ميين فينا عارفك يا رب ومين فينا لا ميين اللي فينا قالك بحب قال بحق واحد بدقن بيقول حلال ويقول حرام ولا فواعلي ارزقي شادد الحزام ولا خمرجي استسمحك قبل اما انام ولا عيل لسة ماعرفش الكلام ولا هاتطلع انا اللي عارفك انا اللي تايه فالزحام.

مين فينا عارفك يا رب و مين فينا لأ مين اللى فينا لو قال بحبك قالها بحق واحد بدقن بيقول حلال و يقول حرام وللا فواعلى أرزقى شادد الحزام وللا خمورجى استسمحك قبل أما نام وللا عيل لسه معرفش الكلام وللا حاطلع انا اللى عارفك انا اللى تايه ف الزحام

مين فينا عارفك يارب ومين فينا لأ

ولا هطلع انا اللي عارفاك انا اللي تاية ف الزحام

وصف كل الخلق ليا
ليه تملي عكس بعضه
وكل وصف اتقال عليه
ليه بيجي عكسه بعده
حد شايف اني خايف
غيره حاسس اني بايع
حبه فاكرين اني عارف
حبه عارفين اني ضايع
طلعوا كل الطبايع والصفات الممكنه
ورسموني بفرشه تايهه من الاراء والالسنه
تطلع الصوره الغريبه لحد اصلا مش هنا
والنتيجه كل مادا صورتي تتلخبط زياده
وانسى اصل شكلي ايه
ولا نفسي اشوفني ليه
حد زي بعد فتره ازاي يصدق غير عينيه
نفسي اوصل للحقيقه قبل ماوصل للنهايه
نفسي اشوف صورتي الدقيقه
ولو دقيقه في المرايه
والمرايه بعيده جدا
والطريق على مد شوفي
والفضول اللي في عنيه
اني اشوفني مداري خوفي

قصيدة ان تراك - مصطفى إبراهيم

أدين بـ دين الجدعنة وبـ دين رفاق الدرب ..
وبقوله احنا مش انا ف المعمعة والحرب ..

وبـ دين ما كنت مصدّقـه؛ ف المعركة الاولي ..
وبـ دين جثث ف المشرحة اساميها مجهوله ..

وادين من ساب اخواته ع الاسفلت مقتوله ..
واقول التوبة مقبولة الا في وقت الحرب !..
__ مصطفي ابراهيم 

* التسجيل من حلقة وسط البلد مع خالد تليمه 
** الموسيقي مّضافه / عود : نصير شمّه : موسيقي "روح"ـ

دين الجدعنه : مصطفي ابراهيم / شعر


مين فينا عارفك يا رب و مين فينا لأ
مين اللى فينا لو قال بحبك قالها بحق
واحد بدقن بيقول حلال و يقول حرام
وللا فواعلى أرزقى شادد الحزام
وللا خمورجى استسمحك قبل أما نام
وللا عيل لسه معرفش الكلام
وللا حاطلع انا اللى عارفك
انا اللى تايه ف الزحام


تايه في الزحام ,, مصطفى ابراهيم

من وحي الأنبياء الجثدد (الثلاثية كاملة) : http://vimeo.com/52792066

إنى رأيت اليوم ... الصورة من بره
قلت الحسين لسة ....حيموت كمان مره 

إنى رأيت اليوم ... فيما يرى الثائر
ان الحسين ملموم .. فوق جثته عساكر
بيدغدغوه بالشوم ؛
كل أما ييجى يقوم !
و ان البشر واقفة ؛
تبكى بدال ما تحوش !
و ان العلم مصفه ؛
م السونكى و الخرطوش !
و ان الطريق مفروش... بالدم للآخر ...

إنى رأيت اليوم...
الدم ع الآيش....
و إن الحسين إحنا....
و مهما اتقتل عايش !!

فيما يري الثائر : من وحي الأنبياء الجُدد - مصطفى إبراهيم

إخشوشنوا علشان ...
المعركة خشنة !

سدوا الفٌرَج بينكوا....
حاذوا القدم و الكتف ..
ضموا عشان نعمل..
من وسطنا جيشنا...

تار الشهيد ناخده....
قبل أما دمه يجف

ما تدّخلوش بينّا 
 خاين عشان نكتر

اللى هرب منّا
من غيره نبقى اكتر

ماتسلّموش ضهركوا
غير للى كان جنبكوا
مش للى باع عرضكوا
بالكرسى للعسكر

يا شهدا ماعرفهمش
لاكن بقوا إصحابى
من كتر ما بشوفهم
ف النشرة و الجرانين

يا وشوش ما بقابلهمش
غير بس ف الميادين

مين فيكوا يعرف مين؟


معرفش أساميكوا
ياللى على الجبهة

 ولا مين رمى القنبلة
ولا مين جرى وسابها

ولا نمرة أم الواد
اللى انضرب بالنار

ولا إسم شيخنا عماد
إلا أما بقى له تار

ولا كشف معتقلين
إتاخدوا من بينّا

ولا مين رسم ع الحيط
غير إنه واد منّا

معرفش غير دربكم
و المشى فى رَكبُكُم
و أعيش و اموت وسطكم

يا دولة الثوار

تايه في الزحام ,, مصطفى ابراهيم

Amera Abd Elaziz

Recent comments

Martha Ebraheem Depo

Yasmin Salem

Mad Junior 1

amro gohari

Related tracks