مع الشهداء _ نغم صالح

تقول له فاكر .. يرد فاكرة 
ورق التذاكر 
ورق المذاكرة 
كل الأغانى .. يعيدوها تانى 
و هو فاكر .. و هى فاكرة 

أول قصيدة فى جواب مكرمش 
و كوبرى بنها و سميط مقرمش
يـحمّر وش الصبية فجأة 
هو يسبّل .. هى تبربش
تقول له فاكر .. يرد فاكرة

برج الجزيرة و الناس طشاش 
باينين كما نمل و فراش 
الدنيا خليّت .. مافضلش غيرهم
قالت تبوسه .. قام قلبه باش 
تقول له فاكر .. يرد فاكرة

و العود يرن الحنين فى قلبه 
لمّا يحس ان هى جنبه 
ع الفجر يدعه فى كل ليلة 
يا رب كل البشر يحبّوا
تقول له فاكر .. يرد فاكرة 

على شط جمصة ضاع منِّى صندل 
على شط بحر المتاهة ضعت 
و طعم بوسة فى قلبى حنضل 
و رغم كل الوجع رجعت 
عشان اغنى ... 
أنا قلبى خردة مالهش قيمة 
ياللى تحبى الحاجات قديمة 
هدوم قديمة 
يُفَط قديمة 
جبنة قديمة 
حواديت قديمة 
تقريها فى جرايد قديمة 
تلاقيها جوّه بيوت قديمة 
خدى قلبى حتة أنتيكة نادرة 
و قولى له فاكر



حاسب علي كل ضحكة 
احسن ممكن تضيع 
الحب مهوش كمانجة 
ومعاده مش ربيع 
خدني الشوق للطفولة 
ولصوت عبد الحليم 
وسطوح بيتنا القديم 
ياما لعبنا اولي
وكنا اطفال وجيرة
في طريق المدرسة 
كل الماضي اتنسي 
وانا فكيت الضفيرة 
والكل بقاله سكة 
ماشي في طريق سريع 
حاسب علي كل ضحة 
احسن ممكن تضيع 
فاكر وانت في غربة 
علي الشط هناك فرشتنا 
فاكر بليل ماشيتنا 
من روكسي لحد الكوربة 
الشارع يختلف 
عن يوم ما كنت جمبي 
عن اول مرة قلبي
بحبك يعترف 
يا جنينة وفيها دكة 
فين الشاب الوديع 
حاسب علي كل ضحكة
احسن ممكن تضيع 
ياليل يا براح يا شارع 
يا كل مكان جمعنا 
كان ضيق وساعنا 
قولولي انه راجع
بتمني اي بهجة 
تهدي الجو الفظيع 
حاسب علي كل ضحكة 
احسن ممكن تضيع

كلمات ..  احمد الحداد
غناء سلمي صباحي 

حواديت قديمة

كلمات : دعاء عبد الوهاب 
ألحان : إيهاب عبد الواحد 

يا مصر عايزة الحق ؟؟  إنتى اللى غلطانه ..
عُمرِك ما قُولتيلنا ...
عِشقِك يكون ازاى ؟ كل اللى حبـِّك يوم ..
داق ذل و مهانه ..
ولا يوم قدِر يكرَه ..
ولا يوم صَبَح نسّاى ...
كل اللى يتكلم ..
يدفع تمن صوتُه ..
كل اللى يتقدم ..
آخر الطريق .. موتُه ..
دلوقتى زعلانة م اللى بيحصل ليه ؟؟؟ لما القيود فكِّت ..
احترنا نعمل ايه ؟؟ نصرخ بعلو الصوت ..
و اللا السكوت أولَى ؟؟ الدولة فيها فساد ..
واللا الفساد دولة ؟؟ احترنا مين كداب ..
و مين معاه الحق ...
كل اما نفتح باب ..
نِلقى السواد ف الشَق ..
و الخونة و الطامعين ..
أخدوا المناب بالسهل ..
و اللوم علينا يا مصر ..
علشان عشقنا بجهل ..
احترنا نعمل إيه ...
و احنا اللى عاشقينك ..
نصرخ عشانك لأ ..
يقولولنا جارحينك ...
و إن قلنا يوم أيوه ..
يقولولنا عشقِك .... لأ !!!!!


فريق بساطة - يامصر عايزة الحق

الثلاثي جبران ,, في ظل الكلام

أنتظرها - الثلاثي جبران ,, في ظل الكلام

يا حبيب - بلاك تيما

يحكي أن - بساطة

يقول المُحب - درويش و الثلاثي جبران

كيس الشيبسي - سلالم

Mama yeh - بلاك تيما

محمد ناصر ـ وجيه عزيز ـ إيمان يونس

 عندي نفس الإحساس عندك
إيدي دايما بتسابق ودك
تسأل نفسي اسمع ردك
واتكلم تنطقني ف قلبك
اوعي تفكرني بصدك
عندي نفس الإحساس عندك
***
 عاشق للكون في هواكي
وراسم أحلام وياكي
وأسأل عن قلبي معاكي
وأسكت لما اسمع ردك
 اوعى تفكرني بصدك
عندي نفس الإحساس عندك
***
 جايز بتاخدني حبيبة
وأشعر وكأني ف غيبة
وارجع من تاني لقلبك
ألقاني بعيد عن قلبك
***
 قادر أنا أعمل زيك
واستغنى عن جنة ضيك
وإن جاني الشوق من حيك
هتدور واتجاهل ودك
- اوعى تفكرني بصدك
عندي نفس الإحساس عندك

نفس الأحساس - وجيه عزيز ـ إيمان يونس

دعاء الكروان - دار الفلك
نغم مصري 

دار الفلك - نغم مصري

المغني - ريم بنا

صندوق نحاس - بساطه

قل أعوذُ .. مد بوذه .. الجبان إبن الجبان

كل غدانا ... قام لقانا شعب طيب ...
كل عشانا !!

