mhrgan

بموت انا فيك _أحمد زعيم

T7t bet.ha

Artist: Mohab Hassan
Lyrics: Mohab Hassan
Music: Free beat
Rec.&Master: El Joker

© 2014 Mohab Hassan

تحت بيتها

Ramad El 7elm

Lyrics: Amr Sa'eed
Vocals: Amr Sa'eed
Music: Free Beat
Master&Mix: El Joker

: الكلمات

اذا كانت اشعارى لم تجد من يسمعها
فى زمن الافكار تسحق فيه من ابدعها
فسأضع حبات الدواء فى سموم اعتدت ان تبلعها
لن اخجل من تكرار انهار من افكار كنت انت منبعها


عشت حياتى اتمنى اعيش وياها فى جنه
بس نهايات الواقع مش زى نهايات افلامنا
بعد طول انتظار الجنه قلبت نار
وحيد مرمي في جزيره وسط بحور من الاشعار

وقتها كان حابب الموت كان كل حلمه تابوت
وقتها كان كل امله ان العمر بسرعه يفوت
صراخ قلم على ورقه مستخبي ورا السكوت 
عايش يكتم فى المه و حلمه يطلع قلمه صوت

قلم وشوية ورق هينقذوه من الغرق
ويبني حلم مكان انقاض حلم منه اتسرق 
سمع صوت الهتاف جماهير بالألاف
دموع تبل ريقه بعد سنين من الجفاف

افتكر بسذاجته ان صراخه على ورقته
هيخلي الناس تدمع وهيصعب عليها حالته
مافتكرش ان الواقع ممكن توصل قساوته
ان اللى بقلمه كتبه كانت قصة نهايته

بنظلم نفسنا ولا زمننا اللى بيظلمنا 
بنقتل حلمنا ولا حلمنا اللى قاتلنا
هنشوف النور في الاخر لو في الطريق كملنا
(x2) ولا هتكون اخرتها ان اليأس اتملك منا 

 هات اللوم عليا وشيل الذنب من عليك
ارمي العيب علي الزمن وانت العيب اصلا ماليك
العب دور الضحيه احكي قصه مأساويه
هتفيد بأيه دموعك ما النهايه هيا هيا

وزع على الكل التهم واطلع منها انت برئ 
متغرقش معاك القشه لوحدك موت غريق
اهرب من الحقيقه واكتب فيلم من تأليفك 
وسب والعن فيا لو النهايه مش على كيفك

اه حبيتها بس عملت ايه علشان تكون نهايتها
في حضنك انت بدل ما تعيش ميت في غيبتها 
لعبت بنار عمرك ما كنت في يوم قدها 
غرقت سفينتك لكن بنفسك غرقتها 

كلام كتبته بقلمك بس على ورقته 
بتجمع ليه في رماده ما انت اللى بأيدك حرقته
واجه نفسك بالحقيقه وكفايه خلق فى اعذار
عمرك ما سعيت للجنه فا نهايتك هتكون في النار

بنظلم نفسنا ولا زمننا اللى بيظلمنا
بنقتل حلمنا ولا حلمنا اللى قاتلنا
هنشوف النور في الاخر لو في الطريق كملنا
(x2) ولا هتكون اخرتها ان اليأس اتملك منا




Ramad El-7elm

Bar Wahmi
Lyrics: Amr Sa'eed
Vocals: Amr Sa'eed
Music: Free Beat
Master&Mix: El Joker

الكلمات :

.. تذوقت منذ فراقها شتى أنواع العذاب ''
 .. سأبقى فى انتظارها مهما طال الغياب 
.. أملا لقائها حتى وإن اغلقت كل الابواب
.. ستظل دوما أفضل صفحة بين كل صفحات الكتاب

