جبت اخري _ راب حزين

غناء : شهاب ماريو
الحان : كمنجه حوز
تاليف : شهاب ماريو
تسجيل حسام صلاح
مهندس صوت : الديشه

لوحدى - shehab mario - Lw7dy - راب مصرى حزين 2015

Official Video Clip : https://youtu.be/nePh0zcbQc0

الذكريات سابت اثر فوق جبين السهرانين 
الطمعانين ف لحظه واحده للرجوع 
طعم الدموع معتق فى التلت الأخير 
وازاى هننسى و احنا السهرانين 
بنعد كام وجع فى الذكريات الموجوعين 
طعم السهر .. ريحة المطر .. احساسى عالى بالخطر 
يادروب ماليها الخوف لكل روايه 100 بطل 
يا نيكوتين يا مونس وحدتى ارسم حروفها
غنيها ف عز ليلك يمكن مره تسمع صوتها 
شكلها ع الأزاز . صب من دخانك كاس 
عيش عشان تموت ف ميعادك حى مفارق كل الناس
يابراح العاشقين مكانى فيك بعته و قبضت التمن 
قبضته سهر خد بالباقى قله امل 
ياسكون الليل سكنى فى طيفك و انا راضى بالألم 
يا دخان اتكتم شكلنى بكيفك فوق جبين العدم 
انا ابن السهر انا غلطه بين الليل و القمر 
انا اللى اتكسر 
انا ضهر خيل اختاره القدر 
ـــــــــــــــــــــــــــــــــــــــــ
Mahmoud Salah 
وبشوفك فى كاس الخمره و انا بشرب عشان انساكى 
و دموعى العاهره بتنكرنى و بتحلف انها فكراكى 
و سجايرى اللف.. من كتر اللف .. رسمت صورتك فى الدخان 
العتمه براح مفهاش الوان 
و الليل سفاح بقلب جبان 
و القهوه زياده مفهاش سكر 
ال بن بيخلينى افكر 
ازاى هنساكى مع انك مرسومه فى الكاس كل ما اسكر 
ـــــــــــــــــــــــــــــ
Tito Devilz 
يانجوم سهرانه بتبكى 
يا جروح عشمانه تطيب 
يا كمانجه دايره تشكى عزفك من هيجيب حبيب 
لما النهار يموت الليل يفلت زمامه 
يدور ع الونيس ما يلقى غيرى لساه مكانه
ضحكك حزين يا ليل متعايرنيش انا ونيسك 
كل اللى ناموا من الوجع انا الوجع خلانى اجيلك 
انا اللى صبرت على الوحده و ع الفراق و عليها 
لملم سوادك و امشى الشمس هتشرق من عنيها 
ـــــــــــــــــــــــــــــــــــــ
Mahmoud salah 
ششششششششش
مش عايز صوت 
اطفى المزيكا 
وقصايدى خلاص مبقتش اقولها بقت انتيكه 
ملعون الحب اللى جمعنى بعيون بكت قلبى سنين 
و انا ياما كتبت و مين يسمعنى 
ملعون الشعر على الدواوين
ملعون حبك اللى منعنى اكون واحد من العاشقين 
ملعون الشعر و اغنيه راب 
ملعون الخمر عشان كداب 
و المجد لفنجان القهوه و سحايرى اللف و للنيكوتين

