 كل يوم بيمر من عمري بخسر من عمري وقت 
كل يوم يتظهر شعرة بيضة وسط شعر إسود
--
كل يوم بكلم نفسي و أسأل لو خسرت حد 
أو خسرت حاجة كانت هتغير حياتي بجد 
==
خايف أدخل جامعة و أدرس حاجة مش بحبها
خايف الشباب يضيع و أكسرلي أربعين سنة 
--
خايف أفضل عاطل مكتئب و مش لاقي الشفا
خايف جداً من اليوم اللي الاقي فيه العمر إنتهى 
==
خايف أفضل ماسك مايكي لحد ما ملك الموت يقبضني 
خايف أموت و أنا لسه بغني لحد ما ربي يفتكري 
--
فيه خوف من شدة علمي .. خايف من عدم معرفتي 
خايف من حالتي النفسية كل شوية بتشوشني 
==
عندي خوف من جهلي بحرمة غنوة كنت بنصح فيها 
الناس دي حرمتها و ناس قدامها أباحت بيها 
--
خايف أسبق الزمن بحلمي بشيء مش ممكن يحصل 
خايف أفضل باصص للماضي و أنسى الحاضر و أهمل 
==




خايف من حاجات كتير جوايا عاملة مشكلة 
خايف تطلع صورتي قدام الناس غير مشرفة 
--
أي نعم ، بفخر بنفسي بس الخوف جوايا فطري
و اعترافي ليكم بالكلام ده هو أول دوا 
==
خايف أفضل أتكلم قدام المايك من غير ما أتسمع 
رغم خوفي إن الحاجات اللي بقدمها تكون بدع 
--
خايف أكتب ميت بيت شعر بس المعنى فبطن الشاعر 
نفسي أكون أعلى من الناس مع إني بخاف المرتفع 
==
خايف حتى من الخوف نفسه لما بيتملك كياني 
خايف الخوف يتفسر كنوع من الضعف جوه عيني 
--
حتى الضعف بيخوفني لما ييجي  و يتملكني 
 لما الناس بتيجي تشوفني بضعفي قبل أما تواسيني
==
خوفي من فشل علاقة خلى علاقتي بالناس صفر 
خوفي من فشلها خلاني أبدأ كل علاقة بشر
--
لما تحب شري أهلاً .. لو هتطفش يبقى أحسن
لو هتدخل باب حياتي أهلاً بيك لو كنت مصر
==
خوفي من الفشل خلاني أعمل ميت حساب للخطوة 
كل خطوة سابقة خطوة لازم تبقى من غير غلطة 
--
خوفي منكم تقتلولي الشخص اللي إسمه (( A_U_T )) 
خايف بعد حمايته ليه مقدرش إني يومها أحميه 
==
خايف من حاجات كتير جوايا عاملة مشكلة 
خايف تطلع صورتي قدام الناس غير مشرفة 
--
أي نعم ، بفخر بنفسي بس الخوف جوايا فطري
و اعترافي ليكم بالكلام ده هو أول دوا 
==



