الله عليكى يا بسمه ربنا معاكى وبتوفيق انشاء الله

#احساسك تحفه جداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

طيب بقولك ايه تسجلي كلام من كلماتي ؟! لو موافقه كلميني فيس https://www.facebook.com/zerxses

ببساطه من اجمل التراكات الي سمعتها في حياتي. في انتظارك جديدك مهما طالت السنين!

https://www.facebook.com/jo0okeriansandvip
الكلمات 
مش إنتي نفس الواحدة مع إنها نفس القصيدة

بتعقد فبتتعقد كل جُملة كانت بسيطة

بس أنا الحمد لله , مُتأقلم إلى حدٍ ما

ظهوري الأول الحقيقي بعد تمام تسع أجيال



أنا آسف إتأخرت عليكي في الرسالة الأولي

الأفكار مكانتش راضيه تتكتب جُمل موزونة

الأرض بدأت تخلص فالناس إتسعرت إجمالاً

الكوكب أصبح ضلمة و بدأ يسكت آله آله

كل ما زاد الوضع سوء سطوري بتغلي في عينهم

لو كل قريش سادة مكانش الدين إنتشر بينهم

كل شئ نسبي لكن إجتمعت الإختلافات

علي كون الإختفاء لكبر علو قرب مش إختفاء

دايما شبه بعض بس العيب في عينك إنت

أي جُملة في التراك تتقال في أي حتة

إنتي شعري و بيتي مكانك بين الورقه و بيني

مفيش حاجه مبتعرفش تبقي شبهك انتي في عيني

دايماً ربطانا حاجة حتي لو ملهاش مُسمي

بكتبلك إنتي بمعني مُختلف عن معني العامة

من غير ما أقابل خِضر فيا موسي بعد سفره

يونس في بطن الحوت مش في التخلي عن اللي كفروا



مبقتش أشك إنك هتفهم من كُتر اللي فاتك

زي ما تقول الوقت إتأخر علي إنك تعيد حساباتك

لو عيشنا قد بعض كانت المعاني وصلت

المضحك إني قلت كل حاجة و برضه حصلت



خليكي في نفس السنة لحد ما أجي متكبريش .. وعد

سيبي الأرض تلف نوعين اللف و ما تلفيش

الإختلاف هنا كالعادة قتل الرضا ، مفيش سعادة

تجربة ألف سنة بدون تراب عالجت نعامة

اللوحة دي لحبيبتي طفلة بتغرق بين الموج

الطفلة تبقي حبيبتي و هي طفلة و أنا الطوق

مضربش المثل ليه بوساخة اليهود في سطوري

روح هات كلام إلهي عنهم و أقعد فهمهولي

و أنت فعلا أنا طريقك بس الكُفر طريقتك

مش أنا إبن الإله مع إني بكفر عن خطيئتك

في موناليزا متدفنش إلا أما عينيها تغمض

تحدي الساعة البيولوجية كان في صالحى مرة

مواردنا بتخلص , متوسط أعمارنا بينقص

النظام بيأخر البشر اللي بدأت ترخص

بس و لا أحنا أول بشر و لا عايشين في آخر عالم

مفيش يوم كبرته مش مبعوتلك في الرسالة



مبقتش أشك إنك هتفهم من كُتر اللي فاتك

زي ما تقول الوقت إتأخر علي إنك تعيد حساباتك

لو عيشنا قد بعض كانت المعاني وصلت

المضحك إني قلت كل حاجه و برضه حصلت

الجوكر - ٣٠١٥ eljo0oker 3015

جواز صالونات _عفريت و ميرا امام

lyrics & rapping : basma 

mix & mastring : Fox kotb 

Fe Elkosha ..في الكوشة

عصفوره حكيتلي إنها فى يوم عدت من جنب غرزة
فوجئِت بإن الله والرُسُل والوجود أغلب ما يُذكر
شافت من كل سن كل شكل ، واللى رابطهم
جايين ينسوا الحياه اللى شيلتهم فوق طاقتهم

وقالتلي إنها إتفاجئت فى المدرسه بإن التلاميذ
جايين لكل غرض تتخيله إلا التعليم
بس قالتلى: فى وسط السيرك شوفت طالب علم بجد
منتبه للشرح ، بيكتب ، وملوش أى دعوه بحد