Beat : Free 
Mix Nd Master Tito Devilz 
انتاج : راديو بحر 

نيكوتين - Tito Devilz Ft Mahmoud Salah

محتاج أشكي همي توزيع جديد راب حزين -

Rec&Mix&Master : Yousef Jo®
Vocals : Yousef Jo
Prod : الورشه Beatz
الكلمات
ــــــــــــــــ
ركز معايا دقيقه واحده البس السماعات هقول اغنيه راب 
حاببها ومش حاباك فاكرها ومش فاكراك 
روح بات ... بعيد عن كل واحد قالك انت فاشل 
غافل..في كل تصرف غبي عملته زمان 
فبان .. كل صاحب مش جدع بتاع مصلحته 
لو حد قالك عايز امشي سيبه يمشي براحته 
عارف موضوع عن صاحبك لما فتحته جرحته 
كسرته .. فوسط الناس وفوسط الشله 
ياقله .. بتعلمه يعمل كرتله بورقه يشرب او بفله 
بتقوله بيع دراجز لو حلمك تسكن ف فله 
دوس ع المنفله بسرعه بقيت بتهرب 
من الحكومه ...الناس ملمومه 
قولي شكلك ايه قدام عيلتك واصحابك
وحياتك بتضيع منك صاحبت صاحب سوء 
عرفته زمان ياما الظروف مرمطت جدعان 
ياما ناس شبهك هتموت وهما مش فاكرين ايام زمان الله يرحم الجدعاان
____
بدات افوق من الغيبوبه بعد ما صاحبي مات
اخر صوره فاكرها لصاحبي وف ايديه الكلبشات
اتوكلي محامي كبير وخلاص خلصت من القضيه
قولت هروح الوكر خلاص هتخلص من كل الكميه 
ـــــــــــــ
فوقت الحمد الله قولت انا فين كنت سجين
ببيع هروين 
خلاص ماهو ضاع عليا تعليم السنين
بعدت عن صحاب السوء خلاص ربنا هداني
كنت ف سكه اللي يروحها مبيعرفش يرجع تاني 
لقيت امي بتقولي رجعت بالسلامه يابني 
كل اما افتكر شكلك وانت مدمن بقعد ابكي 
عيني كنت بقول حبيبتي هتبقي تملي معيا
لقيتها سابتني فجاه واحنا لسا ف اول الحكايه 
ياعين ياليلي ليلي ليلي فين صحاب زمان 
ما نا قولت قبل كدا الظروف مرمطت جدعاان 
كان نفسي اغني راب بس لقيت فيه ناس كلاب
بيقولولي بطل اخرك يسمعوك الحيوانات
هات اخرك معايا مش هبطل اغني طول مانا عندي
حتي شخص واحد بيستناني و بيسمعني
هيلمعني وهكمل بيه لاخر الطريق 
وهعيش انصحه طول حياتي كل اما الدنيا عليه تضيق
___
بدات افوق من الغيبوبه بعد ما صاحبي مات
اخر صوره فاكرها لصاحبي وف ايديه الكلبشات
اتوكلي محامي كبير وخلاص خلصت من القضيه
قولت هروح الوكر خلاص هتخلص من كل الكميه 
ـــــــ
Face : www.facebook.com/Yousef.Jo.26

صاحب سوء | جو القبطان

الويتويوب https://www.youtube.com/channel/UC064aKyBHqcJxrLAyblMTjQ

كلمات ادم الشاعر . اتفرقنا . 1 مروان علي . 2 هشام اتش 3ادم الشاعر . 4عمار ابراهيم .5كامل احمد
كلمات :
و زي كل يوم أنام مخنوق واقوم متضايق
غايب .. لا خايف من الدنيا دمع عنيا مني سايل
مش مرتاح .. في دماغي وش و صوت خناق
.. حبة كلام وهبقا تمام

مُغيب مش فايق بسهر يوماتي و اعمل ناسي
ساكت ..غرّك شكل الضحك بولع وانا من برا عادي
انت هُنت و انا مش باقي معدش باقي مني حاجه
كل صحابي صاحبوا صحابي انت لواحدك ضلك سابك

.. مزيكاتي ببيع الهوا
كله اتنسى ، عاشرت في ورق .. كله كويس الا انا
عايش بس عشان اتساب كانت لعبه و مش حباك
مهما هتنده مش سامعاك مهما تقرب بقت بايعاك

أنا صوت مكسور من كتر البكى ف آخر كل ليل
أنا وش بـ وش مجعد بسأل نفسي اتسابت ليه
كُنت في سحلة .. دوقت ف ماده طلعت سهله
..! " ضيعت في مغنى .. لكن حصل " و اتفرقنا

