3mr beh




عادى عادى كله عادى راجع بيته متاخر 
عارف انه ابوه نايم بيحلم نايم بيشخر
بس اتفاجأ لما ابوه فتحله وقاله اتفضل 
قاله بطريقه غريبه تعالى ده الاكل اتحضر
قفل عليه كده بابه رفع عليه حزامه
 عمال فى جسمه يضرب والواد بيحاول يهرب
عمال يصرخ عمال يبكى حرام عليك كفايه سبنى 
والاب بيضرب,  مش كل مره هتسكتنى
امه قامت مفزوعه تجرى وهى موجوعه 
ماهى كل يوم لازم بتسمع منهم الموسوعه 
مش عاوز حاجه منك زهقت خلاص انا منك
 وعرفت بردو انك مش حابب انى ابقى ابنك 
خلاص خسرتك و هنسى سيرتك وابقى فى ذاكرتك
 تايه فى ارض فاضيه او غرقان فى بحر حيرتك
هلف ادور اطلع فالنور اشوف قصور
 بس متجيش تقولى انا ياما شيلتك 
ارجعلى يا ابنى استنى يا ابنى يا نبض قلبى
 حرام عليك كفايه ارحمنى يا ابن بطنى 
خلاص سبيه هيشمى ويرجع وايه اللى يمنع من
انه يلف  يمين وشمال يروح ويسمع 
استنى يا ابنى يا نبض قلبى
 حرام عليك كفايه ارحمنى يا ابن بطنى 
خلاص سبيه هيشمى ويرجع وايه اللى يمنع من.
.. انه يلف شمال ويمين ويروح ويسمع 

الدنيا تمطر والسما تبرق وهو حالف انه هيخرج وعنيه بتبرق 
بدمع قلبه بجرح عقله وجعله قلبه
غلط كتير خسر كتير كره ابوه وشله .
. زرعت فى الارض بذره , بذره فى ارض خصبه من جوه
قلب العزبه , الحمل حقيقى مطلعش كذبه 
وهتعمل ايه و الدنيا معادلة ونسبه 
ماهو اصله شاء مالك الملك
يبقى جنين وتبقى بذره 
ويوم ما ولدت , النبته طلعت , الاهل فرحت , ايام تمر ,  كبر الواد والنبته كبرت 
وتعدى سنين وايام 
بتربى وتروى كمان والشجره اللى كانت بذره قويت مع الزمان
 كبر بقى انسان قادر يقول كلام 
خلاص خلص علام بيشق طريقه وسط الزحام 
وتعدى ايام وتمر منها ينفع يضر
والحزن فى قلبى الحزن فى قلبى ما بيستر
 زرعت فى الارض بذره بذره فى ارض خصبه من جوه قلب
العزبه الحمل حقيقى مطلعش كذبه
 وهتعمل ايه والدنيا معدله ونسبه ماهو اصله شاء مالك الملك يبقى جنين وتبقى بذره


الام خرجت قدام بيتها فى حته قدام بيتها 
 جريت بتكلم شجره لما ولدت زرعتها
 جريت عليها سالتها منها نازل دمعتها
هى الدنيا دى قاسيه ولا احنا اللى مش فاهمنها 
من سنين وانا بروى فيكى وبربى ضى عنيا وانتى اللى طمر فيكى 
وابنى اللى جه عليا وتعدى سنين وتكتر والقسوه فى القلب تكتر والام من كتر البكاء صارت عاميه ومش بتقدر
قعد على سجاده ربه يستنجد ربه انه يحميه انه يهديه انه يغفرله وبعد ما صلى وقام دخل عشان ينام وبيدعى من 
كل قلبه امه تجيله فى المنام امه جتله فى منامه وحشها حبه وحنانه بصتله وهى بتبكى وبتسمع منه كلامه
قالت له ارجعلى اصلي انت  واحشنى والبعد حايشنى وفى اى لحظه الموت عنك ممكن هيحوشنى , والله 
راجع يا امى تحضنى فيا وتضمى واللى منى هتطلبيه راح يصير ولو بدمى والله راجع يا امى تحضنى 
فيا وتضمى واللى منى هتطلبيه راح يسير ولو بدمى  بسرعه رجع لبيته ضحكتله بعد اما خنته
خبط على بابه فتحله ابوه شاف دمع فى عينه خلااه يتوه اوعى تصدمنى اوعى تقولى هى فين امى 
هى فين امى قالو