_______________________________________

.. مدوقتش طعمـ الألمـ غير لما غابت عنى شمسك
 مقدرش حتى القلمـ .. يوصف قساوة بعدى عنك
.. عشت راضى بعذابى .. راضى بأى مكان فى قلبك
مش هتلاقى فى غيابى .. حد فى حياتك قدى حبك 
سنين بقدف يمكن الاقى جوا قلبك مرساه
قلب عاش عشانك .. عمرك بيه ما كنتى حاسه
قلبى اتحمل عذابك علشان غيابك عنه أقسى
.. ورغمـ كل حاجه زيك برضه قدرت أنسى
أيوه قدرت أنساكى .. قدرت أقول لـ قلبى لأ
أيوه القلب اللى اتمناكى من غيرك ولغيرك دق
قدرت اعيش من بعدك والمركب على شطك مر ..
موصلش لمرسى قلبك .. بس قدر يوصل للبر
رسيت على بر الواقع .. سيبتك على شاطئ اوهامى 
.. طوق نجاتى مكنش فى ايدك .. طوق نجاتى كان قدامى
قدرت اداوى كل ألمـ وأعدى كل موجه 
كل ذكرى دفنها الزمن .. مش هرجع من بعد توبه 
مستنى لسه بفارغ الصبر مشهد النهايه 
عاوز بإيدى أكتب اخر سطر فى الروايه 
مستنى قبل ما تنزل الستاره تيجى تقولى
" ملقتش اللى يحبنى الحب اللى انت حبيتهولى "

_______________________________________

رسمت اللوحه ولونتها .. بس ألوانها باهته 
.. كدبتك صدقتها علشان تخلى الناس تصدق
.. بعدت عن الحقيقه فـ كل ما تبعد تبقى ابعد
قاصد تختار ألوان قادره تطفى وضوح المشهد 

_______________________________________

كنت عارف انك عمرك ما هتنسى مهما الوقت عدى
وهمت نفسك ان دموعك فى يوم هتنشف ع المخده 
مقدرتش ع الحقيقه فـ حبيت العيشه كـ أعمى 
مهما تغمى عينك هتفضل ودنك برضه سامعه

_______________________________________

.. اهرب اكتر مـ الحقيقه وعيش فى كدبه مريحاك
ازاى بتعلن توبتك وسط ذنوب مغرقاك ؟
ازاى بتقول نسيتها .. وقلمك لسه عنها بيكتب 
خايف تبص فى عينهمـ " ليه !! " هيبان انك بتكدب 
تغمى عينك قرب مشهد النهايه .. فـ يفوتك ؟
مـاهو انت علشان تكمل لازم تمنتج لحظة موتك
!! خلص خلاص العرض وفضلت لوحدك ع الاستيدج
.. ابقى اكتب اخر سطر لو اخر كلمه متكتبتش
من زاويه واحده بس .. خليتنا نشوف اللوحه
زاويه تبين جسمك بس متبينش روحك 
راسم قدامك طوق نجاتك مع انه كان فى ايدها
الغرق مش انك تغرق - كان - الغرق انك تسيبها
عديت بجسمك كل موجه سيبت روحك على شطها
حبك ليها مكنش وهمـ فـ كل ذكرى ضلمتها
.. لوحتك بينتها بكل نقطة حبر فى دمى
 "مش هتنجى من الغرق لما ترسم " بر وهمى

_______________________________________

رسمت اللوحه ولونتها .. بس ألوانها باهته 
.. كدبتك صدقتها علشان تخلى الناس تصدق
.. بعدت عن الحقيقه فـ كل ما تبعد تبقى ابعد
قاصد تختار ألوان قادره تطفى وضوح المشهد

Bar Wahmi

Nafs El-Kas
Lyrics: amr sa'eed
vocals: amr sa'eed
Music: free beat
Master&Mix: El joker

الكلمات :

لن اتذوق مرة اخرى مرارة هذا الكأس
رشفة واحدة تكفى لأشعر ابد الدهر باليأس
لن افلح فى زرع شجرة اذ كنت لا أجيد استخدام الفأس
سلكت نفس الطريق .. فسأتحمل قسوة نهاية عهدتها من قبل ...
 لا بأس
--------------------------------------------------------------------------
مرارة طعم الموت كانت دايما اهون م اللى عشته
حرمانى من حياتى مكنش أمر كاس شربته
ليه فكل طريق مشيته علمته بخيط و سبته ؟؟
!!ايه فايدة بنى السد لما غيرك قادر يهده ؟