-

يا جفن لسة مَتغفلش بتبكي زي ما انت
يا نبرة صوت مكتومة بـ 100 مخده فـ سكة عتمة
يا ست الحسن فينك القلوب دبلت و اشتاقت
يا ليل واسيني ع اللي راح فـ دنيا ضاقت

وشّي باهت .. و معدش باقي غير غناوي 
مع إني صوتى رايح قلبي بيحكي كتير حكاوى
كسر الي باقي عادي وامشي يعني جت عليك
ياما المادة ودت ناس فـ سكة سد أخرها حديد

اطفي اللمض وعتم اكتم حسك حبة
كنت صاحي و كنت بنده بس روبانزل كانت نايمة
جوايا ناس بتكسر بعض فـَ وشي شقق
كنت بشد و كانت بتشد لحد ما ضلع فـ جسمي اتمزق

استني .. بغلطت فـ عارف آخرى جهنم
حالتنا مبتسمحش إن إحنا نضحك غير بالمادة
آمنت بدين الدنيا بس الدنيا طلعت كافرة
" كله شاف طريقه فـ ثانية كنت لوحدى " و اتفرقنا


كنا كل يوم فـ حتة ، هما سابوا و احنا سيبنا
كنت بضحك كُل صورة واقول اهى بكرة تروق وتحلى
كنت جدع وسطهم مع إني مكنتش حتى فارق
حتي اللي قرب مني خدله شوية و راح مباعد

بنعاتب .. بنعاتب فـ اللي اتبقي منّا
حبة نبكي و حبة نفرح بس نسيب الليل ما بنا
بشرنا مش دايمالنا غير إن كسور بتجيب أجلنا 
كل اللي قال فـ حالي مكنش فـ حاله و كان فـ حالنا

و اتسحلنا .. و الليل بارد مَبَقاش يعدي
شكلي شاب و لسة بدرى و طول بعادنا ما كان بيدى 
و اللي سابني بكلم نفسي بكرة يرجع و يقابلني
و اللي فاتنى عشان مصلحته خلاص فـ داهية و مش شاغلنى

وسيبنى .. سكة و انت معدتش منى
قربنا كتير أنا و إنتي و النصيب مكنش حاببنى
عيني كانت بتدمع كل ما كنت بفتكر أيامنا
" الزمن بخّر وعودنا واحدة واحدة " و اتفرقنا

-

الدنيا علمتنى اكسر فـ اللى منى
منا أجدعهم والبعد بيننا مكانش هاممنى
مش بياع محبه انا مش بعاشر خلق سالكه
مش محتاج لكتف يسند كنت ماشي برجل عارجه

فاكره ؟! .. طب شوفتي كنا فين و بقينا فين
مـ القريب لـ القلب عمره ما غاب ف يوم ع العين
و موج البحر لو عطشان مَيتسقيش بـ الندي
جفف جفونك لاجل مـ تجرى بينهم من غير اذى

كتر الكلام بيقل و السهر بيشل و البعاد بيمل 
و القمر بـ غيابك يرجع تاني يعود
متعجز بدرى بدرى كأني شاب خايب شكلي فايق
وشّي دايب و أنا و رب الكعبه لوحدي بموت

و البطل مات في آخر الفيلم
سُبحان من كان ف ايدينا و بقي آخرتها يزورنا ف حلم
فـ اتعلمت .. إن اللي سابنا سببه غبائنا
" كنا واحد بس الحظ خاننا " و اتفرقنا

-

و اتفرقنا " كإن مكنش بيننا كلام و اتقال زمان "
و اتسوحنا كإن كنا بنعشق بعض فـ سكة شمال
و اتعشمنا فـ اللي كان و كان و عرفنا إن العشمان يتهان
و إن اللى راح مع اللي ساب بيرجع تانى ياخدله مكان

حبيت فـ بنت كحلا و الوشوش خدّاعة
خبيت وجع حدايا فـ زحمة ناس بـ قلوب بيّاعة
و اتنسيت .. حنيت لأيام ما كنت صغير
كان غريب عليا إنى أكبر وسط أشكال غاويين أذانا

