انا

الشاعر هشام الجخ
 متزعليش 

متزعليش لو يوم قالولك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق

حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش

ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو

كل أصحابك عابوه
أهو غار في داهيه
وبكره يركع تحت رجلك سيد ابوه

بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟

بس كان بيبان عليه
لما اسمك ييجي في الكلام 
تلمع عليه

بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش

مين كان يقول إن النهايه تكون فاشوش ؟؟

أنا لسه فاكر وقفتك وسط البنات
فاكر هدومك وابتسامتك والكلام
حتي السكات

لو كان فراقنا صحي فيكي كام وجع
أنا كل ليله بتدبح من الذكريات

أنا عندي ركن بحط فيه كل الحاجات
كل القصايد والألم 
كل البنات
جيت اركنك جواه ... رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش

أنا لما ثبتك ... كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت

حسيت كإني نهيت حياتي ... خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره .... مفهمتيش

الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك .... بالسلامه

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش

وإن جم قالولك إنه مش باين عليه أثر الفراق

متصدقيش

هشام الجخ - متزعليش

خالد الجليل-وقال فرعون ذروني اقتل موسى

سورة الكهف كاملة بصوت الشيخ خالد الجليل(( جودة ممتازة ))

ايوه بغير ....... الشاعر هشام الجخ

سورة لقمان | بصوت القارئ محمد جبريل

هشام الجخ يبكي وفاء الكيلاني بقصيدته عن الأم

تلاوة من سورة لقمان بصوت قيس هائل .. روووووعة !!.mp3

اللي خلقك حنين عايز راحتك فيها .. وانت مش مخلوق علشان تتعذب فيها!

تتر برنامج "فن الحياة" - مصطفى حسني - رمضان 2016

( قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم) سورة الزمر

قرآن كريم - خالد الجليل  قل ياعبادي الذين أسرفوا على أنفسهم لا تقنطوا من رحمة الله

Sandy - Mohbata / ساندي - محبطة
From Album Ahssan Min Kiteer من ألبوم أحسن من كتير 
WWW.SANDYSTAR.NET
https://www.facebook.com/Sandystar.Net 

انا

Ana Wega