مستنى نهايه مختلفه و انت ماشى ف نفس السكه ؟؟
تغييرك ف الديكور عمره ما يوم غير ف الفكره
ليه تعيش من تانى ميت تحييه مجرد ذكرى ؟؟
مفهمتش درسك برضه رغم قعادك ف نفس الدكه

دوق طعم كل حاجه شوف حلاوة كل لون
بس اوعى تخلى اى حاجه صعب عليك تهون
لو اخر شجره ف صحرا ارويها من بير مسموم
اقتل اخر امل احسن بكتير ما تعيش موهوم

سد ودنك غمض عينك .. برضه الحقيقه هتحاوطك
مهما حاولت عنها تبعد هيا هتقربلك
اهرب من كل حاجه حالا .. اسمع كلامى من فضلك
ازاى تقع ف نفس الفخ و اقف عليك اتفرج ؟؟؟

---------------------------------------------------------------------
بصحى كل يوم و استنى كل لحظه تعدى
حتى ف لحظات النوم بحلم حلم مش على قدى
فا يا عينى ماتشوفيش و يا ودنى عن الحقيقه اتسدى
فضلت اعيش ف وهم على انى اعيش دموعى على خدى

حتى و انت بتضحك بيبان ف عينيك الاسى
دمعه شارده تبين قد ايه الضحكه مزيفه
اقنعهم انك عايش رغم كونهم حضروا العزا
نفس الكاس من تانى بس الجرعه مركزه

---------------------------------------------------------

ساذج زى مانت عمر الدنيا ما هتغيرك
لو ماهربتش م الواقع ايه على الدنيا هيصبرك ؟؟
انسى الماضى امحى كل علامه بيه تفكرك
بعدك عن الحقيقه منها اكتر هيقربك

بس استنى .. هيفيد بأيه بنى قصر لو ف خيالنا
قادره الحقيقه تقتل حلم فكل يوم قتلنا
هتعيش دايما ف نارها مش هتعيش وياها ف جنه
هيا نفس الضربه بس الف مره اقوى

عارف انت لما تعيش ف فيلم فاكره من بطولتك
و تلاقى شاشة العرض مجتش فيها حتى صورتك
و تبان قدامك فجأه .. تفاصيل اللوحه كامله
فضلت دايما الهروب كنت اضعف من المواحهه

طعم الحقيقه دايما كان أمر من تصديقه
يفضل الصدق محتاج كدبه يبل بيها ريقه
كانت دايما بتلاقينى فكل مره فيها بهرب
لو النهايه قربت يا رب تكون نهايتى اقرب

---------------------------------------------------------

Nafs El-Kas

انضموا لصفحة مادو عل فيسبوك 
fb.com/mado4music

موسيقي تصويرية ولحن محمد عبدالعال مادو 
شعر عمرو حسن 

‪#‎Freindzone‬
خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

موسيقي تصويرية وغنا محمد عبدالعال مادو شعر عمرو حسن

El 9ara2

Written by: Amr Sa'eed
Music: Free Beat
Vocals: Amr Sa'eed
Master and mix by: El Joker
© 2016 Amr Sa'eed

الكلمات :

مهما حاول الغرق للبر كانوا بيشِدوه
 نجاته كانت ف الموت سيبوه للموج هتنقذوه ... 
الجرح زاد عن حَدٌه مش هتقدروا تِدَاوٌوه
 صدقوني الموت أرحملٌه من فضلٌكم سيبوه
-------------------------------------------------------------
* بَتغرق كٌل حاجة لما يكون الألم موج
 فــ ترخص أغلي حاجة ويحلى ف عينك طعم الموت
 مَلَيت من كٌتر ما استنيت كٌل لحظة تفوت
بالقسا محكوم عليك حتي طريق الموت مسدود