و عادي يعنى .. فجأة سابتني و فجأة سابني 
عمر الليل ما كان بيسلّي و عُمر الناس ما حبّت شكلى
بين مشاكلى .. شيلت هم مَكنش همى
غمى غمى يا دنيا غمى .. أنا ضحكي مش بيخبي وجعى

و شبه ماشية .. الدنيا بتلففنا فـ دايرة
و زي ما نكون حابّين عيشتنا كده فـ وسط ناس منافقة
كان بيننا عُمر و كان بيجري و إحنا سرحنا
" مش بكدب إحنا كنا فـ حُضن بعض " و اتفرقنا

كلمات ادم عماد . اتفرقنا . 1 مروان علي . 2 هشام اتش 3ادم عماد. 4عمار ابراهيم .5كامل احمد

الكلمات
#OmarAhmedFarg
شب في يوم كان نفسه
بيكمل نفسه وبنفسه
عشان ملقاش بنت الحلال
الاهل عليه كانو بيقسو
كان شغال وبيتمرمط 
كان بيموت وبيتخبط
كان بيكفح في الدنيا
وله حاجة كات في تاثر
#MedoHalawa
شب من الشباب حب ياناس بنت السلطان
تقريبا كان مغيب او ممكن يكون سكران
كان شغال سب الشغل وبقي يعزف مزيكا حزينة
بقي زيو  ماريونت مرمي  في البترينا

بنت السلطان اميره ومحدش يتقارن بيها
كان كل يوم سكران في القصر عشان يبص ليها 
وكل مره يخاف يقول ويعزف المزيكا
ماهو عارف لو اتكلم اني نهايتة هتبقي حزينة

ولما فاق لوعيه رجع تاني لابوه وامه
نفس الكلام يضيقه بس المرادي محروق قلبه
ونبي فككو منا بقي كفاية انا تعبت
انا بسهر بالايام وبشرب خمره انا سكرت

الاهل استغربو ازاي يكون ده المكافح
ولما عارفو منو سابو عن نفسه يدافع
ابو خده في حضنه وقال له يبني بكره تروق
اصحي يبني اصحي فوق
 اصحي فوق
يغنيك ربنا عنها صدقني يبني بكره تروق
#OmarAhmedFarg
كان بيحارب الدنيا
عشان ياكل لقمة عيش
ولما حب بنت حلال
نصيبه سابه مشي مرديش

انا اللي حاربت الظروف
انا اللي كرهت كلمة خوف
انا اللي عشت عمري بلاش
لحد منا بقيت مكسور
لحد منا بقيت مكسور
................
شكر خاص لميدوو التتار طبعا :)

Singer :MedoHalawa Ft.OmarAhmedFarg
Artist : Medo Halawa 
Rec & Mix & Master By : Medo Halawa (الشاعر) ®
Prod By : Mohamed Mahmoud
Poster By : Medo(التتار)
All CopyRights@Medo Halawa

Medo Halawa - Bent El Sultan | ميدو حلاوة - بنت السلطان Ft. Omar Ahmed

Writen By : mahmoud khalil & Medo Halawa
Composed By : Medo Halawa
Singer : Adham Atef Ft MedoHalawa
Produced by : Golden Media
Music Production : Medo Halawa
Recorded By : Medo Halawa
Saxphone : Medo Halawa
Lead Giutar : Medo Halawa
---------------------------------------------------------------------
Song Lyric:
ماعدش رجوع 
وضِلعى  من الأحضان  مخلوع
ومش ندمان 
يا ورد رمشهُ على خدى أنا دبلان
مفيش إنسان عاش زيى بوريد مقطوع 
محدش عاش قدي اهات ودموع

مفيش موضوع يحنن بتر دام بينا 
مفيش غير شوك كان و أتزرع مِنا 
مفيش أحلام ظلمها الشوق 
بكون مخنوق بقول يارب وبوص لفوق

