 منم محوِ خیال او نمی دانم کُجا رفتم میں اس کے خیال میں گم ہوں نہیں جانتا کدھر جارہا ہوں شُدم غرقِ وصال او نمی دانم کُجا رفتم اس کے وصال میں غرق ہوں گیا ہوں نہیں جانتا کدھر جارہا ہوں غلامِ روئے او بودم اسیر روئے او بودم میں اس کے چہرے کا غلام ہو گیا ہوں میں اس کے مکھڑے کا قیدی ہوگیا ہوں

Manam Mahway Khiyal-I-Oo ( I Am Absorbed in My Thoughts of You)

Urdu Poetry of Mirza Ghalib

Urdu Ghazal (Elegy): Dard Se Mere Hai Tujh Ko BeQarari Haye Haye

A historic elegy penned by Mirza Ghalib for a beloved

Poetry Recitation: Raheel Farooq

درد سے میرے ہے تجھ کو بےقراری ہائے ہائے

غالبؔ کے قلم سے ایک محبوبہ کی یاد میں نکلا ہوا یادگار مرثیہ

اردو غزل (مرثیہ): درد سے میرے ہے تجھ کو بیقراری ہاے ہاے

آواز و پیشکش: راحیلؔ فاروق

مکمل غزل:

درد سے میرے ہے تجھ کو بیقراری ہاے ہاے 
کیا ہوئی ظالم تری غفلت شعاری ہاے ہاے 

تیرے دل میں گر نہ تھا آشوب غم کا حوصلہ 
تو نے پھر کیوں کی تھی میری غم گساری ہاے ہاے 

کیوں مری غم خوارگی کا تجھ کو آیا تھا خیال 
دشمنی اپنی تھی میری دوست داری ہاے ہاے 

عمر بھر کا تو نے پیمان وفا باندھا تو کیا 
عمر کو بھی تو نہیں ہے پائیداری ہاے ہاے 

زہر لگتی ہے مجھے آب و ہوائے زندگی 
یعنی تجھ سے تھی اسے نا سازگاری ہاے ہاے 

گل فشانی ہائے ناز جلوہ کو کیا ہو گیا 
خاک پر ہوتی ہے تیری لالہ کاری ہاے ہاے 

شرم رسوائی سے جا چھپنا نقاب خاک میں 
ختم ہے الفت کی تجھ پر پردہ داری ہاے ہاے 

خاک میں ناموس پیمان محبت مل گئی 
اٹھ گئی دنیا سے راہ و رسم یاری ہاے ہاے 

ہاتھ ہی تیغ آزما کا کام سے جاتا رہا 
دل پہ اک لگنے نہ پایا زخم کاری ہاے ہاے 

کس طرح کاٹے کوئی شب ہائے تار برشکال 
ہے نظر خو کردۂ اختر شماری ہاے ہاے 

گوش مہجور پیام و چشم محروم جمال 
ایک دل تس پر یہ نا امید واری ہاے ہاے 

عشق نے پکڑا نہ تھا غالبؔ ابھی وحشت کا رنگ 
رہ گیا تھا دل میں جو کچھ ذوق خواری ہاے ہاے

Manam Mahway Khiyal-I-Oo ( I Am Absorbed in My Thoughts of You)

Ammadi

Related tracks