حكاية سور

المعسكر
ممنوع تقرب أو تصور
أو تعارض أو تفكر
أو تقول كلمة لضميرك
أو تناقش ويا غيرك
أن خيرك
ويا غيرك
وان صوتك غصب عنك
مش بيطلع
وإن جوعك مش بيشبع
وإن لقيت ظلم ووساخة
صعب تمنع
أو تفكر
أصلك انت ف حكم عسكر
ممنوع تقرب أو تصور
لو سألت ف يوم دا ليه الدم سال
وإن حقك حالة مال
تبقى ارهابي ابن كلب
تتفشخ تعذيب وضرب
وان مدحت ف أي هري
أو تطبل أو تزمر
تبقى نجم
أصلك انت ف حكم عسكر
هوضح أكتر
حكم عسكر
يعني الكلاب تطلق كلاب
يعني الشباب بتثور وتتعب
لاجل حرية وكرامة
تلقى طلقة كلب تقتل
أو تخزقلك عنيك
وأما تسأل لية بيقتل
تتسأل طب ليه بتنزل
واما ترجع تاني تسأل
هو رأيي رده تقتل
تتسأل مين دا اللي يقتل
دول صحابك هما اللي شايلين السلاح
أنت مسمعتش ف دينك إن رأيك دا يكفر
أوعى تستغرب كلامهم
أصلك انت ف حكم عسكر
أنت دوله ف حكم عسكر
يعني مسجون ف المعسكر
لو عطشت اشرب معكر
ولا أكلك ..... كان معفن أو معفر
اطفحه واسكت وكبر
واما تسمع يوم خداعهم
اتبسط هلل وكبر
وان لقيت تدليس وجهل
اياك تقرب أو تصور
ما انت مسجون ف المعسكر
أصلك انت ف حكم عسكر

Amr Atef 54