5ayef - خايف

الناس أصناف كتيرة منهم جنبي منهم ضدي 
و منهم ناس عايزاني أنزل عن طريقي تعدي 
===
( V1)
عندي ناس بيسمعوني عشان كلامي مش تسجيلي 
و ناس عايزين تسجيلي مهما كان قرف كلامي 
--
و ناس عايزين القافية بس .. و ناس عايزين الوزن بس 
و ناس عايزني أبطل أمسك مايكي و أتخرس 
==
 كل مرة بمسك مايكي بيبقى فوق كتافي رسالة 
نفسي الراب يطلع لفوق و توصل ليكم كام نصيحة 
--
بس النهاية راية تتحسم بيها الحكايا 
و كل تراك بيتكتب طريقه للزوال وراية 
==
كون الراب رسالة أو هواية شيء يخصني 
مش كل شوية ألاقي واحد هادم حاجة بتتبني 
--
الكلام ده متوجه لكل منتقد ممل 
الراب ملهوش دعوة بصوتي كان جميل أو في خلل 
==
الراب فن شعر فنظري و الزيادة  هي اللحن 
بلبس الهيدفون و أفضل أسمع بيتات تفضي الشحن
--
منها بعرف الطريقة اللي أبدأ كلامي بيها 
بكتب كلمة رايحة ناحية عقل يتكيف عليها 
==
( C1 ) X2
مش عاجبكم ، إيه المشكلة ! .. ما إنتوا أصلاً مش عاجبيني 
لا انتوا ولا إنتقادكم السلبي اللي عمرو فيوم ما فادني 
--
أنا نفسي إني أتقدم خطوة .. بإني أعدل كل غلطة 
و إنتوا نقدكم بيرجع فيه بدل الخطوة 10 
==
( V2 ) 
معلش صوتك مش عاجبني .. قافيتك مش عاجبة ودني 
موضوعاتك تافهة .. اكتب عن حب يفرح قلبي 
--
اكتب شتيمة جامدة فاجرة تحرق بيها كل الناس 
ادخل  مرة بطولة راب و اكسب لو حتى مرة كاس 
==
لو سمحت غير إسمك علشان المضمون فيه طفولي
و ناس بيقولوا عني عيل مستحقش آخد دوري
--
أنا مش عايز أبقى منكم أو تكوني بين جمهوري 
سبتوا معنى شايله في الأغاني و تفهتولي سطوري 
==
بعد ما أتعب و أما أزرع باجي أحصد ما بحصدش 
لا أنا ولا إنتوا بنتغير هفضل أعادي فيكوا وش 
--
أنا شايف نفسي أعلى منكوا يا اللي مش هتوصلولي 
فبتختاروا السكة السهلة بإنكم تنزلوني 
==
استسلمتوا من محاولة جري نحو الإستسلام ! 
دايماً واقفين شايفين ظهري أصل أنا اللي بتقدم قدام 
--
و إنتوا خليكم مكانكم .. شدوا تافه غيري بينكم 
العبوله فعقله خلوا عقله يبقى زي عقولكم 
==
( C2 ) 
مش عاجبكم ، إيه المشكلة ! .. ما إنتوا أصلاً مش عاجبيني 
لا انتوا ولا إنتقادكم السلبي اللي عمرو فيوم ما فادني (X2 ) 
--
أنا نفسي إني أتقدم خطوة .. بإني أعدل كل غلطة 
و إنتوا نقدكم بيرجع فيه بدل الخطوة 10 
==
أنا جمهوري أحسن من كده .. اللي بيني و بينه ثقة 
لو يوم وجه نقد ليه فانتقاده يرفع مننا  


Ehh El - Moshkela - إيه المشكلة

شخص واحد

ينصح يقراءة الآتي قبل سماعها  : 

-  قصة الملك أبرهة ومحاولة هدمه للكعبة 
- قصة العالم جاليليو صاحب نظرية كروية الأرض 
- قصة نهر الجنون 
- قصة غزوة بدر بين المسلمين و كفار قريش 
==================
الكلمات :

يلا بينا نركب الناس مش هتركب السفينة 
خلينا نبعد إحنا بس الناجيين من المدينة 
(X2)

قولت الفكرة .. من إمتى النصح بينفع كافر
غلطي إني لسه فيه أمل فيكوا وبعافر 
--
كوكب كبير حقير ناسه بتغلط تفضل تكابر 
أنا مش منكم مع أول تذكرة لزحل هسافر 
==
اخترت البعد بعد ما خدت منكم ألف كف 
اخترت البعد بعد العشرة صدمة للأسف 
--
لو إني كنت مش أنا .. كنت هبعد عن أبرهة 
بس للأسف أنا أنا .. فلازم أدخل المعركة 
==
بهجم مع إني عارف إني كان لازم أدافع 
بس مع نفاذ قذايفي فين الفايدة من المدافع 
-- 
لو كنت سبت ليكم بئر بدر من البداية 
كنتوا هتسبوه و من دمي تشربوا و ترووا الضحايا 
==
جاليليو كاد ينتهي .. على إيدين كام راهب غبي 
مع أول محاكمة سجن إضطر إنه يختفي 
--
بعد مدة فاق الغبي .. قال آسف خطأ مذهبي 
كان إحنا اللي كنا الصح و إنتوا الراهب المفتري 
==
==
جايز .. حابب موضة .. عشان الموضة .. شبه روتين 
حابس .. نفسك في الأوضة .. مش عايز فوضى .. ولا تسمع ناس تانيين 
( X2) 
==
==
أنا اللي قولت الفكرة .. و إنتوا اللي قتلتوا الفكرة 
الفرق بيني و بينكم زي البحر قدام اليابسة 
--
 أنا اللي بهدي 100 سفينة للطريق زي المنارة 
و إنتوا بيغرق فيكم كل سبب لتكوين الحضارة 
==
أنا اللي بنصحكم رغم إني عارف إنكوا هتعارضوا 
بس لسه فيا شيء بيقولي إستنى فيوم هيوافقوا ! 
--
أنا اللي إخترت الراب .. فروحتوا مسكتوا 100 كتاب 
بس نسيتوا شيء .. مش أي كتاب يصنع منكم كتاب 
==
أنا اللي جننتوني .. قولتوا عني كل زور 
رغم إني كنت الشخص اللي فعيوني شفتوا النور 
--
 أنا اللي كنت و هفضل بالنسبة لكم شخص عالة 
ده لأني لما بتسألوني كان عندي الإجابة !! 
==
كنت ليكم كل حاجة خليتوني أتفه حاجة 
خليتوني فتدريباتكوا هدف تجيبوا فيه الإصابة 
-- 
بس رغم كل حاجة هفضل مؤمن بالتغيير 
سنة عشرين .. لو مر قرن هفضل بتمنالكوا الخير 
==
==
جايز .. حابب موضة .. عشان الموضة .. شبه روتين 
حابس .. نفسك في الأوضة .. مش عايز فوضى .. ولا تسمع ناس تانيين 
( X2)
==
==

