اوتار الشعر

إهداء للقمر و القدر والنجمة اللي راودتني عن نفسها 
بس عملت نفسي مش شايف
إهداء ليا وأنا خايف .

برلين 1945   "النهاية"

اذا الشمس غرقت - فاطمة عادل

Kel Shabi Fallo - Hiba Tawaji - كل صحابي فلو - هبة طوجي

بحبك اذان.. واحبك كنيسة.. واحبك هرم
بحبك يمام بيطوف ع العلم
بحبك مصانع.. واحبك مناجم.. واحبك بيوت
بحبك اثار حضنا خيط عنكبوت
بحبك صراخ واحبك سكوت
للاتي بضعفي وظلمك بموت
وساكن شوارعك كأني ف تابوت
بحبك ملامح عجوز انكسر
ف عينه ابتسامة لطفل انتصر
بحبك خطاوي بتبصم ع الشطوت

حين فك زراير صدره عشان يتنفس
انا شفت ف قلبه بيوت وحواري و ناس
بتصب الدمع وتسقي الزرع
وعيال بتشاور للطيارة عشان تستناهم
يرسموا جناحات طباشير
ويسابقوا الطير
ويهاجروا حيطان صدره الشايخ
ويعودوا ف أخر الليل
انا شفت ف صدره غيطان
تشبه للأرض اللي فردها الرحمن ف عيون زينب
مليانة نخيل.. لكن خايخ
بلحات خضرة.. ورمان أصفر
يمامات جناحاتها ماتسعفهاش
فبتزحف زحف العطشان ف الصحرة البور
عميان بيخافوا الضلمة
ويخافوا يواجهوا النور
نسوان باعوا الشعرات علشان أيوب
ولكنه مالمش حق التأشيرة
صندوق غاطس بالنبي موسى لقاع اليم
وأمه وأخته
واقفين ع الشط يشقوا الهدمة ويشكوا الهم
على صدره اتنين أمناء ماسكين طالب
وبيسرقوا منه كرامته ف عز الشمس
الناس موجوعة ف صمت
بيبكوا ف صمت
يغنوا ف صمت
بيحيوا الحاكم ويشاوروله يعيش و يعيش و يعيش
ويسبوا الدين لفخامته ف صمت
على صدره بنات
معرفش غناهم كان بيبة أو عدودة
معرفش اذا كانت غنواهم
قادرة تعافر وتزاحم طير
وتفك ضفاير ملك اللحن
وتتسرسب من بين القضبان اللي اتنصبت فوق صدره
وإن أمكن يعني وفلتت من حراس الموت
ازاي هتغطي الأغنية نواح الجعانين
في بطونهم عصافير بتصرخ
ويوماتي بيسمعوا نفخ الصور
كان أولى بملاك الرحمة
حين فك زراير صدره يطفي النور

كلمات/ أحمد الجمل 
الحان و توزيع / جيسون


our Facebook Page: https://goo.gl/sLmvoA
our Youtube Channel: https://goo.gl/q2wKBq

Qalbk Yasa' - قلبك يساع

Bahbk Adan - بحبك آدان

محمد سعيد -ملكيش بديل

انا مبكرهكيش - من مسلسل الحصان الاسود

Laou Inni - Rasha Rizk لو أني - رشا رزق

لما تغــيبــي
أنا بتلخبط بين السكر والملح
وأدور ف الدواليب على حبة فرح
وملاقيش
لما تغيبى
أنا والبيت بنتوه من بعض
وبابص فى عينه مايعرفنيش
وبخاف م القطة لما تنونو
ومن صوت الريح اللى بيهرب من بين الشيش
لما تغيبى
كل الحاجات الحلوة يا حبيبتــى بترفض تعيش
لما تغيبى 
أنا بحتاس
بنسى الدنيا وكل العناوين وأسامى الناس
واكل واشرب واكتب
لكن كده  من غير إحساس
لما تغيبى 
بانسى القهوة ع النار
ويروح الطعم ويغيب الوش
لما تغيبى
كل المرايات يا حبيبتى تغش
وبحس أن النفس اللى طالع من صدرى غريب
لما تغــيبــي
أنا بتلخبط بين السكر والملح
ارجوكى .. اوعى تغيبى

لما تغيبي <3 ,, علي سلامة

نص : هرمس
من ديوان: كلاشنكوفي الحبيب
ضمن ألبوم: أنطولوجيا شعرية صوتية

"الذين تحولوا لطيور تباينت حظوظهم
 منهم من حمل رسائل ولم يعد بردود

منهم من سكن الأقفاص والأشجار و الجبال
ومنهم كسر و ظل يكسر

كسروا أول شيءٍ أحلامهم

ثم كسروا الضعاف منهم

ثم كسروا سموات الأيام”

| هرمس- كلاشنكوفي الحبيب

"Those who turned into birds had different destinies

Some of them carried letters and never came back with replies

Others inhabited cages, trees, and mountains

Others broke wild and kept breaking

They broke first their dreams

Then they broke the weak among them

Then they broke the skies of days “ - Hermes, My Beloved Kalashnikov

نص التحولات لمحمد مجدي - هرمس

Youtube(Official Lyric Video): https://youtu.be/xEycqqMYRWA
Anghami: https://play.anghami.com/song/57169677
Facebook: www.facebook.com/JeriesBabish
Instagram: www.instagram.com/jeriesbabish7

-
Music Production, Lyrics, Mastered by Jeries Babish
Mixed By Nabil Barham(fallaa7i) / Jeries babish 
Bass: Usama Allati 
Artwork: Azeez Azeez / عزيز عزيز
-
Lyrics – الكلمات