للأسف تانى مره شافت الطالب ده بكِت
كانت طايره جنب قسم صُدفه وفوجئت لما لقت
ظابط بيكهرب الطالب ويقوله علشان تبقى
تكتب "وطن بلا تعذيب" كويس على تيشيرتك

وحكيتلى إنها فى يوم كانت على شجره قدام باب
مستشفى ، شافت دكتور خارج مـ الإستقبال
و واحده ماسكه فيه .. بتقوله: أرجوك ، جوزى بيموت
قالها: وأنا نالي يا ستّي ، هدفعلك من جيبي فلوس ؟

صعب توصف الحياه فى شكل مُعادله فيزيائية
سيمفونية ، كل آله فيها تبانلك عشوائيه
مفيش حال بيدوم ، والتغيير ملوش قانون
لا الوِحِش بيفضل وِحِش ، ولا هدايته شيئ مضمون

العصفوره غابت عنى يومين ، ورجعت بحكايات
منها إن واحد من مجموعة الغرزه مات
وواحد تانى فاق ، قال: يا إخوانّا كفايه نسيان
بس دماغهم أعلى من إنها تستقبل الكلام

وفى شارع لقت خلق بتهتف "تسقط الداخليه"
طارت ورا المُظاهره ، وعند القسم وقفت هىّ
لما لقت كل واحد لابس ميري بيغيره
وياويل اللى كان بيعذب ناس ، وفى ناس حافظين منظره

أما الطالب اللى إتعذب فرد فى مجموعة سلمية
الدرع اللى حمى القسم من الأعمال التخريبية
أول ما إتصاب برصاصه قالت: هيموت من الإهمال
استقبله طبيب حقيقى مخدش نفسه إلا أما فاق

طارت شافت ناس محتاجه تحس بـ الناس المحتاجه
شافت كتير منكرش ، لكن مشافتش كل حاجه
سألتنى عن نظام الكون ، قلتلها: هما دول
كل فرد إختار لنفسه شيئ ،إختار لغيره مليون

صعب توصف الحياه فى شكل مُعادله فيزيائية
سيمفونية ، كل آله فيها تبانلك عشوائيه
مفيش حال بيدوم ، والتغيير ملوش قانون
لا الوِحِش بيفضل وِحِش ، ولا هدايته شيئ مضمون
________________________________________­______________

Symphonia

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - Symphonia L الجوكر - سيمفونية

Eldawe&moamen mt5afesh الضوي و مؤمن متخافيش

Offical Video Clip - 7OZZ - Hosam Salah - قوللها 
https://www.youtube.com/watch?v=H6-sP6PWqVU
بعد بعدك بقيت في غربه 
كنتي موطني وانتي ساكنه جوا مني 
كنا بنرسم ونلون ونخطط وندون 
كنا بنهون على بعض دنيتنا الصعبه
قوللها فجأه صحيت لقيت مفيش حد فالبيت 
وبعد مكنتي محتلاني !! فجأه أُحتليت 
من السكوت والتفكير ،، وازاي بقيت لوحدي اسير ؟
قوللها ياإما تحرريني ،، او دليني على طريق 
اسير فيه ونساكي !! وزاي اتنفس غير هواكي 
ازاي بعد مكنت اهواكي ؟ دلوقتي بتمناكي ؟؟!!!


قوللها طب فاكرا القمر لما بينا بيكتمل
يشهد الليل والنيل وتشهد حجات ماتتقول
يشهد علينا عنتر وعبله ويشهد بحر إسكندريه
ولما قلتي أنت ليَه , ليه دلوقتي نتفصل ؟؟
طب فاكره الكليه وعلشانك فاتني كام إمتحان
ولما بتمسح إيديك عرقي لما بكون تعبان
من وقفتي فالشمس و, وأنا مستنيكي من الدرس
قوللها كنتي زي بنتي حنانك كان ليا أمان

7OZZ   قوللها  RAP

Ahmed Kamel - Khayef Mn Bokra  أحمد كامل - خايف من بكرا

الــكــلــمــات❤

المنبه رن ، لكن الهدف من الصحيان سخيف
تكملة النوم مش إختيار ... المستقبل مخيف
مفيش جنب بترتاح عليه عشان سريرك حجر
مشيت ورا كل خيط ، وإنجازاتك ... رف بكر