النصيب مجرد كلمه نداري بيها ضعفنا ..
مع ان لو بصينا  للعلاقه نلاقي حبنا .. 
مع كل ثانيه بنا هيضعف فكره بعدنا .. 
وهنقرر نعيش مع بعض لباقي عمرنا ..
ولسه هيا نفس الصوره ولسه الحلم منتهاش ..
و فأايدك دبله مني وبأعلى صوت محبتهاش ..
يااااه ياما كان نفسي اعيش معاكى لباقي عمرنا .. 
لاكن غبيه فضلت المال على حبنا ..
ولسه بردو ياقلبي جبان بتحبها .. 
ولسه بتغلط لما تيجي تنده حد بااسمها .. 
ولسه صورتها في خيالك كل يوم بتوجعك .. 
ولسه الذكريات الحزينه بتوقعك ..

هسافر تانى على أوضتى
وأفر فى شات نهايتهُ دموع 
وقلبى لو إليكى يجوع 
هقولهُ خلاص
ماعدش رجوع ?
---------------------------------------------------------------------
https://www.facebook.com/anamedohalawa1
01024428054 
01102397005
#MedoHalawa #M3adshRgw3 #معدش_رجوع

MedoHalawa Ft Adham Atef- M3adsh Rgw3 | ميدو حلاوة - معدش رجوع

Zizo  راب حزين  2013 ...لحظه زهول

Artists :keto 
 Rec.mix.master :mesho (بحار)
  poster : keto
 lyrics :keto
my Facebook  : https://www.facebook.com/keto440 
--
للتواصل واتساب :01147480994 
_________
lyrics..
من تاني نفس الليالي بغني ليك ياغالي.. 
نسياني واتعودت اشوفها ف حضن حد تاني.. 
قساني البعد وحوا مش وحشاني.. 
كنت فاكرها جنه وهي هلاك بالحب كانت سماني.. 

،،،،،،،،،،،،
وانا... 

لسه فاكر كل حاجه كانت   مابنا ...
منستش حاجه ولا حتا ناسي يوم محلمنا.. 
تكوني ليا حلال وسند تكوني ام عيالنا..
يلا بناقصه مش فاكرك اصلا ولا بتمنا ..

،،،،،،،،،،،،
لو يسالوكي عني قوللهم وسخ هو اللي خان.. 
 من غيرك عايش صدقيني والدنيا تمام.. 
 نفسي ارجع انسان طبيعي زي ما كنت زمان.. 
اتنين جوايا عايشين ف صراع وانا تعبان
......

دي النهايه الكل كان حابب اذايه.. 
الدنيا معنده فيا حبه وجعي دي الحكايه.. 
كان نفسي بس اعرف مين عليا ومين معايا.. 
وحشني حضنك ياما وحشتني منك كلمه ضنايا ...

،،،،،،،،،،

 عدي عليا حاجات ومن ساعتها قلبي تاب.. 
فراغ جوا دماغي لما قالولي احمد صحبك مات . 
ضاع من حياتي وخلاص هعيش ع الزكريات ..
صحبنا راحواا للي خلقهم وهما لسه ف العشرينات.. 
،،،،،،،،

الحب اتبخر عمال اففكر وانا بتحسر.. 
وشي بان في الشقوق زي ماكوون مريض بالكانسر.. 
مش بتبتر ضهري اتكسر لكني يارب خايف اكفر.. 
اتوضي وصلي لرب الكون واستغفر عشان اكفر.. 

استنيت واتغبيت ..من الطيبه عشان حبيت..
مشيت وسبت البيت من عقلي خلاص انت اتمحيت.. 
استكفيت واتربيت لما هي غابت وانت مشيت.. 
وانا.. 
جبت اخري انا انتهيت..  
،،،،،،،،،
  .. 
حكم الدنيا عليك مش تقصيد تدفع كاش.. 
الحب باش سبته لاجل فقره وقال مكملناش .. 
عاش وسط حيره بيقول كرهها وهو مكرههاش.. 
محبهاش !! عدي وفات ولسه منسهاش

,,,,,,,,,,,,, 
..وانا 

لسه عايش والدنيا حلوه ولسه تمام..
مش عاوز اللي فات يرجع زي ماكان.. 
زمان راح لحاله مش هرجع للي باع خان.. 
مش ندمان واي يعني مش قولتي عليا شيطان.. 