 امك ماتت يعنى شمس الفرحه غابت مشيت وسابت احزان تلاال فى القلب دابت 
الام ماتت يعنى شمس الفرحه غابت مشيت وسابت احزان تلاال فى القلب دابت


by : 3MR.BEH www.facebook.com/3mr.beh

download link : www.reverbnation.com/3mrbeh


3MR.BEH - جنين و بذره

جنين و بذره 1 :
 https://soundcloud.com/3mrbeh/3mr-beh-gnen-we-bzra-mp3


الكلمات

يا اللي انتي حبك ذنب , اندم لو معملتوش 
تلقاكي عنيا , عليا يحلفوا ما يرمشوش 

يا اعيش حرامي ورد , او اكون جنايني فبستانك
مش شرط اكون امير , يكفي اني اكون قدامك 

نفسي اقول للشعب , نفسي اخلف شعب منها ده منها بقي بيغير الشعر 

----------------------

من بعد قصه حب دامت كام سنه , بقت حلاله
جمعهم بيت من بعد صبر طويل , بس و ماله

صبره و ناله خير , حلال الله جميل
قله المال بتخنق في وجود مولود جديد 

 --------
هو : سامحيني يا حته مني 
هي : اوعي تقول لي هتبعد 
هو : و الله غصب عني , علشان بنتي و بنتك 

كلها سنتين و هرجع و نرجع تاني نرجع
كل زكري حلوه عدت تتكرر و نبدع

-----
بس تطول المده و في غيابه باطله الماده
يفيد بايه القرش و هي علي غيابه مش قادره


-----------------------------


Don't let us die بلاش تموتنا 
Look in my eyes بص في عيوني 
All I can see  كل اللي انا شايفاه 
Is you here with me  هو انك جنبي 
It's like I'm trembling inside زي ما اكون برتجف جوايا 
And I cannot hide و مش عارفه استخبي 
What I believe ده اللي انا مؤمنه بي
And all this time I didn't see كل ده مش شايفه 
Baby, bring us back to life رجعنا نعيش تاني 

-------------------------------

في الكام سنه اللي عدو , صانت له بيته في غيبته 
و هو خان العهد و حب واحده أد بنته 

لأ , و قال ايه !! بتتشرط , عاوزني طب طلقها
هيرجع بلده يقول لمراته و ربنا يصبرها

من بعد طول غياب , شاف بنته ادام عينه ,ما شاء الله كبرت , مش قلقان عليه
بييجي دور مراته , بيبلغها بقراره , قرار غريب و رد اغرب , بوظله افكاره

------

هي : موافقه بس بشروط 

1- كل يوم تشلني لمده شهر كامل
2- و تبوسني ادام بنتي 

هو : اه يابنت المجنونه , لسي زي ما انتي 

بنتهم لما شافتهم , اخدها في حضنه و قال 
ما تبكيش كفايه !! هفضل جنبك خلاص
في نصف الشهر فاق رجع عن قرار الطلاق

-----

اشتري من الورد بوكيه , و هديه انما ايه 
هيفتح صفحه جديده , تفتكروا هيجري ايه 

بيروح بيته ينادي عليها بس ما بتردش بيلاقي ورقه مكتوب عليها  

اسفه , ما قصدتش اخبي مرضي عليك و مادام بتقرا عنيك سطوري 
 يبقي انا ميته و ما تنسوش تزوروني

----------------------------------------

العلاقه بين جنين و بذره 1 & 2 هي اني الطفل اللي في الجزء الاول اللي امه ماتت  بسبب انه عرف قيمتها متأخر , كبر و اتجوز و حصل زي ما حضارتكم ما سمعتوا  كرر الغلطه تاني 

-----------------------------------------


www.facebook.com/3mr.beh

www.reverbnation.com/3mrbeh

RECORDED BY : TONAL STUDIO (DR.RAAFAT MOURICE)

poster Dez by : PoLo 

3mr.Beh_Ganen W Bzra 2 نفس المشهد

للبيع عشان ترتاحوا

for download : http://www.reverbnation.com/3mrbeh?profile_view_source=header_icon_nav
Rec. By : A5 Studios 2014

3mr.Beh Page : https://www.facebook.com/3mr.beh


Poster Design : Funny boy

special thanks for : Badawy Brothers

lyrics :


هو الموضوع بدأ بالسكوت , و لما بدأت الناس تلاحظ , بعدت, اصلي بصراحه لقيتني في صمتي اوي  

كتر الصمت بيعلم البكاء و لما بتكون وحيد , لو مصعبتش علي  نفسك , نفسك هتصعب عليك , و فالحالتين هتبكي 

هعتبرها غيره من قبل , من بعد  صبحت حيره
بالعدل المحنه حروف المنحه, قالصبر هيكون , هو الحيله الوحيده

خلاص بقيت اخر من يعلم وسط الفوج
في علو الموج , انا ورد حاضن شوك

انت مين ؟ 

انا اثنين ولا يوم اتقابله , و لما اتقابله , محدش فيهم دق قلبه
بحار بيبعد و التاني مبيعرفش يعوم ,نجار بدونه ولا اي سفينه تقوم 

