كورال

هل تاني من عودة؟

3ood - Koral F9'a2at Mo7ayda

معتز صباحي - كنتي شروق

ياَ سُكَاَرى الشّوْقُ عَنّا َلا بَرَاح -بُـرْهَـانِةٌ

منتصر هلاليه. .عارفنى منك

غدار دموعك - كورال كلية الموسيقى و الدراما جامعة السودان

ما معيون - كورال كلية الموسيقى و الدراما جامعة السودان

أهل حبان و أخوان - كورال كلية الموسيقى و الدراما

تعويذة - كورال كلية الموسيقى و الدراما

www.alrakoba.net

Hashim Merghani - Sabaqni Alshoq | هاشم ميرغني - سبقني الشوق

صلاح مصطفى (الابداع) بعد الغياب 1

محمد الأمين-الحب والظروف

شعر : طه عبيد الله البطحاني

ـــــــــــــــــــــــــــــــ
يا السبحه أم جَمالاً فرض مافي متيلو
زُولِك من حنيـن فوقـك مساهر ليـلو
لي التِلـِت الأخيـر بي الدَّرَّة بتحنيـلو
يرضع و ينقلب فـوق حِكرك و تلوليلو

يا السبحه أم جمالاً فرض ليـلك نَسَّـمْ
و عَاشقـك من حنين ما نام و ليلو إتقسم
لي التِلِت الأخير بي الدَّرَّة شطرك عَسَّمْ
مديتيهُـو ليهو و فاطـرك الإتبســم

يا السبحه أم جمالاً فرض زولك طَشَّه
و شال منظومو كركر في غزيـر الخُشّه
في التلت الأخيـر بين الجبـال بتمشى
عـدّى نهارو صايـم و بالقرض بتعشى

النسام سرى بعـد الهجوع و النوم
و جابلو حلاة عطور ما بشمها المزكوم
الكسلانْ رقـد قـام النشيـط مهموم
و العاشقين جمال ميمونـه بت القُـوم

الليل بوبىَ و النجم الكبار إنقاد
و جابلو حلاة عطور ما بشمها الرقاد
الكسلان قِمـح و إتناشطوا الأولاد
العاشقين جمال ميمونه بِت بغداد

يا ست الجمال ميمونه طايل ديـسك
و عندك روتلان ما بعرفو إلا جليسك
لهيجك حالي فايح في الوجود دِمسيسك
و نعم الرابعوك يا ملكة سمعو حديـثك

معشوقك بصيح باكي و مساهر الليلِ
و فرسانك دوام راكبين ظُهور الخيلِ
عندك يا أم ضمير سردب عبار الكيلِ
و مسَّختي الشباب يا السمحه بت الجيلي

يا سمحه الشباب ما ليهو مَلكه معاك
إنتِ جميله و عقبـان عظّمـك مولاكْ
السبب البخـلي العاشقين راغبـاكْ
مجالسك حافله دروسك عاليه للبِهواكْ

جبينـك نـورو ساطـع ظلَّم الأفلاكْ
و نور الكوكبين ما بساوي حاجه معاكْ
الإنس و الجُنون حتى الحسانْ عاشقاكْ
و بابك غفرو مولاك الجليـلْ حَارْسَاكْ

خيل ميمونه بعد العنقريب ما غرَّبْ
قجـنْ فوقو يا مفتون هـواها إتدرَّبْ
كَاسْ الخمـرِ لي كل المحبين طـرَّبْ
بنزل زولاً دستور من قديمو مجرَّبْ


كاس ميمونه بي حالي و شرابي إتملى
ما بتديـهو للمرخي و حزامـو إنحلَّى
الليل بوبى و النجـم الكُبـار إتدلَّـى
سبَّح ربو بي حكمه و جمال و إتْجَلّـَى

داير فيـك يا ميمونه أجيبلي أوصافْ
و المقصـود رضاك يا نجلة الأشرافْ
تسمحي لي أكان غلطان قعدت بخافْ
عشان قالوا الأسير بتزنديهـو كتافْ

الناس البجالسوك في الحقيقة عُفافْ
و ميزانهـم تقيـل يا أم قرقداً هتَّافْ
فرساناً عليهم شيـنه ما بتنضـافْ
و نيشانهم بشيل الزول محل ما شـافْ

لون التبر لونك يفوق جمالو و فقعو
و دمك أصفى من خمر الجنان في نقعو
بسمك شلعـة البـرق المطول رقعـو
و ضوقك ألذ من بكري النحول في وقعو

وجهك دايرة الطبق السبوع في الكونْ
و نظـرك يبهـدل الزول و حاجبك المقرون
عنقـك باهـي أنفـك قيرمان موزونْ
كتفك لان و سدرك شاب و فيهو فنونْ

التنيـات الحشا الدرعـك سبل كاسيها
دايـرة صرتـك ياقوتـه و السر فيها
ضميرك قبضه حتى القبضه مو ماليها
قنايتك شمعدان صب جلَّ من بانيها

كفلك عالي مردوم جابلو قومـه و زرَّه
فخـذيـنكْ حَشـوة البِدَّنْ جناحن فرَّه
ساقك خرتو معدوم المثـل بالمره
ايديك فدعـه و أقدامك بضوَّن بـرَّه

شابك رشرشك ناعس على الإطلاقْ
و فيك فليـجه هردت كبـدة العشاقْ
راحة ايديك صحن سكسونيا في الإشراقْ
أصابعيك حكمه و أضافريكْ منضرة حلاقْ

الناس ظنـو يا ميمونه عاشق غيـركْ
عشان شافوني أبالغ في جَمال تَصويركْ
شاهـد عالم الأسرار بريـد تقديركْ
عشان قالوا الرجال نالوا الكرم بي سيركْ

اسمك سين و باتك بالجمـال مشهوده
و حاتك حاده في قلب العشوق مشدوده
النور و الكمـال في هاتك المعقوده
و ممـا قمت يا ست الشبـاب مريـوده

جل جلالو سبحـان ربـك السـواكْ
وضع أسرارو فيك و جعل الخُلوق تهواكْ
يا ميمونــه طالبـك بالكريـم مـولاكْ
تمنحي طـه عفـوك و توهبيـلو رضاكْ

صلاة الباري عد ما كر رعد في سماكْ
و عد ما شالت أغصان الندى الرباكْ
على سيـد الوجود البي الديانـه حياكْ
أكان لولاهـو لا شفتينـا لا شفنـاكْ

ميمــونة ( السبحة ) - طه عبيد الله البطحاني

أرض اللحاق

زينة الشباب

3ood - Koral F9'a2at Mo7ayda

Amin Aldebeish

Related tracks