قالوا عنا كلام.. قالوا احنا حرام
قالوا عنا كثير ولسا بيحكوا بالأوهام
ما في صوت بعيد .. هالصوت عصا بالإيد
والكلمة لو قالوها سيف و ناره من حديد

ما عاد يحكوا بالأمل ما ضل بكرا يحتمل
بكرا بيجي وما في نور يعيد اللي حصل
خلص كلشي غريب.. واليوم بطل عجيب 
اليوم غيمة سودة كسرت شمس كل حبيب

قالوا عنا مجانين .. قالوا عنا اساطير
قالوا عنا منكزب .. ولسا رح يحكوا كثير
هالقصة مش حرام .. ولا فيها أحلام
هالقصة خلصت ورح تنمحى مع الأيام

ما عاد يحكوا بالأمل ما ضل بكرا يحتمل
بكرا بيجي وما في نور يعيد اللي حصل
خلص كلشي غريب.. واليوم بطل عجيب 
اليوم غيمة سودة كسرت شمس كل حبيب

Haram - JeriesBabish / حرام - جريس بابيش

Facebook: https://www.facebook.com/yafathnoah.456


ديسمبر شهر الحنين وجلد الذات، كورنيش إسكندرية مليان حبيبة ماسكين في إيد بعض عِند في الدنيا، الغريب في الموضوع تبقى عاوز الحاجة وبتبعدها عنك بقوة أكبر من إنك تسيطر عليها.
مش كان أولى منتقابلش من الأساس ، انا لسه سايق جنونى وسط خوف الناس ، و ادندن كل الذكريات أغانى في طريقى لـ كشك السجاير
تصبح كاساتى مُر ، تصبح عيونك خمر ، شاغلين قلوب السكرانين
يا ام العيون حلوين.. 



 تلك الوعود الوردية بتاعة أول السنة بتدبل في آخرها.. في ديسمبر تنتهي كل الأحلام ، صعب تلاقي مكان يحتويك أكتر من شارع فؤاد ، محطة الرمل صبية ، بياض ايديها يضوى وسط عتمة المسافات، هنا المطرة بتغسل الشوارع وتاخد ورد وجوابات مرمية على الأرض تدوبهم، بعده القلب يرچف على اسمي؟ أنا شاكك، بنت الوديدى لسه قادرة تخطف قلبى بصوتها ، تخلق في عينى حالة من الشجن ، و تترك باقى حُزنى للمتاعيس 



هي؟
 هي مابقتش شايفة نفسها مميزة بنفس القدر بتاع زمان بس مازالت بتبص في المراية وتغازل نفسها ، من فترة كدا حد قالي: المزيكا باقية و كل شيء غيرها فانى ، مصيره يزول ، الشغف بيدبل تجاه كل حاجة حتى العيون الحلوين، علاجي هيكون رقصة في حضن بنت بحبها ، يمكن يتقال مجنون أو معجون بماية عفاريت.
ع الأقل وقتها جايز أكون مبسوط



2 ديسمبر.. 
مفيش أجمل من الوقوع في الحُب ، ولا الطف من خليط الاحلام الوردية في عيون العُشاق ، صوت عبد الوهاب بيدندن في الخلفية: امتا الزمان يسمح يا جميل؟ 
كل الحبيبة سهرانين على الكورنيش ، مع لسعة برد خفيفة علاجه حُضن ، و اها لو تعلم! 
الحُضن.. ده شئ مستحيل تنساه مهما قلبك داب و عقلك خف ، الحضن ده هو الثغرة الوحيدة في الحُب.



بلاش تنادينى بالوطن ، عشان متتغربيش من بعدى ، الوعد ديون بيسددها الزمان، و انا ولا مولى ولا سُلطان ، انا سكران ، بقاسم أنفاس الشيشة و الدخان ، و املى جيوبى بريحة العطنة و ريحة الفقر ، كنتى زمان تقوليلى: مفيش ايد قصيرة ، الايد بتوصل للى العين تبصره ، دلوقتى عايزة الاعمى يدارى بياض عيونه إزاى؟ 
 بس اقولك؟ 
انا لسه بحب صوت الناى ، و رنة العود ، و لمعة العيون السود ، و صالات السيما ، و كل القهاوى القديمة ، و المشى ع الكورنيش 
و لسه بشوفك في كل بنت حتى لو متشبهكيش!



انا؟ انا لسه بحبك!
 من الطف الجمل اللى اتقالت في السينما المصرية كانت على لسان أحمد حلمى لما قال: كل الناس ممكن تختلف عن إيه هي أحلى حاجة في الحب ... مستحيل تلاقي حد رأيه زي التاني ... لكن اللي أنا متأكد إنهم هيتفقوا عليه .. إن أحلى حاجة في الحب ... لما تحس إنك بتتحب،
لكن رغم كل اللى فات؟ مازلت ببص للماضي على إنه كابوس.
2019؟ تعيسة ومُملة شبه البطاطس المطبوخة.

الوقوع فى الحب!

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

موال الموالين ( هبلستان ) - فؤاد حداد - حاتم الوكيل

ريتا خوري-اختراع

الانسان مجنون , دجال , مزور !

مسير الجاي
كلمات طارق قطب
موسيقي شادي مؤنس
غناء اسلام الشيخ
ميكس وماستر رفيق عدلي

لما تغيبي <3 ,, علي سلامة

Amera Abd Elaziz

Recent comments

Mohamed El Saber

عبداللطيف

عبداللطيف

mohamd_mezar

Related tracks