قصر الكلام , الدنيا بضيقها جمعتهم
بس في ثالث مجنون , معرفش يلفت منهم 

في شرع مين قولوا لي , لسي السؤال مطروح 
الحزن يبقي روايه و الفرح يلقي سطور

ده حزن ك قصر علي ورق مقطوع
 لا يجدي لا يغني و لا يسمن من جوع

انا مش زعلان , اصلي الحزن طلع راجل
كان راضي بحكمه , رغم انه واثق انه باطل

من بره صخره , من جوه كمنجه بتعزف حزني
لو كنته نسيته , انا اللي الحزن وطي يبوسني 

و تفيد بأيه اللمسه لو تحت مسمي الطاعه 
سندريلا ماتت , و السقفه ملت القاعه

للبيع عشان ترتاحوا , مسرحيه و خلصت
قرصه حيه غلطت , لدعت انسان مظلوم

مين اللي شاف بعنيه , انا اللي دقت الوجع 
ولما زاد الوجع , خاويته زاد الوجع

فازاي عاوزني اقول , اني الحال ميسور
و اني المر اللي شربته منكم ماملاش بحور

مابلاش غرور , انتو اللي كسرته عيني  
المرعي مش بالمال , ملقتش اللي يراعيني

فيبقي الهم فالدم , جزء لا يتجزء 
و اللي حياته حلم حلمه حياه , كان مين يصدق

اني اللي مات مالخوف فيوم , ماخافش ادك
كان ايه اللي عاجبك, في سطور شيطانها راكبك

اشرب كاساتك عيش , ماتجيش فيوم تشتكي 
متجيش فيوم تتكفي  علي وشك حتي اختشي

حزنك من ربك فين , غمض و ارفع كفيك
ياما شكيت و بكيت , فاكر ولا نسيت 

اشكيله بحرقه , دمع و قولها

انا غلطان يا رب ,,,,,,, ولا مكسوف تقولها 


3mr.BeH _  للبيع عشان ترتاحوا    @A5™ Studio

منكم لله 

Rec. By : A5 Studios 2014

Poster Design : Dida  5aled 

Dida 5aled Page : https://www.facebook.com/pages/Dida-khalid-%D8%A7-Art-Work/586160974785600?ref=br_rs

3mr.Beh Page : https://www.facebook.com/3mr.beh


special thanks for : Badawy Brothers

lyrics :


محدش حب حد ، محدش صان العهد 
كله باع كله خان علي مصلحته و شد
ده عادي ولا داء سم النسيان ترياق 
الفرح مننا بيبعد علي بابنا عمره ما دق


بس الحزن اللي نتج من عشره قلالات ادب 
, صب في كأس الألم  , هنتقم
 و اللي خلق , لو  حد سألكوا ماله اتجنن ما تجننش
قول له اتصاب بسهام العين ف مستحملش
ادمنت طعم الدم مثلت دور الذنب 
 في روايه المرحوم فتت جذور الجمع 
الفرح كان مستورد و الحزن صنع بلاده 
بس مين بيحس ربك اعلم بعباده 

فمرارا و تكرارا من بعد الموت ممات من بعد الفرح ما مات
تظهر ورود تحلي في عيون  مرحوم فداء غيره اللي سابه تاه

مندمش علي لحظه  فاتت ما هو اتعلم يبقي مصل علاج للروح و الفضل كان لجروحه ارض بتنبت موت و اللي ساقيها خوفه

مالكم بتبصولي شكلي مش عاجبكوا قلمي مش نافعكوا بس واجع غيركوا ,  ف غيركوا يحس بيا و انتوا  متحسوش  قلت لكم عادي جدا برضيكوا و انا مبسوط بس البر المقصود  وراء حسن المعامله الدنيا كأس بيدوور شربت زجاجه كامله


سبت للحزن الدفه , سبته عشان يتدفي 
قلت عبء المسؤليه يطهر نفسه السافله 

بس الحزن لغفله , بيسهي في امر الهوا 
فالروح بتتوه في دروب و الدرب ما له سكن

خايف من بكره يكون زي اللي فاته سنين 
خايف و الخوف ما لهوش اللي يداوييه , يتيم 
خايف ليصبح زكري , خايف ليطرح فكره 
خايف لتكون قصيده و تبقي شمس تنور بكره 

في حرب بائعات الهوي , عشت اسير مملكتك 
مبسوطه , اه , يا بختك
اقسم بالله عشقتك

ادمان من اول شكه , حبسوني بدون الشبكه
و في قسم الحزن اتحجزت و اتعملت ليا سابقه

فأخرج بكفاله حزن و اعيش محروم الحضن 
و هو ده خوفي منكم اسقي طيبه و اطرح ظلم
دنيا الغرور يا ناس, كله فيها بيتعب 
اللي يخون بيبكي و اللي اتخان بيضحك

