
كسرة قلبية للروح


المراية لسّه فيها حاجة منّي
المراية كلها إنتَ 
الفضفضة و البوح بَراح
و البُعد بيولّد جِراح 
أنا وإنت 
وشوكولاتة مع موكا 
وقهوة فـ الأساس مُرّة
عشان سادة 
أنا و إنتَ
صُحاب.) فصلة)

أنا وإنتَ  أب وبنته 
يسيبها لأجل تستقوى
(فصلة)

أنا وإنتَ 
ريحة فُراق (نقطة)
أنا وإنتَ
وصوت فيروز
وفرحي اللي
صارعجوز
و من خيبته
ومن عجزه
بيتعكِّز على حكاية 
على مُحادثة 
على اليوم اللي
عملت فيه حادثة 
على قلقي 
على خوفي
على جِنانك
على كسوفي 
على طيبتك
على فانوسي
على غلاستِك
على وَجَعي
وكسر الروح وترميمها
فـِ محاولة م الأساس فاشلة
فوقعت منّي ميت حتّة
وياريتها!

 بيدج ديوان/ بنت مالهاش في السياسة
أميرة يحيي

https://www.facebook.com/bentmalhashfeelsaysa

كسرة قلبية للروح

Am I crazy or is getting too weird outside

Amira Yahia

Popular tracks