 في بداية كل حلم دايماً يِعزِف تِترّ نهايته
 اسأل شخص زَيِي شاف من الحياة كِفايتٌه
 كل حِلم هتحلمه قَادِر الزَمنْ يِهدمه
 يَأسكْ أهم درس من الواقع هتتعلمه

 عٌمري ما عِشتْ فرحك مٌرِك دوقته ف كل لحظة 
.. بتمني الموت لِيلاتي بس كٌل صٌبحْ بَصحيّ
 اِعمِيهم عن حقيقة ف عينك دايماً كانت واضحة .. 
عيون مَالِيها القسوة فيها مشوفتش نظرة رحمة

 كَفِة الشر طابّه فــ البقاء للأسوء
عَدلِك ف كل مرة يثبِت ان الظٌلم أقوي
 ورغم كل وهم عيشته كان من واقعِك أصدق
 قِدِرتي برضه تقنعيهم ان انا اللي بغرّق
-------------------------------------------------------------------
 استسلم للموج تاخده الموجة لــ موجة أعلي
 رِخِصْ ف عينه الطوق أصبح كَفنٌه عنده أغلي
برِجله راح للموت وبرضه قال القَدر أعمي
أيوة حزين عليه بس خٌسارة فيه الدمعة 

 استسلم للموج تاخده الموجة لــ موجة أعلي 
 رِخِصْ ف عينه الطوق أصبح كَفنٌه عنده أغلي
 برِجله راح للموت وبرضه قال القَدر أعمي
 أيوة حزين عليه بس خٌسارة فيه الدمعة 
------------------------------------------------------------------
 هايل يا فَنان أدَائَك رائع أقنعتهم 
، يأسك نتيجة لــ ضعف >> قِدِرت بضَعفك تِوصَلهٌم
 فيه ناس صَارعِت الموج فَـــ في وسط البحر كان بَرهٌم 
.. نَجاتك كانت ف ايدهٌم بس رافض تِسمعلهٌم 

كِفايتك م الحياة كانوا كام درس وقصة فاشلة
 .. من امتي الدٌنيا كانت بعد ما تجرح بِتقٌول آسفة
! اسأل اللي عاشوا ف كٌهوف عن معني كلمة قَسوة
 .. ألوانك برضه لسه قادرة تِضفي وضوح الرَسمة

 الخير والشر موجودين لــحكمة من اللي خَلقَكْ 
.. ازاي بِتلوم ع الدنيا فِ ضَعف خَلى شَرَكْ غَلَبْكْ 
ورا أسوار الحقيقة تِلقَى بَراح واسع لـِـوَهمك
 .. طَلَعْ راسك م الرَمله علشان تشوف مين اللي قَتلك

 "العدل" من أسماء ربك فَــ العدل المٌطلقْ عنده
 .. يِفضل الظالم عايش طول ما بخوفك انت سَاندٌه 
(و فِ النهاية،حَابكْ تِعيد من تاني كل مَشهَدْ
 .. كل معني هياخدك منه لـمعني منه أبعد )
---------------------------------------------------------------------
... استسلم للموج تاخده الموجة لــ موجة أعلي
 .. رِخِصْ ف عينه الطوق أصبح كَفنٌه عنده أغلي 
برِجله راح للموت وبرضه قال القَدر أعمي
 .. أيوة حزين عليه بس خٌسارة فيه الدمعة

 استسلم للموج تاخده الموجة لــ موجة أعلي 
.. رِخِصْ ف عينه الطوق أصبح كَفنٌه عنده أغلي
 برِجله راح للموت وبرضه قال القَدر أعمي
 .. أيوة حزين عليه بس خٌسارة فيه الدمعة

El-9ara2

جديد محمد فاروق في اغنيه جديده
  #لحظه_رجوعي 
كلمات واللحان : محمد مصطفي 

توزيع : مينا منجي 

كلمات الاغنيه : 

لحظه رجوعي ف يوم لقانا مكنش ضعف منني .. دي لهفتي لما اتقابلنا بعد الفراق 
كنتي سعتها جوه قلبي و فبالي وحشاني ودي صدفه حتي مجتش بينا بالاتفاق 
 