خدتوا فنونكوا موضة مش علشان هي فنون أصلاً 
و طعنتوا ففني فن الراب علشان كان هو الأحسن 
--
طعنتوا الراب علشان بيعاتب بيوريكم أغلاطكم 
و إنتوا مش عاجبكم غير واحد يفضل فيكم يمدحكم 
==
فن الراب هو اللي باقي .. و إنتوا فنونكوا تحت الأرض 
مش من حقك تيجي و تقولي إن فنونك عليا فرض 
-- 
أنا مش واقف ضد الفن الهادف .. ولا عمري هقف ضده 
بس كون الفن موضة ميخليكش تزيد من قيمته 
==
هفضل أبني و أبني و إنت تهد فكل حاجة بنيتها 
(( لحد فيوم ما تغير فكرك .. تاخد الفن عشان (( المعنى 
--
(( المعنى )) هيفضل هو الباقي فينا مهما كان (( الفن ))  
(( الفن )) وسيلة للجنون برسالتك قولها و (( إتجنن ))
==
(( لما هتتجنن )) ممكن غيرك يفهم يخلق (( كون جنون )) 
 كونك مجنون )) ميخليش غيرك أعقل يعمل منك دون ))
-- 
إيش ضمنك إن المجنون مش شايف فيك واحد مجنون 
إيش عرفك إن العاقل عاقل فنظر جميع الكون 
==
==
جايز .. حابب موضة .. عشان الموضة .. شبه روتين 
حابس .. نفسك في الأوضة .. مش عايز فوضى .. ولا تسمع ناس تانيين 
( X2)
==
==
أنا المجنون .. لأني شفت الصح و قولتلكم عليه ! 
ما نبينا شاف الجنة و الناس قررت تؤذيه 
-- 
قالوا عنه إنت مش منا .. لا يبيت بأرض مكة 
فرجعلهم بقوم تاني و عرفهم الإسلام ده 
==
و أنا إقتداءً بيه هعمل زيه و أكمل مسيرتي 
و ههدم كل حيطة .. بتبنوها علشان تمنعني 
-- 
و لو سفهتوا مني .. أو حاولتوا تبعدوني
هرجع ليكوا بناس غيركم بتقدر الفكرة و تدعمني 
==
==
جايز .. حابب موضة .. عشان الموضة .. شبه روتين 
حابس .. نفسك في الأوضة .. مش عايز فوضى .. ولا تسمع ناس تانيين 
( X2)
==
==

قولت الفكرة

الكلمات :

