ولو نطرتي هي يبست ساقي 🥀

هالبحِر أبيض وبتعرفي الباقي

@Katbi x @AlDarwish

Music Prod. 
@Katbi x @ProfJustinMedia

كلمات
 
السم محطوط بالنبيد، لنه ما عم نشرب مي
قلت اراك في الجحيم، ليكنا رحنا بشربة مي
كل ما احكي بقول ليه حكيت، شكيت بحالي كني المي
بعابيصك دروس لي، بروس لي، صرت المي

صرت المي
عالمي صغير وانا اكبر شي، فعملت محيط وصرت المي

غرقي باعماقي،  هون بكتم صدى لي بنادي
شوفي كيف مغموره قلوبهم فمافي دموع يتحسروا
غرقي باعماقي،  هون بكتم صدى لي بنادي
دلقيني بفاز بورغيزي، مالي ضلوع يتكسروا.. شوفي كيف بلويهم
انسيابه غير لبق، يعني، بيخنق لي حوليو
بدلعوه ه٢و، لنه، مافيك تخلق حدا زيو، لا لا
من منظار جيمز ويب، او، شوف منظار غاليليو
قابليني بوسط محيط
حتى لو اني مو المهرب الصح
ليأسك ساعي بريد
حطيها بقنينة وكبيها بالبحرة
فلتانة الفلينة عن قصدها
عسى تتلاشى سكينة النص 
لؤلؤ بلح بالقلب
والسماء انعكس رهينة للميه
غرق نورها بالغرب
فالقمر وانا رقيصة عطية

صرت المي
عالمي صغير وانا اكبر شي، فعملت محيط وصرت المي

البحر أبيض
هي عضام أخواتي
قلوب اللي راحوا
والصبر الباقي
هي المي نقعة وراقي
هي المي دقي بس تشتاقي
وجعلنا منها كل شيء حي وبتعرفي الباقي
اللي بياخده الموج صدّقي ما بترجعه الساقية
ولو سكرتِ ما بيرجعه الساقي
ولو نطرتِ هي يبست ساقي
هالبحر أبيض.. ولك أبيض.. وبتعرفي الباقي
بلم ولا بابور هي صبر الميمة على فراقي
وبوهران ولّا مرسين روحي هنيك عم تنادي
للمي: حرية، أزادي، خديّن عالبر ورجعيني ع بلادي
اسقيلي العطاشى وعبيلي الزوادة
وصليّن وصليّن لا موجك لا عتمك ح يضيّعن عن بابي
وصّيتك بناسي وصيتك بناسي وصيتك بناسي
وصليّن وصليّن لا موجك لا عتمك ح يضيّعن عن بابي
وصّيتك بناسي

السم محطوط بالنبيد، لنه ما عم نشرب مي
قلت اراك في الجحيم، ليكنا رحنا بشربة مي
كل ما احكي بقول ليه حكيت، شكيت بحالي كني المي
بعابيصك دروس لي، بروس لي، صرت المي

صرت المي
عالمي صغير وانا اكبر شي، فعملت محيط وصرت المي

Comments

Arbad

3mar,006

مارين

مارين

مارين

مارين

مارين

مارين

مارين

مارين