,,,,,,,,,,,,,,.. 

 .مكنتش فاسد ولا حتا عالم كنت غبي.. 
اما اموت واكون ف قبري متنسنيش والنيبي
.. 
 الحزن جمبي قاعد حتا للفرح كنت فاقد....  
 زهدت الدنيا واتخنقت ف كآبتي كنت راقد ..
 
......
مليش مكان ف الدنيا ياما عبوني لاجل فقري.. 
مع اول نفس ليا راحو مع دخان سيجارتي  .. 
عجوز ف صورتي  مش مبسوط ياما ف موتي.. 
كسروني وشمتوا فيا مش حبني قطموا ضهري
...

بص بعيد مفيش حد فيهم فضل جمبك.. 
العيب ف النفوس صدقني يابني مكنش منك. 
سواد وضلمه الهم زاد جوا قلبك.. 
السم  كل يوم يزيد وانت لسه لوحدك
.........
  .لو البعد حل والفراق نصيب لاربع سنين ..
مكنتش هسال نفسي كنا فين وبقينا فين.. 
حلفت ميت يمينن مش هنساها ليوم الدين..
وخلصت الحدوته و بشكي همي ف كام تراك حزين ..
.....
 فيلم السيما خلص حتا النهايه كانت حزينه.. 
 قريبه اوبعيده مش فارقه بقيتي  غريبه.. 
حبي كان جريمه وزكرياتنا كانت وبقت قديمه.
نفس الفصيله كانت رخيصه و كنت عملك الف قيمه
  ...
  ....  
  ......
شاطره ف المثثيل وكانت ليا زي الورده.. 
فقره ف مسرحيه طلعت غبي يادي الحسره.. 
  نهايتها كانت دبله بحبي ليها طلعت كافره...
..وصحبك بكره يبيعك ويضحكلك ضحكه صافره
.......

  مش متغربل ولا متغفل لجرحي كنت فايق.. 
  الدنيا حلوه وكله تمام صدقوني مش مدايق.. 
ف تلت دقايق حكيت كتير عني حقايق ... 
في الهم كنت غارق وسندك لما الكل فارق ..
.....

 هبقا بكرا حاجه وهي هترجع مش محتاجه ...
 كنا غلابه واحنا ف غابه لازم نكون زي ااديابه... 
 ماشيه بالمقلوب زي  الملك وانا والكتابه.. 
 اسف ع الازعاج ليالي ابو الكآبه ..
 .......

AHMED KETO  "الصياد"  ◾ليالي زمان 2◾ ◾lyaly zman 2◾

Written By: El-3atar
Music: Free Beat
Vocals: El-3atar - Michael Makram
Recording: Ekramy Abdo
Master And Mix By: Mahmoud Alaa