كل الناس بتسأل إيه ما بعد مرحلة الحياة 
إيه شكل القبر و شكل الجنة و النار وقتها
--
هل بيأثر شكل الموتة فمعنى مفهوم كلمة موت  
ولا هي مجرد قبضة روح و جثة من غير صوت 
==
من قلب الجحيم جيتلكم .. كنت واحد زيكم 
كنت بغلط غلطة بغلطة لحد ما اختفيت عنكم 
--
طالع من أعماق جهنم غرضي إني أوصفلكم 
كل اللي بعد لحظة موتي افتكروا إني حذرتكم 
==
شفت في القبر العجب .. يومها منفعنيش ذهب 
لما جالي اتنين سود زرق يسألوني قولت أكذب  
--
و إني عارف ربي و ديني و اللي كان رسول ما بينا 
بس لساني وقعت منه حروف الكذب و اترعب 
==
صوتهم أقوى من صوت أقوى رعد بنسمعه فدنيتنا 
شكلهم مش شكل إنس أو حتى جن سمعنا عنها 
--
صوت نيبانهم لما بتخبط في حيطان المكان من طولها 
و شعرهم كثيف ماسكينه بيجروه و جايين عليه 
==



ثعبان ضخم البنية مسكني رفعني و إبتدأ يعصرني 
عظم جسمي بيخرج مني من الرعب قاعد ببكي دمي 
--
شفت ميت جنبي واقف جنبه واحد ماسك صخرة 
و كل شوية بيرميها و راسه بتتهشم كل مرة 
==
شفت ميت بيحاول يهرب من بحر دم بيغرق
كل ما واحد عند اليابسة يرمي فبقه حجرة يشرق
--
و بعد أما التعبان نزلني جالي الملك اللي يعذبني 
و خطاف حاد ممسوك من عنده و نهاية الخطاف فبقي 
==
كل شوية يشد شده و النتيجة يشوه وشي
و لما الخد الأول يخلص يمسكني من الخد التاني 
--
و لما فكرت أسأل ليه العذاب ده بالتحديد 
لقيته رد بنبرة غاضبة جداً فيها كان بيقولي
==
إنت كذبت قدام ربك قبل ما تكذب قدام غيرك 
في البداية ربك أمهل بعد الموت هيكون ده مصيرك 
--
إنت و كل واحد فكر يستخدم لسانه فشر 
دي العدالة و ده العقاب لما الجرم ينتشر
==



غمضت عيني صحيت لقيتني فأرض ظلمة تعمي 
مش شايف غير خيط بيوصل أرض تانية جنبي بأرضي 
--
كان الدور عليه أمشي .. شفت منظر النار تحتي 
غير النار اللي فدنيتنا .. لونها إسود قاعدة تغلي 
==
دست بأول خطوة على الخيط اللي هيوصلني 
حسيت رجلي بتتقطع و بنزف و الرعب بياكلني 
--
فجأة خطاف حاد على الصراط ظهر من وسط الظلمة 
فالأول سببلي خدش و خطاف تاني هو اللي مسكني 
==
إختل التوازن مني .. و إترميت فقلب جهنم 
كنت بسمع وقت وقوعي اللي بيصرخ و اللي بيتكلم 
--
شفت الناس أصناف كتيرة هناك و معظمهم نساء
مياه بتغلي هي المشرب و الشوك السام كان غذاء
==
لما لمست النار حسيت ببرودة المفروض أتحرق ! 
جسمي بيتجمد و بيتجمد كل ما أزيد غرق 
--
شفت غيري بيموتوا من الحرق جوا النار ولكن 
أنا بموت من برد عظامي كانت ألين من الورق 
==



شفت ناس أجسامهم أكبر منا عذابهم أشد منا 
و شفت أصحاب أخف عقوبة كان عقابهم حتة جمرة 
--
بس الجمرة من سخونتها كانت أمخاخهم بتغلي 
و شوية و تسقط أعضاءهم جمرة بس عذابها يخزي
==
شفت واحد كان فالدنيا صاحبي كان دايماً ينصحني 
كل الناس عارفة إنه شيخ جامع ديماً في الوقت يصليي 
--
سألته بإستغراب ازاي واحد زيك ما بينا 
المكان ده مش مكانك المفروض تكون في الجنة 
==
رد و راسه تحت بعد أما اتعذب بالمر 
كنت بنصحك بالخير لكن أفعالي كانت شر 
--
كنت بأمرك تصلي و أنا أصلاً مبتوضاش 
كنت بنهاك إنك تزني و قضيت عمري عالفراش 
==
ده سبب وجودي بينكم .. نفسي الوقت يرجع و اندم 
كنت هختار إني أعيش مع كامل إنعزالي عنكم 
--
كنت هبعد عن نساءكم كنت هبعد عن فتنكم 
كنت لما أبدأ صلاتي فهي لربي لا إليكم 
==



