كل الحاجات فى بلادى ليه مستهلكة
الحب ملعون م الملل و الموت شفانا م الصِّبا
صوت اللى رايح او مجاش بقي صوت ضمير
قلبك ضرير فيه المسارح و الضريح نفس الهبه
النار بتكوي ف اهلها و احنا بنضحك م بعيد و بنستجم
نأم بغنوة الايام احبة و نوصل فى المشاعر ك الرِبا
هل من مزيد .. من نسل حوا .. مر بهابيل و م غطهوش
يا حر طايل م الهاموش نص الصبي 
اطلب قليب بيموت و يحي ل صحبته 
اطلب مدد ميكونش طاله من التناحة و الغبا  
محجوب يا ضل عن الغلابة و التابوت 
الموت خلاص اصبح روتين هذي الرُبي 

#كل_الحاجات 
#عمرو_بن_فتحي  :] 

كل الحاجات


قد كنت غنوتهم ف كل الفرح
اصبحت ليل بايت بليد
ينسبلهم وحيه و ينسبولوا الفقر
داير يبيع البؤس على الاطفال
و يمحي خطايا القلم من صفحته
يمشي ف توب ابيض و يتهض ف السطر 
بياع على ناصية مجازه فراق
و ان غصت اكتر فيه تمله و تنتحر ف النص
غربة بتفرض نفسها شهوة و تتقفل بالامر
كدبة تصدقها فتصبح لازمة خوف
من كل شيء صادق و م السلام و الضي
و م العرب و الحرب و الجنة و طول الصبر
شاعر بينقل روحه جوا الورق فتعيش و يستهلك
كم حد مسه فمسه ما مسه و اتحولوا اذكار
بنت ف ايديها ولد ولد المشاعر عمر
زرعوا ف عيلهم توبة ذكرت كأول نص
كبروا العيال بروا ف الحفلة بيه دواوين 
شيخنا ع المنبر قدم كلامه سبيل لكل صادق مر
اول نصوص العام ف مقرر العربي يحمل هتافه زمان
غني الكمان لحنه فانشدوها كورال 
بين الكراسي اتنين دخلوا ببيت القصر
ف عنيه لمحت بريق خدعك بكونه سراب
حاول يصيغوا فتاه قابل ف وشه كتاب فاتعرفوا ع بعض
همس الكتاب ودنه امره بحفظ السر
ادي حكاية شاعر روحه بتتغلف و يبيعها عند رصيف
ل حد مسه كلامه قرر يسافر ليه
الشعر ايه غير نهر مر الجميع شطه
و ابن القصيدة ايه غير حد كان موسي عاش ام داق الجمر


‫#‏انت_نصُ‬‬ 
‫#‏عمرو‬‬


انت نص

بين الرصيف و الرصيف ...ولد
بيراهن الافكار ع حسبة امبارح 
بين رهبة القديس و سجدة الزاهد
بيعرّق الاسفلت شعره و يحتويه

و يمد بيه الخطوة علي بكرا 
فيصُب ذكرى من اثر خطويه
تطبع ف ليله فيجهل الاوقات 
كات هي اول وِرد يعرج بيه 

الشوق بعشرة و الحنين اضعاف 
و ان خوفت تلقي من الفراق المثل
اجبر كسور السكة بالانصاف 
و ارقي الطريق م اليأس ثم التيه 

يا ابن الحشا عكرت له النور
حتي التقينا ف وشنا الادوار 
اجبرت قلبي ينتصر للسور 
و رميت ف صدري البحر اسرح بيه


ذِكرْ

علي الكورنيش 
هشهْد ربنا و النيل
و جوز عصافير بيجروا علينا من الجنة 
ولا بتهون ولا هونتي ولا هُنّا 
و وسط الورد ضل الشوك بما كنا
قابلنا .. جمعنا..فرّقنا و حل الليل
قابلنا .. فَرَقَنا .. جمّعنا فعطش النيل
و لسا ربنا شاهد لاخر طلة من ضلي
يا روح في الروح بيتغني 
زمنا زمنا فزمنا...و بقلنا قمر و نجوم
زمنا زمنا الزمنا .. منتلاقي بعتاب او لوم

#ع #البندقية

البندقية

الرفع الهوائي لغبار القمر

نعم سرى طيف من اهوى - منصور زعيتر

عيل مداوي لم يعترف شعره
غني غناوى والقليب محبوس
مفطوم هوايا القلم و اتقل و يهواني
آني و أني و صحبتي المحروس 
عين ابن عبس و م الامير الميم
راء البوصيري واو ابن خالي عروس 
فتافيت ربابة سمتك يا عمرو
قرطاسك اللى جف نخرت بلاده السوس


عمرو بن فتحي

Popular tracks