حتى القهوة بتستناك تسرح للحظه عشان تفور
الطفل اللي خاف م الضلمة كبر بقى يخاف م النور
أول ما بتبقى إنفراد ، وباقي بس تشوط
بتبدأ تسأل نفسك عن حقيقة الوجود

الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش .. جيت جهنم الإنتقام
قسوة العلامة إنها بتمنع رحمة النسيان

خلي نصك يسأل نصك عاد علينا ايه من جريه؟
مادام بنعيش نفس النهاية في آخر السيناريو
وليه بنكون أشخاص مش احنا طول ما الضوء علينا
آدي تاني منبه رن لا مننا نمنا ، ولا صحينا

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

ولد صغير .. حلم كبير ، ولما كبر الحلم مات
عجيب ضعف البشر ، وعجيبة قوة الكلمات
كلنا أسباب .. ده صاب عشان ده خاب
بس طول ما البشر سلالم إعرف إن اللي فوق كلاب

ملحقناش نشوف النور ... وصلنا والشعاع مكسور
سيبنا الأرض لأجل بذور ... رجعنا لقينا الأرض بور
والأوضاع متحسنتش ، لكن مبقيتش صاحب قضية
مضيت على إن مستقبلي مش أحسن من ماضيا

أسيب الجامع أقلع القفطان ... ألبس قبطان
أسوق سفينة .. تغرق .. أرقص رقصة القرصان
بطريقة غير مباشرة الدنيا قالتلي أقف بعيد
لما كل شىء قربت منه مات ببطئ شديد

هعمل ايه في قفص بجناح؟ .. سؤال ايه اللي انا جوابه؟
تملي في إيدي في مفتاح معرفش بابه
مقدرش أختار ما بينكوا ، وأخسر نعمة المحايد
حب واحدة ميتنسيش بواحدة ... يتنسي بوحايد

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

نفس المطعم ، والأوردر .. متخاطرش دقيقة
طعم الملل أحلى من خسارة جديدة
رص مزيد من لا شىء ... مزيج من الحمول عليك
بص .. عمرك من قدامنا عدى .. نسيك ده ولا ايه؟

بتعمل مش مهتم ، ولا مش مهتم فعلا؟
ضد أو مع الغريزة لما الموجة تعلى؟
الأقوى دايما صح ، والأضعف مقالش أشمعنى
مهو لو كل واحد طلب حقه .. الدنيا مش هتسيعنا

قريتنا وش فقر ، وناسها وش خوف وجهل
البنا ما بينهم صعب ، بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة

كل عيون كلاب حارتنا مفارقتكش لحظة
مخالش عليهم إنسحابك قبل كل رقصة
عيب المبدأ إنه فضحي ، والذكاء له ريحة
مهما دبحت نفسك مش هتبان دبيحة

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

El Joker - Met.hamesh L الجوكر - متهمش

Met.hamesh L الجوكر - متهمش

السبعاوى العظيم   دكتور فشل ٢ ft. نيره

Track By : Nour Mekkawy
Lyrics By : Nour Mekkawy
Prod By : Abdalla ElBob
PosTer By : Ahmed Essam

Intro ..

جواك كلام كتير عارف لسة مراحش تأثيرهم ..
حسيت بالإهانة وسطيهم فا بدل متقول هسيبهم ..
لقيتهم بيحششو فا جربت عشان تبقي انت بينهم ..
لقيتهم بيزنو فا انت زنيت عشان تساوي تفكيرهم ..




Verse 1 ..

يا تري زعلان !! عشان ملقتش حد صاين ..
عادي و ايه الجديد دا حتي ضلك خاين ..
مهما عملت عشانهم .. برضو محدش جمبك ..
لا و جرّب مرة تقل هتعرف اد ايه قلوبهم جامدة ..

"انا عمري ما غلط ف حد" .. مهيا دي المشكلة ..
لو مكنتش مثالي اوي .. مكنش زمانك نكرة كدا ..
شايف نفسك مثالي .. لكن ف نظرهم دا كله مرض ..
مسمي نفسك طيب !! يبني خلاص الطيبة Expired ..

جيت علي سعادتك عشانهم برافو عليك بأمانة ..
مبروك علينا جدعنتك .. اتفضل شهادة "خيانة" ..
في المصلحة هيصاحبوك و هياخدوها و يسيبوك ..
و يصاحبو غيرك لنفس الغرض و هيسيبوه زي ما سابوك ..