من زمان انا بغنى بتكلم فى فن الراب...بخرج كل كلمه مصحوبه فيها اكتئاب...نقضت كتير حاجات اكيد كان منها البنات...اتكلمت عن غلابه بياكلوا زباله مش كباب...وانهارده جى اتكلم بس انا عن الصحاب...اسمع منى القصه ديه واهدى واسمع من سكات 
صاحبى من زمان معايا من ابتدائى...اعداديه ثانويه بيس وقشطه وكله عادى...حاجه ليا حاجه ليه على طول على بعضنا ننادى...والمعامله حلوه بينا دى كانت قشطه بالزبادى
اول سيجاره اشربها ديه اكيد كانت معاه...حشيش وبيره وخمرا واى موقف مش بنساه...شباب بقى لازم نجرب اى شئ نلقاه...لاكن دلوقتى خلاص بقينا نبص للحياه
انا بطلت كل حاجه اتنست خلاص...لازم اشوف مصيرى اخاف على نفسى اكون حساس...مش بفتى مش بأفور حتى ابقوا أسألوا الناس...مبدأى حاجه واحده هى الصدق فى الاساس
وكتير كمان كنت انصحه واعقل فيه...بجد كان صديقى وعمرى مره ما اشتم فيه
حتى بعد اللى حصل اكيد كمان مابينا...يخربيتكوا نسيتونى يخربيت سنينا...هحكيلكوا كل حاجه بس أوعوا تناموا ننا...هحكيلكوا من البدايه بس هحكى سنه سنه
صاحبى غاب كام يوم سألت عنه قاله سافر...من سبع شهور لحدلوقتى لسه فاكر
بعتله رساله عالنت فينك يامان...مردش قلت لنفسى بلاش اكون زنان 
عرفت من صحابنا انه سافر غصب عنه...اصل امه حقيقى بجد كانت مخنوقه منه
وبعديها بفتره عرفت انه جاى قريب...قلتلهم جاى امتى عايز اعرف امتى طيب
قالوللى الشهر الجاى شهر ثلاثه يوم ثمانيه...عارفين متاكدين والحكايه كانت باينه
ولما الشهر جه وجه يوم الخميس...قلت اسال عليه صاحبى لازم اكون حسيس
قالوللى مانعرفش جه ولا مجاش...قلت استنى عادى واسكت 
ماحبكهاش...خبر بفلوس دلوقتى بكره يبقى ببلاش
قلت افتح النت وابعتله كمان رساله...لقيته عملى ريموف انا قلت لنفسى استحاله...وسكت فجأه انا ودماغى فضلت شغاله
قمت بعتله رساله بسرعه فينك ياشبح...سألت عليك كتير لحد لما صوتى اتنبح
لقيته بعديها بعتلى انا رساله...فيها كلام غريب انا قلت لنفسى دى اشتغاله
بيقولى فى البدايه اسمع منى يابن الناس...ركزت فى الرساله فضلت اقرا وبحماس
لقيته انه كاتبلى ماقدرش اكلم حد...كنت بضرب معاه وبس ده كلام بجد
اسمع منى يابنى ده احسن ليا واحسن ليك...ناقص كمان يقلى ابعد عنى الله يخليك
قمت رادد عليه وقايله ربنا معاك...كان نفسى بس اسأله من كلامك ايه قصدك...بس لو قرارك ده هيكون فى مصلحتك
امشى الطريق اللى انته فيه ومش هقفلك فيه...من انهارده فى قانون انا هامشى عليه...اعرف صاحبك اللى بجد وتعلم عليه...ماتبصش للى باعك ولا حتى تزعل عليه
مع انى بجد اتصدمت تانى صدمه ليا...اول صدمه ديه كانت موت واحد عزيز عليا...والصدمه التانيه كانت هى قله صاحبى بيا...بجد اتصدمت انا من القله ديا
بس عادى جدا مش زعلان خيرها فى غيرها...اى زعله فى النهايه اكيد هيكون مصيرها...انسى اى حاجه حلوه معاه انا عاملها
انا كل اللى مضايقنى انه اقرب حد ليا...مكنتش مره اصدق انه فى لحظه يغدر بيا...ده كان بيدافع عنى يرد غيبتى يخاف عليا
اصعب حاجه ان الصداقه اللى اتبنت...تقوم فى لحظه واحده تروح وتمشى وانتهت...واى حركه جدعنه بينا تبقى اتنست
كفايه خلاص ياقلبى ماتفتحش فى الجراح...انا مخنوق بجد ونفسى فى مره انى ارتاح

7ekayty Ma3a Sa7by - حكايتى مع صاحبى

For Business :- 01102397005
For Business :- 01024428054
♥ '- https://www.youtube.com/c/StudioSong -'
♥ '- https://www.facebook.com/anamedohalawa1 -'

Medo Halawa - Bent El Sultan | ميدو حلاوة - بنت السلطان Ft. Omar Ahmed

MeDoHaLaWa - ميدو حلاوة

Related tracks