنوفك
بلكت تفحط من الشوك
وتحط بشواطينه ،
ناصر البدري

تسيورة حلم 2017 - للشاعر الراحل ذياب كزار ::: بصوت محمد الاميري

AMEEN KADHIM

Recent comments

جَنــــات

جَنــــات

جَنــــات

جَنــــات

Related tracks