متفرحش بكونك ملاك .. مهو مفيش في الدنيا جنة ..
ربنا منزلنا الدنيا ك "غضب" .. فا عيش شيطان تتهنّا ..
طب اقولك علي العمل !! اقتل خيرك بشرك ..
انهش لحم صحبك خلصت !! اكسر عضمه بالمرة ..




Verse 2 ..

هيثبتوك و يضعفوك فا تبقي موجود لما يحتاجوك ..
و يركنوك و يكرفوك و فوقت المصلحة هيكلموك ..
مش شرط تبقي معاهم كويس عشان تكون إدمان ..
مالناس أدمنت السجاير مع إنها بتجيب سرطان ..

لما القطة كلت عيالها عشان تحميهم محدش حس ..
مهو القاتل هيفضل قاتل حتي لو كان دفاع عن النفس ..
خليك زي الصقر لما بيجوع بيصطاد فريسته ..
طاير في السما كله نفسه يوصله و هي دي ميزته ..



هتديهم كل حاجة و هتخسر نفسك من غير ما تحس ..
دا حتي الأخ ف يوم هيقتل أخوه لجل الورث ..
سيدنا يوسف ب طيبته مخدش المقابل اللي مستنيه ..
دا القريب قال "نرميه" ف حين الغريب قال "اكرميه" ..


ف قاموسك انت مهم .. لكن ف قاموسهم انت ستبن ..
و مهما قلت مش هتقتنع و هترجع تاني تحن ..
بيستخدموك عشان يعدو .. فوق متكنش ليهم جسر ..
صحابك بيرنو عليك !! و رجعنا لنقطة الصفر ..

 Enjoy .. 💜

No'tet Elsefr | نور مكاوي - نقطة الصفر

Black Fox _ loser| بلاك فوكس _ قالولي فاشل 


دي الاغنيه عاليوتيوب 
https://youtu.be/BcGZ3AL6lEw

Follow me YouTube

https://www.youtube.com/channel/UC6pnX3Y_SeYbw1FkLLq5OiQ


Follow me Facebook 

https://m.facebook.com/Black-Fox-1772239583081297/?ref=bookmarks

Follow me Instagram 
https://www.instagram.com/black_fox_music_88/

كلمات الاغنيه


V1 
بتقولو عليا فاشل طول الوقت 
كرهت حياتي منكوا اتخنقت 
مع انكم لو فكرتوا  دقيقه
ان انتو عالم سازجه دي الحقيقه 
وقعتوني في ضلمه مش عارف اطلع 
قرارات غريبه ختدها مش عارف ارجع 
انا خلاص عايز اطلع لفوق لفوق اطلع 

Ch1 
انا الفاشل قالولي فاشل تعيش وتموت 
فوسط الضحك انا ببكي من غير صوت  

V2
يبني دا قدرك ونصيبك اكيد كده كده هيصيبك 
خليك مومن بربك واعرف انو مخلقش الناس علشان يتزلو 
خليك علي يقين ان الطريق مليان ازاز وحفر وشوك وحريق 
متزعلش علي الماضي ولا تتوقع المستقبل خليك في الحاضر الحاضر الحاضر الحاضر الحاضر الحاضر 

Ch2
انا الفاشل قالولي فاشل تعيش وتموت 
فوسط الضحك انا ببكي من غير صوت 


V2
يبني اقعد مع نفسك وراجعها ومتقعدش تقلب فيها مواجعه

غيرك وقعوا في الحفره وباتوا فيها وغيرك لما طلعو موقفوش عليها
Ch3
انا الفاشل قالولي فاشل تعيش وتموت 
فوسط الضحك انا ببكي من غير صوت
انا الفاشل قالولي فاشل تعيش وتموت 
فوسط الضحك انا ببكي من غير صوت

( Voice ) 
وايه يعني فاشل مكلكوا فاشلين 
كلكوا عاوزين تعيشوا عيشه اجانب 
وتموتوا موته اولياء الله الصالحين 
بكرا نشوف فاشل هتتقال لمين

Black Fox _ loser| بلاك فوكس _ قالولي فاشل

(انا بسمه بغنى #راب (عفريته


Fe Elkosha ..في الكوشة

BASMAA ABD ELSALAM

Recent comments

ما وراء الحجاب

Ram150

Tota Ahmed

Yc Al Haram ✪

Related tracks