غمض عينك و إتخيل كلامي كله كلمة كلمة 
اتخيل واحد طالع فعلاً من جهنم و بيحكيلنا 
--
كل حاجة و كل كلمة كان بيقولها و إتقالتله 
مفزوع جداً و الحكاية مش عارف منين يبدأها 
==
أنا مش بغني أكتر ما أنا بنصحك باستخدام قلمي 
و ممكن أبقى زيك ظالم و مقصر فحق ربي 
--
أنا ممكن أبقى شخص عكس ما إنت متخيلني 
أنا صوت بيطلع من سماعة و موتي بيراقبني 
== (x2)


من قلب الجحيم

الكلمات : 

كل مرة بتكلم عن دولة فلسطين الحرة
ببقى شايل جوه مني حزن غضب نوع من الشفقة

بس مات كل اللي فات دلوقت عيد دلوقت فرحة
أرض الرجال بتنتفض و تعلن أكبر ثورة

==

الهيكل مش تحت الأقصى .. مر عمر كبير عالكذبة
اوعى تقبل أي صلح مع ناس مبتحفظش الكلمة

ثورة السلاح الأبيض هترجعكوا فوق للقمة
أرضك حرة و لازم ترجع حرة حتى لو بالعافية

==

الغضب مكبوت عندنا من أكتر من ستين سنة
حان وقت انتقامنا حان وقت استعادة ارضنا

آسف العرب دول علة .. مش هيساعدوا أرض العزة
مات صلاح الدين و مات معاه الشعوب المؤمنة

==

فلسطين ضد كل العالم واقفة شامخة فوشنا
فلسطين بتلم الكرامة اللي سنين وقعت مننا

أرض الرجال و العزم .. أرض الغاضبين للدم
أرض الجنة تحتها و من فوقها و النار عندنا

==
بلدي بيتهدم يتدمر .. لكن قادر انه يواصل
سقفه عالي و مهما تعلا مش هتبقى يوم ليه واصل

العرب سايبين الشر سايد بينا كل ظالم
لكن أرض القبلة الأولى مستمرة قادرة تقاوم
==

كبلوهم قيدوهم .. ثم ارموهم في السجون
غربوهم اطردوهم .. اجعلوعم يهربون

اطعنوهم و اطعنوهم .. ارهبوهم اعدموهم
اعزلوهم احرقوهم .. أعلموهم من نكون

==

نحن عندنا رجالنا صلبان كما الصخر
إن كان السلاح عندهم رصاص هنا النحر

قد كتمنا ما كتمنا .. من غضب انتهاك الأقصى
حان الآن دوركم فذوقوا منا بعض المر

==

تحسروا على من تفقدون مثل ما فقدنا
سنبقى ما حيينا نحمي أرض هذا الأقصى

اهربوا الى أقصى بقاع الأرض نحن أقسى
سنبقى شامخين حتى لو طرحنا موتى

==

كان نفسي أكون واقف فصف من صفوف جهادكم
لكن أعمل ايه فواقع منع أوصل حتى لحدودكم

مصري دمي لسه فيه العروبة حية مش ميتة
العروبة اسم و فعل حاجة ماشية في الأوردة
==

بلدي بيتهدم يتدمر .. لكن قادر انه يواصل
سقفه عالي و مهما تعلا مش هتبقى يوم ليه واصل

العرب سايبين الشر سايد بينا كل ظالم
لكن أرض القبلة الأولى مستمرة قادرة تقاوم

8diet El 3rab ( 2 ) - قضية العرب ( 2 )

* Dead man talking * 

إسمي .. حفرته بنفسي في المجال ده 
شقيت طريقي عرقي تعبي فكل كلمة خارجة 
--
عمري .. أربع سنين للهيب هوب خالدة 
صاحب التراك في الآخر أولى بكل كلمة قالها 

==

خليني أبدأ بنفسي فنفسي .. قبل أما أعيب فيكوا 
خليني أتكلم عني طلما أنا أصلاً مش ناسيكوا 
--
هتكلم عن اللي فقلبي عن مشاكلي ذنبي وزري 
الإعتراف بالحق فضل .. و فكمال زايف خليكوا 
==
قتلت القاتل .. فاتقابلت بالمشاكل 
المجتمع رافض اني أعيش قدامهم شخص عادل
--
العدالة ناقصة .. و دي الحقيقة الواضحة 
و كل ما أحاول أجيبها بنفسي هيحاربوني مهما أحاول 
==
الراب فن واقعي بيتكلم عن الواقع 
و كل واقع ليه وقائع و إحنا واقعنا مش رائع 
--
إحنا فكون فسيح و واسع زي النمل في الموائع 
رغم كل ده بنتكبر شايفين كل اللي غيرنا تابع 
==
الراب مش رسالة دايماً .. بس الرسالة منه 
فالراب مش كله شتيمة صرت بشمئز منكوا 
--
إخرسوا اتهدوا .. أنا مش بدس أشكالكوا 
بس لو الراب بالعضلات فالميت متعطش لدمائكوا 
==

