amir

بحبك مش هقول تانى - وائل جسار

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

اعظم نادى فى الكون

اعظم نادى فى الكون
لو كل الدنيا ضدة
هفضل احبة بجنون
يوم نصرة ليا عيد
عمرى ما هكون بعيد
يوم ما ابطل اشجع
هكون ميت اكيد
أوووو أوووو أوووو
من صغرى بعشقة
عايش جوه قلبى
اسمك هرفعة
مش قادر اوصفة
حبى ليك يا اهلى
الموت هيوقفة

أعظم نادى فى الكون

قصيدة المكالمة للشاعر هشام الجخ

جديد : هشام الجخ - المكالمة

الدكتور عبد العزيز سلام حبيب الروح انا المجروح دوينى

وائل جسار- نخبى ليه من فيلم 365 يوم سعاده

لا تلمني في هواها
إنها من نور طه
الحسيبة والنسيبة 
تعشق الشمس ضحاها
الحسيبة والنسيبة 
جدها طه سقاها

لا تلمني في هواها - د عبد العزيز سّلام

سلّم علي طه حبيبي  - د. عبد العزيز سلام

من البوم لن نتوقف عن الغناء » التراس اهلاوي

أهلاوى أنا والفخر ليا أغنيه لـ  ألتراس ومشجعى النادى الأهلى

خاص بصفحه احباب مداح رسول الله الدكتور عبد العزيز سلام 
                                         
                                                 وهذه ربطه الصفحه
https://www.facebook.com/TabeebElrooh?fref=nf

الدكتور عبد العزيز سلام أهل الغرام على الغرام غيارى

طه طلعت البدر الدكتور عبد العزيز سلام

كحلى العين بأنوارك يا عين العين 
يا رسول الله خذ بيدى يا رسول يا رسول عليك صلوات الله 

كحلى العين بأنوارك الدكتور عبد العزيز سلام

إذا جاكم حبيبى سلمولى عليه 
أحباب طه إن زرتم طه أنا بعشق طه وصلوا عليه 
قوله حبيبك نفسه يجيلك حن عليه 

إذاجاكم حبيبى سلمولى عليه

النسخة الأصلية من أغنية تحيا جمهورية مصر العربية - حيوا العلم - حفل افتتاح قناة السويس.MP3

الالتراس الاهلاوى - اعظم نادى فى الكون

وائل جســـــــار - عمري ما نســـــــيتك

وأجمل منك لم تر قط عين وأطيب منك لم تلد النساء
خلقت مبرءاً من كل عيبِ كأنك قد خُلِقت كما تشاءُ

[chorus]
قمر قمر سيدنا النبى قمر وجميل وجميل سيدنا النبى وجميل

وكف المصطفى كالورد نادى وعطره يبقى﻿ اذا مست أيادى
وعم نوالها كل العبادي ، حبيب اللهَ يا خير البرى

[chorus]

ولا ظل له بل كان نورا ، تنال الشمس منه والبدور
ولم يكن الهدي لولا ظهوره ولم يكن الهدي لولي ظهوره
وكل الكون أنار بنور طه

[chorus]

[I don't own the song and copyrights reserved to Wellsbox]

wellsbox | قمرٌ - مصطفي عاطف


مرسال لحبيبتي

حَبِيبْتِي ..

شرطه مايله فراغ حبيبتي
وهكتب ليه حروف إسمك ؟

ما هو إنتي في قلبي .. ساكنه القلب عارفه بقصتي وحالي

ومين غيرك في قلبي أكتبله مرسالي

.. أما بعد

مانيش عارف ده جوابي الكام

ماعنتش بحسب الصفحات ماعنتيش بحسب الأقلام

ماعنتش بحسب اللي ضاع من الأوهام .. كفايه إني بحبك بس

وقلبك لو بقلبي حس .. أو شاف حاله في بعادك

لصلي ربه وإستغفر لذنبه وصام

وياما في نفسي .. ياما ياما ياما ياما يامـــــــا

في نفسي .. تيجي لقلبي وتحني

ولازم تعرفي إني لا أنا عفريت ولا جني

بحبك بس إيدي أقصر كتير مني .. فمش هقدر أجيبلك من الدهب كفه

وأجيبلك من الياقوت كفة .. ومش هقدر أجيب الوالي في الزفة

ومش هقدر أجيبلك بيت يموت القطر لو لف في حماه لفه

كفايه إني بحبك مووووووت .. وحب الناس ندامه وعار وحبي عكسهم عفة

و لو ترضي ف عندي شروط?

أنا طبعاً بحبك موت .. ولكن بردو ليا شروط

أنا عايزك تكوني في الوريد دمه .. وتبقي في عقلي أنا همه

و تبقي ورد جوا القلب غيري يشوفوا يتحسر ولا يشمه

وعايز رمشك الجارح .. سراط يجرح فؤاد غيري مايرحمشي وأنا أجيلك

أعدي فوق سراط رمشك ولا أخافشي .. وحتي لو وقعت في يوم من الخضة

أقع في عنيكي و أتوضي .. وأصلي ركعتين لله

وأبوس نن العنين  وأمشي لأ أنا طماع ولا في طبعي الأنانية

جناين قلبي راح تفضل .. ولو طال البعاد فاتحه

بحبِـــــــــــك قولتها بالكسرة .. نفسي أسمعها بقي بالفتحة

مرسال لحبيبتي - علي الهلباوي & مسار اجباري

كلمات والحان وغناء : محمد ابو العينين
الناس مبترحمش وكأن اللى حصل ما حصل
وكأن الثورة دى ماتش واللى هيكسب يبقى بطل

ولا فاكرين اللى ماتوا وهما بيحلموا بالتغيير
ولا طايقين اللى عاشوا يكملوا مشوار التحرير

الناس مبترحمش .... ابو الشباب

رسالة قوية من الشاعر هشام الجخ للإخوان ومرسي من مكتبة الاسكندرية 8 مايو 2013

amir

Amir Sameh