سياسيه

هتفرج باذن الله ..يسقط حكم العسكر

دا طلع في نهار - هنا يسري HANA_ Fi 7eta Tanya _ COVER

الحصرى مرتل - سورة ال عمران


"ينقذ في سلاحف بحرية...
يقتل حيوانات بشرية"
- تلك قضية وتلك قضية 

كيف تكون ملاكا أبيض ؟
يبقى ضميرك نص ضمير
تنصف حركات الحرية
وتنسف حركات التحرير
وتوزع عطفك وحنانك
ع المقتول حسب الجنسية
وتلك قضية وتلك قضية

كيف تكون إنساناً راقي
ومطابق للإشتراطات
كل كلامك لابس واقي
وبتحضن كل الشجرات
بتقول ع البواب الحارس
وجنبك جيش بيهد مدارس 
واما بتقفش نفسك لابس
دم.. تقول الكل ضحية
 وتلك قضية وتلك قضية 

كيف أصدق هذا العالم
لما بيحكي عن الإنسان؟
شايف أم بتبكي ضناها
علشان مات في الغارة جعان 
ويساوي المقتول بالقاتل
بشرف ونزاهة وحيادية 
 وتلك قضية وتلك قضية

كيف أنامَ قريرَ العينِ
وأضع سدادة أذنين
والعيلة المدفونة ف بيتها
ممنوع حد يخش يغيتها
وكأن الارض اللي فوقيهم
مش تبع الكورة الأرضية 
وتلك قضية وتلك قضية 

كيف تعيش في سجنٍ واسع
زنازينه من نار ورماد
وتقوم من تحت الأنقاض
تتشعلق ف رقاب القاتل
تجمع اشلائك وتقاتل
وتوري الدنيا الكدابة
كيف يسير قانون الغابة
من اين طريق الحرية 
ومن أين تؤتى الدبابة
مش فارقة العالم يتكلم
موت حر وما تعيشٌ مسلّم
تلهم جيل ورا جيل يتعلم
كيف يعيش ويموت لقضية

بننادي على عالم مين
علشان يستنكر ويدين
دن كما شئت فأي إدانة
لما يجري جوا السلخانة
مش هتخف بارود الدانة
ولا قادرة ترجع له صباح
تلك قضية 
وهذا كفاح


#تلك_قضية

تلك قضية - مصطفى إبراهيم

الأذان بصوت الشيخ عبد الباسط عبد الصمد

سورة سبأ مشارى راشد العفاسى 1427هـ The Saba

ألبوم هطير من تاني
إنتاج ٢٠١٨

HATEER MIN TANY

Dari Ya Alby (Acoustic Version) حمزة نمرة - داري يا قلبي | نسخة جيتار

أذكار المساء - الأستاذ خالد بدوي

زي العيال - صباحية العيد الصغير
متبعترين زي الندى
ومعلقين الفرحة في البلالين
وميقصدوش رش الغنا في الجو 
ولا دبروش للضحكة
كل اللي واخدهم.. حنين للضي

زي العيال دي
 انا كنت عيل مبتدي بالنور
كاشف ضباب الزحمة.. والمرايات 
ومظبّط العالم على قدي 
ومبحبحه حبة
.. علشان يساعيهم

ريحة تراب الفرن مالية لي نخاشيشي 
فملكت حقي في لحظة التخليق 
ومابنكسرش.. لأني مش ممسوك 
ومابتمسكش.. لأني مش محدود
واسع يا حوش المدرسة.. يا وسط دارنا
مطلوقه مُهر الخُضرة قدامي 
ملها لجام.. غير النسيم.. والعين 

ماسك مدار الشمس بصباعي الصغير
لافف خيوط البدر ع التاني
طبّقتش ايدي؟.. لسه مفرودة
لسه الغنا عارف يناغشني
قادر ألمّ الليل في سيالتي
 وأقزقزه حبة ورا حبة

وولاد حارتنا مسهرين الليل
 ومفتحين جفني على الآخر
نقدرش نصبر ع القمر مخنوق
صوت الصفايح تاخر العتمة
وصراخنا جاب بنت النبي.. فاطمة 
لعبت معانا لحد ما شبعنا

وأمي ابتدت تتهجّى في عيوني
 إن البكا مش ضعف.. ده استغفار
وإن المسافة ما بيني وبينهم.. الدهشة
وإنّي ابتديت بالحلم م البيضة 
مابقولشي عارفه.. بس حاسة بشئ
يمكن متفهمهوشي دلوقتي

والشمس حامية.. بس مبتقتلش
والنخل عالي.. بس طوبة تجيب

محفظتش الخطبة.. عشان وحشة
درس الحساب بايخ.. علشان بيحسب حسبته بالظبط
والشيخ مخوّفني من الآخرة
ما بقيتش أروح الجامع إلا عشان: 
أقدر أشوف الغيط من المادنة
وأضحك على اللي بغلته سفّة

بنت أختي قارعة.. والمطر بيرخّ
والسقف يِنْقَع.. عفشنا يِكمَش
والبرد حاسس بينا.. ومقدّر
مش زي برد القاهرة الماسخ.. حسسني إنّي غريب

وقعدت أدور ع الونيس.. ولقيت
لكن أخدني البنك من نفسي
ما أقبلش أكِل.. وقلت: ح القاني
ولقيتني تايه في النيون
مركون لحد الناس ما تتوضى 
ويرتلوني في لحظة ويعدوا
ما بيلحقوش ولا حتتين سكر
ولا داقوا ملمس ضحقتين بُكَّر

قلبي اللي كان قلبي صبح خُردة
صعبة الملامح ع اللي ما بيشوفش
مقدرش أجِيلك كل يوم مهدود
 شايل جفون الخلق وذنوبهم..

يا لون حبيبتي اللي ملوهش مثيل
اوعي النيُون يبهَت عليك
كسر براويزك وطلعني
دور المسيح.. ما عادش ينفعني
رجعني عيل
 او منيش لاعب.. 


كلمات الفنان والمؤلف والمخرج المسرحي: صبري فواز
وموسيقى فيلم الكبار لخالد حماد.

صبري فواز - حنين للضي / Sabry Fawwaz - Hanin L Elday

سورة آل عمران كاملة 1999م - 1420هـ مشاري راشد العفاسي تنشر لأول مرة

صوت الأذان النسخة الأولى بصوت المؤذن علي ملا كبير مؤذني المسجد الحرام بمكة المكرمة حفظها الله 

هتفرج باذن الله ..يسقط حكم العسكر

Amr Taher 3

Recent comments

AhmedMorsy777

Related tracks