انتي واحشاني ف كل لحظه بفتكرك .. بقول ياريت ترجع تاني ومتسبنيش .. مش هاروح تاني ف اي مكان بعيد عنك ولا يشغل حياتي غير وياكي اعيش 

عرفت انك هتسمعيني مغلطش احساسي ف النظرة اللي من عنيكي وقت السلام .. شوفت فيهم كلمه واحدة عايزة تقوليلهالي وحشتني اللي فهمتها من غير كلام

#MohamedFaroukKhedive  #الخديوى_فاروق#لحظه_رجوعي #music 
#song #new #single #egypt #romance 

facebook : mohamed farouk official 
twitter : @mohamedfarooouk
instagram : @mohamedfaroouk


Mohamed Farouk -محمد فاروق -  لحظه رجوعي - La7zet Rogo3y

المعجزه جزء 3 | The Miracle PIII
Kaiser RC | قيصر

for more Like me On Facebook:
www.facebook.com/Kaiser.Rap

Recorded By RC Family Records (Like'em On Facebook):
www.facebook.com/RCFAMRAP

Special Thanks For:
Bassam Snoop, Ahmed Kamel and George Kamal

الكلمات :
نفخ في ادم من روحه، علم ادم من علمه/
نطق ادم بقدرته وخلق نسله من صلبه/
ارسل رسل نزل كتب وقال الانسان في كبد/
وكان الدليل في ٤ من سورة الليل و٤ من سورة البلد/

في احسن صوره شكله، اداه العقل يميزه/
نتأمل، نتفكر في خلقه ننام، نقوم نحمده/
سخرله ما في الارض والسما سبحان رب العباد/
اداه لسان شفتين عنين تشوف ٣ ابعاد/

زحف الانسان ورا المجهول منذ بداية الخليقه/
وكل ما يوصل عايز اكتر يتحدي الطبيعه/
كل ما يتعلم يكتشف يزيد علمه بقدرة الله/
ولذلك يخشي الله اكتر عباده العلماء/

بحث البشر عن الاله شرق العالم وغربه/
ايقانه بوجود قوه اعظم تدير الكون وشأنه/
منهم عبد الاصنام، عبد الشمس، البقر/
منهم اقر وجوده والعياذ بالله كفر/

وعشان مايكنش علي الله حجه ارسل رسل وانبياء/
افتح المصحف ١٦٥ سورة النساء/
وعشان تتيسر الرساله آيدهم بالمعجزه/
خرقاً للعاده حكمة ربنا تأييد بقدره بالغه/

آييد محمد بالقران، سخر الجن لسليمان/
امر نبيه نوح بسفينه تعصم عباده من الطوفان/
لان الحديد لداوود، خرج يونس من بطن الحوت/
آييد موسي بعصى، عيسي بيبرئ يحيي من الموت/

واخر كل المعجزات تتجلي قدرة الرحمن/
ختام المعجزات بكتاب عظيم زي القران/
ارشاداً للعباد موعظه من قوم عصت فا أباد/
ويبان اعجازه اكتر طول ما في بحث واجتهاد/

ولحد الان بيبان اعجاز القران الكريم/
اعجاز وصل لايد اجيال واجيال رغم الاف السنين/
ولانه ختام المعجزات سبحان ربك حكيم/
يكون اعجاز كل الامم تشهد عليه ليوم الدين/

معجزة موسي ماكنش كتابه ولا كان عيسي كتابه/
معجزة موسي في عصي يشق البحر يمينه وشماله/
يمر ومين معاه لبر نجاه يغرق فرعون وراه/
تخرج جثته من البحر سليمه ليومنا عبره لمين تلاه/

٩٢ سورة يونس بتنبه لنجاة فرعون ببدنه/
وانه هيصبح عبره للجاي من بعده/
يكتشف العلماء عن قريب ملح البحر ع الجثمان/
٥ اسفر توراه ماحكيتش القصه زي ما في القران/