إسمي .. حفرته بنفسي في المجال ده 
شقيت طريقي عرقي تعبي فكل كلمة خارجة 
--
عمري .. أربع سنين للهيب هوب خالدة 
صاحب التراك في الآخر أولى بكل كلمة قالها (x2 ) 
==

نرجع ل2012 و أنا بحرق في المايك و صوتي 
عد كام سماعة اتكسرت و أنا بهرب من واقع يومي 
--
و أنا بسجل كتمة جداً .. حر بيقلعني هدومي 
و أنا بتعلم هنا و هناك و بكسر للناس كل قيودي 
==
الميت وحش .. و ملهوش موتة تانية 
بس الأحياء أمثالكم موتهم بيقرب كل ثانية 
--
فنظري الدنيا الفانية باقية للعظماء اللي فشاكلتي 
هنا مملكة الميتين الأقوى أهلاً بيكوا فمملكتي 
==
قالوا عني تافه .. قالوا عني مش سوي 
وغم فكل تصنيف بيصنفنا كنت العبقري 
--
المفتري .. بيفتري كلام معندوش أي واقع 
قولي امتى كان الكذب للبشرية دايماً نافع 
==
زمان قولتلكم إيه المشكلة .. ما انتوا أصلاً مش عاجبيني 
لا انتوا ولا انتقادكم السلبي اللي عمره فيوم ما فادني 
--
اتحدوني و هتحداكم .. مش هفضل بكتم فغضبي 
ملك الميتين عن قوة و مش ناوي أتنازل عن عرشي

==

إسمي .. حفرته بنفسي في المجال ده 
شقيت طريقي عرقي تعبي فكل كلمة خارجة 
--
عمري .. أربع سنين للهيب هوب خالدة 
صاحب التراك في الآخر أولى بكل كلمة قالها(x2)

==

ملك الميتين -- (( إثبات مكانة ))

هندسة دي فخ .. ادخلها تتنفخ 
لازم تبقى آلة بتتحمل ضغوط تتحول مسخ 

الدحيحة فيها نسخ .. نظارة و تقويم سنان 
و اسأل الدكتور فأي شيء بعد المحاضرة إدمان 

== 

زهقنا من الشيتات و من اللوحات و من الملازم 
كل حاجة جاية عالمهندس تحت اسم لازم

تخلص دايماً قبل المدة .. أصلاً حتى لو خلصها 
هيلاقي ألف منها بالتتابع جاي هاجم 

== 

خدلك بصة فقسم عمارة و كم الضغط اللي مدمرهم 
حياتهم .. مقتصرة على كام لوحة بتسهرهم 

مسطرتهم أطول منهم .. متلاقيش عدد لأقلامهم 
و النوم هربان من أعينهم .. قسم عمارة مستعبدهم

== 

و مدني نسخة عنهم .. و الشيتات و عددها يحكم 
و التقارير و الامتحانات عمرها ما بتخلص .. شوكة فزورهم 

حياتهم نقل فنقل .. فحفظ و فكام سيكشن فايتهم  
  في النهاية عمر الدرجة ما تجيلهم خاضعة لرغبتهم  

==
==

هندسة دي فخ .. ادخلها تتنفخ
نقس الفكر و نفس العقليات و الطالب مستنسخ

مش مهم نوع القسم .. طلما في نتيجة واحدة 
هتفضل تحت ضغط و كرب لحد أما تخلصها 

==

شوف قسم كهربا .. كل الطلاب متعقدين 
هو و اتصالات بيخلوا كل الطلبة مكهربين 

مش عارفين يحلوا دايرة واحدة بس من تعقيدها 
أقسامهم .. هتصنع في النهاية مختلين 

== 



و ميكانيكا .. قسم الأبطال قسم المكافحين 
أصغر واحد فيهم تقريباً كسر سن التلاتين  

قسم لا للناجحين .. و امتحاناتهم دايماً ظلمة 
قولي الفايدة من وضع امتحان اسطوري ايه المغزى ؟! 

