إحـنـا كـاشـعـب..عـددنـا كـبـيـر
أيه اللى هيحصل 
لو قللنا شوية ناس
وحطينالهم سم
أو حتى تراب الماس 
لسه برده اللى بيحكمنا ..مستكترنا
ماهو معزور 
علينا مجبور !
لم ينتوى بس ياعينى
الشعب عليه ضغط أوى
ماهو معزور
يقطع عنا ميه و نور
أصل احنا كتير !
طب مانسفر حبة كمان
يمكن تفضى زى زمان 
أيام ماكان 
الشارع كله عبارة عن
عربية واتنين حبيبة على الكورنيش
مش ملايين الناس 
مجرد بس عايزة تعيش
مش احنا هدفنا نقل شوية ؟
خد دى بقى الخطة الجاية 
الكبار قربوا يموتوا 
واحنا نقتل فى الشباب 
ونربى الاطفال على مزاجنا 
يبقى بكده خدنا ثواب
ثواب تربية الاطفال و نعلمهم الإستقرار
وان الريس قائد الامة
والداخلية دول أبطال
ومواطنين شرفاء 
أوعى تقول بلطجية 
و تبقى بلدنا هى هى
ونبقى ارتاحنا لمدة طويلة
من أنصار الانسانية 
وأهو يبقى الشعب
قل شوية 

engamrnagy