مواويل

https://www.facebook.com/Cpt.OKA
مهرجان الدنيا شمال غناء محمود العمده
توزيع : محمد تقى ( كابتن اوكا) جديد 2014

مهرجان الدنيا شمال غناء محمود العمده توزيع : محمد تقى ( كابتن اوكا) جديد 2014

مهرجان عشنا و شفنا

محمود العمده ابويا مات و انا صغير

محمود العمده |  احمد السويسي | كنت عايش طيب توزيع اياد العمده

مهرجان خربانين -تيم-مطبعه-غناء محمود العمده-و احمد السويسى

Mahrgan Ya Bladna Leeh - Team MaTb3aa 2016
يا بلدنا ليه
غناء : احمد السويسى و محمود العمدة 
كلمات : محمد خليفة 
توزيع : مصطفى ماندو 
مزيكا : اسلام اوزو
---------------------------------------
"كــلـمـات" 
يا بلدنا ليه ملكيش أمان 
عايزة الجبان ليه واللي كان
عمال يخون
غيرتي كل الطيبين 
والغلبانين حتى الأمين 
مبقاش يصون
ومخلتيش فـ الناس ضمير
بتخوفيهم يعملو خير
اللي بيعملو خير بيموتو
واللي بيخافو بقو كتير 

يابلدنا ليه كرهانة ليه
عملنا إيه متفهمينا
متعزبين فيكي مذلولين
فاكرانا مين وللا نسيتينا
ليه دوستي ع الطيبين
وبتيجي ع الشقيانين
ليه اللي بيظلموكي
اكتر ناس مرتاحين
سايبانا ليه فـ العزاب
وبتقفلي أي بــــاب
شاغلين دماغنا بيكي
ونسينا يوم الحساب

والغلبان اللي ماشي فـ حاله
بردو فـ حاله مابتسيبيهوش
ازاي ابنك عليكي بيهون 
واللي يخون ماتحاسبيهوش
واللي بيخاف عليكي
إنتي مش حاسسة بيه
واللي بيهد فيكـــي 
عليكي بتقويه

حبيتي ليه ناس كارهينك 
وقتلتي ناس كانو عايزينك
واللي انتي بتدوسي عليهم
على كتفهم كانو شايلينك
عمالة تتغابي علينا
منهمكيش وبترمينا
ازاي نكون احنا ولادك
حاسين بغربة ف اراضينا

الغريب يجي ضيف عليكي بتكرميه
واللي اتولد فيكي وبناكي مش بتراعيه
يا بلدنا ليه مش واخدة بالك
ليه بتشوفينا قليلين
احنا اللي محدش غيرنا شالك 
احنا اكتر من الخاينين
يا بلدنا ليه بتفترى
فين رحمتك فين احسانك
بيعنا و احنا بنشترى 
خاطرك و ساكتين علشانك

بنخاف عليكي وعيشنا ليكي 
نتحاما فيكي بتبعدينا
صاينين مكانك نموت عشانك 
ومن أمانك بتحرمينا
حنّي علينا يا أمنا
قاعدين مستنيين خيرك
و اللى انتى واخداه مننا 
رايح على غيرنا و غيرك

حبينا وحاولي تفهمينا
وحافظي على اللي باقي فينا
فينا حاجات حلوة وانتي عارفة 
وساعة الجد بتلاقينا
احنا اللي ملكيش حد غيرنا 
مستحملين ومجاش اخرنا
مبتقدريش تيجي على نفسك
وجينا على نفسنا وقدرنا

احنا اللي بنحبك عاشقينك 
يا ارضنا وبيتنا الكبير
ساكتين راضيين مستحملينك
مع اننا بنخسر كتير
وكتير مشينا وموصلناش 
وكتير زرعنا ومحصدناش
صابرين عليكي وبنقدر
مع إننا متقدرناش
لاكن هنفضل فيكي عايشين
مالناش غيرك ومش عايزين
مش عايزين غيرك يا بلدنا
مش هنهاجر مش ماشين

يا بلدنا ليه غناء : احمد السويسى و محمود العمدة  Team MaTb3aa 2016

مهرجان المادة شادة - نجم نص ربع - مروان المشاكس اجدد مهرجانات 2016

مهرجان النص ربع ريمكس مروان المشاكس

مهرجان العين بالعين

مواويل

amr El gen