غريبه البلد دى ... بتلبس مبهدل 
و اوصافها تهبل ... ولاد الذوات

غريبه و مريبه ... مفيش فيها عيبه
بعيده و قريبه ... لخيال المآت

ابو السقا مات ... و ابو الحق مات
و ابونا اللى عايش ... يموت فى السكات

ابو السقا سقا ... يعيشها بـ دقه
و قال مرة لأ ... لاقوه فجأة مات

قُل أعوذ /غريبة البلد دى - فريق نغم مصري

من ديوان المانيفستو 

أنا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
وانا قلبى لسه 
عمره ما اتكشف على حد
بقابل قد ما بقابل
وأفارق قد ما بفارق
وما اتعلمش
بلخبط فى الأسامى عشان
بخاف انسي
بلخبط فى الحياة علشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف أى رحيل
ما كملتش ف أى قعاد
وبدى للحياة بالكاد
ما يكفيها. 
ويكفينى
شرور البهدلة فيها
مليش ف البنت طلبات غير
تنسينى اللى قبليها
وبدخل ف الحاجات تخاطيف
وعينى ع اللى بعديها
رقصت كتير على السلم
بخاف اطلع
واخاف م الأرض
- أكيد الخوف مش الفكرة
وحتى يا ستى يعنى بفرض
أكيد الخوف مهواش عيب
طبيعى الناس تخاف م الغيب
وم المقدور
برغم كده
بحب الضلمة أكتر ما. بحب النور
ساعات بتمنى شقة 
ف برج شايفة النيل
وأوقات إنى اعيش مستور
وبزهد. كل ما ف الرحلة من زخرف
وما ازهدهاش
ما دام فيها رمق يتعاش
أكيد ف الرحلة يوم متحاش
ومستنى أعدى عليه
- وتعرف عنه أصلا إيه؟
مفيش غير إنه لسه مجاش
بنام؟
طبعا. كتير جدا
وبالأيام
وطول الوقت بحلم إن انا بجرى
وبشبع م الحاجات بدرى
ورغم ده لسه ما شبعتش
من الجرى ومن الأحلام
بخاف م الموت
عشان خايف ساعتها أكون
عبيط. كل اللى سبته. كلام
بشوف أفلام
عن الدنيا
وعن حكايات
لناس عاشت حاجات تانية
وعن حكايات لناس ماعاشوش
وبتأثر
وبتحسر
على كل اللى كان ممكن
أكونه
بس ما بقيتهوش
ما سبتش شئ مجربتوش
ولا جربته وما سبتوش
بحب العود
واحب الناى
واموت واعرف حقيقى ازاى
حاجات من دى
ساعات بتدب فيها الروح
من اللمس ومن الأنفاس
فتبقى حية أكتر. م البشر والناس

مصطفي أبراهيم

تفرانيل 100

موسيقى اضحك الصورة تطلع حلوة

بنبوناية و كل الناس محتارة فيها ،

بنبوناية أوعى غلط تحكم عليها 

بنبوناية واضحة مفيش حاجة تداريها ،

بنبوناية إياك يوم تتسلى بيها ، 

صواااابعك مش زي بعضيها 


بنت مهياش زي اللي ف بالك و عنيك عرفوها ،

بنت بلد زي ما كل الناس فعلا وصفوها ،

في كتير فاكرين إنها سهلة و حاولو يضايقوها ...

و كتير فهموا اللي ف قلبها من نظرة و حبوها ،
وقربوها
وصدقوها
من البداية

بنبوناية و كل الناس محتارة فيها ،

بنبوناية أوعى غلط تحكم عليها 

بنبوناية واضحة مفيش حاجة تداريها ،

بنبوناية إياك يوم تتسلى بيها ، 

صواااابعك مش زي بعضيها 


البنبوناية دي ممكن تطلع بنت ذوات

ممكن محامية و دكتورة و فنانة ساعات .

لكن الصورة اللي ف بالنا دي عنها أكيد حكايات ،

دي البنت اللي مفيش زيها أبدا ف الأزمات !

مهما قلنا
ومهما عدنا
فى الحكاية

بنبوناية و كل الناس محتارة فيها ،

بنبوناية أوعى غلط تحكم عليها 

بنبوناية واضحة مفيش حاجة تداريها ،

بنبوناية إياك يوم تتسلى بيها ، 

صواااابعك مش زي بعضيها

بنبونايه - بساطه

موسيقى فيلم المصير 
بطولة نور الشريف 
اخراج يوسف شاهين

موسيقى الفيلم من الحان كمال الطويل و يحيى الموجى



ابن رشد

صوتك معايا وعطرك بيسري في دمايا
يا أخت روحي يا ضي هوايا وسمايا
يا صوت بيفرش طريقي حنان ونور وزهور
عديني سور وحدتي وتوهاني وعمايا

كلمات: سيد حجاب
ألحان: عمار الشريعى


Amir Salah

Popular tracks