 اتنين و عشرين سنه و انا و عمرو زي ال (ح) و ال (ع)
 , لا عمرنا اتجمعنا في كلمه و لا صدقنا غير الحزن اللي مرافقنا علي كل لون لوننا 

عشنا ياما وشوفنا وماخسرناش قد اللى خسرنا

الفرح اه موجود حالف ما ادوق ايامه , اه يا جرح عجبني طال لزامه 

في مجلدات الصبر , كتبت في كل سطر 
حوار بيدور ما بين 3 عقول في نفس الشخص 


3mr.Beh - منكم لله

https://www.facebook.com/3mr.beh

http://www.reverbnation.com/3mrbeh

FIRST SCREAM OF SOUND OF YOUR PAIN ! ...........JUST FEEL !


GUBR 5WATR !

3MR.BEH_GUBR-5WATR

نركز كده و نشوف الكلام ده سوا !! 

في الفيرس الاول  بقول :

طب ليه الحُزن يبقَيَ الغَطَيَ , أنام تحتيه ادَّفـَّيَ
ليه الْصَّح كُلُّه غَلَط , غَرَضهُم إنّي اتْشَفـَّي

ليه القسوَه , مادام الدنيا غافلَه
لييييييييييييه , لما يزيد صُراخي بتعلَيَ الْصَّـقْـفَه

ليه بعد البرق و الْرَّعد , وراهم ينزل مَطر
مش يبقَىَ ده دليل , عن خير من بعد الخَطر

ليه الوتر , علي آلَه مش مقامَك
ليه القدر , رسايلُه مش باينَه لَك

طب ليه فى الْشّوق بنشوف , ثلج و شوك مكشوف
و لمّا تحب تشوف البَسْمَه تكون مكسوف

طب ليه الْصَّبر يموت في قبر و الجـِـراح فيّـا تتصَبّ
ليه الْشَّطْب يبقَيَ الْرَّد , آسِف جدّا غَصْب يا رَبّ
-------------------------------------------------------------

و الفيرس الاخير بقول :

عشان انا طَيِّب , عشان سامحت
عشان كلامي , مَكْتوب بصدق

عشان العدل اساس الحُكْم
عشان الحُبّ مش بالبُق

عشان اوجه الْشَّبـَه بين لوح ازاز اتشرَخ
و بين القلب الابيض اللي ببـياضُه اتشنَق

حطّيتها حَلَق , فى وِدْني ليوم الدين
حُبّ الأحـِـبَّه يغور , لو هيخسَّرني كتير

-------------------------------------------------------------------

بمعني تاني : 

س:طب ليه الحُزن يبقَيَ الغَطَيَ , أنام تحتيه ادَّفـَّيَ؟
س:ليه الْصَّح كُلُّه غَلَط , غَرَضهُم إنّي اتْشَفـَّي؟

ج: عشان انا طَيِّب , عشان سامحت

--------------------------------------------------------------------------

س:ليه القسوَه , مادام الدنيا غافلَه؟
س:لييييييييييييه , لما يزيد صُراخي بتعلَيَ الْصَّـقْـفَه؟

ج:عشان كلامي , مَكْتوب بصدق

----------------------------------------------------------------------
س:ليه بعد البرق و الْرَّعد , وراهم ينزل مَطر؟
مش يبقَىَ ده دليل , عن خير من بعد الخَطر؟

ليه الوتر , علي آلَه مش مقامَك
ليه القدر , رسايلُه مش باينَه لَك

ج:عشان العدل اساس الحُكْم

---------------------------------------------------------

س:طب ليه فى الْشّوق بنشوف , ثلج و شوك مكشوف؟
و لمّا تحب تشوف البَسْمَه تكون مكسوف؟

ج:عشان الحُبّ مش بالبُق

----------------------------------------------------------------

س:طب ليه الْصَّبر يموت في قبر و الجـِـراح فيّـا تتصَبّ؟
ليه الْشَّطْب يبقَيَ الْرَّد , آسِف جدّا غَصْب يا رَبّ؟

ج:عشان اوجه الْشَّبـَه بين لوح ازاز اتشرَخ
و بين القلب الابيض اللي ببـياضُه اتشنَق

حطّيتها حَلَق , فى وِدْني ليوم الدين
حُبّ الأحـِـبَّه يغور , لو هيخسَّرني كتير
_------------------------------------------



facebook.com

https://www.facebook.com/3mr.beh

download mp3 .

http://c2lo.reverbnation.com/audio_player/download_song_direct/14937575


download all songs:

http://www.reverbnation.com/3mrbeh


nour el-din : 

https://www.facebook.com/Arab.Control

yossif tawfiK : 

https://www.facebook.com/yossif.de

3mr beh

Amr Zaki 3