وسألو العذراء ازي نكلم مين في المهد صبي/
فرد عيسي الصبي في مهده انا عبد الله النبي/
آتاني كتابه وصاني بالصلاه والزكاه ومش شقي/
والسوره بتحكي باسم مريم في القران تكريم من وفي/

ونشأ عيسي وسط بيئه الطب اتطور فيها/
وقدر باذن ربه يشفي حالات الطب عجز يشفيها/
ايده ربنا يبرئ يحيي من الموت كانت المعجزه/
تحدي مين برع في الطب يقدر يعمل كده!/

قال اليهود ان النصاري مش علي شئ/
رد النصاري علي اليهود نفس الرد الشئ بالشئ/
رد القران عليهم اسلامنا ايمان بالكتب والمرسلين/
بالظبط في سورة البقره ايه ٢٨٥/

موسي نبي وعيسي نبي وكلٍ ليه رسالته/
لكن اعجازهم شافه بعينه بس اللي عاشه في وقته/
وهنا بتبان؛ حكمة رب العالمين/
ان القران اخر معجزه قايمه نشوفها ليوم الدين/

مابين ولادة عيسي بدون الزوج وبرضه ما بتأمنوش/
مابين تحدي هاتوا كتاب بمثله وماعرفتوش/
تحدي لأهل الشعر، يبان فصاحه في عجز الفعل/
مابين موسي بيرمي العصا اول من يسجد اهل السحر/


V2. المعجزه جزء 3 | The Miracle PIII - Kaiser RC | قيصر (Bounced Edition)

Join Afreet On Facebook:

Profile : https://www.facebook.com/Kareemelkhamissy

RC Family:
www.facebook.com/RCFAMRAP

زي ما انت حزين - جزء تاني | عفريت

Adel Blade F.T Ahmed  kamel _ E7Kely | احكيلي

SEBT LEEK (سبت ليك) KV  F T. EL 3afreet (2018)
Sound Eng.: Osama Tariq   
Mix & Master at Mawasim Production.

SINGLE

SEBT LEEK (سبت ليك) KV  F T. EL 3afreet (2018)

سوكسيه - الجنايني | Sokseh - Elgnayny

Credits:
Balad El-Zolm w El-Aman
Singer: Jaguar
Lyrics: Jaguar
Beat: Rujay - False
Master&Mix: Jaguar
Poster: Eslam Ali
_______________________________________
Lyrics:
البلد دي صرخت مرة ومنطقتش من وقتها
البلد دي بدأت تنسى أصلاً إن العيش حقها
البلد دي من جمالها حفروا في التاريخ اسمها
بس السم في البلد دي في كل عصر كان جهلها

أي ثورة نجاحها مرتبط بثقافة شعب صامد،
أمل، أهداف، وفوق ده كله محتاجين لقائد
كام واحد بان مناسب، فاتقتل أو اتسجن
كام واحد قبل آخر خطوة خاف، وإحنا كنا السبب

الثقافة خطوة أولى قبل خطا الديموقراطية
خطا غبية، طول ما واحد بس فاهم وسط مية
لو مجموع أصوات غلابة بين العيش وبين حرية
وإنت فيهم، ثق هتاكل، الحرية لدول مؤذية

مش بلومهم، إحنا ثرنا؛ هما مش بتوع سياسة
الناس دي بتعبد أي حد فوق كرسي الرئاسة
في أربع سنين هدمت كل حلم بثورة اتبنى..
في أربع سنين سرقت أكتر من اللي في تلاتين سنة

عشت بعد الثورة حلمي نبني دولة متقدمة
نمحي العنصرية.. تكون مدنية بس متدينة
فأنت حرقت ناس سلمية لأجل ما تكتسب مكانك
واضح إن الشعب مستعد ينتحر عشانك

كانت مصيبة، بس عادي سنة سنتين ونخلعك
زيك زي غيرك، إحساس الفرعون هيخدعك
بس كل يوم في حكمك زاد مخدّر العزيمة
وياريت ناهب مصر لوحدك، لأ بتوزع الوليمة