== 

عايزك تاخد كلامي تحت اسم نقد ساخر 
مش بهاجم حد بعينه لو كان طالب أو محاضر 

بس عايزك تاخد فكرة عامة عن حياة مهندس 
لانك .. هتتعب لو دخلت مش متأسس

هندسة دي فخ

الكلمات :

( V1 ) 

أهلاً .. أنا أغبى الكائنات 
المستخلف على الأرض و الملعون حتى الممات 

المنقاد زيي زي الآلات 
أنا الحقيقة اللي أنا مش قادر أوصل ليها بالذات 

==

مش بسيط و مش معقد .. أنا حتة أنسان 
كائن بشري عمره مش طويل بالنسبة للكون 

كائن مهيمن على الكوكب من غير قوة جثمان 
مش بتميز اني حتى كائن أوزن أطنان 

==

أذكى كائن في الكون .. و أغبى كائن في الطبيعة 
بتحرك نحو انقراضي .. بخطوة مختلة و سريعة 

الحيوانات بتستنى انقراض لجنسي المحتقر 
كان وباء أو كارثة تيجي تخلي العالم يستقر 

== 

أنا وجودي مصحوب باختفاء كل أسباب الحياة 
بصنع تلوث ناتج عن تطور عقلي و محتواه 

بصنع دمار فكل غابة و كل ارض لسه حية 
لو يوم القيامة مش هييجي أنا اللي هبداه

== 

( C x 2 ) 

أنا لغز عمره 650 ألف قرن 
أنا حاجة صعب إنك تعبر عنها بأي فن 

أنا شيء بسيط لكن معقد .. أنا الإنسان 
أنا ميت سؤال عن الحقيقة و لسه اجابته سين 

==

( V2 ) 

شوف الحقايق و الغرايب و الخبايا في الكون 
احنا بنتحول من عظام لأكتر جنس ملعون 

هكشف غبائي بالأدلة بإنا ضالين عن مسارنا 
و إن غلطة كانت كافية بإنا نخرج بره الجنة  

==

الأجناس فكل حتة .. بيمشوا ورا مسار الفطرة 
كل جنس للتكاثر و البقاء عمال بيسعى 

لكن احنا .. بنقتل بعض فكل فرصة سامحة
أكتر كائن عالطبيعة بيقتل جنسه و دي المفارقة

==

معترف بإني فلسد .. مذنب قدام الطبيعة 
 قدام كل الكائنات .. معروفة أو غريبة 

عندي فضول غير متزن لمعرفة كل الحقيقة 
فاستباحت كل شيء عشان الغاية بالوسيلة

==

انجازاتي مش محصورة .. الكهربا الآلات 
ذكاء صناعي الأغذية الملابس و المغذيات

واسأل .. عشان دول بس كام من الضحايا راح
من المفارقة اني أصنع أدوية قدامها السلاح

==   
( C x 2 )

أنا لغز عمره 650 ألف قرن 
أنا حاجة صعب إنك تعبر عنها بأي فن 

أنا شيء بسيط لكن معقد .. أنا الإنسان 
أنا ميت سؤال عن الحقيقة و لسه اجابته سين 

==

( إقتباس )

من المعروف أن زيادة المعرفة تصب في الصالح العام 

و لكن 

هل أصبحت الخسائر التي ينتجها البشر في مقابل الحصول على هذه المعرفة انتهاكاً صارخاً لهذا الكوكب العظيم   ؟

إن اليوم الذي ستغضب فيه الطبيعة قادم لا محالة .. و بعد أن يعود الإنسان إلى مكانته التي نسيها مع مرور السنين  .. سيتبع غضب الطبيعة غضب الخالق 

و عندها فقط .. سيعيش الإنسان في التجربة الوحيدة التي لا يمكن أن تتكرر .. سيجرب الإنسان موته


و سيكتشف الحقيقة التي لطلما بحث عنها .. ألا و هي طبيعة روحه التي كانت تحرك جسده 

سيرى شكلها و خفاياها و مصدرها الذي أتت منه

أنا الإنسان

facebook : https://www.facebook.com/profile.php?id=100008264348475

AsK : http://ask.fm/AmUrT



(( A_U_T ))

Popular tracks