خد أوامرك من اللي ساندك، من اللي خلى ليكوا قيمة
هما حكموا مصر فعلاً، بس معلّقينكوا زينة
وإطلع قول إنك حاميها، وإنت أوسخ من مبارك
مشّي المدنيين من سينا، والإعلام يطبّخهالك

بعت الأرض، وإنت أساس وظيفتك تحمي كل رملة
خد نصيحتي لمبة، يمكن عقلك بيها يزيح الضلمة..
يا تعيش سنين رئيسها تحكم البشر بالفرض،
أو أفكارك بعد موتك تحكم كل شعوب الأرض.


مصر أحنّ وأأمن أرض، كاتبلها الله السلامة
لو معشتش يوم في مصر؛ تبقى مدوقتش الشهامة
ناسها طيبة وغلبانة.. سابهملك ربنا أمانة
فإنت قتلت صوت شجعانها بسكوت الناس الجبانة

مصر فيها ألف قبلة قادرة تهدي كل كافر
نجاح رموزها طول تاريخها يشجّعك تعافر
مصر أم الدنيا، مصر قدوة، مصر خيرها وافر
عارف كل ميزة فيها، بس برضه عايز أسافر..

Balad Al-Zolm w Al-Aman

الف واقعه والف بداية من جديد انا فيا عيوب الدنيا لكن ميزتي اني عنيد
مبستسلمش بقع واقوم من تاني مكنتش هتكمل يا صاحبي لو مكاني
الدنيا متقسمه وانا ليا فيها نصيب بصيت له فوق في السما قولتله مليش محاسيب
وقعنا الف واقعه وبدينا الف بداية وهنفضل كده لحد ما تخلص الحكاية

عايز تفهمني افهمني مش عايز ابعد عني فني عايز تسمعني اسمعني مش عايز انا هفضل اغني
مستكفي ومش مستني صعلوك لو تسمع عني طالعين طالعين واكلين واكلين لكن بشويش وتأني
وقعنا الف واقعه لكن بنقوم بنحاول احلامنا مايه ساقعه شافها البنا في ايد مقاول
شغال بنا ومناول صدقني انا مش متزاول في ناس واقعتها بموته وفي ناس وقعتها بفاول
شايف الدنيا اهدي من فوق السقاله مش خايف انا لو خوفت الخوف هيجيب معاه نقاله
تلاجه محتاجه لبقاله ابو خالو ميعيش عواله هعمل الف اغنية اسب والعن في البطالة
هواجه اي حاجه وكل حاجه لو تمنعني هقدم فن نضيف للناس اللي بتسمعني 
هتعلم لغة واتنين هتعلم حاجه تنفعني فني هياخدني لفين في بلاد مبقيتش تساعني

متمسك بالحياة بتعايش وسط وادي الموت صفيت جيوش الاكتئاب بمسدس كاتم صوت
في قوة دب الماء وفي ضعف بيت العنكبوت لعبت ضد نفسي خلص الماتش في اول شوط
فيا عيوب الدنيا لكن ميزتي مبستسلمش جلاد قديم طعنوه بسيفه ومتألمش
تمثال ابو الهول شاهد عليكوا مبتكلمش اللي يفهم يفهم يا ابني واللي مفهمش مفهمش
فنان قديم ماسك المايك هاتك يا دعك اناكوندا زانق الباندا اوعي لسانه يسلعك 
سامع توسلاتك بعمل نفسي مش بسمعك هبخ سمي عليك في المكان اللي بيوجعك
والمزيكا مبتنتهيش والمستمعين مبيخلصوش بنبطل سنه واتنين وتلاته لكن مبننتهوش
انا والمزيكا صحاب لكن ساعات مبنتفقوش ياما ناس موجوده علي الساحه لكن مبيتسمعوش

Bar Wahmi

Amr Saeed

Recent comments

Mhmd Emad omda

عبدو ابوطالب

Ahmed Ali

mm

Related tracks